|
ادوات الصيد الثقيله معلومات عن اادوات الصيد الثقيله |
أدوات الموضوع | إبحث في الموضوع | انواع عرض الموضوع |
09-01-14, 03:32 PM | #1 |
صياد قديم
تاريخ التسجيل: Jan 2009
المشاركات: 2,653
معدل تقييم المستوى: 21 |
هل في مشكلة في حمل مسدس صوت في مصر ؟
لو معاك مسدس صوت وشايلة مثال في السيارة هل لة اي مشكلة مع الشرطة اما لا
في المنزل لا يوجد اى مشكلة وتا شئ اكيد بس لو في لجنة مثال في الشارع ووجدو معك في السيارة هل في مشكلة اما لا ياليت حد يجاوب بس يكون متاكد حدث موقف لصديق في لجنة وقبض علية وتم اخذ السلاح للكشف علية والتاكيد انة صوت وطبعا هو كان في الحجز التخشيبة لغايو ما ظهرة صاحب فهل هذة الواقعة فردية اما تلكيك ولا قانونية |
sponsor links |
09-01-21, 06:59 PM | #2 |
صياد جديد
تاريخ التسجيل: May 2008
المشاركات: 40
معدل تقييم المستوى: 6 |
رد: هل في مشكلة في حمل مسدس صوت في مصر ؟
السلام عليكم ورحمة الله
اسمح لي اخي الكريم اني اجاوب علي سؤالك اولا: لا يوجد ادني مشكلةفي حمل مسدس صوت سواء في المنزل او السيارة لان حيازتة مش مجرمة والدليل انة ينباع بدون ترخيص ثانيا : عند شرائك لمسدس الصوت توجة لاقرب قسم ليك وحرر مذكرة بحمل مسدس صوت ينكتب فيها موديل المسدس ومواصفاتة ودي بتحل محل الرخصة في المسدس الحي ومحدش يقدر يخدة منك لانة بينكتب في المذكرة انة صوت ثالثا : لايجوز تفتيش سيارتك اخي الكريم الا باذن النيابة لانها منقول يعامل معاملة السكن الخاص والتفتيش بيكون في اللجان اللي علي الطرق السريعة اللي بين المحافظات وبعضها لان بيكون معاهم اذن مسبق رابعا واخيرا:اللي ممكن يعرضك للمسالة القانونية في حمل مسدس الصوت انك تستخدم في الاماكن العامة او الايهام بانة حقيقة واستخدامة في الترويع علي فكرة اخي الكريم انا محامي ومتاكد من كلامي |
09-01-22, 08:11 AM | #3 |
صياد قديم
تاريخ التسجيل: Jan 2009
المشاركات: 2,653
معدل تقييم المستوى: 21 |
رد: هل في مشكلة في حمل مسدس صوت في مصر ؟
شكرا ليك جداااااااااااااااااااااااااااااااااااا
|
09-02-02, 12:36 PM | #4 |
صياد متقدم
تاريخ التسجيل: Nov 2008
المشاركات: 913
معدل تقييم المستوى: 13 |
رد: هل في مشكلة في حمل مسدس صوت في مصر ؟
طبعا الي حصلك ده تلكيكه وانا حصلي موقف مشابه كنت شايل بندقيتي الهواء وكانت في الجراب وانا ماشي عميد شرطه وقفني وقالي دية ايه قلتله بندقيه ضغط هوا ووريتهاله قالي فين رخصتها قلتله دية ملهاش رخصه قالي طيب نروح القسم ونشوف رحت معاه القسم وهناك عملي محضر حيازة سلاح بدون ترخيص مع اني كنت مهذب معاه جداااا بس زي ما تقول هو كان عايز يعمل شغل قال يعني شايف شغله كويس المهم شمح البندقيه وحرزها وكان عايزني استني الحد بالليل واتعرض علي النيابه ولولا فضل الله اولا واخيرا وانه سببلي اني ليا قرايب واتصلات كنت اتبهدلت بس الموضوع خلص في القسم والمحضر اتقفل وخدت البندقيه طبعا مع الاعتذارمنه ومن الظباط هناك والحمد لله بس طبعا سالت نفسي سؤال مهم
