|
بنادق ضغط الهواء ومتعلقاتها معلومات عن بنادق ضغط الهواء والرش ومستلزماتها. |
مشاهدة نتائج الإستطلاع: ما رايك في هذا القسم | |||
ممتاذ | 5 | 100.00% | |
جيد | 0 | 0% | |
إستطلاع متعدد الإختيارات. المصوتون: 5. أنت لم تصوت في هذا الإستطلاع |
أدوات الموضوع | إبحث في الموضوع | انواع عرض الموضوع |
08-03-06, 09:02 PM | #1 |
صياد متفاعل
|
اى مساعدة
يا جماعة اى حد عايز اى مساعدة بخصوص اى نوع من انواع بنادق ضغط الهواء اى نوع او حتى مسدسات الرش والمناظير والاكسوارات كمان يكتب استفسارة وانا على طول هرد علية وديلة احسن اجابة ونصيحة.
التعديل الأخير تم بواسطة moustafa_hunter ; 08-05-15 الساعة 10:44 PM |
sponsor links |
08-03-06, 09:19 PM | #2 |
صياد جديد
تاريخ التسجيل: Mar 2008
المشاركات: 1
معدل تقييم المستوى: 0 |
استفسار بخصوص gamo1250
انا متشكر علي المنتدي الجميل ده الي سمحلي بالاشتراك فيه والتعبير عن الصيد الي انا مدمنه جدا وبصراحه ده المنتدي الوحيد الي انا لقيته في مصر بيتكلم عن الصيد عشان كده انا متحمس قوي انا عندي استفسار عن بندقيه نفسي اشتريها من مصر من عند فتح اللله ومركتها gamo 1250 ارجو سرعه الرد يا مصطفي
|
08-03-07, 12:41 AM | #3 |
صياد متفاعل
|
gamo 1250
Hunter 1250 Hurricane - .177Cal 1250ft/sec .22cal 920ft/sec
Single shot, Break barrel - single cocking system, Automatic cocking safety system, Cocking effort: 58 lbs. Barrel - precision rifled steel, Accuracy 0.20" groups at 30 yards (center to center) Trigger: 2 stage. Manual safety, Weight - 9 lbs, Length - 48.5", Muzzle break: doubles as a handle for cocking, Trigger pull - 2.64 lbs Rear sight - adjustable micrometric for both windage and elevation. Steel with choice of 4 notch shapes Stock - fine selected grade of beech hardwood, Butt plate: ventilated rubber for recoil absorption, Cheekpiece - raised Montecarlo Checkering - laser carved. لقد احسنت اختيار بندقية GAMO 1250 انها تعتبر اقوى بندقية ضغط هواء لشركة GAMO وهى صناعة اسبانية سرعتها 900 قدم فى الثانية عيار 22 اى نمرة 2 و 1250 قدم فى الثانية عيار 177 اى نمرة 1 وخلى بالك انت مش هتقدر تستفيد من قوة البندقية الا اذا استخدمت طلق او رش من الوزن التقيل على شان KINETIC ENERGY (الطاقة الحركية) بتاع الطلق يزيد على شان كل ما تكون الطلقة اخف كل ما يكون ارتتطمها بالهوى اقوى كل ما يكون مداها ققصر دة من جانب القوى, يسلام بقى لو ركبت منظار اذا عرفت تجيبوا هتحصل على اشد دقة للبندقية على بعد 30 يردا ممكن تضرب 5 طلق على حجم 0.20 بوصة وعلى فكرة تعمير البندقية دى صعب جدا محتاجة قوى شوية والامان بتاع البندقية دى ممتاز قدام الزناد على طول والدبشك بتاع البندقية دى على نقوش عند مسكة اليد وفيها MUZZLE BREAK على شان يسهل تعمير البندقية. البندقية GAMO 1250 سعرها فى مصر ب 3500 جنية اى ما يعادل 1800 ريال وسعرها فى كندا 575 دولار وفى امريكة 450 دولار. وفى النهاية اتمنى لك التوفيق فى عملية الشراء التعديل الأخير تم بواسطة moustafa_hunter ; 08-03-19 الساعة 10:26 PM |
08-03-07, 06:10 PM | #4 |
صياد متفاعل
|
اى مساعدة تانية
اى حدعايز يستفسر عن حاجة يقول وانا اجاوب علية
|
08-03-07, 09:46 PM | #5 |
صياد متقدم
تاريخ التسجيل: Oct 2007
المشاركات: 773
معدل تقييم المستوى: 10 |
شكرا ليك يا مصطفي
فعلا شكرا ليك علي المعلومات الجميله دي انا فعلا فرحان وحاسس ان دي المشاركه الفعاله فعلا وعلي فكره ارجو منك زياده التميز
__________________
hamdallah_81@hotmail.com
|
08-03-08, 09:27 AM | #6 |
صياد متفاعل
|
لا شكر على واجب
لا شكر على واجب احنا لازم نوقف كلنا ايد واحدة ونمى الموقع المصرى دة .
|
08-03-14, 11:03 AM | #7 |
صياد متقدم
تاريخ التسجيل: Oct 2007
المشاركات: 773
معدل تقييم المستوى: 10 |
لو سمحت يا مصطفي
بعد اذنك يا مصطفي كان في عضو جديد ليه استفسار بس كتبه في قسم الاسلحه وده عنوان الرابط الي كاتب فيه الموضوع ده
http://www.egypthunt.net/showthread.php?t=379 يا ريت تفيده لانه طالب سرعه الرد
__________________
hamdallah_81@hotmail.com
|
08-03-14, 04:42 PM | #8 |
صياد متفاعل
|
هو كان استفسارة على البندقية الرمسيس ومستواها والبنادق الشبيهة لها ودة الجواب
البندقية "رمسيس" هى البندقية الوحيدة تقريبا الى صناعة مصرية,و بالنسبة لقيمتها فى السوق فهى اردئ (اسوئ ) نوع,و تقريبا مفيش منها بيتباع جديد,و تقريبا هى مع معظم الصيدين المصريين وانا هقولك انا لية من وجهة نظرى انها اردئ (اسوئ) نوع :
اولا(القوة):بالنسبة لرمسيس نمرة 1 السرعة القصوى 600 قدم فى الثانية ودى قضعف سرعة تقريبا. ثانيا(الوزن):وزن البندقية الرمسيس تقريبا خفيف جدا 2 كيلو,ودة بيديك ثبات ققل وانت عنيك على الهدف. ثالثا(الدبشك):خشبة البندقية الرمسيس مصنوعة من خشب عادى (ردئ) مطلى او مدهون بالورنيش او الميع ودة مبيديش اى تعبير للجمال فى البندقية. رابعا(الزناد):موئثر او حساس الزناد (الى بيفلت السوستة بعد التعمير) قوى جدا,ودة بالتالى يخلى البندقية تتهز منك وانت بتصوب على الهدف. خامسا(رد الفعل):رد الفعل بتاع البندقية الرمسيس قوى جدا ودة بردة هيخلى البندقية تتهز منك وانت بتصوب على الهدف. سادسا(المصورة):مصورة البندقية الرمسيس من النوع الردئ جدا يدوب فترة بسيطة وهتلاقيها صدت (صدأ) والمصورة مفهاش القضيب الى بيركب علية قعدة المنظار. سابعا(النشان والدبانة):وانا بكدة جيت لاهم نقطة اولا الدبانة ممكن تتاثر بققل صدمة علشان هى مصنوعة من البلاستك وبكرة النشان (الى بتظبط النشان) ممكن تدور منك بسهولة وتتطر تظبط البندقية من اول وجديد او البلية الى ورى البكرة الافقية ممكن تقع من مكنها بسهولة وسعتها تتطر تجيب نشان تانى ب 30 جنية وعلى الفكرة الدبانة بتاعت البندقية الرمسيس ب 15 جنية . وبالنسبة للمركات المشابهة ليها على ما اظن مركة وحدة بس وهى Bam او البندقية الصينى وتقريبا سعرها 300 جنية وعلى فكرة الصين قامت بتقليد الكثير من البنادق من الفئة العالية ,بس خلى بالك فى اللاول وفى الاخر دى صناعة صينى. وفى النهاية اتمنى انى اكون مكرهتكش فى البندقية لاكن انا قلتلك كل الجوانب السلبية وتقريبا مفهاش ولا جانب ايجابى الا انها بندقية ورخيصة . التعديل الأخير تم بواسطة moustafa_hunter ; 08-03-15 الساعة 09:26 AM |
08-03-18, 01:53 PM | #9 |
صياد متقدم
تاريخ التسجيل: Oct 2007
المشاركات: 773
معدل تقييم المستوى: 10 |
سوال عن الطلق يا مصطفي
كنت عايز اسالك يا مصطفي هل الصحيح الطلق ممكن لو وحش يبوظ البندقيه
__________________
hamdallah_81@hotmail.com
|
08-03-18, 02:06 PM | #10 |
صياد متقدم
تاريخ التسجيل: Feb 2008
المشاركات: 875
معدل تقييم المستوى: 10 |
أنا رأيي .. أن الطلق ممكن يبوظ حزوز السبطانة
طيب قولي أنت إيه الفرق بين الطلق الي بيتصنع في مصر الي ال 500 منه ب 30 جنيه ... و الألماني ال 500 منه ب 80 جنيه أولا من حيث الورن .. الألماني أتقل . و ده بيدي طاقه للمقذوف لألماني طري جدا .. بيتشكل أثناء الإطلاق على شكل حزوز الماسورة .. . بيخليها تلف أثناء الخروج .. و ده كمان من أهم العوامل الوءثرة . أما المصري " إبقى قابلني " .. صلد جدا . و مابياخدش شكل الحزوز الي في السبطانة و ممكن يكون فيه شوائب تؤدي لخدش السبطانة من الداخل و وزنه خفيف .. مافيهوش مدى وبعدين لما بيطلع من البندقيه بينحرف عن الهدفعشان خفيف الوزن والألماني لو لمسته بصوابعك حتحس أنه في بودره خفيفه جدا تلاحظها بصعوبة ...دي عامل مهم لحفظ الرشة من العوامل الخارجية الي ممكن تأشر عليها لو إتركنت لفترة طويله . وعامل تزييت ذاتي للطلقة أثناء جريانها في الماسورة . أتمنى أكون وفيت وكفيت ,, آسف على القصور محمد سيد |
08-03-18, 02:20 PM | #11 |
صياد جديد
تاريخ التسجيل: Mar 2008
المشاركات: 18
معدل تقييم المستوى: 6 |
هاي
شكرا يا شباب انا كنت عايز اسال فعلا عن اي نوع طلق استعمله لبندقيتي انا بنددقيتي نوعها bsa وبعدين حاسس ان علبه الطلق الرخيصه ممكن تبوظها فعلا هل ليها تاسير ولا لا ارجو تحديد نوع طلق استعمله وهل المصري فعلا مضر زي مبتقولو للبندقيه
|
08-03-18, 11:47 PM | #12 |
صياد متفاعل
|
اشكر الزميل الفاضل "محمد سيد" على المشاركة وافادة الاعضاء بمعلوماتة عن الرش او طلق بندقية ضغط الهواء.
