ماتش الاعتزال

[hoka]

السلام عليكم
ازيكم جميعا؟؟ يارب تكونو بالف صحه وخير
اولا احب اوضح انى من حسن حظى انى ابقى احد اعضاء المنتدى واحد الصيادين اللى فيه واللى ده كان فخر شخصى ليا ان اسمى يبقى جنب باقى اسماء الصيادين
وكمان مدى الحب والتعاون اللى لقيتهم فى المنتدى من كل الناس وقد ايه الهوايه كبرت عندى بسرعه وحققت كتيييييير بسبب توفيق الله ثم المنتدى ومواضيعه واعضاؤه (قدامى وجدد)
وفى الختام احب اعلن اعتزالى للهوايه بعد رحله امبارح(مع اصدقائى) مش علشان الرحله ولكن لاسباب شخصيه ادت الى انى مقدرش اكمل فى مشوار الهوايه ديه واللى بحب اسميها( رياضه الملوك) واتمنى للجميع صيد موفق دائما وربنا يجعلكم احد اسباب تقدم مصر ان شاء الله
سلام عليكم

[عادل عبده]

انت طلعت الفيوم من غيرى يا حوكا ولا ايه ؟
وحصل ايه زعلك يا اخى ؟
انا مش هعرف اتصل بيك انا عندى امتحان الصبح
لما ارجع بأذن الله هكلمك
ادعيلى يا حوكا الله يكرمك

[pooforever_2010]

ليه كده ياباشا
بس انا والله كنت بحب حضرتك جدا وبحب اقرا طلعاتك
لعل السبب خير
ويا رب تعدل قرارك وتستمر
والله بجد كان نفسى لو اتعلمت الصيد اطلع معاك
تحياتى

[kefafy]

السلام عليكم ورحمه الله وبركاته
والله حضرتك طالما بتعتبرنا اخوتك ممكن تشاركنا ايه اسباب الاعتزال وصدقنى احنا هنقولك على راينا بكل امانة والله
ده لو ينفع وانا عن نفسى تحت امر ك والله
اخوك احمد

[tarekvb]

بصراحة كان حاجة من الاثنين يا اما مكنتش تعمل الموضوع ده او تقولنا على السبب انما تقول هعتزل وبعدين تقول مش هقول كيدا انت زعلتنا لان كلنا بنحبك

[hoka]

السلام عليكم اخوانى الاعزاء
اشكر لحضراتكم الاهتمام والسؤال عن الاسباب التى ادت الى اتخاذى هذا القرار وهى:
1- رغبتى الشديده وحبى للصيد تكاد تفقدنى عقلى بسبب ما اطمح اليه من مستوى عالٍ فى هذه الهوايه وما اراه فى الخارج ولا استطيع تنفيذه داخل مصرنا الحبيبه
2- يقطتع الصيد جزء كبير من وقتى وليس كرحلات فقط ولكن كتفكير وتدبير لكل رحله وحتى انى لا اترك صديق ولا قريب الا واحكى له عن رحلاتى وعن الهوايه مجملا وتفصيلا
3- انتم تعرفون انى قد امتلكت الرمسيس منذ 5 سنين مضت ولازلت اصطاد بها وهى الاولى بالنسبه لى فى البنادق ولكنى عندما امتلكت البندقيه الجديده وهى الديانا 45 امتلكنى ما يسمى داء المجموعه وهو رغبتى فى تكوين مجوعه بنادق غايه فى الدقه والسرعه والخامات وهذا لن يحدث قريبا وسوف يؤثر على لانى عندما كنت قد اتخذت قرار شراء بندقيه من الخارج لم استطع النوم لمده اسبوعين من كثره التفكير فى نوع البندقيه وطريقه دخولها بل لن تصدقو ان قلت بانى قد فكرت فى الاهداف والطرائد وحتى كيفيه ظبط الاسكوب عليها
