نداء اخير لهشام سمير

[zezo bose]

يا هشام انت لما بعتلى البندقية التزمت باى عيوب صناعة ولما شرحتلك ان الناشيناكاة الخلفى فيه مشكلة وانت جربت بنفسك صح و تعهدت بتغييرة بس تكون عامل حسابك فى بضاعة وانت نازل طنطا الكلام ده مر عليه شهر ونص وبتدينى مواعيد اونطة رجاء عيب سمعتك كتاجر المفروض تكون اكبر من كده رد يا اخى بس لا تستهن بالناس مش بيعه وهنجرى وعموما لعل وعسى النداءات دى تكون مؤثرة وتتجاوب معانا يا سيدى رجاء خاص البندقية بالوضع ده مالهاش اى لازمة فياريت يا اما تيجى تاخدها ومش عاوز فلوسها يا اما تغير الناشينكاة الخلفى وامرى الى الله انا اتعقدت منها صراحة وياريت اى حد عضو زميل فى المنتدى يعرف هشام او قريب منه ينبهه لهذا النداء لكى يتجاوب معانا وعلى فكرة كلنا مشغولين وعندنا اشغالنا والتزامتنا المسئولة ياريت تتجاوب معانا او تفضى نفسك لشكاوينا يا هشام رجاء تحياتى
رجاء خاص من الادارة عدم حذف اى جزء من الموضوع لانه لايوجد به اى اساءة لاحد بلفظ او تجريح ودى شكوى للمنتدى كله حتى الادارة ولو حد فى الادارة له علاقة بهشام ياريت ينبهه يا جماعة ان الموضوع ده مش كويس فى حقه وشكرا

[عبد.الرحمن]

ربنا ما يجيب زعل يا جماعة

وإن شاء الله أ/ هشام يرد عليك وبصراحة لا أسمع عنه إلا كل خير


وأكيد سمعة التاجر تفرق معاه كتيررر

تقبلوا مروري

[ashraf_f]

بالعكس هوا شاب مؤدب جدا بس علشان هوا من البحيرة مش من السهل السفر علشان حاجة صغيرة اكيد هو مستنى يجمع كام حاجة و انا هكلمهولك \ ان شاء الله خير

[Max.1]

ان شاء الله ربنا يسهل الامور و ميجبش زعل

[hogan]

الله اعلم بظروف الناس جارى نقل الموضوع الى الشكاوى

[zezo bose]

يا جماعة ما تنقلوش الموضوع رجاء علشان يبقى فيه تجاوب اكتر ومشاركات توضح الشكاوى وحلولها رجاء

[هشام سمير]

ولاً استاذ وائل طبعاً من المعروف عن الكرال كدا
ثانياً انا غير ملزم بتحمل (عيوب شركه ) المستخدم الاخير هو وحده اللى بيتحملها وخصوصاً لو كانت البندقيه دى كرال
ثالثاً انا قلتلك هغيرلك النشكان كرم منى والله العظيم تقريباً فيه خساره بعد تغيير النشنكان
رابعاً .. انا مش هنزل طنطا مخصوص علشان ابدلك نيشان
خامساً ولله الحمد ان الوحيد اللى بحط ضمان شخصى مفيش محل غيرى بيعمل كدا مع انى ارخص سعر فى مصر والحمد لله
ساساً .. انا قلت لحضرتك شرفنى المحل وانا ابدلهولك فليه الافتراء اصلاً
عذراً لانى انفعلت بس فعلاً اسلوب حضرتك مستفز

[zezo bose]

تم حل المشكلة مع هشام والراجل لم يقصر ابدا ولظروف خاصة ونلتمس العذر كان سبب تاخير رضة وقد تم حل المشكلة وشكرا ويرجى غلق الموضوع من الادارة وتحياتى