واحد بهدلنى والتانى اكرمنى

[فوزى السيد]

امبارح طلعت رحلة و كان الجو صعب جدا وانا ماشى لاقيت تكتك وقف قدامى وراكب فية واحد معاة بندقية ويبلى ندهلى روحتلة قالى اية الجو قلتلة ما فيش حاجة خالص ماتعرفش مكان كويس قالى تعالى اركب ركبت وفضلنا ماشيين حوالى ساعة بالتكتك والدنيا بتمطر وطبعا التكتك من غير ابواب مكشوف والشتا بهدلنى المهم وصلنل لمكان ونزلت وعايز كام يا اسطا فهو رد عليا وقالى اديلة 20 جنية عطيتة ال20 جنية وهو بعد ما نزل معايا شاورلى على شوية شجر صفصاف وقالى روح عند الشجر دة علية يمام كتير وانا كنت فاكرة هيجى معايا لاقية ركب تانى وقال للسواق يلا بينا اتارية كان واخدنى عشان ادفعلة الاجرة هههههههههههه اة والله وراح هو مكان تانى ومرضيش يخلينى اعرفة المهم روحت انا بقا عند اليمام الكتير ملاقيش حاجة خالص وفضلت ماشى فى الشتا والارض طينية سمرة وكل شوية الطينة تشد منى الشوز واتزحلق اقف اطلع الطينة من الشوز وامشى تانى وكل دة والدنيا بتشتى فوقى والريح يزقنى المهم اتبهدلت جدا وكررت انى ارجع للمكان اللى كنت فية قبل ما اقابل الاخ وفعلا رجعت وكانت رحلة العودة اسوء من الذهاب لان مافيش موصلات تطلعنى من المستنقع اللى كنت فية ومشيت كتير جدا المهم وصلت وانا ماشى قابلنى واحد تانى ههههههههههه اة والله واحد تانى وكان معلق جراب فى كتفة قالى سلام عليكم قلتلة وعليكم السلام انت رايح فين قلتلة مروح قالى طاب ما تيجى معايا ضحكت قالى مالك قولتلة لا ابدا بس انا منمتش من امبارح ونفسى اروح قالى مش هنروح بعيد وشاورلى على منطقة حواليها صور حديد وهى عبارة عن جنينة كبيرة جدا وجواها بيوت زى الفلل دور واحد وكل بيت حوالية جنينة صغيرة المهم المكان لوحدة شكلة تحفة وفية انواع شجر غريبة وجميلة جدا فانا ارتحت للمكان ودخلت معاة من البوبة وصلنا لحد اول بيت وقالى ثوانى ادخل الجراب جوة قولت ماشى بعد ما دخل استنيتة شوية لاقيتة طالع من غير البندقية قالى تعلى بوص كدة في اية يا عم قالى تعالى بس دخلت لحد ما لاقيتة موصلنى المضيفة قلى اتفضل ادخل ياعم يلا بينا قالى اقعد بس قعدت ودخل جوة وطلع شايل صنية عليها فطير فلاحى وجبنة وعسل وبيض وقشطة وطرمس شاى انا بصيت للصنية وضحكت قالى مالك قولتلة ماليش وطبعا انتو عارفين انا ضحكت على اية المهم انا فعلا كنت جعان وخرمان شاى جدا اكلت معاة لقمة وشربت شاى وقلى يلا بينا بقا وورانى شوية اماكن داخل الصور دة روعة كلهم يمام وبلاشون ودج اسمر وطير كتير جدا بس للاسف كان الوقت دخل على الظلام وانا كنت مرهق جدا لانى اصلا كنت طالع من غير نوم المهم الراجل اكرمنى جدا واتعرفت بية وادانى رقمة وقالى اى وقت تحب تيجى هنا كلمنى وانا ادخلك واتضحلى ان المكان دة ما حدش بيدخلة غير اللى ساكنين فية للاسف الحصيلة مش كتيرة نظرا للاحداث هى كانت 2يمام 1بلاشون حجم كبير وشوية بلابل وما صورتهمش لانى نسيت اقولكم ان التليفون فصل شحن منى وانا مع الاخ سالف الذكر ودى كانت رحلتى الاخيرة لتجربة الجامو رويال ونوعين من البشر واسف للاطالة والسلام عليكم ورحمة الله

[adhmm]

حمد لله على سلامتك بس متزعلش منى البلد فى ظروف لا يصح معها انك تثق فى كل حد تشوقة كدة ، مش معقول كل ما حد يقولك تعالى معايا تروح ( الحظر واجب )
خد بالك يا باشا واضح انك راجل محترم جدا بس مش كل مرة تسلم الجرة .

