رسالة للجميع وخصوصا اخي المحترم

[Eng Badran]

السلام عليكم سأقوم بالرد علي الجميع ان شاء الله تعالي في مشاركة واحدة توفيرا للحبر هههههههه
اخي الكريم عبدالله انا سعدت جدا بحضرتك وبمعرفتك وانت فعلا انسان اكثر من محترم من تعاملي معك من خلال التليفون وفعلا عرفت عن طريقك ان الاقدار قد توقعك في خيرة الشباب وكنوز الخلق والذين لا يعوضون باي ثمن او باي سلعة

اخي الكريم والكبير قنصل - اسمحلي اناديك جدي علي سبيل الهزار لو كنت تأذن لي - كنت اول ما قال كلمة طيبة في الموضوع وكنت اول من فتح نفسي اللهم ارزقنا جميعا الارتياح للناس

اخي الكريم شور .. اقسم لك بالله لم تتضرر سلعتي اطلاقا بما قالوه - بل بالعكس تحقق قول الله تعالي - ويمكرون ويمكر الله والله خير الماكرين - ونعم بالله تعالي

اخي الكريم وليد عادل .. اقسم لك بالله انا قبل ان اعرض السلعة لفيت لفة محترمة في المنتدي وشفت كل الاسعار الموجوده سواء اللي حالتها اقل من حالة سلعتي او احسن حالا منها من نوع رمسيس 1 واقسم لك بالله وامامك المنتدي ودور فيه براحتك لو لقيت حد عارضها اغلي مني يبقا ليكم الحق والكلام والاعتذار ومستعد ارجع الفلوس للاخ الكريم عمرو صادق عن طيب خاطر ونفس فهو انسان قمة في الاحترام والاخلاق وانا سعيد جدا بتعرفي عليه

الاخ الكريم حازم .. والله لو تشوف كم المكالمات اللي جتلي هتعرف قد ايه كان الطلب عليها .. ولم تحدثني نفسي في ان اعدل المشاركة وارفع السعر كل ما عدلته فقط كلمة واحدة - لو في توصيل للقاهرة معلش مش هيكون في تفاوض - والتفاوض كان كرما لحضورة للزقازيق فالراجل في بلدنا وجايلي مخصوص فلازم يكرم -- وبالطبع اهل بلدي لازم يكرموا .

اخي الكريم رمزي .. نحن فعلا نتعلم الاخلاق من اصحاب هذا المنتدي الجميل ومنكم جميعا ومن كبار المنتدي

اخي الكريم ان نون .. والله الكرم كله تعلمتة من اهل المنتدي فالكرم ليس كله اكل وضيافة بل تعلمت هنا عدم البخل في المعلومات وعدم التأخر في تقديم الحلول ..

الاخ الكريم احمد رأفت .. هما فعلا ولله الحمد خدوا حظر من المنتدي بكل مشاركاتهم وتم تطهير المنتدي ولله الحمد من الناس اللي بيشتروا سلاح من بتوع روبابيكيا

اخي الكريم وليد عز .. اطال الله في عمر ابائي فلولا الله ثم هم لما وصلت لما وصلت اليه وبارك الله في اباء الجميع واعمارهم ورحم الله من توفي منهم واسكنهم فسيح جناته

الاستاذ محمود صالح .. الاخلاق تعلمناها منكم ومن حسن تعاملكم معنا ولم يؤثر اطلاقا تعرض هؤلاء الحثالة القلة الذين لا يمثلون الا انفسهم ولا ينفعون احد بل هم ينقزون - اي يقفزون - من موضوع الي موضوع ومن قسم الي قسم - مثل الجرذان .. وقد تم ملاحقتهم في كل مكان .. قسم قسم .. رد رد .. رسالة رسالة .. زنقا زنقا .. الي الامام . الى الامام .. الي الامام .. حظر حظر