حتي لا تتضارب المصالح

[Mahmoud]

و انا كمان بضم صوتي لصوت أ/ msa بس بنضم صوتنا علشان ايه علشان يبقى فيه ديمقراطية في اتخاذ القرار ، علشان يبقى امرهم شورى بينهم ، مش علشان نهلل بافكار اخرى و نفضل نعترض بشدة على كلام الناس و خلاص انا بأوافق هذا الرأي و غيري يتفق معي و غيره و غيره حتى يصل العدد المتفق لعدد اعلى ممن اتفق على فكرة اخرى فتكون الفكرة المتفق عليها طي التنفيذ
هذه هي الديمقراطية ، عرض الرأي و تقبل الرأي الاخر مش اني افضل ازعق و ادافع عن فكرتي و مسمعش افكار الناس التانية
ياريت نحاول نطور من نفسينا و نقف على حيلنا و نواجه عيوبنا و نصلحها ، دايما بيتقالي الناس في اوروبا كذا و كذا و الناس مش عارف فين متحضرين و محترمين ، اشمعنا المصري لما بيسافر البلاد ده بيبقى قمة في الاحترام و قمة في التحضر ، خلونا نسمع بعض و نقف في ظهر بعض ، نصلح عيوبنا مش نفضل نعلم على العيوب و نتصيدها لبعض و خلاص ، نفسي اشوف المنتدى ده اجمل منتدى للصيد ، فكرته هتكون منارة للامة العربية كلها هيكون انعكاس للمصريين عند العرب ، هيكون حاجة كدة نفتخر بيها بتضم اعضاء اجمل هواية و ارقى رياضة
سامحوني لو كنت زعلت حد بكلامي
بس انا فعلا غيران على المنتدى لأنه اصبح قيمة كبيرة جدا عندي