انا فى الموضوع دة هقول شوية معلومات عن طلق بنادق ضغط الهواء و يريت اعرف اشرحها بئسلوب كويس. بسم اللة الرحمان الرحيم احنا فى مصر عندنا ثلاث انواع(احجام)من الطلق وهم المشهورين او الموجدين بصرف النظر عن الانواع او الاحجام الموجودة برة: 1)عيار 177 او نمرة 1 وحجم الطلقة او عرضها 4.5. 2)عيار 22 او نمرة 2 وحجم الطلقة او عرضها 5,5. 3)عيار 25 او نمرة 3 وحجم الطلقة او عرضها 6,35. *نمرة1,عيار 177,حجم 4.5* ميزة عيار 177 او نمرة 1 انها اصغر حجم طلق والنوع دة بيستخدم فى جميع الاغراض و احسن نوع لضرب الtargets او الاهداف المعلقة فى كل مكان فى العالم وعلى فكر هو دة النوع الوحيد الى بيستخدموة فى المسابقات (مصطفى الصياد). وعلى فكرة النوع دة اكثر دقة من النوعين التانين وعلشان كدة competition guns مبتتصنعش الا بالعيار دة . بس اكيد الى جانب المميزات دى فى عيوب واولها ان حجمها الصغير ووزنها القليل بيخليها تنطلق اسرع من الانواع او الا حجام التانية , فسرعة الطلقة اسرع من الصوت و سرعة الطلق نمرة 1 تصل الى 1600 فى بعض البنادق وعلشان كدة لاذم تستخدم نوع طلق تقيل علشان تقلل السرعة تزود السرعة الحركية. وعلى فكرة عيار 22 اغلى فى التمن من عيار 177 , وكمية الطلق عيار 177 بتوصل فى العلبة ل 500 طلقة , ونفس النوع تلاقية 250 عيار 22 , واكيد كل ما الحجم يزيد كل ما يكون اسهل انك تحطها او تحملها فى البندقية. وعلى فكرة عيار 177 حقق اكتر نسبة مبيعات وتقريبا بتلاقى معظم البنادق نمرة 1 او عيار 177 فى المحلات . *نمرة2,عيار 22,حجم 5.5* دة النوع الاكثر استعمال فى اغراض الصيد وعلى فكرة فكر نمر 22 اتولدت من بنادق rimfire وعلى فكرة هما الاتنين نفس الحجم بس الى يختلف ان بنادق rimfire فهى بتولد سرعة اكبر بكتير والطلقة اطول . الصياد الى عايز يشترى بندقية احسن اختيار هو عيار 22 ,فالعيار دة صدمتة اقوى فى الهدف وانا هقلكوا لية عيار 22 احسن من عيار 177 فى الصيد مع ان عيار 177 اسرع فى السرعة من عيار 22 وبيخترق جسم الحيوان ولاكن ملهوش تاثير اذا مخرقش او دمر عضو او عضمة او الكائن و الحيوان ميتائثروش بيها ذى عيار 22 طبعا الحيوان لما بيتصاب بالعيار دة بيتصاب اصابة جمدة بس الحيوانات والطيور مش ذى الانسان ((فلاما تضرب طائر او حيوان بعيار 177 الحيوان او الطائر دة بياخد الطلقة ويجرى او يطير ودة هو السر وكلها ايام او اسبوع بالكتير وتلاقى اصابة الطائر او الحيوان دة بتزيد وفى النهاية يموت دة فى بعض الاحيان). لاكن مع عيار 22 فى فرق فمع حجم الطلقة الاكبر قوة الاصابة بتزيد بكتير فتقريبا عيار 22 ضعف حجم عيار 177(مصطفى الصياد). وعلى فكرة عيار 22 هو الى هيفرق معاك فى الصيد مش قوة البندقية(السرعة)فالطلقة عيار 22 هى الى هتشيل معاها طاقى اعلى بكتير الى بتخليها تتنقل للحيوان بسرعة وتموتة دة سبب ارتباط عيار 22 بالصيد. وعيار 22 هو تانى عيار اكتر شعبية فى العالم. *نمرة3,عيار 25,حجم 6.35* و العيار دة هو الاختيار الامثل لصيد الحيوانات الصغيرة او الطيور الكبيرة انت بالعيار دة ممكن تموت كلب وعلى فكرة مميزات عيار 22 غطت على مميزات عيار 25 فالفرق فى الطلقة الحركية بنهم بسيط والسرعة بتاعت عيار 22 تقريبا اعلى بالتلت من عيار 25(مصطفى الصياد). عيار 25 نادر لما تلاقية فى مصر وحط فى بالك انت لما تشترى البندقية دى هتعانى من مشكلة الطلقة هتتطر تشترى انواع غالية فى السعر علشان تقريبا هى الانواع الوحيدة عيار 25 الى هتلاقيها. *الطاقة الحركية* الطاقة الحركية طريقة تانية بتحسب قوة الطلقة انت لو حولت تخش على مواقع بنادق ضغط الهواء سعات تالاقية بيقلك مثلا رقم وجمبية fpe فدة معناة الطاقة الحركية وانا هقلك ازاى تحسبها . اولا :لازم تعرف قوة بندقيتك هتلاقى القوة يا مكتوبة على الكرتونة او الكتلوج (مصطفى الصياد) . ثانيا :لازم تعرف وزن الطلقة ودة هتلاقية مكتوب على علبة الطلقة بس المستوردة بس هتلاقى مكتوب رقم وبعدين .gr اختصار كلمة جرام. ودة القانون الى هتحسب الطلقة الحركية بية . الطاقة الحركية = جزر الوزن x السرعة x السرعة على 450240. كاتب الموضوع مصطفى الصياد(egypthunt). التعديل الأخير تم بواسطة moustafa_hunter ; 08-03-19 الساعة 06:10 PM |
08-03-19, 12:27 AM | #13 | |
صياد متفاعل
|
اقتباس:
بجد بندقية BSA الى معاك نوع من احسن انواع بنادق ضغط الهواء بصرف النظر عن الموديل , انجلترا الى صنعت البندقية دى هى اول بلد فى العالم صنعت بنادق ضغط الهواء وهى الى صنعت عيار نمرة 1 و2 , ولسة التقدم صناع البنادق الانجايزية ملحوظ حتى الان , و كويس الى انت عايز تحافظ عليها والدليل انك بتسأل على نوع الطلق , بص يا سيدى انا هحاول اسعدك. من الاخر الرش او الطلق المصرى لاموئخذة يعنى مصنوع تحت بيير السلم بس مش معقولة عشان كدة اجيب علبة طلق ب40 جنية او فيما فوق , و انت لو جبت علبة مصرى انت هتلاقية بيقلك 100 طلقة انا بالى طويل وبعدهم مع انى مش معتمد على الرش دة وبلاقية 80 او85 بس مش مشكلة لما تحاول تنقيهم او تشوف السليمة بتلاقى عددهم 60 او 65 مثلا يعنى والانواع المستوردة بيقيسوا الطلق بالوزن لو عايز تولد طاقة حركية معينة ويسلام لو استخدمت اتقل طلق والطلق المستورد مبيسبش شوائب فى المصورة دة بالعكس بينضفها لو حتى الرش المصرى بيسيب شوائب فى المصورة انت ممكن تنضفها بالادوات التنظيف بس اوعى تزيت البندقية من المصورة وفى الاخر انا هقلك على انواع كويسة ولو مش واثق منها هقلك على نوع مستورد حلو ورخيص . احسن انواع طلق مصرى : 1-تل. 2-ماركس مان . ولو حجمهم صغير شوية او بيتزحلقوا فى المصورة استخدم رامبو ودة نوع تقليد لجاموا. النوع المستورد الوحيد الى موثوق منة ب 20 جنية تقريبا العلبة فيها 250 طلقة هى gamo match ورد علية وقول اذا كانت الا جابة مسعددتكش وانا احاول اشوف حل او طريقة تانية. التعديل الأخير تم بواسطة moustafa_hunter ; 08-03-19 الساعة 06:07 PM |
|
08-03-19, 12:29 AM | #14 |
صياد متفاعل
|
ردوووووووووووووووووووود
يا جماعة مطلوب ردود للئهمية معقولة مفيش حد لغاية دلوقتى كتب رد على الموضعين.
