ترسانتى المتواضعة من البنادق

[dr mohamed kamal]

العرائس كانوا زعلانين إمبارح عشان أعدين فى البيت ونفسهم يخرجوا ,طبعا أنا بخاف عليهم من الحسد ,وقلت لهم كل إسبوع واحده ,وكان أمس الدور على الديانا 54 إير كينج وقلت أخدها لفه فى الشوارع المحيطة بالعمارة ,وكان الوقت بعد صلاة الفجر بنصف ساعة وكانت الحصيلة 9يمامات من 10 طلقات والعاشرة لم تذهب هبائا ولكن كانت من نصيب فار ضخم كان نازل على ماسورة صرف لعمارة مجاورة ونزل مقفول محطش منطاء ,وفجاءة حصل المحظور بوكس شرطة كان ماشى بشارع النزهة جاى من ميدان الجيش وكان فيه ظابط المباحث لقسم الظاهر, نزل وترجل حتى وصل لعندى وقال صباح الخير وطلع الكارنيه من غير ما أطلبه فقلت أهلا وسهلا وقال الصيد ممنوع بين المساكن لحسن حد يتعور ولا حاجة قلت فى نفسى أهجم على طول ومدلوش فرصه و ردت وقلت ,أولا أنا طبيب إللى حيتعور هأعالجه ,ثانيا أنا صياد من30 سنه ولما كنت بالجيش أخذت شهادة تقدير لمهارتى بالرماية ,ثالثا لما حد يجى يبلغ ويعمل محضر تجيلى وده منزلى ودى شقتى وإسئل عنى الحى كله ,رابعا مرورى بالشوارع فى هذا الوقت المبكر جدا حماية للحى من الحرامية والبلطجية وإنت عارف الظروف الحالية,وما كان منه إلا قال شكرا ياباشا ونفسى أكل يمام معاك ياباشا وأتمنى لك صيد وافر وأنا سعيد بمعرفتك ياباشا ,قلت الشرف ليا وإن شاء الله قريب جدا ناكل يمام وإستئذن وإنصرف ,وكانت الناس إبتدت تمشى وأصبح الصيد صعب ,فطلعت البيت بالتسع يمامات وده كان يوم الديانا 54 ,تحياتى للجميع