عملت حاجة مزعلاني اوووووووي

[ِAhmedAlaa2007]

مساء الخير علي اجدع صيادين في مصر صيادين منتدانا العزيز
اولا كل سنة وانتوا طيبين بمناسبة شهر رمضان المعظم اعاده الله علينا وعليكم بكل الخير
الموضوع باختصار ان انا في البلد عندنا قط وقطة من زمان اوووي من ايام بيت العيلة الكبير ودلوقتي راحوا علي بيت جدو الجديد المهم انهم مؤذيين اوووي وبيعملوا فينا حاجات كتير مش لطيفة وبيدخلوا يسرقوا الاكل ويوسخوا البيت لا وساعات بيعوروا الفراخ بتاعت تيته وساعات بيجوا يشموا الاكل وبجد زهقونا اوووي لكن كنا صابرين عليهم وكنا بنديهم اكل وكل حاجة المهم الموضوع كبر والقطة خلفت اربع قطط صغيرين من يجي شهرين ولما كبروا ابتدوا يبقوا افظع من الاول وارخم لدرجة اننا مبقناش نعرف نفتح الباب وكل ما نيجي نفتحه يدخلوا ويبدهلوا الدنيا لغاية ما جدو زهق منهم بشكل رهيب المهم كنت في البلد يوم الخميس اللي فات ومعايا كالعادة نوريكتي يعني غالبا بضرب رماية هناك في الجنينة بتاعت جدو كبيرة ومناسبة ويومها علي المغرب كده لقيت جدو بيقولي هات البندقية اصلي عايز اموت القطط دي المهم انا مكنتش موافق بس قعد يقولي مهم مؤذيين وهيعيونا وكلام كتير كده المهم شبه اقتعنت وتحس اني ساعتها اتهبلت وتخليت عن مبادئ بشكل غريب ولغاية دلوقتي مش عارف انا عملت كده ازاي المهم خد البندقية وحط رشة ماتش وضرب علي القطة مجتش فيها اصل جدو نظره ضعيف شوية المهم خدت البندقية وضربتها انا ومن اول ضربة مني في راسها ماتت وكانت المسافة تقل عن 10 م برش مارسمان (كنت حاطط الرش في جيبي واتقلب علي بعضه وانا اصلا مكنش قصدي اموتها كان قصدي السعها بس) المهم كملت ضرب علي ال6 قطط بالماتش عشان السع بس المهم جت القطة الكبيرة اللي مضيقاني اوووي جدو قالي موتها الصراحة مقدرتش اقوله لأ المهم طلعت المارسمان وضربتها من بجي 10 متر او 12 وقعدت تتشنج وحسيت انها ماتت المهم قولت اضربها كمان طلقة عشان تموت واخلصها من العذاب خدتها وجريت وانا وراها ضربت التالتة وهيا تصوت وانا مش قادر نفسي اخصلها من العذاب باي طريقة ومش قدامي غير اني اضربها تاني والرابعة والخامسة ومفيش فايدة البندقية ضعيفة ومش بتعمل حاجة غير ان القطة بتتعور وراسها اتدمرت خالص ونزلت دم كتير وتصوت وانا مصدوم من المنظر ومستحرم اللي انا عملته المهم رحت واخد البندقية مدخلها جوه ودخلت اتوضيت وصليت المغرب وركعتين واستغفر ربنا ومن ساعتها وانا حاسس بتأنيب ضمير غير عادي ومعرفتش انام وزعلان من نفسي اخر زعل لدرجة اني مش قادر امسك البندقية تاني وبفكر ابيعها !!
ادعولي ربنا يسامحني علي انا عملته

[NEW_Year]

هو ضرب القطط حرام لان ساعات بتبقي روح انا اسمع ان حتي ضرب القطط حرام حتي لو بالايد
ربا يسامحك وهو ربنا عالم ان جدك هو الي قالك واستدرجك عاطفيا وانت من خوفك عليهم
عملت التصرف فدا
ربنا باذذن الله يسامحك
ربنا غفور رحيم بس ياريت مش تضرب قطط تاني خااااااااااااااالص
وانت طلاما بتأنب نفسك وضميرك واجعك دا دليل علي انك انسان كويس وصافي من جواك
وربنا يسامحك باذن الله
تحياتي