|
08-03-19, 03:06 AM | #15 |
صياد متقدم
تاريخ التسجيل: Oct 2007
المشاركات: 773
معدل تقييم المستوى: 10 |
شكرا ليك يا مصطفي
المنتدي من غيرك ولا يسوي ايه ده ايه الجمال ده انا والله استفدت كتير قوي
__________________
hamdallah_81@hotmail.com
|
08-03-19, 03:09 AM | #16 |
صياد جديد
تاريخ التسجيل: Mar 2008
المشاركات: 18
معدل تقييم المستوى: 6 |
شكرا لسرعه الرد
فعلا انا استفد ت والله كتير قوي معلومات فعلامكنتش هقدر الاقيها في اي مكان علي العموم انا سعيد اني اتعرفت علي منتدي مليان معلومات مفيده وارجو المزيد
|
08-03-19, 04:41 AM | #17 |
صياد جديد
تاريخ التسجيل: Mar 2008
المشاركات: 18
معدل تقييم المستوى: 6 |
استفسار
ما هي اقوي بندقيه ضغط هواء في العالم وهل متواجده في مصر ولا لا
|
08-03-19, 12:58 PM | #18 |
صياد جديد
تاريخ التسجيل: Nov 2007
المشاركات: 18
معدل تقييم المستوى: 7 |
انت عضو في نادي رمايه
جميل قوي المعلومات دي يا مصطفي فعلا معلومات جميله من غير مجامله ومعلومات صح كمان انا برضوا بحب اعرف المعلومات دي انت عضو في نادي رمايه ولا دي هوايه وبس ولا فاتح محلات سلاح
|
08-03-19, 04:14 PM | #19 |
صياد متفاعل
|
ليك الشكر كلة
الف شكر يا عاصم على الرد الجميل دة ودة انت الى ليك الشكر والفضل كلة علشان انت الى عملت الموقع دة , انا اتوقع ان شاء اللة ان الموقع دة هيبقى احسن موقع صيد فى الوطن العربى لو المشاركات الاعضاء استمرت وردود الاعضاء زادت.
|
08-03-19, 04:17 PM | #20 |
صياد متفاعل
|
الف شكر ليك يا غالى
|
08-03-19, 04:21 PM | #21 | |
صياد متفاعل
|
جميل جدا
اقتباس:
انا بقالى تقريبا 7 سنين بصطاد و تقريبا اصطدت جميع انواع الطيور والحيوانات الريفية. التعديل الأخير تم بواسطة moustafa_hunter ; 08-03-19 الساعة 04:34 PM |
|
08-03-19, 05:08 PM | #22 | |
صياد متفاعل
|
اقوى بندقية ضغط هواء فى العالم
اقتباس:
اقوى بنادق ضغط الهواء : اولا: نمرة 1 هى بندقية Gamo hunter extreme ودى قوتها 1600 قدم فى الثانية يعنى تقريبا 487 متر فى الثانية يعنى ممكن تتضرب هدف على بعد 500 يردة بس لازم تعرفوا ان السرعة دى بتطلع من طلق نوعة PBA ودة طلق وزنة 5 جرام ومفروض الوزن الوسط بتاع الطلقة 11 جرام علشان كدة السرعة بتوصل 1600 . ممكن بقى نتكلم عن gamo 1250 ودى بتولد سرعة 1250 قدم فى الثانية بس دة مع وزن الطلقة العادى يعنى تقريبا نفس قوى gamo hunter extreme و دى بقى الى موجودة فى مصر بسعر 3500 تقريبا. وفى بقة DIANA 350 ودى سرعتها 1250 بردة بس من رائى DIANA احسن من GAMO. ثانيا:نمرة 2 هى فئة 900 قدم فى الثانية زى GAMO 1250 Webley patriot DIANA 350 DIANA 48 DIANA 52 DIANA 54 وكلهم موجدين فى مصر. ثالثا:نمرة 3 هى بندقية وحدة الى شفتها لغاية دلوقتى وهى GAMO وسرعتها 560 قدم فى الثانية وكان فى DIANA 54. كاتب الموضوع مصطفى الصياد (egypthunt) التعديل الأخير تم بواسطة moustafa_hunter ; 08-03-19 الساعة 05:59 PM |
|
08-03-19, 05:31 PM | #23 |
صياد متفاعل
|
اقوى بندقية ضغط هواء فى العالم هى Dragon
انا هوريكم صورة لئقوة بندقية ضغط هواء وهى عيار 50 DRAGON ودى الصورة:::
ودى الطلقة عيار 50 بتعتها وذى ما احنا شيفين انها مصنوعة من الرصاص والطلقة الى جمبيها عيار 177 ودى شوية صور وفى النهاية الصور بتتكلم عن نفسها بس انا كنت عايز ققول حاجة زيادة على الصور , احنا كنا اتكلمنا عن الطاقة الحركية الى هى مقياس لقوة البندقية انا دلوقتى هقلكوا على الطاقة القصوى لكل عيار والطاقة بتاعت العيار دة "50" الى سرعتة 570 قدم فى الثانية طبعا قوى رهيبة بالنسبة لوزن الطلقة (200 جرام) وفى نفس الوقت تثبت انها مش بندقية نار الى قوتها على الاقل 1500 قدم فى الثانية ودى الطاقى الحركية علشان تعرفوا قوتها بضبط. 1-عيار 177------------>fpe17 2-عيار22 ------------->fpe30 3-عيار25--------------> fpe35 4_عيار50------------->fpe192 ودة لينك فيديو للبندقية DRAGON 50 http://rapidshare.com/files/10657486...T.COM.mp4.html التعديل الأخير تم بواسطة moustafa_hunter ; 08-04-11 الساعة 10:40 AM |
08-03-23, 01:32 PM | #24 |
صياد متفاعل
|
اية
اية يا جماعة مفيش حد عندة اسئلة تانية.
|
08-04-06, 01:39 AM | #25 |
صياد نشيط
تاريخ التسجيل: Apr 2008
المشاركات: 334
معدل تقييم المستوى: 7 |
كنت عايز اعرف اسعار البنادق في مصر
من رمسيس وانت طالع والف شكر مقدما وترشح اجيب اي واحده |
08-04-08, 12:33 AM | #26 |
صياد نشيط
تاريخ التسجيل: Apr 2008
المشاركات: 334
معدل تقييم المستوى: 7 |
ايه يا شباب
ولا حد يرد عليا كده هو السؤال صعب ولا ايه
__________________
venatic13@yahoo.com |
08-04-08, 09:59 AM | #27 | |
صياد متفاعل
|
اقتباس:
ا لجواب على السوأل دة محتاج وقت طويل شوية , بس الاحسن انك تقولى عايز تشترى بندقية فى حدود كام والامكانيات الى انت عايزها وانا ان شاء اللة افيدك. التعديل الأخير تم بواسطة moustafa_hunter ; 08-04-08 الساعة 10:02 AM |
|
08-04-08, 11:30 PM | #28 |
صياد نشيط
تاريخ التسجيل: Apr 2008
المشاركات: 334
معدل تقييم المستوى: 7 |
طيب نقول مثلا بحد اقصي الف جنيه وانت نازل
وبما اني مبتدا ف مش عارف اقول ايه الامكانيات يعني قول انت
__________________
venatic13@yahoo.com |
08-04-09, 02:19 AM | #29 |
صياد متقدم
تاريخ التسجيل: Feb 2008
المشاركات: 875
معدل تقييم المستوى: 10 |
venatic13
الأخ venatic13 من الصعب إني أعددلك البنادق الموجودة و أحدد أسعارها .. أولا لأن البنادق كتيير جدا ..
