موضوع هام بخصوص التاجر elmasry_ld وتحذير منه
السلام عليكم
بداية طرحت موضوع كان بأسم " الى العضو المحترم elmasry_ld الرجاء ارسال المبلغ" لأنه ضحك عليا في اسورة باوربلانس ب 10 جنيه وباعها لي ب 175 ودفعت كمان مصاريف شحن 27 جنية ولما ظهر ان الاسوره مضروبه وقلت له يرد لي فلوسي قال لي معلش اصل انا اتنصب عليا ومقدرش ارد لك الفلوس فحاولت معاه كتير وفي النهاية انتهينا انه هيبعت 80 جنيه عبارة عن رصيد على موبايلي وقلت له مفيش مشكلة هاجي على نفسي واتحمل انا الخسارة وده بعد ما هددته انه هبلغ فيه مباحث مكافحة جرائم الانترنت فرد عليا برسالة وقال لي هو انا عبيط زيك عشان ابعت بياناتي على الطرد ( يعني من الاخر كده بيعترف انه ضحك عليا بس بأسلوب مهذب شويه)
المهم بعد رسالته بيومين بعت 20 جنية رصيد فطلبت منه يبعت الباقي والكلام ده من اسبوع تقريبا ولحد الوقت مبعتش حاجه وأنا بعتب على الادارة لانها حولت موضوعي على ركن الشكاوي والاقتراحات وبعدين حذفته ,,,, يمكن حذفته لأن التاجر بيدفع لهم وكنت اتمنى يشوفوا مين الغلطان ويطردوا اي تاجر نصاب من المنتدى .
وملاحظة اخيرة الموضوع مفتوح ولو اتحذف هكتبه تاني ولو اخدت باند من المنتدى هخش بإسم تاني وهحط الموضوع فياريت الادارة تاخد موقف وترجع لي حقي او نص حقي اللي هو 80 جنيه
|
12-01-28, 01:03 AM
المواضيع المتشابهه
العرض المتطور