[hazeeeeem]

قصه جميله اوى هههه والحمد لله انا ربنا عوضك بالأخ
الفاضل صاحب الكرم ويكفى انك تتعرف بشخص اصيل زى ده
مش زى الاخ الاولانى الله يسامحه هههه .
تحياتى

[فوزى السيد]

المشاركة الأصلية كتبت بواسطة adhmm

حمد لله على سلامتك بس متزعلش منى البلد فى ظروف لا يصح معها انك تثق فى كل حد تشوقة كدة ، مش معقول كل ما حد يقولك تعالى معايا تروح ( الحظر واجب )
خد بالك يا باشا واضح انك راجل محترم جدا بس مش كل مرة تسلم الجرة .

كلامك صح بس المشكلة فى الموضوع واللى انا مرتضش اقولها ان الاخ الاولانى بلدياتى للاسف وعشان كدة روحت معاة وعموما العلام مش ببلاش وانا بفرح لما الاقى حد يمشى معايا لانى بطلع لوحدى واللى كان بيطلع معايا مشار برة ربنا يجيبة بالسلامة وشكرا لمرورك الكريم

[فوزى السيد]

المشاركة الأصلية كتبت بواسطة hazeeeeem

قصه جميله اوى هههه والحمد لله انا ربنا عوضك بالأخ
الفاضل صاحب الكرم ويكفى انك تتعرف بشخص اصيل زى ده
مش زى الاخ الاولانى الله يسامحه هههه .
تحياتى

اة والله اجمل ما فى الرحلة دى انة اتعرفت براجل بمعنى الكلمة مع انى شب مش كبير فى السن انما حسيت انة واحد من الناس القديمة اهل الكرم والواجب وشكرا لمرورك الكريم

[فوزى السيد]

المشاركة الأصلية كتبت بواسطة hazeeeeem

قصه جميله اوى هههه والحمد لله انا ربنا عوضك بالأخ
الفاضل صاحب الكرم ويكفى انك تتعرف بشخص اصيل زى ده
مش زى الاخ الاولانى الله يسامحه هههه .
تحياتى

اة والله اجمل ما فى الرحلة دى انة اتعرفت براجل بمعنى الكلمة مع انة شب مش كبير فى السن انما حسيت انة واحد من الناس القديمة اهل الكرم والواجب وشكرا لمرورك الكريم

[omarmagic]

حمد الله على سلامتك ياااستاذ فوزى
والحمد لله عدت على خير
وربنا يسترها معاك فى اى طلعة يارب

[فوزى السيد]

المشاركة الأصلية كتبت بواسطة omarmagic

حمد الله على سلامتك ياااستاذ فوزى
والحمد لله عدت على خير
وربنا يسترها معاك فى اى طلعة يارب

امين يا رب
الله يسلمك يا باشا وشكرا لمرورك الكريم

[sameh123]

الرجال معادن

[فوزى السيد]

المشاركة الأصلية كتبت بواسطة sameh123

الرجال معادن

فعلا معادن فيهم دهب وصفيح وانا وقعت فى الاتنين فى يوم واحد واحد دهب اصلى والتانى صفيح مصدى وشكرا لمرورك الكريم

[magdyfer3on]

واضح ان حضرتك بني آدم حسن النيه عشان كده ربنا عوضك وصدقني اللي بيكسب اللي نيته سليمه مش اللي بيعامل الناس علي سوء نيه وربنا يصحح نوايانا جميعا

[tarekvb]

والمكان ده فيييين ؟؟؟ وحضرتك اصلا منين ؟؟ مقولتلناش ... وربنا برده عوضك كفاية البلشون ده حكاية لوحده

[abdella300]

ياعم زى الفل تتعوض المرة اللى جاية

[fadeel79]

