اولى طلعاتى بالكرال

tarekabasy · 12-12-23, 04:45 PM

صباح الفل على احلا صيادين.....
اشتريت الكرال الحمد لله بلمسات فنان الكرال بجد عادل عبدة
وطلعت بيها مرة ونسيت اخد التارجتس اللى كنت هدرب نفسى عليها هههههههه هى كانت غلطة احمد ابنى بس الحمد الله تم استخدام اهداف من البيئة المحيطة وكانت علب كانز وازايز مية وقطع خشب المهم اتسلينا واتعلمان شوية رماية والحمد لله وبعدها باسبوعين خرجت للصيد تانى والحمد لله ربنا رزقنى ب الشوية دول.....وطبعا البندقية خدت منى شوية وقت على ما فهمت انها نشانها عاوز يترجلش و طبعا الزبط على التارجتس كان اسهل بكتير وتم تصفير النشان وخصوصا ان صاحبها كان بيصطاد بسكوب ومش مهتم بزبط النشان الخلفى كان تقريبا شبة مفكوك ........ضاع منى ضربات كتير وفى الغالب اللى كانت قريبة......لكن سبحان الله جبت ضربات بعيدة حلوة ماكنتش متخيل انها اساسا هتيجى ...
[IMG]

Uploaded with ImageShack.us[/IMG]
من الحاجات الغريبة كان فية يمامة حزرة جدا جدا جدا كل ما اقرب منها 30 متر تطير وتبعد 60 او 70 متر بصراحة كانت غريبة جدا جدا حذذرة بشكل مزهل......بس سبحان الله الحذر لا يمنع قدر.....مشيت وراها يجى 5 مرات وكل لما اقرب تهرب وتطير بعيد وانا وراها هههههه وترجع عكس 5 مرات لغاية ما قولت مابدهاش هسيبها وامشى وبعدين قولت انا مش خسران حاجة هضرب عليها وخلاص ولونها مش هتيجى...كانت بعيدة اوى اوى كنت شايفها نقطة وكمان كانت واقفة على ارض زراعية محروتة يعنى كانت شبة مش باينة بسبب انها والأرض اللى واقفة عليها الأتنين لون واحد وسبحان الله عشان هى كانت حذرة جدا جدا كانت واقفة تبصلى وضربت عليها وجت هيد شوت .... وساعتها جرى احمد ابنى هو وصاحبة يجيبوها ويحللوها وانا مشيت لغاية عندهم وعديت خطواتى طلعوا 51 خطوة وانا ال30 خطوة بيعملوا 20 متر يعنى كانت من بعد 33 متر تقريباوكانت اجمل اصابة فى اليوم

من الحاجات الأغرب يمامة ضربت عليها ريشت وطارت لفوق فى اتجاة عمودى ناحية السما بارتفاع لا يقل عن 400 متر وبعدين لما وصلت لأخرها فى الأرتفاع توجهت ناحية الطريق الدائرى لمسافة بتاع 5 كيلو وانا شايفها لحد ما غابت عن نظرى كان فية فلاح فى الأرض بقولة بزمتك عمرك شوفت يمامة بتطير كدة قاللى ولا حتى حمامة يا بية هههههههه

خدوا دى كمان فى اول اليوم ضربت يمامة كانت الأستفتاح ريشت وطلعت فوق عمود مبانى جيت اضربها قامت نازلة وسط خرسانة العمود هههههههههه طلعتلها البيت من جزء مكسور هدينة بتوع الأزالة على ما طلعت فوق ببص مالقيتهاش ههههههههه احمد وصاحبوا جم ورايا ومابصوش عليها قولت حرام هتموت بعيد المهم بعد ساعتين تلاتة بضرب على شوية يمام قامت طايرة اليمامة واللى كنت معلمها بان ديلها وقع من الضربة ههههههه وببص لقيتها هى كل اليمام طار لبعيد وهى الوحيدة مابتطيرش بسرعتهم وفضلت وراها تخيلوا سبحان الله ضربتها 3 رشات وكلة بيريش وتطير لحد ما تعبت ضربتها وقفت مكانها الغريب ان حتى بعد ما دبحناها وسبناها على الأرض كانت بتجرى ههههههههههه وفضلت صاحية يجى 20 ثانية

