مسدسى الروم بعد التعديل

[princee_ahmed]

يا جماعة الخير السلام عليكم

عندي مداخلة صغيرة (استحملوني):

اولا :في حاجة اسمها المسلمات (بضم الميم) يعني الحاجات التي لا تقبل نقاش ويجب التسليم بيها زي الايمان بوجود ربنا ,الرسل جميعا بما فيهم سيدنا محمد عليهم جميعا الصلاة والسلام ...الخ من هذه المسلمات (طبعا ده بالنسبة للمسلمين وانا معنديش علم اوي بس اكيد في مسلمات برده عند اخواتي من الاديان الاخرى زي المسيحين او اليهود ) المهم ان اي شيء ماعدا معتقدات الانسان الدينية المسلم بيها هو شيء قابل للنقاش (من باب الجدل الموصل لنتيجة باءذن الله)

ثانيا :لازم كلنا نتفق على مباديء ومفاهيم واحده ميختلفش عليها اتنين زي (مبدأ حرية الرأي) وبالتالي عدم المصادرة والقبض على كل من يحاول المشاركة برأيه او فتح حوار في اي موضوع

ثالثا :كل طرف في الحوار عليه انه يقدم وجهة نظره في الموضوع فقط لاغير وليس في صاحب الموضوع عشان نتناقش بهدوء وتحضر

رابعا :كل طرف مشارك في الحوار اما بيكون واحد بيعرض فكرته او تجربته , وطرف رافض الفكرة او عنده فكر مضاد, وطرف مؤيد وطرف معارض واخيرا المراقبون (الناس اللي بتتفرج وتحاول تفهم وغالبا بتنحاز في الاخر لأحد الاطراف)

احنا شعب متحضر وان شاء الله نحاول نفهم بعضينا ونسمع يعض اكتر اكيد هنفهم بعض

شكرا لكل الاخوة

احمد التركي