موقف غريب فعلا ويفطس من الضحك

[القبطان المصرى 77]

السلام عليكم ورمة الله وبركاته
اولا اكيد فيه ناس كتير هايفتكرونى باشتغلهم
او بمعنى اصح فيه ناس هاتقول عليا ده راجل( نتاش ) او ( فشار )
وده طبعا من كتر المواقف الكوميديه اللى باحكيها كل فتره
وهايقولو معقول بيحصل معاه كل المواقف دى بجد
لكن عموما
اقسم بالله ان دى فعلا مواقف بتحصل معايا فعلا
وانا فعلا حاسس ان ملازمت المواقف الغريبه دى ليا حاجه غريبه جدا
وانا بجد باحبكو جدا وباكون سعيد لما احكيلكو كل حاجه
واهى فرصه كلنا نضحك شويه وننسى همومنا

المهم
ده موقف برده حصل معايا انا وصديق ليا
وكنت باصطاد انا وصديق ليا من فتره بالليل
واحنا من هواة الصيد ليلا بالكشافات
انا كان معايا بندقيه نوريكا 56
وهو معاه بندقيه bsa k6
المهم اول شجره دخلنا عليها هى شجره فيكس كبييييييييييييره اوى اوى قعدنا يجى ربع ساعه ندور فيها على يمام ملقناش حاجه خااااااااالص
وفين وفين بعد ماخلاص هانسيبها ونمشى ونشوف غيرها
لمحت يمامه فووووووووووووق اوى على ارتفاع عالى شويه
قعدت اتخانق انا وصاحبى مين فينا اللى هايضرب عليها
ونظرات تحدى بقى وكده

وفى الاخر اتفقنا ان انا اللى هاضرب
واخدت وضع الاستعداد ونشنت تماااااااااااااام اوى وضربت طااااااااخ
ايه اللى حصل بقى
اليمامه ريشت وطار منها ريش كتيييييييييير اوى و
طارت وراحت بعييييييييييييد واحنا بنتابعها بعيوننا وبالكشافات ومتحسرين عليها

المهم هو بصلى بعتاب وهزار فى نفس االوقت وقالى
( مش قلتلك سيبنى انا اللى اضرب ياحول )
هههههههههههههههه
هو ملحقش يكمل الكلمه وسمعنا صوت خروشه كتيييييييييير اوى فى الشجره
فى نفس المكان اللى ضربت فيه فى الشجره
وفجأه
وقع من الشجره فوق دماغى يمامه ( قمريه ) بتطلع فى الروح ولقيت طلقه فى نص صدرها بالظبط
جت منين دى الله اعلم
احنا شوفنا المنظر وقعدنا نبص لبعض باستغراب
وقعدنا نبص حوالينا نشوف فيه حد بيضرب تانى غيرنا
ولا ده عفريت ده ولا ايه مش فاهمين
وكنا فى مكان مقطوع فى وسط الغيطان
بصينا للمنظر
وهاااااااااااااااااتك ياضحك وقهقهه
ومن كتر الضحك رميت البندقيه ووقعت على الارض ومش قادر امسك نفسى

وفضلنا على الحال ده اكتر من نص ساعه من الضحك الهيستيرى
ومش عارفين نصطاد
وفى اليوم ده رجعنا ومكملناش صيد لاننا معرفناش نسيطر على نفسنا من كتر الضحك
ههههههههههههههههههههههههههههه
واظن اللى هايقرى الموضوع ده اكيد هايقول انه ممكن يحصل فى الافلام الهندى بس
لكن والله ده اللى حصل معانا
وعمرى ماهنسى الموقف ده طبعا
وهو انك تضرب على حاجه
واللى يقع حاجه تانيه خالص انت اساسا مكنتش شايفها
وعلى فكره عشان محدش يقول عليا اعمش ولا احول
انا الحمد لله كويس فى الرمايه يعنى
اتمنى يكون الموقف عجبكو