ثانيا الأسعار متقلبة بشكل دوري .. الأحسن أنك تتصل بأحد المحلات المشهورة و تقوله أن أنت معاك المبلغ الفلاني .. إيه أحسن البنادق الي ممكن أجيبها بالمبلغ ده . و تسأل في كذا محل ... و ده رابط لكل المحلات الموجوده في القاهرة .. من عناوين و تليفونات و تخصص إتفضل http://www.egypthunt.net/showthread.php?p=634#post634
__________________
http://img217.imageshack.us/img217/3325/up1zn4.jpg |
08-04-09, 10:38 PM | #30 |
صياد نشيط
تاريخ التسجيل: Apr 2008
المشاركات: 334
معدل تقييم المستوى: 7 |
شكرا يا باشا
وربنا يسهل
__________________
venatic13@yahoo.com |
08-04-13, 05:11 PM | #31 |
صياد متفاعل
تاريخ التسجيل: Apr 2008
المدينه: Doha
المشاركات: 55
معدل تقييم المستوى: 6 |
موضوع جميل
|
08-04-26, 09:44 PM | #32 |
صياد نشيط
تاريخ التسجيل: Mar 2008
المشاركات: 273
معدل تقييم المستوى: 7 |
ياريت تساعدنى بجد
انا كان ليا طلب عندكم مش عارف انتوا هاتساعدونى ولأ لأ
انا عندى البندقيه ديانا ليها زرار امان انتوا عارفينه طبعا الى هو بيبقى فوق الزناد الى بيتحكم فيه وبيمنع خروج الطلقه الألما ارفعه فى بقى جلده او بلستكه بتكون حوالين الامان ده دى بقى اتكسرت عندى يا ترى الأقيها عند اى حد مع العلم انى سالت عليها التجار بتوع الأسلحه ومش موجوده فى السوق خالص وليا طلب كمان انا عارف انى تقلت عليكم انا كنت عاوز برده دراع التعمير بتاع البندقيه بتاعتى ديانا 52 برده وياريت اعرف و ثمنه كام مع العلم ايضا انه مش موجود يعنى الدراع بتاع التعمير والبلستكه دى بتوع الديانا 52 وانا بجد هابقى شاكررر جدااا جدا على كل الى هايساعدنى على انى الأقى الحاجات دى |
08-04-27, 09:25 PM | #33 |
صياد متفاعل
|
ان شاء اللة احاول افيدك فى الموضوع دة طبعا اول خطوة مفروض تعملها انك تتصل بمحلات الاسلحة المشهورة ذى فتح اللة ونمرة موجودة فى الينك دة http://www.egypthunt.net/showthread.php?t=404 نفرض لا قدر اللة انك ملقتش القطع دى سعتها لازم تتصرف وتبتكر القطعة البلاستك الى حولين الامان حاول تعمل وحدة زيها فى المخرطة وهتبقى احسن من البلاستك البرشامة الى بتربط دراع التعمير بالبندقية اكيد ان شاء اللة هتلاقيها فى المحلات الى بتبيع مسامير وادوات الصيانة ولو قصدك على المفصل نفسة يتعمل اخوة فى المخرطة ورد علية وقولى اية الاخبار التعديل الأخير تم بواسطة moustafa_hunter ; 08-04-27 الساعة 09:30 PM |
08-04-30, 02:29 AM | #34 |
صياد متقدم
تاريخ التسجيل: Oct 2007
المشاركات: 773
معدل تقييم المستوى: 10 |
فعلا يا مصطفي
طبعا انا مقدرش اقول حاجه اكتر من الي مصطفي قال عليه لان مصطفي خبرة اكتر منى في البنادق الهوائيه بس انا شايف ان العيب ده عادي جدا بالنسبه للبلاستكه يعني مش هيأثر علي البندقيه في حاجه وبالنسبه لدراع التعمير انت ممكن تروح لاي واحد بتاع مسامير هيفيد اكتر من بتاع السلاح
__________________
hamdallah_81@hotmail.com
التعديل الأخير تم بواسطة moustafa_hunter ; 08-04-30 الساعة 11:15 AM |
08-04-30, 04:40 PM | #35 |
صياد متقدم
تاريخ التسجيل: Feb 2008
المشاركات: 875
معدل تقييم المستوى: 10 |
بسم الله
كلام مصطفى فعلا مش محتاج تعليق ..
زمان و أنا في رابعة إبتدائي كان معايا بندقية ديانا أعتقد أنها موديل بانثر.. المهم كنت أول مرة أتعامل مع بنادق.. المهم . بعد ما عدى عليها أسبوع معايا . قلت أجرب أضرب و هي مفتوحة أشوف حيحصل إيه .. و طبعا عارفين كلكم النتيجة .. الماصورة إتلوت بشكل واضح . و ذراع التعمير الي راكب في الماسورة أتقطم" إنكسر " ..و الزناد البلاستيك إنكسر و غير الرضوض الماصورة وديتها عند محل صيانة عدلها . و عملي ذراع في مخرطة بدل المكسور و كمان حفر عليه إسمي .. و زناد جديد .. بس حديد معمول في مخرطة برضه و عيب الزناد الحديد أن ردة فعله على الأصبع شديدة . تقريبا كأنك خبط صباعك بشاكوش .. :mad: و دي كانت قصتي مع أول بندقية في حياتي . و للأسف ما كانش في صيد في المنطقة .تماما . لا يمام ولا يحزنون . إتعلمت عليها الرماية و بس .
__________________
http://img217.imageshack.us/img217/3325/up1zn4.jpg |
08-05-13, 10:38 PM | #36 |
صياد متقدم
تاريخ التسجيل: Feb 2008
المشاركات: 875
معدل تقييم المستوى: 10 |
رد: اى مساعدة
charesma : أنت لقيت القطعة الي بتغطي زر الأمان ولا لسة ؟!
__________________
http://img217.imageshack.us/img217/3325/up1zn4.jpg |
08-05-14, 03:31 AM | #37 |
صياد متفاعل
|
رد: اى مساعدة
الف شكر يا جماعة على الردود الجميلة دى ويريت فعلا الاخ charesma يطمنة على بندقيتة
|
08-05-15, 06:19 AM | #38 |
صياد متقدم
تاريخ التسجيل: Oct 2007
المشاركات: 773
معدل تقييم المستوى: 10 |
رد: اى مساعدة
لا شكر علي حقيقه يا مصطفي انت فعلا رديت رد يستحق الاعجاب
__________________
hamdallah_81@hotmail.com
|
08-05-16, 02:59 PM | #39 |
صياد جديد
تاريخ التسجيل: May 2008
المشاركات: 40
معدل تقييم المستوى: 6 |
رد: اى مساعدة
يا اخ مصطفى بندقية رقم2 لم دراع تعمل كام واية رايك فيها
__________________
قناصين ونحبوا البر :::::::::::سبوعة ليل ما نهابو وعر قناصين صيادة غزال:::::::::::ان كان تريد ترعينا تعال BLACK EGALE |
08-05-17, 01:01 PM | #40 |
صياد متقدم
تاريخ التسجيل: Feb 2008
المشاركات: 875
معدل تقييم المستوى: 10 |
رد: اى مساعدة
إسمحلي يا مصطفى في الإجابة على الأخ علاء ..
علاء باشا .. أم دراع أنهي موديل .. في منها 52 و ال 54 و و و حدد بالله إنت عايز إيه ... ولا أقولك .. أنت معاك كام .؟؟! و بالتعاون مع خبراء المنتدى نرشحلك واحد محترمة حسب المبلغ المتوفر معك ..!
__________________
http://img217.imageshack.us/img217/3325/up1zn4.jpg |
08-05-17, 07:24 PM | #41 |
صياد متفاعل
|
رد: اى مساعدة
انا وانت واحد يا محمد مفيش كلمة اسمح دى
انا كتبت الاسعار بتاعت 54 و52و48و350و1250 للاخ علاء فى مشاركة انا عمال ادور عليها مش لاقيها |
08-05-17, 09:09 PM | #42 |
صياد متقدم
تاريخ التسجيل: Feb 2008
المشاركات: 875
معدل تقييم المستوى: 10 |
رد: اى مساعدة
هو ده العشم والله يا مصطفى ....
و كانا أخوة إن شاء الله .
__________________
http://img217.imageshack.us/img217/3325/up1zn4.jpg |
08-05-27, 11:41 PM | #43 |
صياد جديد
تاريخ التسجيل: May 2008
المشاركات: 4
معدل تقييم المستوى: 0 |
رد: اى مساعدة
انا عندى مسدس جوما 90 اسبانى ويعمل بغاز ثانى اوكسيد الكربون بانبوبة المشكلة انى كل ما اركب الانبوبة بعد يومين تفضى وانا يمكن لم اطلق اقل من 10 طلقات هل العيب فى المسدس ام نوع انبوبة الغاز ام ان هذا طبيعى ارجو الاجابة ومع خالص شكرى للموقع الجميل جدا دا
|
08-05-28, 01:48 AM | #44 |
صياد متقدم
تاريخ التسجيل: Feb 2008
المشاركات: 875
معدل تقييم المستوى: 10 |
رد: اى مساعدة
عزيزي محمد داود.
ده عيب في كل المسدسات الرش للأسف . لو ركبت الأنبوبة لازم تخلصها في أقرب وقت . لأنها حتفضى . زي ما إتفضلت بعد يومين .!
__________________
http://img217.imageshack.us/img217/3325/up1zn4.jpg |
08-05-31, 02:03 PM | #45 |
صياد متقدم
تاريخ التسجيل: Oct 2007
المشاركات: 773
معدل تقييم المستوى: 10 |
رد: اى مساعدة
اعتقد ان مفيش حل للانبوبه دي مع اني اكتر واحد في الدنيا مقتنع ان كل مشكله ليها حل لذلك انا ححاول اشوف حل للمشكله دي ان شاء الله ولو وصلت لحاجه هقولك
__________________
hamdallah_81@hotmail.com
|
08-05-31, 03:28 PM | #46 |
صياد متقدم
تاريخ التسجيل: Feb 2008
المشاركات: 875
معدل تقييم المستوى: 10 |
رد: اى مساعدة
لو عرفت السبب . دا نص الحل .
