الصقر البلدى ؟ 2?

[xXHEMAXx]

بسم الله الرحمن الرحيم
انا الحمد لله اشترات صقر من سوق الجمعه ب 25 جنيه وهو صقر بلدى شبه ده

وانا حماتو بس بحس انو جبان شويه خايف منى وده الطبيعى السؤال بقى
ابدء معاه ازاى ايه اول خطوه اعملها ؟
وايه لزمت البرقع ولازيم اشتريه ولا ممكن اربيه عادى؟
افيدونى افادكم الله

[neno neno]

تدريب الصقر دة مش محتاج برقع لسهولة السيطرة علية الخطوات كالتالي
1. ان يتقبل الصقر اولا ان ياكل من يدك
2. ان يتقبل ان تمرر يدك علية بدون ان ينزعج
3. بعد انتهاء خوفة لا تطعمة الا عندما ياتي على يدك وتبدا معة بـ 20سم بعد و ان تكون يدك بها طعام
4. ابعد له بالمسافة وكرر ذلك يوميا لمدة شهر
الطيران خارج المنزل .....................................

[xXHEMAXx]

هو فعلا بقى ياكل من ايدى وببعد الطعام عنه بس مسافه قريبه جيدا وبيقفظ على يدى وياكل بكل اطمانان بس انا بستخدم البرقع لعدم طيرانه او محاولة طيرانه
بس مش شايف ان تدريبه شهر كامل كثير جيدا انا فاكر 10 15 يوم بالكثير
وانا بفكر كمان اصتاد بيه صقر كمان بالطريقه المعروفه وانا حاطيت عليه البرقع افعل ذلك ولا لاء

[neno neno]

تمام يا باشا انت كدة في الطريق الصحيح ،ياباشا شهر عشان اول ما انت تشورله يجيلك و ميبقاش في فرصة امامة للتفكير في الهرب ، اهم حاجة متشورلوش اللا وفي ايدك اكل (صغر قطع الاكل جدا علشان فترة تاكيلة تطول )

[xXHEMAXx]

بس مش عاريف بحس سعات انو بيتاخر مش بيدادم سعات القيه يجرى منى وميقبلش انى اشيلو وسعات عادى مش عارف ليه وفى حاجه كمان بعملها انا بفضل ملبسو البرقع طول اليوم ده كده غلط
وفى حاجه كمان سعات بوريه لاصحابى وكده ده كده غلط ولا صح

[neno neno]

المفروض تنادية باسم مع الاكل (و تكرره دائما مع كل قطعة لحم) بكدة تعمله ارتباط شرطي بين الاكل و الاسم و ايدك
و بكدة اما انتباهه يتشتت تناديله يبصلك ، مع العلم بان الصبر و التكرار الصقر بيتعلم
اما بنسبة للبرقع انا قلتلك ان الصقر البلدي (العاسوق) يسهل السيطرة علية من غير برقع
و انت صح بنسبة لاصحابك لازم تعودة على الناس و الزحمة

[ابو الشوق]

مفيش يا جماعة كتب بتتكلم عن الموضوع دة ؟
موضوع الصقور شادد اهتمامى وعايز اطلع علية اكتر

[Amrelabody]

ده بياكل بكام في الشهر؟؟؟

[xXHEMAXx]

لاء ياباشه مبيكلش زى ماانت متخيل ده مش كلب ده كائن صغير جميل بيتشال على الايد ديما وبطيره ويرجعلك حاجه فى قمة الروعه سبحان الله ولازم تجوعو جامد علشان يسمع كلامك ويطير عليك ياكل من يدك قول مثلا كيلو يكفيه شهران مثلا ولا مش عارف بالظبط تقريبا

[neno neno]

اولا فى كتب عن الصقور
الصقر البلدي بياكل ربع كيلو كبد وقوانص كل 10 ايام
لا تاكل الصقر حتى يشبع

[xXHEMAXx]

ياجدعان الصقر ربطو جامد فرجليه ورمت فكات الرباط وربط رجليه الثانيه بس الورم مبيخسش مشعارف اه الى جرلها ومبقاش زى الاويل بيطير عليه جامد مش عارف ايه الى جرالو
وهو انا مفرض لما ااكلو يبقى انا وهو بس ولا حد معانا عادى؟

[neno neno]

الرجلين ليها ربطة محددة بدبارة او جلد و مش مادة بلستيكية ولا حديد
- فك الرجل الورمة و اربط الثانية

[xXHEMAXx]

مانا عملت كده بس رجلاه الورمه حاسيس انها مبتخفش كده هوا بيستخدمها بس بصيط وبقيت احس انو بيكسل يطير عليه ياكل من ايدى لازم اقربلو
وفى سؤال هل هذا النوع من الصقور اخرو يستلد ايه حمامه ولا عصفوره ولا مش بيصتاد

[neno neno]

النوع دة اخرو يصتاد سمان

[xXHEMAXx]

اه صحيح كنت عايز اسال على حاجه هوا فى حاجه انا مبعملهالهوش مش بضربو بيها الى هيا بربط حتت لحمه فلى حاجه شبه العصفوره واخليه يطير عليها دى لسا معملتهاش
هتقصر على تربيتو ولا لاء؟
ثانى حاجه انا بضربو منغير جونتى عادى ولا لازم جونتى؟

[neno neno]

التلواح دي مرحلة تانية بعد ما ياخد عليك و يستجيب للنداء دون تردد
و عموما في الاول بتجيب جناح حمامة و تجففه و تحطله فيه اكل و تخليه يصطاده

[xXHEMAXx]

ماشى 1000 شكر يباشه على المعلومات القيمه وكام سؤال تانى
هل رجل الصقر هتخف ان شاء الله ولا لاء ؟
هل ينفعه اصتاد بيه صقر غيره ولا لاء لو ينفع بطريقة النقل صح؟ الى هيا اربط فى قدمه جناح مجفف فيه حتت لحم وفيه خيات كتير صح كده ولا لاء

[رفعت]

انا بفكر اشترى واحد من سوق الجمعة فى صقور كتير منهم البلدى ب15جنيه و الباز ب150جنيه و صقر الشادف ب50جنيه اشترى انه واحد فيهم

[xXHEMAXx]

هل رجل الصقر هتخف ان شاء الله ولا لاء ؟

[رفعت]

سوال هو ازاى بفرق الدكر من النتاية فى الصقر البلدى

[smsmn8888]

بصراحة موضوع مشيق جداا زبفكر اني اجرب القصة دي بس للاسف معنديش اي خبرة في الموضوع تا ولا حتي عارف هو بيتمسك اذاي ولا اى كلام من تا وعايز اعرف انا لو اخذتة معايا وانا بصطاد ممكن بعد ما اضرب الحمامة يجبها ولا لا سوال يعني معلش اتنين ان لو ربتة لا زم اسيبة يطير كل فترة بس في امامي غية حمام ممكن يخلص علية ولا اة القصة معلش اخوك اول مرة يفكر في القصة دي ولو جيبتة وحطيطة في قفص زى العصافير ينفع يعني؟

[eng_ahmed]

والله موضوع جامد جدا انا الموضوع دخل دماغي بشراسه وعاوز نصحتكم اه هي افضل ارخص الانواع؟

[يوسف خفاجي]

اسلام عليكم انا يوسف لسه جايب صقر بلدي النهارده ب40جنيه ومش عارف ااكله ايه او اشربه ازاي وعايز اضربه وشكرا ولو سمحتو الرد بسرعه علشان عايز اعرف اكله