[IMG]

Uploaded with ImageShack.us[/IMG]
ضاع منى يجى 4 يمامات تانى وقعوا فى بيوت مقفولة ومافيهاش ناس..... دا غير اللى ريش ويمامة ضربتها كسرت جناحها من على بعد يجى 40 متر هربت واستخبت فى شجر شبة صحراوى كثيف وماعرفناش نطلعها مانا اتشجعت بقا وبقيت اضرب اليمام الحذر من بعيد هههههههه حتى ضربت حمامة من نفس المسافة تقرييبا وقفلتها.

المهم كان يوم حلو مليان مغامرات زود ثقتى فى الكرال وفى الرش اة عارفين الرش المستخدم كان اية مارسمان........

ووقت الصيد من 7 الصبح ل 12 الضهر
والمكان جنب الطريق الدائرى شبرا الخيمة

القبطان المصرى 77 · 12-12-23, 04:53 PM

هههههههههههههههههههههه
اولا الله ينور عليك بجد وعلى طريقة كلامك
ثانيا وده الاهم
ان الصياد مننا لما بيكون طالع يصطاد وربنا بيكرمه من اول الطلعه نفسه بتتفتح بعد كده لباقى اليوم
ثالثا بقى
اهلا بيك وسط الجزارين بتوع الكرال
وخصوصا لما تكون كرال من ايد عادل عبده

tarekabasy · 12-12-23, 05:01 PM

حبيبى يابو القباطين هههههههه خلى بالك دى اول مرة امسك فيها بندقية انا دايما ماسك الماوس فى ايدى اليمين والكيبورد فى ايدى الشمال هههههههههه...........
طلبت تليفونك عشان كنت عاوز اناقشك فى موضوع خاص بالرش...ابعتهولى خاص يا ريت

القبطان المصرى 77 · 12-12-23, 05:20 PM

هههههههههههههههههههه
دى اول طلعه وعملت كده؟؟؟
امال باقى الطلعات هاتعمل ايه بقى
........
تم يا افندم الارسال
تحت امرك

tarekabasy · 12-12-23, 05:42 PM

اقتباس:

المشاركة الأصلية كتبت بواسطة القبطان المصرى22

هههههههههههههههههههه
دى اول طلعه وعملت كده؟؟؟
امال باقى الطلعات هاتعمل ايه بقى
........
تم يا افندم الارسال
تحت امرك

شكرا يا باشا وان كنت اتمنى تكون موبينيل والا اتصالات اطلع بالموبينيل يا قبطان ههههههههههه
.........يابو القباطين وما رميت اذ رميت ولكن الله رمى احنا بنعمل اللى علينا وبس لما بتصيب بنتفذلك ونقولى ولا اى اى ولا زى زى هههههههه ولو خابت بنقول الرش وحش اصل فية هوا هههههههههههههه

بس خلى بالك صيد الريم بيكسب الفرد مهارات كتير صبر بجد ودا بجد فارق معايا كتير انت شجعتنى على الكرال وانا هشجعك على الريم ههههههههههه

Uploaded with ImageShack.us

tarik el · 12-12-23, 07:37 PM

مبروك ياباشا

فوزى السيد · 12-12-23, 08:40 PM

طلعة موفقة تسلم الايادى
والى الامام دائما
مع خالص تحياتى

Mohannad01 · 12-12-23, 10:11 PM

ما شاء الله حصيلة جيدة جدا لأول طلعة
بألف هنا وشفا يا باشا ومبروك عليك الكرال

moorey · 12-12-23, 11:18 PM

اولا الف مبروك علي الكرال
ثانيا طلعه موفقه و بالف هنا

mohamed2010habib · 12-12-24, 12:16 AM

طلعه جميله يا استاذ طارق ربنا يوفقك

tarekabasy · 12-12-24, 10:30 AM

اقتباس:

المشاركة الأصلية كتبت بواسطة tarik el

مبروك ياباشا

الله يبارك فيك يا استاذ طارق

tarekabasy · 12-12-24, 10:39 AM

اقتباس:

المشاركة الأصلية كتبت بواسطة فوزى السيد

طلعة موفقة تسلم الايادى
والى الامام دائما
مع خالص تحياتى

الله يكرمك يا عم فوزى...واحشنى والله يا قناص رشيد البرى والبحرى اخبار القاروص اية

tarekabasy · 12-12-24, 10:43 AM

اقتباس:

المشاركة الأصلية كتبت بواسطة mohannad01

ما شاء الله حصيلة جيدة جدا لأول طلعة
بألف هنا وشفا يا باشا ومبروك عليك الكرال

الله يبارك فى حضرتك وعقبال الجميع وامنياتى برحلات صيد موفقة

tarekabasy · 12-12-24, 10:54 AM

اقتباس:

المشاركة الأصلية كتبت بواسطة mohamed2010habib

طلعه جميله يا استاذ طارق ربنا يوفقك

اشكرك يا دكتور واتمنالك الخير دايما برا وبحرا

12-12-23, 04:45 PM	#1
tarekabasy عضو مميز جداً تاريخ التسجيل: Jul 2012 المشاركات: 508 معدل تقييم المستوى: 129	اولى طلعاتى بالكرال صباح الفل على احلا صيادين..... اشتريت الكرال الحمد لله بلمسات فنان الكرال بجد عادل عبدة وطلعت بيها مرة ونسيت اخد التارجتس اللى كنت هدرب نفسى عليها هههههههه هى كانت غلطة احمد ابنى بس الحمد الله تم استخدام اهداف من البيئة المحيطة وكانت علب كانز وازايز مية وقطع خشب المهم اتسلينا واتعلمان شوية رماية والحمد لله وبعدها باسبوعين خرجت للصيد تانى والحمد لله ربنا رزقنى ب الشوية دول.....وطبعا البندقية خدت منى شوية وقت على ما فهمت انها نشانها عاوز يترجلش و طبعا الزبط على التارجتس كان اسهل بكتير وتم تصفير النشان وخصوصا ان صاحبها كان بيصطاد بسكوب ومش مهتم بزبط النشان الخلفى كان تقريبا شبة مفكوك ........ضاع منى ضربات كتير وفى الغالب اللى كانت قريبة......لكن سبحان الله جبت ضربات بعيدة حلوة ماكنتش متخيل انها اساسا هتيجى ... [IMG] Uploaded with ImageShack.us[/IMG] من الحاجات الغريبة كان فية يمامة حزرة جدا جدا جدا كل ما اقرب منها 30 متر تطير وتبعد 60 او 70 متر بصراحة كانت غريبة جدا جدا حذذرة بشكل مزهل......بس سبحان الله الحذر لا يمنع قدر.....مشيت وراها يجى 5 مرات وكل لما اقرب تهرب وتطير بعيد وانا وراها هههههه وترجع عكس 5 مرات لغاية ما قولت مابدهاش هسيبها وامشى وبعدين قولت انا مش خسران حاجة هضرب عليها وخلاص ولونها مش هتيجى...