بندقية تركي للبيع جديدة

[mido_23279]

صباح الفل

أحب أشكر الأستاذ أحمد (أبو حمزة) على ذوقة و أخلاقة الى لمستهم لما أشتريت منة بندقيتة التركى + المنظار التاسكو الصراحة الراجل كان فى قمة الذوق و الأخلاق و من الناس الى ترتحلها أول لما تشوفها.

بالنسبة للبنادق التركى أنا ليا وجهة نظر متواضعة :


أولا مينفعش نقارنها بالبنادق الجامو أو النوريكا

ثانيا أقرب فئة من البنادق ممكن نقارنها بيها هى البنادق الصينى و فى هذة الحالة التركى تتفوق بجدارة من حيث الخامة و القوة و السرعة و الشكل الأنسيابى الجميل.

ثالثا نيجى بقى للسعر : سعر البندقية التركى جديدة مغالى فية حبتين يعنى لو أنا معايا 1200 ج أو 110 ج حكمل عليهم 200 ج و أجيب حاجة أسبانى زى الجامو 900 أو الجامو شادو 640 ، لكن لما تبقى البندقية مستعملة أستعمال راقى (كسر زيرو) و سعرها يبقى مقارب لسعر الصينى الجديد تبقى هى تكسب و نص كمان .

رابعا : أنطباعى المبدئى عن البندقية دى

1- الخامة مش بطالة بالنسبة لسعرها ( الى أشتريت بية ) بل أفضل بكتير من الفرصة البديلةلمستوى السعر دة و هو الصينى (b2).

2- البندقية قوية خرمت ملة السرير بنسبة 75 إلى 80 فى المية والله يعنى أقوى من الصينى طبعا.
3 - تجميع النشان الفسفورى جميل و دقيق ضربت بريزة من على بعد 10 متر
و المنظار التاسكو الى معاها تحفة بعد تظبيط بسيط ضربت البريزة من مسافة حوالى 15 متر.
4- خامة النشانكاة الخلفى معدن تقيل مش بلاستيك و دة يدية ثبات و تحمل أكتر مع الأستعمال .

على فكرة أنا كنت جايب البندقية دى لأخويا الصغير بس شكلى أنا الى حضرب بيها لحد لما الاقى التحفة الى نفسى فيهاو بعدين أديهالة ههههههه

فى النهاية ممكن نقول أن البندقية التركى المستعملةأستعمال راقى أفضل بمراحل من الصينى الجديد و من ناحية تانية مينفعشى نقارنها بالجامو900 مثلا لأن فى الحالة دى سعرها حيبقى أقل من نص سعر الجامو 900 لأن دى حاجة و دى حاجة .

مع الشكر

أحمد عصام