لو عرفت السبب حتعرف الحل .! .. مبدأ منطقي جدا . و السبب. تسرب الهواء في مناطق . بين أي وصلتين . و أول وصلة حتقابلك . مابين رأس أو بلف الأنبوبة . و مبيتها في المسدس ... أعتقد أنها كاوتش ,, ولو الكاوتش ناشف حيسربق الهوا .. دي أول مشكلة .! الحل يا إما تغير الكاوتشة . عشان ترجعها لسابق عهدها . طرية ........ يا إما ترطبها .. .!
__________________
http://img217.imageshack.us/img217/3325/up1zn4.jpg |
08-05-31, 05:55 PM | #47 |
صياد متفاعل
تاريخ التسجيل: May 2008
المشاركات: 231
معدل تقييم المستوى: 7 |
رد: اى مساعدة
السلام عليكم
الحل يا استاذ محمد انك للاسف هتغير وحدة تخزين الغاز لانى الجلبة اللى حوالين الابرة سمكها اصبح غير كافى انا عندى طبنجة gamo p23 وبيحصل معايا نفس الموضوع بس دة طبيعى لانى من طول فترة ضغط الكارتردج يعنى انبوبة الغاز على الجلبة سمك الجلبة بيقل فبيسمح للهواء بالتسرب من حولها وزى ما الزملاء قالو لازم تخلص الانبوبة ما دام حطيتها فى المسدس عندى حل بسيط ممكن يغنى الى حد ما انك تغير الوحدة وهى انك ممكن تلبس الجزء الاعلى من انبوبة الغاز باللونة بس تراعى انها تبقى طبقتين للامان وانشاء الله تمنع التسريب وتتحل المشكلة جرب وابقى قول النتيجة واى خدمة التعديل الأخير تم بواسطة steyr68 ; 08-05-31 الساعة 10:20 PM |
08-06-18, 01:52 PM | #48 |
صياد قديم
|
أستفسار ....
أوجه تحية خاصة للأخ مصطفي ، و بصراحة ده أول مشاركة ليه بالمنتدي و من تصفحي لهذا المنتدي القيم و جدت أن الاخ مصطفي يعتبر من أهم الأعضاء و أبرزهم و ذلك بشهادة الأعضاء جميعا ...
سؤالي هو : يوجد أعلان دائم بمجلة الوسيط يقال فيه بالضبط ... (أحدث بندقية رش أمريكي سريعة الطلقات خزنة 15 طلقة - خرطوش بالمنظار و الجراب بـ 950 جنية ت : 22594888 ) ، و إعلان أخر لنفس المعلن ( مسدس رش سريع الطلقات - بليزر لجميع الأغراض بـ 425 جنية ) .... أود أن يرد الاعضاء الخبرة علي هذه الإعلانات و رأيهم فيها ، لأني بصراحة ناوي أشتري مسدس و بندقية صيد ، و لقيت أن البندقية دي رخيصة و كويسة من وجهي نظري المتواضعة ، فهل لأحد من اهل الخبرة أن يوضح هل وجهه نظري صحيحة أم لا ...... و شكرا لكم Braveheart |
08-06-18, 07:42 PM | #49 | |
صياد نشيط
تاريخ التسجيل: Apr 2008
المشاركات: 334
معدل تقييم المستوى: 7 |
رد: اى مساعدة
اقتباس:
معقول .....!!!!!!!!؟؟؟؟؟ ده في مصر
__________________
venatic13@yahoo.com |
|
08-06-18, 11:33 PM | #50 |
صياد متفاعل
|
رد: اى مساعدة
الف شكر على كلامك الجميل دة يا اخ braveheart
بخصوص الاعلان دة عملة محل صيام , و الكلام الى موجود فى الاعلان دة مش حقيقى , هما عملين كدة بس علشان يجذبوا الانتباة والناس تتصل ويردوا يقولوا تعللنا المحل . |
08-06-19, 09:25 AM | #51 |
صياد قديم
|
شكرااااااااا لردودكم
شكرا أخ مصطفي علي التوضيح.
|
08-06-19, 11:44 AM | #52 |
صياد نشيط
تاريخ التسجيل: Apr 2008
المشاركات: 334
معدل تقييم المستوى: 7 |
رد: اى مساعدة
انا قلت بردو مش معقول
__________________
venatic13@yahoo.com |
08-06-20, 03:09 AM | #53 |
صياد متقدم
تاريخ التسجيل: Oct 2007
المشاركات: 773
معدل تقييم المستوى: 10 |
رد: اى مساعدة
فعلا انا اتصلت بيهم اولا المنظار ده منظار ليزر يعني تحديد علامه يعني بتاع الاطفال الي بيتباع ده ثانيا البندقيه ضعيفه جد ا وانا لما اتصلت بيهم قالولي تعالا ولما لقوني فاهم وبسال عن نوع المنظار قلي منظار علامات مش مسافات يعني اعلان تجاري بحت بيضحكوا بيه علي الناس الي لسا متعرفش حاجه في البنادق
__________________
hamdallah_81@hotmail.com
|
08-07-06, 08:15 PM | #54 |
صياد جديد
تاريخ التسجيل: Jun 2008
المشاركات: 12
معدل تقييم المستوى: 6 |
رد: اى مساعدة
ok moustafa i wanna ask u about somthing i don't really have any idea about ...
Scopes . what is the best models and how we know which one is better than the others , when we find something like (4-9 x 40 ) what is that mean??? and how we can get a good one from egypt and can we get the laser sight 2 with the mounts ?? and if we can can we get the one with the green dot ?? sorry for asking so many and sorry for not writing in Arabic ... and thank u man u are the best.. Omar |
08-07-07, 12:26 AM | #55 |
صياد متفاعل
|
رد: اى مساعدة
اولا : اشكرك على مشركتك
ثانيا : نفترض ان فى منظار 3to9x40 رقم 3 هو ادنى قوة تكبير للمنظار المذكور و القوة المناسبة للصيد هى 3او4 رقم 9 هو اقصى قوة تكبير للمنظار المذكور والقوة المناسبة للصيد فى حدود 6 ل24 رقم 40 هو قطر العدسة وكل ما كان اكبر كل ما كان مدار الرؤية اوسع كل ما كان احسن التيوب بتاع المنظار كل ما كان اعرض كل ما زادت درجة الاضاءة والانواع المعروفة هى bsa ,bushnell,leapers وفى انواع تانية كتير وفى مصر اعتقد ان مفيش الا منظار 4x15 او 4x20 وانت ممكن تركب ليزر فوق المنظار عن طريق قاعدة خاصة بس مش موجودة فى مصر التعديل الأخير تم بواسطة moustafa_hunter ; 08-07-31 الساعة 03:07 PM |
08-07-07, 09:05 AM | #56 |
صياد جديد
تاريخ التسجيل: Jun 2008
المشاركات: 12
معدل تقييم المستوى: 6 |
رد: اى مساعدة
thank u moustafa for the information u are truly the best , now i'm planing to get the Diana Scope (3-9x 25,4 / 1" 8 305 mm 320 g 2.75 m - 0,9 m / 25 m and put it in the Diana 350 magnum is that would do any good??