هذا ليس مجرد حب لهوايه ولكنه مرحله من الجنون بها
4- قد تحدث مشاكل بينى وبين اهلى بسبب هذه الهوايه وذلك لانى لا اكل ولا امل من استخدام البنادق او حتى مشاهدتها امامى فى البيت وحتى لا استطيع النوم دون الاطمئنان على حالتها
5- واعتقد ان الاسباب لا ولن تنتهى ولكن هذا يعتبر اهم سبب
انا اصطاد ومعروف انى لا اكل اليمام ولا حتى الحمام وانشاله لو بط المهم عندى الصيد وفقط
طيب
صديقى روك بياخد الحصيله فى اليوم بتاعنا وطبعا هو مش بياخدها كلها وبيدى لجيرانه ولاصدقاءه وتكون شبه صدقه وتقريب بين الناس
المشكله انى ارى كل يوم فقير ومحتاج فى الشارع قد يفرحه جدااااااااااا وجبه يمام او حمام تقدم له مره فى حياته
بشوف ناس كتيييييييير اوى جعانه وناس فقيره ممكن ان انا احاول ع الاقل اطعم فردين منهم بما اصطاده
بل استطيع ان ابيع ما اصطاده لمن يريد واعطى لهم المال او حتى اشترى بيه لبس او حتى فرده حذاء ليهم
ولكنى فى النهايه لا استطيع مش علشان مقدرش اوفرلهم اليمام والحمام والوجبات بس علشان مش عارف ازاى هاعمل كده وبصراحه شايف ان اغلب الصيادين بيفرحو لما يحصلو على حصيله اكبر من غيرهم ولكن لم يفكر احد فى ان يفرح باطعام مسكين وادخال البسمه والفرحه فى قلب يتيم باى طريقه كانت
بجد ده اللى بيخلينى ندمان اوى على الهوايه ديه وانى بضيع وقت على اشباعها وكأنها مجرد غرائز حيوانيه اشبعها ولا ابالى بالاخرين
اعتذر لو كلامى فيه اهانه لحد ولكن لو حد فينا بيصطاد وشاف كميه الفقراء فى مصر وانه بيعدى من جنبهم بدون ما يعرف يساعدهم هايفهم كلامى كويس
انا مش هاقدر اديهم فلوس على طول وانتو عارفين انهم بياخدو الفلوس ومش بيعرفو ينظموا بيها حياتهم ولكن احنا احنا اللى بيتقال علينا بنمارس رياضه (الملوك) مش قادرين نوفرلهم حاجه وفى الاخر بنشتكى من دوله متسلطه متعسفه فى قرارتها وقوانينها
بجد انا ممكن اتغاضى عن كل الاسباب ما عدا السبب الاخيير بالذات لانه بيحزنى اوى فى كل يوم وكل مره بشوف فيها محتاج ومش بساعده بالرغم (انى قادر على مساعدته وكلنا قادرين)
بس
ديه اسبابى مش كلها ولكن اهمها واشكر لحضراتكم الاهتمام واعتذر عن الاطاله
سلام عليكم

