طلعه ساعتين مع أ.جاسر

[aymank2]

سلامى لكل الصيادين المحترمين النهارده فكرت بدل ماأنزل اصتاد لوحدى انى اخد جاسر ابنى 6 سنين معايه علشان يبداء يتعود على موضوع الصيد وعلشان برضه يونسنى بدل ماطلع لوحدى بدانا صيد الساعه 6.30 ومع اول نشان يمامه هيد شوت بس انا طبعاّ مكنتش قاصدها هيد شوت وعم جاسر شاف الدم من هنا وركبه سابت مع انه اسمه جاسر واخد بالك انتا ههههههههه بس الحمد لله ابتدى يتعود بعد كده وخليته يمسك اليمام وهو لسه بيفرفر. فى اول ساعه ونصف تم صيد عشر يمامات سته قدرت اجيبهم واربعه وقعو ورا اسوار الفلات كان فيه حمام كتير بس انا بصراحه خفت اضربه علشان ميكونش بتاع حد وفيه جوز حمام انا متأكد انه برى علشان كان معشش فى تكيف تحت شباك ازاز واستنيته اكثر من ربع ساعه متحركش من مكانه بعد كده عم جاسر اصر انا احنا نروح البيت قعدت اسبت فيه علشان الصيد كان حلو بس من ساعت مابداء زن وكله بقى ضرب فى الريش اكثر من سبع يمامات ريشو مع انى جربت النشان على حاجه ثابته علشان اتاكد من انه مظبوط رحت واخد عم جاسر ومروحين الساعه 9 كنا فى البيت . اسيبكم مع الصور الى ياريت تنزل علشان ديه اول مره انزل صور فى المنتدى.