[marwan]

هو انت مش غلطان في حاجه لان القطط كانو بيئذو غيرك ممكن كان امفروض تضربها في الصدر او القلب

[hemi afifi]

احنا مش حنقول هو مش غلطان بس احيانا بيكون غلط واحد بيتبنا عليه حياة بني ادم محترم باقي حياته عشان اتعلم من غلطه و مش معني ان قطه عاشت بغريزتها و هي الشقاوه و سرقة الاكل و الحاجات دي اننا نقتلها عشان هي ربنا خالقها كده و هي مبتفكرش , حتي لو قطه بتعض حد عشان بتدافع عن عيالها او حاجه كده دي تبقي غلطة اللي قرب منها في الاساس و لا اظن يجوز قتلها ايضا , اتعلم الثبات علي المبدأ باقي حياتك و انك لو قررت انك مش حتضرب حيوان غير للصيد و الاستفاده منه باكله فلن يقنعك احد بتغير مبدئك

[loverlover]

انما الأعمال بالنيات .. انت نيتك ساعتها ماكنتش انك تأذيها أو تعذبها
انت كنت عايز تموتهم .. عشان سببوا ضرر كبير للجميع
ونيتك كانت خير يعنى ماكنتش عايز تأذيهم وخلاص
هو كان ممكن تتخلص منهم بانك كنت سرحتهم احسن
بس اللى حصل حصل .. وربك غفور رحيم .. اذا كان بيقبل التوبة فى قتل النفس
مش هيقبلها فى قتل قطة
ادعى ربنا يسامحك ويغفر لك وان شاء الله ضميرك يرتاح
تقبل خالص تحياااااااااتي

[ahmed yasser]

طب يعنى القطة كدا اتدمرت وعيالها ماتو حراام كدا كنتو سموهم وخلاص بدل العزاب دا كلو

[احمد نصر]

الله اعلم
بس انتا كدا منعت ازيتها وده مش حرام
بس اتعلم انك متعذبش حيوان بعد كده
ياريت مكنش طولت عليك
ولا تبكى على اللبن المسكوب

[mohamed2010habib]

إحدى فتاوى العلماء

اذا كانت الهرة مؤذية أذىً خارجاً عن العادة، ولم يمكن دفعها بضربٍ خفيف أو زجر أو إخراجٍ من البيت ونحو ذلك جاز قتلها، وذهب الأحناف إلى أنها تقتل ذبحاً، وأما إذا لم تكن مؤذية إيذاءً بالغاً وإنما على عادة القطط، فإنها لم يجز قتلها، فإن قتلت أثم القاتل ولزمته التوبة.

بسم الله الرحمن الرحيم

(( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ

إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ))

صدق الله العظيم

و فى رايي المتواضع اللى يتعرض لموقف زى ده ممكن تشترى شريط منوم و تتطحن الاقراص و تحطها للقطط فى الاكل
و بعدين ممكن تشيلها و توديها اى منطقه تانيه

[m.gad]

المشاركة الأصلية كتبت بواسطة hemi afifi

احنا مش حنقول هو مش غلطان بس احيانا بيكون غلط واحد بيتبنا عليه حياة بني ادم محترم باقي حياته عشان اتعلم من غلطه و مش معني ان قطه عاشت بغريزتها و هي الشقاوه و سرقة الاكل و الحاجات دي اننا نقتلها عشان هي ربنا خالقها كده و هي مبتفكرش , حتي لو قطه بتعض حد عشان بتدافع عن عيالها او حاجه كده دي تبقي غلطة اللي قرب منها في الاساس و لا اظن يجوز قتلها ايضا , اتعلم الثبات علي المبدأ باقي حياتك و انك لو قررت انك مش حتضرب حيوان غير للصيد و الاستفاده منه باكله فلن يقنعك احد بتغير مبدئك