[koktal]

المشاركة الأصلية كتبت بواسطة hoka

السلام عليكم اخوانى الاعزاء
اشكر لحضراتكم الاهتمام والسؤال عن الاسباب التى ادت الى اتخاذى هذا القرار وهى:
1- رغبتى الشديده وحبى للصيد تكاد تفقدنى عقلى بسبب ما اطمح اليه من مستوى عالٍ فى هذه الهوايه وما اراه فى الخارج ولا استطيع تنفيذه داخل مصرنا الحبيبه
2- يقطتع الصيد جزء كبير من وقتى وليس كرحلات فقط ولكن كتفكير وتدبير لكل رحله وحتى انى لا اترك صديق ولا قريب الا واحكى له عن رحلاتى وعن الهوايه مجملا وتفصيلا
3- انتم تعرفون انى قد امتلكت الرمسيس منذ 5 سنين مضت ولازلت اصطاد بها وهى الاولى بالنسبه لى فى البنادق ولكنى عندما امتلكت البندقيه الجديده وهى الديانا 45 امتلكنى ما يسمى داء المجموعه وهو رغبتى فى تكوين مجوعه بنادق غايه فى الدقه والسرعه والخامات وهذا لن يحدث قريبا وسوف يؤثر على لانى عندما كنت قد اتخذت قرار شراء بندقيه من الخارج لم استطع النوم لمده اسبوعين من كثره التفكير فى نوع البندقيه وطريقه دخولها بل لن تصدقو ان قلت بانى قد فكرت فى الاهداف والطرائد وحتى كيفيه ظبط الاسكوب عليها
هذا ليس مجرد حب لهوايه ولكنه مرحله من الجنون بها
4- قد تحدث مشاكل بينى وبين اهلى بسبب هذه الهوايه وذلك لانى لا اكل ولا امل من استخدام البنادق او حتى مشاهدتها امامى فى البيت وحتى لا استطيع النوم دون الاطمئنان على حالتها
5- واعتقد ان الاسباب لا ولن تنتهى ولكن هذا يعتبر اهم سبب
انا اصطاد ومعروف انى لا اكل اليمام ولا حتى الحمام وانشاله لو بط المهم عندى الصيد وفقط
طيب
صديقى روك بياخد الحصيله فى اليوم بتاعنا وطبعا هو مش بياخدها كلها وبيدى لجيرانه ولاصدقاءه وتكون شبه صدقه وتقريب بين الناس
المشكله انى ارى كل يوم فقير ومحتاج فى الشارع قد يفرحه جدااااااااااا وجبه يمام او حمام تقدم له مره فى حياته
بشوف ناس كتيييييييير اوى جعانه وناس فقيره ممكن ان انا احاول ع الاقل اطعم فردين منهم بما اصطاده
بل استطيع ان ابيع ما اصطاده لمن يريد واعطى لهم المال او حتى اشترى بيه لبس او حتى فرده حذاء ليهم
ولكنى فى النهايه لا استطيع مش علشان مقدرش اوفرلهم اليمام والحمام والوجبات بس علشان مش عارف ازاى هاعمل كده وبصراحه شايف ان اغلب الصيادين بيفرحو لما يحصلو على حصيله اكبر من غيرهم ولكن لم يفكر احد فى ان يفرح باطعام مسكين وادخال البسمه والفرحه فى قلب يتيم باى طريقه كانت
بجد ده اللى بيخلينى ندمان اوى على الهوايه ديه وانى بضيع وقت على اشباعها وكأنها مجرد غرائز حيوانيه اشبعها ولا ابالى بالاخرين
اعتذر لو كلامى فيه اهانه لحد ولكن لو حد فينا بيصطاد وشاف كميه الفقراء فى مصر وانه بيعدى من جنبهم بدون ما يعرف يساعدهم هايفهم كلامى كويس
انا مش هاقدر اديهم فلوس على طول وانتو عارفين انهم بياخدو الفلوس ومش بيعرفو ينظموا بيها حياتهم ولكن احنا احنا اللى بيتقال علينا بنمارس رياضه (الملوك) مش قادرين نوفرلهم حاجه وفى الاخر بنشتكى من دوله متسلطه متعسفه فى قرارتها وقوانينها
بجد انا ممكن اتغاضى عن كل الاسباب ما عدا السبب الاخيير بالذات لانه بيحزنى اوى فى كل يوم وكل مره بشوف فيها محتاج ومش بساعده بالرغم (انى قادر على مساعدته وكلنا قادرين)
بس
ديه اسبابى مش كلها ولكن اهمها واشكر لحضراتكم الاهتمام واعتذر عن الاطاله
سلام عليكم

كلامك عجبنى جدا يا دكتور .. وأنا معاك فى نقطة الوصول لحد الجنون فى الهوايه وده شوقته فعلا فى ناس .. بس مش لدرجة إنها تستحوذ على كل وقتك لأنها أولا وأخيرا هوايه (يعنى شئ جانبى للترفيه عن النفس) ومش منطقى أبدا أضيع فلوس كده عمال على بطال فى شراء بنادق جديده وإمتلاك مجموعه .. ودى النقطه اللى إنتا أثرتها وهى إحتياج الفقير للمال ده وهو أولى طبعا ..
لكن مش كل محتاج محتاج ..
المحتاج معروف بالتعفف ومبيطلبش حتى لو حصل الللى زى ما بنقول ..
نرجع لحكاية تكوين مجموعه للبنادق ودى تعتبر هوايه عند ناس كتيـــــر جدا وبتيجى بعد إمتلاك ثانى بندقيه .. فبنصح بالإكتفاء الذاتى بالموجود لأن حرام فعلا المصاريف دى وناس تانيه مش لاقيه قوت يومها ..
الإنسان هو المروض الأول لنفسه لا زم تأدب نفسك يا حوكا ومتزعلش من كلمة أدب نفسك يعنى روضها على التوازن فى مسألة الصيد وحب الهوايه وخلى شغلك الشاغل حياتك الإجتماعيه والعمليه أفضل وحتى لو هتسيب الهوايه ..
فرهان إنك هترجع ليها على طول لأنك بتحبها .. بس زى ما قلتلك أدب وروض نفسك على إعطاء وقت كبير جدا من حياتك للأسره والعمل وهتلاحظ فرق كبير أكنك كنت فى غيبوبه وفقت ..
مع خالص تحياتى يا دكتور محمود ..

