طلعة عند

[أبو صفية]

السلام عليكم و رحمة الله و بركاته

أنا بقالى كام يوم ما بخرجش أصطاد و النهاردة رحت أنا و واحد صحبى نشترى سمك من صياد من بحيرة المنزلة جبلنا شوية سمك صغيرين و فيهم 4 شبارات و بيقول دا الكيلو من الشبار لوحده بى20 جنيه قلتله ليه دا إحنا بنصطاده قلى مش دا و لا الحجم دا يطلع بصنارة قلتله لا بندقية ما صدقش و بعد ما رجعنا كانت الساعة بقت 11 الصبح و الجو نار و الفلاحين كلهم بيروا عشان يزرعوا الرز يعنى لو طلعت حبقى عارف إنى محجبش حاجة أعدت متردد شوية و بعدين رحت متوكل على الله و خرجت صحيح السمك كان قليل أوى بس أهو ربنا رزقنا بقا شوية صغيرين و أهم أحسن من مفيش و خاصة إن موسم صيد السمك بالبندقية عندنا قرب على نهايته مفيش بقا غير لما يفطموا الرز فى شهر 9 و بصراحة إفتكرت كلام أحد الإخوة بخصوص التعبان الى كنت قابلته المرة الى فاتت بصراحة رحت و كنت واخد بالى قوى لكن ما لقيتهوش شكله أعد يستنانى 3 أيام لما زهق مشى بس لقيت مكان الدنانين نحلة رزلة جدا أعدت تجرى ورايا و تخبط فى وشى وكل ما أبعد عنها تجى تزن على وشى خلعت الطقية و أعدت أضربها و لكن للأسف الشماسة بتاعة الطقية و أنا بحاول أضرب النحلة خبطبها قرطى ( جبهتى ) و إحمرت و ورمت قلت لنفسى هيا الحتة دى شكلها مش كويسة معايا و ما كدبش الى قال يا نحلة لا تقرصينى و لا عاوز منك عسل