and what if i get a Silencer for the same gun is that gonna effect the power of the rifle or it doesn't matter ..? thank u again for all your help Omar |
08-07-08, 11:52 PM | #57 |
صياد جديد
تاريخ التسجيل: Jul 2008
المشاركات: 10
معدل تقييم المستوى: 6 |
سؤال بالنسبة لنيشان hunter 1250
أنا الحمد لله لسة شاري gamo hunter 1250 وبصراحة بندقية ممتازة بس كنت عايز أسأل إزاي أضبط النيشان بتاعها بحيث يبقى دقيق في الرماية و كنت عايز رأيكم حول البندقية ديت
|
08-07-14, 04:06 PM | #58 | |
صياد متفاعل
|
رد: اى مساعدة
اقتباس:
لو هنتكلم عن القوة انت مش هتحتاج قوة اقوى من الديانا 350 دة غير الصناعة الامانى الممتازة وعن المنظار يبقى تمام لو جبت منظار ديانا والمنظار دة هيقضى الغرض كلة فى الصيد بس متنساش تجيب قاعدة قطعة واحد علشان تثبت المنظار اكتر وتمنعة من الانزلاق خاصة من بندقية قوية زى الديانا 350 والكاتم تقريبا ممنوع بس على العموم هو ملهوش دعوة بالقوة التعديل الأخير تم بواسطة moustafa_hunter ; 08-07-18 الساعة 03:09 PM |
|
08-07-14, 04:15 PM | #59 | |
صياد متفاعل
|
رد: سؤال بالنسبة لنيشان hunter 1250
اقتباس:
والمعرووف عنها قوتها الشديدة وصعوبة تعميرها وعلشان كدة حطيين كاتم الصوت علشان يسهل العملية شوية وبلنسبة للنشان , اى بندقية ضغط هواء لازم يكوون فى فرق بين الهدف البعيد والهدف القريب ان شاللة لو كان بسيط والحل بلنسبة لية انك ترفع الدبانة عن النشان كل ما تبعد اكتر التعديل الأخير تم بواسطة moustafa_hunter ; 08-07-14 الساعة 05:43 PM |
|
08-07-29, 09:44 AM | #60 |
صياد جديد
تاريخ التسجيل: Jul 2008
المشاركات: 6
معدل تقييم المستوى: 0 |
رد: اى مساعدة
السلام عليكم يا جماعة وخصوصا يا مصطفى دلوقتي انا بدور على بندقية رش كافية بصيد الطيور العادية بس ميكنش فيها عيوب تودي في داهية يعني متكنش غالية أو الرشة خفيفة بتجري في الريح او او او
وممكن اسعار البنادق الحلوة العادية من غير منظار او اي حاجة في مصر يعني من الاخر عايزها نمرة 2 يعني عيار 22 رش 5.5 اي نوع صيني او اي كفتة بس تكون حلوة بأرخص سعر ممكن يعني حاجة حلوة كدة انا من القاهرة من فيصل وشكرا يا مصطفى مقدما |
08-07-30, 01:27 AM | #61 |
صياد متفاعل
تاريخ التسجيل: May 2008
المشاركات: 231
معدل تقييم المستوى: 7 |
رد: اى مساعدة
السلام عليكم
بعد اذن المشرف ممكن اقترح بعض البنادق الصينى الهاى باور اللى سرعة طلقتها فوق 800 قدم ثانية BAM XS P21 ودى افضل البنادق صينية الصنع ذراع تعمير جانبية تشبة الديانا 52 http://www.xisicousa.com/xs-b21.html BAM XS-B30-1 من الانواع الصينية الفاخرة XS P4 ذراع تعمير لاسفل ثمنها معقول فى حدود 600 جنية تتميز بقوتها مع حجم متوسط TECH FORCE الماركة الصينى الثانية بنادقها تتميز بدقة الاصابة سعر رخيص فى حدود 500 جنية |
08-07-30, 04:33 AM | #62 |
صياد جديد
تاريخ التسجيل: Jul 2008
المشاركات: 6
معدل تقييم المستوى: 0 |
رد: اى مساعدة
وعايز اسأل سؤال : انهي احسن ترشحولي. ديانا ولا صيني من حيث السعر والدقة وكدة وكمان هو ممكن البندقية تاخذ اي نوع من الرش يعني ممكن بندقية ديانا 350 تاخد رش 5.5 او 4.5 او اي حاجة يعني ممكن اي بندقية تاخد اي نوع من الرش ؟
وزي ماقلت في الصفحة 6 انا عايز بندقية حلوة كافية بصيد طيور عادية وارخص سعر ممكن وياريت تكون نمرة 2 عيار 22 وبعدين هي البندقية هي إللي عيار 22 او 177 ولا الرش علشان انا مش فاهم اي حاجة وشكرا ويارب حد يعبرني |
08-07-30, 11:45 AM | #63 |
صياد متقدم
تاريخ التسجيل: Feb 2008
المشاركات: 875
معدل تقييم المستوى: 10 |
رد: اى مساعدة
الأخ MixO MixO MixO
السلام عليكم أرشح دائما الديانا .. و من حيث طلبك البانثر ,. ودائما يفضل مقاس 5.5ملم والسعر |.... إيأل المحلات .. لأن الأسعار متعيرة أما البندقية عيار .22 بوصة فهو = 5.5 ملم. و تضرب العيارات من نفس المقاس
__________________
http://img217.imageshack.us/img217/3325/up1zn4.jpg |
08-07-30, 02:12 PM | #64 |
صياد جديد
تاريخ التسجيل: Jul 2008
المشاركات: 6
معدل تقييم المستوى: 0 |
رد: اى مساعدة
اخي يعني ممكن تتراوح الاسعار من بين كم وكم
و هل ممكن تكون الديانا ارخص من الصيني : التعديل الأخير تم بواسطة MixO MixO MixO ; 08-07-30 الساعة 02:14 PM |
08-07-31, 12:16 AM | #65 |
صياد نشيط
تاريخ التسجيل: Apr 2008
المشاركات: 334
معدل تقييم المستوى: 7 |
رد: اى مساعدة
الصيني ارخص حاجه بعد المصري
الديانا اغلي تتجاوز سعرها 2 .. 3 .. 4 الف جنيه الصيني 500 جنيه .... الرمسيس 450 جنيه .... الجامو 700... النوريكا 56 800 جنيه ولك الاختيار بس ارجو توضيح من الشباب عن الانواع الصيني.... وهل هي احسن من النوريكا
__________________
venatic13@yahoo.com التعديل الأخير تم بواسطة venatic13 ; 08-07-31 الساعة 12:21 AM |
08-07-31, 07:38 AM | #66 |
صياد جديد
تاريخ التسجيل: Jul 2008
المشاركات: 6
معدل تقييم المستوى: 0 |
رد: اى مساعدة
طب عندي إستفسار غبي شويه ممكن الاقي مثلا صيني نمرة واحد او رمسيس نمرة إتنين في حدود 300 . 350 جنية
|
08-07-31, 07:44 AM | #67 |
صياد جديد
تاريخ التسجيل: Jul 2008
المشاركات: 6
معدل تقييم المستوى: 0 |
رد: اى مساعدة
وفي سؤال نفسي اسألة هو : ممكن علشان المحلات المشهورة زي فتح الله تكون عندها البنادق اغلى من المحلات العادية يعني ممكن مثلا الاقي بنادق سعرها عادي في حدود 350 . 400 جنية عند قتح اللة بـ 600 جنية مثلا
|
08-08-12, 09:19 AM | #68 |
صياد جديد
تاريخ التسجيل: Aug 2008
المشاركات: 16
معدل تقييم المستوى: 6 |
رد: اى مساعدة
--------------------------------------------------------------------------------
السلام عليكم وشكرا على الموضوع المميز اريد الاستفسار عن الية احتساب النقاط عند الرماية على الاهداف بالالعاب الاولومبية كيف تتم لك اصابة حسب موقعها على الهدف وبارك الله بكم |
08-10-05, 09:58 PM | #69 |
صياد جديد
تاريخ التسجيل: Sep 2008
المشاركات: 4
معدل تقييم المستوى: 0 |
رد: اى مساعدة
أخي العزيز لو تفيدني الفرق بين walther cp 88 و walther cp 99وهم على فكرة مسدسات ضغط
وهل المسدسات هذي تصيد حمام وبارك الله فيك |
08-11-12, 09:44 AM | #70 |
صياد متفاعل
تاريخ التسجيل: Nov 2008
المشاركات: 61
معدل تقييم المستوى: 6 |
رد: اى مساعدة
انااخوكم الشكس عضوجديدمن اسكندريةعايزاعرف ايهماافضل نوريكاجيت ام صينيsx21تقليددياناوماهي افضل بندقيةممكن اشتريهافي حدود1200ولكم جزيل الشكر
|
08-11-12, 09:52 AM | #71 |
صياد متفاعل
تاريخ التسجيل: Nov 2008
المشاركات: 61
معدل تقييم المستوى: 6 |
رد: اى مساعدة
انااخوكم الشكس عضوجديدمن اسكندريةعايزاعرف ايهماافضل نوريكاجيت ام صينيsx21تقليددياناوماهي افضل بندقيةممكن اشتريهافي حدود1200ولكم جزيل الشكر
|
08-11-17, 12:56 PM | #72 |
صياد متفاعل
تاريخ التسجيل: Nov 2008
المشاركات: 61
معدل تقييم المستوى: 6 |
رد: اى مساعدة
ا/مصطفي اناعضوجديداسمي محمدالشكس من اسكندريةواخذت راي بعض الاعضاءفي البندقيةالصيني bamxs21وعرفت انهاكويسة اوي لكن لم اعرف لهاعيوب فارجواتقييم حضرتك ليها
|
08-11-21, 03:05 AM | #73 |
صياد جديد
تاريخ التسجيل: Nov 2008
المشاركات: 26
معدل تقييم المستوى: 6 |
رد: اى مساعدة
سلام عليكم