خلاص نبقى نيسيب الفئران والثعابين والعقارب والتمساييح علشان بتعيش بغريزتها. الموضوع مش كده المفروض لو حيوان مؤذى يعزل عن الانسان فى اماكن مؤهلة لكده لان قتل بعض الحيوانات اولا فيه حرامنية وثانيا علشان متنقرتش

[احمد نصر]

المشاركة الأصلية كتبت بواسطة mohamed2010habib

يا باشا انت عملت ذنب و استغفر الله

بسم الله الرحمن الرحيم

(( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ

إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ))

صدق الله العظيم

و اللى يتعرض لموقف زى ده ممكن تشترى شريط منوم و تتطحن الاقراص و تحطها للقطط فى الاكل
و بعدين ممكن تشيلها و توديها اى منطقه تانيه

صدق الله العظيم
ممكن افهم من حضرتك ايه الذنب فى اماطه الاذى
واسف لتدخلى

[mohamed2010habib]

المشاركة الأصلية كتبت بواسطة احمد نصر

صدق الله العظيم
ممكن افهم من حضرتك ايه الذنب فى اماطه الاذى
واسف لتدخلى

يا اخى العزيز اذا قتلتم فاحسنوا القتله


(وَمَا مِن دَآبَّةٍ فِي الأَرْضِ وَلاَ طَائِرٍ يَطِيرُ بِجَنَاحَيْهِ إِلاَّ أُمَمٌ أَمْثَالُكُم مَّا فَرَّطْنَا فِي الكِتَابِ مِن شَيْءٍ ثُمَّ إِلَى رَبِّهِمْ يُحْشَرُونَ)

[احمد نصر]

كلام جميل جدا اخى الفاضل
ولكن خلاص هو اتصرف واحنا كلنا بنتعلم من بعض
ولكن انا لو كنت مكانه كنت عملت كدا
لان موقف مماثل حصل مع والد واحد صحبى والقطه خربشته وهو تعب والحمد لله اتعالج
وربنا يكفينا شر الحيوان اللى فى الظاهر لطيف ولكنه مؤذى
واسف للاطاله

[hemi afifi]

الفئران و العقارب يحل قتلها في الحل و الحرم من واقع الحديث الشريف و التمساح و الثعبان لم يخلقها الله في صوره تسمح باستئناسها و لذلك من ربي ثعبان او تمساح فليتحمل مسئوليتها و في حال قتلها فحسابه مع الله لا نعلم عنه شيئا و لكن الموضوع نتكلم به عن قطط و الاذي الذي تكلم عنه و هو سرقة الاكل و توسيخ المنزل او اي فعل اخر لم يرتقي للمستوي الذي يحل قتلها انا اربي الحيوانات بانواعها من سنين و لم اقابل في حياتي قطه تهاجم بدون اسباب و القطط يصيبها الصعار كالكلاب و هذه تهدد الناس و اظن يحل قتلها و هناك قطط طبيعيه لا تحب ان تحمل او تقترب من صغارها و لذلك تهاجم من فعل ذلك فقط و في حالة العلم بذلك فلماذ يفعل ما يجعلها تهاجمه و في النهايه يحملها المسئوليه و يقتلها, الموضوع كان له العديد من الحلول الاسهل و الاكثر انسانيه و الاوضح في الموقف من الله عز و جل و لولا تصرفات الانسان لما انقرض حيوان بغير مشيئة الله

[hemi afifi]

المشاركة الأصلية كتبت بواسطة m.gad

خلاص نبقى نيسيب الفئران والثعابين والعقارب والتمساييح علشان بتعيش بغريزتها. الموضوع مش كده المفروض لو حيوان مؤذى يعزل عن الانسان فى اماكن مؤهلة لكده لان قتل بعض الحيوانات اولا فيه حرامنية وثانيا علشان متنقرتش