[kefafy]

اخى العزيز انا مريت بحالة حضرتك كذا مرة (لما اتعلمت صيد السمك بقا عندى جنون شراء مكن الصيد بانواعة حتى انواع الصيد زى الجر الى مبجربوش اشتريت مكنتة , لما جيت اشترى عربية كان عندى هبل الاكسسوارات وانزل اغسلها بنفسى وكان بيجى عليا وقت انى انام فيها !! , صدقنى حصل معايا زيك ويمكن اكتر
حتى تزوجت ورزقت بمحمود والحمد لله بقا هو لزتى ومتعتى فى الحياة , بس قبلها كان العلاج من حالة حضرتك دى بعد كل مرة كالاتى بظبط :
1- قرب لربنا سبحانة وتعالى وفكر دائما ازاى ترضى ربك زى مبتفكر ازاى ترضى ذاتك
2- خطط لمستبقلك وفكر فى النهاردة ايه الى عملتة وايه الى كنت المفروض تعملة
3- فكر ان حضرتك معاك ديانا 45 , فى غير حضرتك من الشباب حوليا وحوليك نفسة يجب بنطلون جينز جديد مش مستعمل من حد تانى
وقارن دائما مابين الى اقل منك واحمد ربنا من قلبك وليس من لسانك
وصدقنى لو عملت ده من قلبك وباخلاص ربنا هيعينك عليه و هتبقا بالنسبة لحضرتك الهوايه مش اكتر من هواية وليست غاية
اخوك احمد كفافى

[ابو مروان]

كلامك صحيح يا دكتور فانت تمر بمرحلة ما بين الهواية والادمان واعتقد ان علاجها سهل بسيط ان شاء الله منها على سبيل المثال الخروج للصيد فترات متباعدة غير منظمة تدريجيا حتى تصير هواية وليست ادمان _ثانيا تحويل طلعات الصيد الى حافز يعنى مثال لو زاكرت الاسبوع دة جيد جدا وانجزت جيد جدا تذهب للصيد_ اما بخصوص كلام حضرتك عن الناس الغلابة فالامر دة سيظل طول الابد حيث خلقنا الله فوق بعضنا البعض درجات _نساعد بقدر ما نستطيع ولا نحمل نفسنا اكثر من طاقتها لان هذا هو مراد الله فى خلقة_ امتلاك مجموعة من البنادق انا لا ارى بة شيئا ولكن لا يكلف الله نفسا الا وسعها يعنى حضرتك معاك بندقيتين ولو توفر معك مبلغ مالى بعد اخراج زكاتك وتصدقك على البؤساء والمعدمين وصلة الرحم الخ...... هات بنقديةواتنين وتلاتة واربعة ......اعتقد ان ذللك خير الف مرة من انفاق الاموال فى سفاسف الامور ...... انا معيا الشنغهاى الصينى وهى بندقية متوسطة ونفسى اجيب حاجة احسن واحسن بس بعد الثورة الاسعار ارتفعت وعملى تاثر بالوضع الراهن وعندى اسرة فهناك اولويات _ولكن احلم واسعى لامتلاك بندقية تانية ولكن الاهم فالمهم_يا ريت وجهة نظرى تكون وصلتك

[mazenger]

ان ارت الاعتزال فهذا صعب عليك وانا ادركة تماما ولاكن تحرمنا من مشاركاتك تحياتى اليك

[هشام سمير]

اعتزال ايه يا محمود
انا عارف ومتأكد ان حد فى عقليتك يقدر وبكفأءه ان يوزع وقته وينظم حياته
بس انتا شايف ان صياد زيك ينفع يعتزل
امال نسيب الهوايه لمين يا حوده
انا مش معاك ابداً يا دكتور

[احمد صابر حسن]

السلام عليكم
يا استاذ حوده انا اسف على الى هقوله ده بس يا ريت انته تتقبله منى
انته كده جبان و بتهرب و معندكش الشجاعه انك تواجه اى حاجه
انته خايف انك توصل بالفعل ل حد الادمان و مع ذلك محاولتش انك تعالج ده الا بالهروب الكامل
واجه نفسك و اعرف انك امام مشكله حقيقيه و انك على اتم استعداد للتصدى لها و محاربه نفسك
لان اصعب حاجه على الانسان محاربه نفسه و محاربه شهواته و رغباته و لكن اذا انتصر عليها لا يستطيع اى شئ اخر الانتصار عليه
و ارجوك بتقبل كلامى

[عادل عبده]

بص ياحوكا يا صديقى واخى الدود ههههههههههههههههههه
انا مش هقدر اقول كلام بعد الكلام اللى الناس الافاضل اللى اكثر منى خبره واكثر منى ذكاء وحكمه وادراك للامور قالوه
بس كل اللى هقولهولك استهدى بالله كده
وانا عاوز اشوفك ونقعد مع بعض


على فكره يا حوكا وقعتك بيضه عشان جبت ديانا ومقولتليش يا نجم


حبيبى يا حوكا عيب اللى انت بتعمله ده وانت اكبر من كل ده بكتير جدا وبرده عاوز اقعد معاك عشان تليفونك هيس كالعاده