انا عضو جديد من مصر وبصراحه انا مندهش من المنتدى الجبار ده احب ادخل في الموضوع عدل انا عندي بندقيه نمره 2من نوع umarex cal 5.5 mml 22 ده رابط نوع البندقيه بس اللي في الصورة دي نمره 1 انما بتاعتي نمرة 2 http://www.umarex.com/index.php?id=p...ash=6ada60084a واشتريت ليها منظار من الخليج من نوع square 3-7x20 به خاصية الزووم من 3: 7 وده صورته وهو على البندقيه وكنت عايز اعرف طريقه تركيبه وظبطه هو في الحقيقه انا ركبته بس مش عارف اظبطه من المفاتيح بتاعت الظبط لان ليه مفتاحين موجودين في وسط المنظار وكنت عايز بس أعرف طريقة ظبطه وشكرا لاهتمامكم التعديل الأخير تم بواسطة severeman ; 08-11-21 الساعة 03:25 AM |
08-11-21, 11:54 AM | #74 |
صياد متقدم
تاريخ التسجيل: Feb 2008
المشاركات: 875
معدل تقييم المستوى: 10 |
رد: اى مساعدة
راجع المواضيع التالية
http://www.egypthunt.net/showpost.php?p=697&postcount=2 ثم http://www.egypthunt.net/showthread.php?t=639 و http://www.egypthunt.net/showthread.php?t=558 و http://www.egypthunt.net/showthread.php?t=656
__________________
http://img217.imageshack.us/img217/3325/up1zn4.jpg التعديل الأخير تم بواسطة msgm ; 08-11-21 الساعة 11:58 AM |
08-11-21, 03:22 PM | #75 |
صياد متفاعل
تاريخ التسجيل: May 2008
المشاركات: 231
معدل تقييم المستوى: 7 |
رد: اى مساعدة
|
08-12-13, 06:15 PM | #76 |
خبير اسحله & عضو وصياد ذهبى
تاريخ التسجيل: Nov 2008
المدينه: وسط الدلتا - طنطا
المشاركات: 302
معدل تقييم المستوى: 47 |
رد: اى مساعدة
السلام عليكم ورحمة الله وبركاتة
الاخ الفاضل مصطفى كيف حالك :ارجو ان اتكون بخير ايهما افضل بالنسبة لـــــــ جامو هنتر 1250 والا bsa التعديل الأخير تم بواسطة mo7 faqih ; 08-12-13 الساعة 06:17 PM سبب آخر: خطا |
08-12-28, 05:50 PM | #77 | |
صياد متفاعل
|
رد: اى مساعدة
اقتباس:
انا شخصيا افضل ال bsa على hunter 1250 تحديدا ال quality بتاع ال bsa احسن بكتير من Gamo مع ان الاخ (الصياد السكندرى) كان بيقول انهم شركة وحدة. هى gamo hunter1250 حلوة لاكن عبها انها بتضعف بسرعة علشان سوستتها اطول و ارفع ومش دقيقة اوى فى التنشنين. وغير كدة انا كنت مجرب bsa superten ام دراع تعمير اسفل الدبشك هى موديل مش قديم اوى , بس قوتها ممتازة والدبانة بتعتها بتختلف واحسن من اى بندقية حتى الديانة و الشكل والتصميم احسن انا لغاية دلوقتى مفيش بندقية bsa معجبتنيش. |
|
09-01-20, 07:58 PM | #78 |
صياد جديد
تاريخ التسجيل: May 2008
المشاركات: 40
معدل تقييم المستوى: 6 |
رد: اى مساعدة
السلام عليكم ورحمة الله وبركاتة
اخي الفاضل مصطفي اولا احب اوجة لك جزيل الشكر علي المجهود الرائع اللي انت بتبزلة في المنتدي وعلي المعلومات القيمة والمفيدة اللي بتمد الاعضاء بيها وان شاء الله مزيد من التقدم ثانيا لو تسمح انا عندي سوال ؟ اية الفرق بين الديانا 54 و52 و350ماجنم ارجو التوضيح بالتفصيل وانت شخصيا تفضل اي موديل فيهم والف شكر ياباشا علي ردودك وعلي تعاونك مع اعضاء المنتدي |
09-01-21, 11:31 AM | #79 |
صياد متفاعل
|
رد: اى مساعدة
مشكور اخى العزيز على الكلام الجميل دة
اولا: ديانا 54 بتتميز عن 52 بنظام امتصاص الارتداد والتصميم بتاع الدبشك فقط غير كدة البندقيتين زى بعض تماما فى كل حاجة ثانيا: الفرق ما بين 350 و 52 ان موديل 350 دراع تعمير كسر ,لاكن 52 جنب 350 اقوى ب50 قدم فى الثانية من 52 نمرة 2 وب150 قدم نمرة 1 350 اطول من 52 ب6 بوصة و54 ب4 بوصة 54 اتقل من 350 و52 بنص كيلو مصورة ال350 اطول من 52و54 ب2 بوصة انا عن نفسى لما جيت اشتريت اشتريت ال54 هى ممتازة كاستيل وثبات ولما شفت ال350 عجبتنى كقوة ولو انت بتفضل التعمير من الجنب ومبتهتمش بارتداد البندقية اختار 52 واشكرك مرة تانية على كلامك الجميل التعديل الأخير تم بواسطة moustafa_hunter ; 09-01-22 الساعة 10:25 AM |
09-01-21, 12:14 PM | #80 |
صياد جديد
تاريخ التسجيل: May 2008
المشاركات: 40
معدل تقييم المستوى: 6 |
رد: اى مساعدة
متشكر اوي يا مصطفي علي سرعة الرد
بجد انت راجل رائع |
09-01-29, 10:11 PM | #81 |
صياد نشيط
تاريخ التسجيل: Jan 2009
المشاركات: 296
معدل تقييم المستوى: 7 |
رد: اى مساعدة
السلام عليكم يا استاذ مصطفى
يا ترى الجامو هنتر افضل ولا ديانا ماحنوم 350 |
09-01-30, 12:26 AM | #82 |
صياد جديد
تاريخ التسجيل: Jan 2009
المشاركات: 10
معدل تقييم المستوى: 6 |
رد: اى مساعدة
يا ريت يا باشا لو تعرف معلومات عن البنادق الصيني اللي في مصر لو حبيت ابدأ اشتري اية
وفين لو سمحت مكان يكون بيعلم الرماية والصيد بشكل احترافي واكون شاكر لو تعرف فين معلومات اكتر عن البنادق الصيني واكون شاكر الافضال |
09-01-30, 01:12 AM | #83 |
صياد جديد
تاريخ التسجيل: Jan 2009
المشاركات: 10
معدل تقييم المستوى: 6 |
رد: اى مساعدة
يا ريت يا باشا اي معلومات عن البنادق الرش الصيني اللي ممكن نشتريها من مصر ايه افضل نوع لو عايز اشتري عرفت ان في انواع تقليد الاماني وممكن فين اتعلم الرماية والصيد بشكل احترافي لو سمحت وشكرا
|
09-02-03, 09:10 PM | #84 |
صياد نشيط
تاريخ التسجيل: Jan 2009
المشاركات: 270
معدل تقييم المستوى: 7 |
رد: اى مساعدة
ممكن يا شباب أفضل أنواع التلسكوبات إللي تنفع مع Bam B21 الصيني وياسلام لو تقولولي أسعارها كمان
التعديل الأخير تم بواسطة moustafa_hunter ; 09-02-24 الساعة 04:21 PM |
09-02-24, 02:31 AM | #85 |
صياد جديد
تاريخ التسجيل: Dec 2008
المشاركات: 9
معدل تقييم المستوى: 0 |
رد: اى مساعدة
بسم الله الرحمن الرحيم
أشكرك يا أخ مصطفى وباقي الإخوة الكرام على هذا المجهود المتميّز الذي تبذلونه لإيضاح كل ما خفي واستبهم في عالم الصيد والبنادق الهوائية. أود أن تتفضلوا بالإجابة على هذا الاستفسار الذي أظن أن خبرتكم تجاوزه بكثير، وهو يتعلق بتزييت البندقية الهوائية:- بأي نوع من الزيوت يكون؟ وما هي الأجزاء التي يتم تزييتها من البندقية الهوائية؟ وهل هي صحيحة الطريقة التي أرى بعض الصيادين يستخدمونها في التزييت؛ ألا وهي صب قطرات من الزيت في فتحة مخرج الهواء التي تقابل بداية السبطانة؛ أي الفتحة التي يخرج منها الهواء لدفع الرصاصة خارجا؟ ثم ما هي المدة التي يجب تزييت البندقية الهوائية خلالها؟ والسلام عليكم ورحمة الله وبركاته |
09-02-24, 03:56 PM | #86 |
صياد متفاعل
|
رد: اى مساعدة
|
09-02-24, 04:04 PM | #87 | |
صياد متفاعل
|
رد: اى مساعدة
اقتباس:
وفعلا فى بندقية رش صينى تقليد للديانا 52 وانا لاحظت مشركة احد الاعضاء بيقول ان سعرها وصل ل 1500 جنية و السعر دة غالى بالنسبة لبندقية صينى وفى نفس الوقت متقارب لاسعار الجامو والنوريكا. واوضح من كلامك انك عايز تحترف الصيد فلو انت مبتدئ ومش متعمق اوى فى هواية الصيد يستحسن تشترى بندقية رخيصة وغالبا هتكون الصينى وبالنسبة للنوادى المهندس محمد السيد هيسعدك اكتر منى فيها والاحتراف بيجى بالممارسة. ولا شكر على واجب اخى العزيز التعديل الأخير تم بواسطة moustafa_hunter ; 09-02-25 الساعة 12:19 AM |
|
09-02-24, 04:21 PM | #88 | |
صياد متفاعل
|
رد: اى مساعدة
اقتباس:
ثانيا اى بندقية صينى بشفها على الشبكة العنكبوتية بلاحظ انهم بيفضلوا المنظار 4 او 7 فى 15 ملى او20 ملى وغير كدة لو جبت منظار اقوى من كدة هيقف عليك بضعف تمن البندقية فكلام مش منطقى المنظار 4 فى 15 هيقف عليك ب 150 جنية تقريبا او ممكن يكون اغلى |
|
09-02-25, 12:17 AM | #89 | |
صياد متفاعل
|
رد: اى مساعدة
اقتباس:
بالنسبة لموضوع التزييت انا عن نفسى بستخدم wd-40 فى تزيت السطع المعدنى للبندقية و القليل من الشحم فى الزناد وفى مفصل دراع التعمير والحمد اللة موجهتش مشاكل مع البندقية ولا صدأ ولا حتى تقشير لدبشك البندقية والطريقة دى بستخدمها بقالى 7 سنين وبالنسبة لتزييت البندقية من المصورة دة غلط تماما علشان كدة الزييت بينزل للجلبة والسوستة وكانك زيتهم بتضبط هتحث ان البندقية بقيت اقوى فى اول 5 طلقات بس وبعد كدة هتلاقى عمر السوستة و الجلبة بيقصروا وكل شركات الاسلحة فى المواقع او حتى الكتلوج بتاع البندقية لما تيجى تشتريها بتلقية بينصح بعدم تزييت البندقية من المصورة و بالنسبة للمواد الكيميائية لمحلول التزييت انا مبهتمش بيها وبحط ثقتى كلها فى نوع العلبة فى الاول و فى الاخر اهم حاجة من التزييت انة يزيل الصدأ لو موجود حتى لو كان بنسبة بسيطة انت مش مدركها وانة يسهل حركة بعض الاسطح المعدنية المحتكة ببعضها. التعديل الأخير تم بواسطة moustafa_hunter ; 09-02-25 الساعة 12:27 AM |
|
09-02-26, 04:57 AM | #90 |
صياد متقدم
تاريخ التسجيل: Oct 2007
المشاركات: 773
معدل تقييم المستوى: 10 |
رد: اى مساعدة
وبعدين بالاضافه لكلام مصطفي انت ممكن تفك البندقيه كل 6 شهور تمام وتشحمها بس من غير تزييت ( طبعا التشحيم يكون خفيف ويكون علي اجذاء الزناد ) اعيد كلامي تشحيم خفيف جدا لان في ناس بتفتكر ان كتر التشحيم مفيد وده غلط
يعني تكرر العمليه دي في السنه مرتين ان شاء الله اي سلاح هيعيش معاك العمر كله بالطريقه دي
__________________
hamdallah_81@hotmail.com
|
09-02-26, 05:36 PM | #91 |
صياد جديد
تاريخ التسجيل: Dec 2008
المشاركات: 9
معدل تقييم المستوى: 0 |
رد: اى مساعدة
بسم الله الرحمن الرحيم
الأخ مصطفى والأخ عاصم بارك الله فيكمها على هذه المعلومات الطيبة، وجزاكم الله خيرا، وواضح أن كلامكما مبني على تجربة وخبرة طويلتين، واطلاع أيضا. ولي استفسار آخر أرجو من حضراتكم أن تتكرموا بالكلام عليه بشيء من التفصيل لو أمكن، ذلك أنني استخدم اثنين من المناظير، الأول من نوع Bushnell 50/9-3 ، والثاني Bushnell 40/9-3 ، فهل هذان النوعان جيدان؟ وثمة شيء طالما حيرني؛ ألا وهو أن مكان التصويب على الهدف باستخدام المنظار يختلف بحسب ما إذا كان الهدف بعيدا أو قريبا، عاليا أو على الأرض، وهو ما يعرف بقواعد الرماية بالبصريات، فهلا تكرمتم بشرح هذه القواعد؛ لأن معرفتي بها محدودة، مما يؤثر في الصيد كثيرا. وجزاكم الله خيرا والسلام عليكم ورحمة الله وبركاته التعديل الأخير تم بواسطة الحسن بن سرحان ; 09-03-01 الساعة 10:40 PM |
09-04-09, 06:30 PM | #92 |
صياد متقدم
تاريخ التسجيل: Oct 2007
المشاركات: 773
معدل تقييم المستوى: 10 |
رد: اى مساعدة
المناظير مناسبه جدا في الصيد القوه بتاعتهم وقطر عدستهم جميل ومناسب مفهمش اي مشكله لكن بالنسبه لقواعد المريا بالبصريات ده موضوع كبيره انا هكتبه في موضوع وازله ان شاء الله عل المنتدي
__________________
hamdallah_81@hotmail.com
|
09-04-15, 09:19 PM | #93 |
صياد جديد
تاريخ التسجيل: Apr 2009
المشاركات: 29
معدل تقييم المستوى: 6 |
رد: اى مساعدة
مصطفى وانت فعلا مصطفى
واخيرا حنلاقى اخ عزيز حيفيدنى فى المنتدى اصل انا بقالى فتره عاوز اشترى بندقيه صيد تكون اسبانى فى حدود 1000الى 1500جنيه يارب تفيدنى وتقولى نلاقيها فين وشكرااااااااااااااااااااااااااا اخوك ابو فرح |
09-04-16, 01:40 AM | #94 | |
صياد متفاعل
|
رد: اى مساعدة
اقتباس:
مشكور اخى الكريم انا بفضل الجامو cf20 عن تجربة هى بندقية حلوة فى كل حاجة , بس عبها ان الدبشك حساس شوية ولو حصل نصيب واشترتها متحطش رش كبير فى الحجم علشان بياكل الحروف , قصدى فى رش بيبقى مصبوب غلط وغالبا بيكون الرخيص متجربهوش على البندقية دى. يعنى من الاخر البندقية دى هتجيب معاك من الاخر لو حفظت عليها هى ممكن تلقيها بسعر 1200 وفى منها موديل cf 30 وعلجوا فيها المشكلتين االى انا قلتهملك دول. وقدامك برضة النوريكا جيت بس سعرها ممكن يكون من 1500 ل 1600 على حد علمى. وهى متوفرة ممكن تلاقيها فى معظم محلات الصيد وغالبا المشهورة واتمنى التوفيق و حسن الاختيار فى البندقية الى انت هتشتريها التعديل الأخير تم بواسطة moustafa_hunter ; 09-04-16 الساعة 01:42 AM |
|
09-04-16, 10:12 PM | #95 |
صياد جديد
تاريخ التسجيل: Apr 2009
المشاركات: 29
معدل تقييم المستوى: 6 |
رد: اى مساعدة
ايه الجمال ده ايه الروعه دى يا سلام لو نص الاعضاء زى درش حبيب الكل حيبقى منتدى ميه ميه
وللامام يا محترمممممممممممممممممممممممممممم |
09-04-16, 10:16 PM | #96 |
صياد جديد
تاريخ التسجيل: Apr 2009
المشاركات: 29
معدل تقييم المستوى: 6 |
رد: اى مساعدة
شكرا يا زعيم على الافاده
يعنى اتوكل على الله واشترى النوع الثانى cf30 بس انت يا درش مقلتليش سعره كام ولو فيه عيوب قولى علشان انا عاوز حاجه نضيفه ومتزهقنيش |
09-04-17, 11:37 AM | #97 | |
صياد نشيط
تاريخ التسجيل: Apr 2009
المشاركات: 273
معدل تقييم المستوى: 7 |
رد: اى مساعدة
اقتباس:
وبعدين يا ابو الافراح الاعضاء هنا كلهم والحمد لله 100 100 ومتعاونين جدا وبيحبو يساعدو بعض وزى ما انت شايف مفيش حد بيسأل على حاجه الا ويلاقى الاجابة تمام يا بشا ربنا يوفقك ونشوف صور صيدك بالجاموcf30
__________________
لا اله الا أنت سبحانك انى كنت من الظالمين عامل سلاحك على انه عدوك يتحين الفرصه للفتك بك فلا تعطيه الامان |
|
09-04-17, 02:59 PM | #98 |
صياد نشيط
تاريخ التسجيل: Apr 2009
المشاركات: 273
معدل تقييم المستوى: 7 |
رد: اى مساعدة
السلام عليكم ورحمه الله وبركاته
انا عندى بندقية gamo 600 بس السسته بتاعتها باظت وجبتلها سوسته مصرى لانى مكنتش عارف انها ممكن تاثر على قوتها كده انا عارف انها بندقية قديمة بس حلوه والله انا خر مرة اصدت بيها بالسسته المصرى اصدت 14 حمامه بس انا قولت لو جبتلها سوسته اصليه اكيد هتبقى جامده جدا سؤالى هو هل السسته بتاعتها موجود والاقيه فين وسعرها حوالى كام وهل الجلبه بتاعة الكبس ممكن اجيب واحده فبر زى الى فى البنادق الحديثة من الاخر انا عاوز اخلى البندقية دى مدفع ممكن والا ايه؟؟؟؟؟؟؟ واكون شاكر جدا يا درش
__________________
لا اله الا أنت سبحانك انى كنت من الظالمين عامل سلاحك على انه عدوك يتحين الفرصه للفتك بك فلا تعطيه الامان |
09-04-17, 03:02 PM | #99 |
صياد جديد
تاريخ التسجيل: May 2008
المشاركات: 40
معدل تقييم المستوى: 6 |
رد: اى مساعدة
الله ينور عليكو يارجالة 10 علي10
|
09-04-22, 03:10 PM | #100 |
صياد جديد
تاريخ التسجيل: May 2008
المشاركات: 40
معدل تقييم المستوى: 6 |
رد: اى مساعدة
الاخ الفاضل الاستاذ/مصطفي
فية بندقية جامو موديل CFX Royal ياريت يا درش بعد اذنك لو عندك معلومات عنها تقلي عشان البندقية دية عجباني وعايز اجيب واحدة السؤال التاني بعد اذنك لو البندقية دية مش حلوة اية هو في رايك احسن موديل في البنادق الجامو واسف يا درش علي الاطالة |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ياصيادة مصر مساعدة | عادل زيد | الصيد العام | 3 | 10-09-23 10:21 AM |
مساعدة من اي حد في القاهرة | القناص المصري | بنادق ضغط الهواء ومتعلقاتها | 3 | 10-08-24 01:25 PM |
مساعدة لله | man.man115 | بنادق ضغط الهواء ومتعلقاتها | 21 | 10-08-07 12:09 AM |
مساعدة من اهل الخبرة | salahghanam | بنادق ضغط الهواء ومتعلقاتها | 3 | 10-07-09 11:30 AM |
طلب مساعدة | darshh | بنادق ضغط الهواء ومتعلقاتها | 11 | 09-05-25 08:09 AM |