الفئران و العقارب يحل قتلها في الحل و الحرم من واقع الحديث الشريف و التمساح و الثعبان لم يخلقها الله في صوره تسمح باستئناسها و لذلك من ربي ثعبان او تمساح فليتحمل مسئوليتها و في حال قتلها فحسابه مع الله لا نعلم عنه شيئا و لكن الموضوع نتكلم به عن قطط و الاذي الذي تكلم عنه و هو سرقة الاكل و توسيخ المنزل او اي فعل اخر لم يرتقي للمستوي الذي يحل قتلها انا اربي الحيوانات بانواعها من سنين و لم اقابل في حياتي قطه تهاجم بدون اسباب و القطط يصيبها الصعار كالكلاب و هذه تهدد الناس و اظن يحل قتلها و هناك قطط طبيعيه لا تحب ان تحمل او تقترب من صغارها و لذلك تهاجم من فعل ذلك فقط و في حالة العلم بذلك فلماذ يفعل ما يجعلها تهاجمه و في النهايه يحملها المسئوليه و يقتلها, الموضوع كان له العديد من الحلول الاسهل و الاكثر انسانيه و الاوضح في الموقف من الله عز و جل و لولا تصرفات الانسان لما انقرض حيوان بغير مشيئة الله

[moorey]

بص انا لو كن تمكانك كنت عملت كده و اكتر كمان انا اصلا بكره القطط بس هم كانوا مؤزيين فان شاء الله ربنا يغفرلك علي الانت عملته

انا كان عندي حمام و في مره قطه كانت و لده و هي و ولدها اخدوا جوز زغاليل كانوا غليين و كلوهم لما انا طلعت عند الحمام بتاعي و لقيت المنظر ده و هم بيكله الزغاليل قمت موتها هي و ولدها كلهم علشان دي حاجه تداييييييييييق اوي

[M.SHADY]

مش قادر اقولك حاجه غير ان ربنا يسامحك و يغفر لك . بس اللى انت عملته ده من وجهه نظرى انا اكبر غلط لان دى قطه مش ثعبان سام

[القبطان المصرى 77]

لا حول ولا قوة الا بالله
ان شاء الله ربنا يسامحك ويسامحنا جميعا
مفيش حد مننا معصوم من الخطأ
لكن كان الافضل انك تحطهم فى شوال مثلا وتاخدهم وتتطلقهم فى منطقه بعيد عن البيت بدل قتلهم
لكن قدر الله وما شاء فعل

[ِAhmedAlaa2007]

شكرا لكل واحد كتب رد انا فعلا غلطت وكان المفروض افكر في اي حل يكون اقل ضرر وده فعلا كان اكبر حاجة غلط عملتها

[قناص المنوفيه]

انتظر انتقام ربنا للاسف قتل القطط دى هيجى عليك بمصايب كتيره
وربنا يسترها عليك انا جدى قتل قطه زمان بيته وقع فوقهم !!

[أبو مهند]

إن شاء الله تتوب إلي الله بسرعة وتتصدق بأي صدقة بسرعة أيضاً
فالحسنات يذهبن السيئات
والمرة القادمة فكر قليلا وستجد حل افضل من القتل

[hogan]

انما الأعمال بالنيات

[Ahmed salama]

المشاركة الأصلية كتبت بواسطة قناص المنوفيه

انتظر انتقام ربنا للاسف قتل القطط دى هيجى عليك بمصايب كتيره
وربنا يسترها عليك انا جدى قتل قطه زمان بيته وقع فوقهم !!

ياراجل دة كلام يتقال ينفع كدة !!!!!
دة لو حقيقي مينفعش تقولة بدل ما تطمن الراجل أو تقولة ربنا يغفرلك تقولة البيت هيقع فوق دماغة
لا اله الا الله

[loverlover]

المشاركة الأصلية كتبت بواسطة قناص المنوفيه

انتظر انتقام ربنا للاسف قتل القطط دى هيجى عليك بمصايب كتيره
وربنا يسترها عليك انا جدى قتل قطه زمان بيته وقع فوقهم !!

ايه ياعم الكلام دة ,, عيب عليك انت متعلم
وحد الله كدة وفكك من الخرافات دي
وماعتقدش ان دة وقته يعنى ولا مجاله انك تقوله كلام زي دة
"من كان يؤمن بالله واليوم الآخر فليقل خيرا أو ليصمت"
ولا حول ولا قوة الا بالله
وربنا يهديك