كانت بعيدة اوى اوى كنت شايفها نقطة وكمان كانت واقفة على ارض زراعية محروتة يعنى كانت شبة مش باينة بسبب انها والأرض اللى واقفة عليها الأتنين لون واحد وسبحان الله عشان هى كانت حذرة جدا جدا كانت واقفة تبصلى وضربت عليها وجت هيد شوت .... وساعتها جرى احمد ابنى هو وصاحبة يجيبوها ويحللوها وانا مشيت لغاية عندهم وعديت خطواتى طلعوا 51 خطوة وانا ال30 خطوة بيعملوا 20 متر يعنى كانت من بعد 33 متر تقريباوكانت اجمل اصابة فى اليوم من الحاجات الأغرب يمامة ضربت عليها ريشت وطارت لفوق فى اتجاة عمودى ناحية السما بارتفاع لا يقل عن 400 متر وبعدين لما وصلت لأخرها فى الأرتفاع توجهت ناحية الطريق الدائرى لمسافة بتاع 5 كيلو وانا شايفها لحد ما غابت عن نظرى كان فية فلاح فى الأرض بقولة بزمتك عمرك شوفت يمامة بتطير كدة قاللى ولا حتى حمامة يا بية هههههههه خدوا دى كمان فى اول اليوم ضربت يمامة كانت الأستفتاح ريشت وطلعت فوق عمود مبانى جيت اضربها قامت نازلة وسط خرسانة العمود هههههههههه طلعتلها البيت من جزء مكسور هدينة بتوع الأزالة على ما طلعت فوق ببص مالقيتهاش ههههههههه احمد وصاحبوا جم ورايا ومابصوش عليها قولت حرام هتموت بعيد المهم بعد ساعتين تلاتة بضرب على شوية يمام قامت طايرة اليمامة واللى كنت معلمها بان ديلها وقع من الضربة ههههههه وببص لقيتها هى كل اليمام طار لبعيد وهى الوحيدة مابتطيرش بسرعتهم وفضلت وراها تخيلوا سبحان الله ضربتها 3 رشات وكلة بيريش وتطير لحد ما تعبت ضربتها وقفت مكانها الغريب ان حتى بعد ما دبحناها وسبناها على الأرض كانت بتجرى ههههههههههه وفضلت صاحية يجى 20 ثانية [IMG] Uploaded with ImageShack.us[/IMG] ضاع منى يجى 4 يمامات تانى وقعوا فى بيوت مقفولة ومافيهاش ناس..... دا غير اللى ريش ويمامة ضربتها كسرت جناحها من على بعد يجى 40 متر هربت واستخبت فى شجر شبة صحراوى كثيف وماعرفناش نطلعها مانا اتشجعت بقا وبقيت اضرب اليمام الحذر من بعيد هههههههه حتى ضربت حمامة من نفس المسافة تقرييبا وقفلتها. المهم كان يوم حلو مليان مغامرات زود ثقتى فى الكرال وفى الرش اة عارفين الرش المستخدم كان اية مارسمان........ ووقت الصيد من 7 الصبح ل 12 الضهر والمكان جنب الطريق الدائرى شبرا الخيمة __________________ طارق العباسى تلميذ الجميع http://img832.imageshack.us/img832/5404/tawke3copy.jpg

12-12-23, 04:53 PM	#2
القبطان المصرى 77 صيــــــــاد محتـــــــــرف اوسمتي مجموع الاوسمة: 3 تاريخ التسجيل: Feb 2012 المدينه: الاسكندريه المشاركات: 2,659 معدل تقييم المستوى: 140	رد: اولى طلعاتى بالكرال هههههههههههههههههههههه اولا الله ينور عليك بجد وعلى طريقة كلامك ثانيا وده الاهم ان الصياد مننا لما بيكون طالع يصطاد وربنا بيكرمه من اول الطلعه نفسه بتتفتح بعد كده لباقى اليوم ثالثا بقى اهلا بيك وسط الجزارين بتوع الكرال وخصوصا لما تكون كرال من ايد عادل عبده __________________ لـيس كـل مـن حــمـل السلاح كـان صيـادا ولكن كل من كان صياداً كان للأخلاق عنوانا