خلى بالك ومتثقش فى الناس اوى كده ربنا يسترها عليك وعلينا

[ابو مروان]

يا باشا حمد الله على السلامة ونصيحة من اخوك لا تثق فى اى شخص_يعنى موش اى حد يقوللك تعالى معايا انا عارف مكان يمام وحمام تروح معاة على طول وانتة ما تعرفوش وخصوصا وانت لوحدك موش عشان تصتاد تعرض نفسك للخطر ويفضل الصحبة فى الصيد لو هاتروح مكان بعيد _الونس حلو لا قدر الله يحصل اى ظرف تلاقى حد يساعدك او تساعد حد_جت سليمة المرة دى ورب ضارة نافعة بمعرفتك بالشخص ابن الناس المحترم اللى قابلتة

[the ghost]

انت باين عليك يا فوزى راجل طيب وربنا عوضك خير

[mohd_wafik]

ههههههههههههههههههههههههه موضوع جميل يا فوزي باشا بجد و ان شاء الله تتهنى بيها .. تقبل تحياتي

[shadow]

معلش متزعلش الناس معادن منهم من يبرق فى الشمس وتحسبه ذهب ولكنه نحاس.. أما الذهب والماس فلا يوجد الا فى باطن الأرض

[mohd_wafik]

المشاركة الأصلية كتبت بواسطة shadow

معلش متزعلش الناس معادن منهم من يبرق فى الشمس وتحسبه ذهب ولكنه نحاس.. أما الذهب والماس فلا يوجد الا فى باطن الأرض

الله ينور علييييييييييييييييييييييك بجد

[فوزى السيد]

اخوانى الكرام شكرا جزيلا لمشاركاتم ونصائحكم الغالية وانا فعلا عندى سلامة نية من نحية الناس كلها وعشان كدة ربنا بيسترها معايا والحمد لله على كل حال وكفايا عليا انى فى اليوم الصعب دة عرفت راجل محترم بمعنى الكلمة وما يتخيرش عنكم جميعا وشكر جزيلا للمشاركات الرائعة

[amr naser]

ههههههههههههههههههههه
ههههههههههههههههه طبعا انتم عارفين بضحك ليه

[احمد السمالوسى]

حمد الله على السلامة المهم ان انت روحت بالسلامة

[Max.1]

حمد لله على سلامتك و اهم حاجه انك رجعتلنا

[عبد.الرحمن]

هههههههه دي مغامرات


حمدا لله على السلامة

[sleemm]

بجد قصة جميلة جدا و الحمدلله إنو ربنا رزقك بإبن الحلال

[sniper1]

حمد الله على سلامتك يا استاذ فوزى والمهم انك رجعت بالسلام وكسبت معرفة شخصية محترمة

[محمد ناصر]

عسى أن تكرهوا شيىء وهو خير لكم .. سبحان الله لولا قابلت هذا الخبيث الأول ما كنت تعرفت على الكريم الثانى .. ولهذا قال أهل العلم أن الله عز وجل لا يأتى منه إلا الخير .. حتى وإن كان الحدث شر من وجهة نظرك للوهلة الأولى ، ولكن بعلم الله هو خير على المدى البعيد ، أو على الأقل هذا الشر الذى تراه قد دفع الله به شر أكبر كان سيحدث ..
حمد الله على السلامة

[فوزى السيد]

المشاركة الأصلية كتبت بواسطة محمد ناصر

عسى أن تكرهوا شيىء وهو خير لكم .. سبحان الله لولا قابلت هذا الخبيث الأول ما كنت تعرفت على الكريم الثانى .. ولهذا قال أهل العلم أن الله عز وجل لا يأتى منه إلا الخير .. حتى وإن كان الحدث شر من وجهة نظرك للوهلة الأولى ، ولكن بعلم الله هو خير على المدى البعيد ، أو على الأقل هذا الشر الذى تراه قد دفع الله به شر أكبر كان سيحدث ..
حمد الله على السلامة

اخى العزيز حياك الله وفعلا عسى ان تكرهوا شيىء وهو خير لكم والحمد لله وانا فعلا طلعت من الموضوع دة بصديق فى قمة الكرم والاخلاق وهذا من فضل الله علي لك تحياتى وشكرا لمرورك الكريم