|
|
|||||||
| بنادق ضغط الهواء ومتعلقاتها معلومات عن بنادق ضغط الهواء والرش ومستلزماتها. |
|
|
أدوات الموضوع | إبحث في الموضوع | انواع عرض الموضوع |
12-02-28, 07:59 AM
|
#1 |
|
صياد متقدم
تاريخ التسجيل: Dec 2011
المدينه: Cairo-Ain Shams
المشاركات: 813
معدل تقييم المستوى: 11     |
الحل النهائي لكل مشاكل النشان في كل البنادق الهوائية
  طبعا اكيد الكل داخل الموضوع يشوف ايه الحكاية...الراجل بيقول الحل النهائي لمشاكل النيشان بصوا ياجماعة صلوا بينا على النبي (عليه افضل الصلاة والسلام) هاحكي حكايتي وبعدها اقول الحل ( لازم ترغي يعني ماتنجز علطول  ....معلش استحملوني)انا معايا بندقية Diana 35 تمام اشتريتها من فترة بسكوب السكوب طلع مش مظبوط وطلع عنيا والأخوة نصحوني ابتدي حياتي في الصيد بالضرب اوبن سايت....طب تمام جيت اجرب لقيت 3000 مشكلة في البندقية من اول الرش لغاية النيشان  النيشان بتاعي طلع مفوت بشكل غير معقول والمسمار اللي بيحركه يمين وشمال مفوت رحت للأستاذ محمود شلبي يشفلي حل ....قالي هو وعادل عبده النشان ده يتعاير ويتثبت بإيبوكسي ده طبعا لو مش عايز تشتري نشنا خلفي بـ300 جنيه  وفي اللي نصحني استعوض ربنا فيه وارجع اشتري سكوووب تاني وبصراحة العملية مزنقة معايا وانا جبت اخري من البندقية دي  قولت ربنا يسهل بقى لما تفرج سواء ابيع البندقية واجيب حاجة جديدة او اجيب ناشينكان خلفي او اجيب اسكوب محترم انا من طبيعتي بحب اجدد واغير والعب في كل حاجة بتاعتي قولت لو هابيع البندقية لازم اجددها وارجعها فبريكة وفعلا ابتديت في الأجزاء المعدنية رشيتها اسود مط طبقا لنصيحة حبيب قلبي الأستاذ أمين حجازي بس من جوايا الناشينكان الخلفي منكد عليا عيشتي قمت مثبته بإيبوكسي بعد المعايرة الجبارة والنتيجة البندقية بتحدف يمين ......هاتجنن  وانا بدور على النت على شوية حاجات للبندقية لقيت بقى الحل انا شيلت الناشينكان الخلفي كله طب وهتنشن ازاي يافالح؟؟...منا جايلك في الكلام اهو!! انا هانشن بعود كبريت.....ابتدينا نهيس  لا والأحلى كمان دقة التنشين 100%... لا انت كدا قلبت ابو العربي!!!  ازاي بقى..!!!! انا حطيت عود كبريت في خرم المسمار الصغير اللي بيمسك قاعدم الناشينكان في البندقية وبظبط رؤيتي على راس عود الكبريت مع راس الناشينكان الأمامي وبضرب الصور بقى دول مجموعة الناشينكان الخلفي البايظ بتاعي  ده شكل البندقية بدون الناشينكان الخلفي  اول فتحة مسمار تثبيت من ورا هو اللي هاثبت فيه عود الكبريت  وده العود وهو متثبت   طب هانفترض الموضوع صح ياعم الحاج ....طوله قد ايه؟؟  بالنسبة للطول انا قعدت اجرب كذا عود بحيث نهايته من فوق لما تتعامد مع راس الناشينكان الأمامي تجبيلي الأهداف وطلع طوله 2.2 سم وجربته والمفاجأة اصابة في السنتر  طبعا الموضوع فتح ابوابه ليا والموضوع هايكون تحت التجربة للمسافات البعيدة والقريبة وتطويره بحيث يكون شيك وعملي وكمان فسفوري!!! بس اهم حاجة انه حل عملي ناجح سهل وغير مكلف بالمرة ودقيق للغاية وياريت اللي يحب يجربه ويقولي ايه النتايج عشان نقدر نظبطه وفعلا لايأس مع الحياة و لا حياة مع اليأس  اكيد طبعا هاطلب تثبيت الموضوع عشان الجميع يستفيد  ويارب يارب يكون الفكرة دي عجبتكم تحياتي للجمــــــــــــــــــيع..................... اخوكم في الله.... م/محمد عبد الرحيم
__________________
ڵــۄ ڸــــ۾ ٱ ګــڻ ٱڹــا ڶـــۈڐڋټٴ ٵڼ ٱ ګــۄڼ ٱڹــا م/محمد عبد الرحيم غير متواجد حاليا بسبب الأمتحانات ادعولي بظهر الغيب انا وكل طلبة المسلمين 7 5 3 9 3 8 4 1 1 0 _-_-_-_-_-_-_-_-_-_-_ 4 1 1 7 0 2 0 1 0 1 0
|
|
|
| sponsor links |
| sponsor links |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| نزع النشان الأمامي في البنادق؟ | fesal | الورشة | 1 | 12-03-23 06:34 PM |
| الحل النهائي لمشكلة غلاء أسعار بنادق الرش | tabeeb | الصيد العام | 23 | 11-11-02 09:55 PM |
| من اجل المحافظة على البنادق الهوائية | essam assem | بنادق ضغط الهواء ومتعلقاتها | 17 | 11-09-12 09:03 PM |
| مقارنة بين البنادق الهوائية | shady016 | بنادق ضغط الهواء ومتعلقاتها | 5 | 10-09-29 08:25 PM |
| مشاكل الازواج و الحل هنا ؟ | smsmn8888 | الصيد العام | 9 | 10-07-31 11:16 AM |
العرض الشجري