12-12-23, 05:01 PM	#3
tarekabasy عضو مميز جداً تاريخ التسجيل: Jul 2012 المشاركات: 508 معدل تقييم المستوى: 129	رد: اولى طلعاتى بالكرال حبيبى يابو القباطين هههههههه خلى بالك دى اول مرة امسك فيها بندقية انا دايما ماسك الماوس فى ايدى اليمين والكيبورد فى ايدى الشمال هههههههههه........... طلبت تليفونك عشان كنت عاوز اناقشك فى موضوع خاص بالرش...ابعتهولى خاص يا ريت __________________ طارق العباسى تلميذ الجميع http://img832.imageshack.us/img832/5404/tawke3copy.jpg

12-12-23, 05:20 PM	#4
القبطان المصرى 77 صيــــــــاد محتـــــــــرف اوسمتي مجموع الاوسمة: 3 تاريخ التسجيل: Feb 2012 المدينه: الاسكندريه المشاركات: 2,659 معدل تقييم المستوى: 140	رد: اولى طلعاتى بالكرال هههههههههههههههههههه دى اول طلعه وعملت كده؟؟؟ امال باقى الطلعات هاتعمل ايه بقى ........ تم يا افندم الارسال تحت امرك __________________ لـيس كـل مـن حــمـل السلاح كـان صيـادا ولكن كل من كان صياداً كان للأخلاق عنوانا

12-12-23, 07:37 PM	#6
tarik el صياد قديم تاريخ التسجيل: Sep 2012 المشاركات: 1,074 معدل تقييم المستوى: 28	رد: اولى طلعاتى بالكرال مبروك ياباشا

12-12-23, 08:40 PM	#7
فوزى السيد صياد متقدم تاريخ التسجيل: Nov 2011 المدينه: رشيد بحيرة المشاركات: 679 معدل تقييم المستوى: 14	رد: اولى طلعاتى بالكرال طلعة موفقة تسلم الايادى والى الامام دائما مع خالص تحياتى __________________ [خذ القناعة من دنياك وارضَ بها.... لو لم يكن لك إلا راحة البدن يا نفس كفي عن العصيان... واكتسبي فعلا جميلا لعل الله يرحمني يانفسُ ويحكِ توبي واعملي حسنا... عسى تُجازين بعد الموت بالحسنِ

12-12-23, 10:11 PM	#8
Mohannad01 صياد متفاعل تاريخ التسجيل: Sep 2012 المدينه: قاهرة المعز home of wiz المشاركات: 225 معدل تقييم المستوى: 9	رد: اولى طلعاتى بالكرال ما شاء الله حصيلة جيدة جدا لأول طلعة بألف هنا وشفا يا باشا ومبروك عليك الكرال

12-12-23, 11:18 PM	#9
moorey صياد قديم تاريخ التسجيل: May 2012 المشاركات: 1,049 معدل تقييم المستوى: 55	رد: اولى طلعاتى بالكرال اولا الف مبروك علي الكرال ثانيا طلعه موفقه و بالف هنا

12-12-24, 12:16 AM	#10
mohamed2010habib مشرف قسم الصيد البرى والاقسام الرئيسية اوسمتي مجموع الاوسمة: 1 تاريخ التسجيل: May 2011 المدينه: المنصوره المشاركات: 1,073 معدل تقييم المستوى: 201	رد: اولى طلعاتى بالكرال طلعه جميله يا استاذ طارق ربنا يوفقك __________________ د.محمد حبيب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اخر طلعاتى وتتولى الطلعات ممنوع للقلوب الضعيفه	ecoo	صور وفيديو الصيد ورحلاته	31	12-10-06 10:39 AM
طلعة صيد من أجمل طلعاتى (3)	dr_mohasan	صور وفيديو الصيد ورحلاته	81	12-01-31 02:48 PM
طلعة صيد من أجمل طلعاتى ... الجمعة 9/9	dr_mohasan	صور وفيديو الصيد ورحلاته	52	11-09-19 09:44 AM
الكتريك شوك صينى درحة اولى	محمد احمد العنانى	سوق المنتدى	2	11-04-03 12:35 AM