لو انا واحد مليش اي اتصالات كان زمان ايه اللي حصلي من ظابط زي ده بيتلكك وعايز يعمل شغل وخلاص ويملا السجل محاضر علي الفاضي والمليان وعلي فكره ده مامور قسم بولاق ابو العلا وحسبنا الله ونعم الوكيل فيهم اللي سايبين الشوارع مليانه حراميه وبلطجيه ومتحرشين والناس بتتسرق في وضح النهار عيني عينك وشاغلين نفسهم بازاي يقرفو الناس ويرخمو عليهم. معلش علي الاطاله بس اصلي مبقوق من الموقف ده اوي خصوصا اني ساكن في مدينة 6 اكتوبر وكل يوم الشقق بتتسرق في عز الضهر ولا فيه اي حد بيتمسك ولا الشرطه ليها لازمه |
09-02-03, 08:17 AM | #5 |
صياد قديم
تاريخ التسجيل: Jan 2009
المشاركات: 2,653
معدل تقييم المستوى: 21 |
رد: هل في مشكلة في حمل مسدس صوت في مصر ؟
علي فكرة انا تابع لقسم بولاق ابو العلا ربنا يبشرك بالخير
عاما هم وزلود ستين في سبعين ربنا المنتقم الجبار والكبير في الاكبر منة بس هنعمل اة احنا عيشين في بلد قزرة للاسف عاما احنا بنخبي الحاجات دي ما نضعهاش علنيا وربنا يستر |
09-02-03, 09:57 AM | #6 |
صياد قديم
|
رد: هل في مشكلة في حمل مسدس صوت في مصر ؟
السلام عيلكم
بالنسنة لترخيص حمل السلاح يتم منحة الي الاسلحة النارية ابتداء من المسدس 22 الي البنادق الالية7.62 غير كدة يبقي الضابط بيهرج وفاضي والفاضي يعمل قاضي
__________________
الصيد متعة والتفوق هو الهدف |
09-02-15, 08:59 PM | #7 |
صياد نشيط
تاريخ التسجيل: Jul 2008
المشاركات: 268
معدل تقييم المستوى: 7 |
رد: هل في مشكلة في حمل مسدس صوت في مصر ؟
طبعا مش هاقدر اضيف حاجة علي الكلام الي قالو الزميل الاستاذ اسامة وباكد ان حمل البندقية الهوائية او مسدس الصوت لايعتبر بحد زاتة جريمة كجريمة حيازة السلاح بدون ترخيص حيث ان كلاهما اسلحة لم يشترط القانون وجود رخصة لحيازتها ولكن استخدمهمافي الترويع والارهاب يعد جريمة وكل
ال الاستاذ اسامة قالة سليم بالنسبة ايضا لتفتيش السيارة الملاكي لايتم الابوجود اذن من النيابة العامة ولاكن في نقطة مهمة احب اشير اليها الا وهي حيازة السلاح الابيض مثل المطواه وخصوصا القرن والسوستة والاحجام الكبيرة يلزمة ترخيص وشكرا للجميع |
09-02-16, 11:43 AM | #8 |
صياد قديم
|
رد: هل في مشكلة في حمل مسدس صوت في مصر ؟
االه ينور عليك يا عمدة ربتا يكتر قضاياك امين
__________________
الصيد متعة والتفوق هو الهدف |
09-02-16, 10:33 PM | #9 |
صياد نشيط
تاريخ التسجيل: Jul 2008
المشاركات: 268
معدل تقييم المستوى: 7 |
رد: هل في مشكلة في حمل مسدس صوت في مصر ؟
العفو ياباشا ربنا يكرمك
|
09-02-21, 06:55 PM | #10 |
صياد جديد
تاريخ التسجيل: Feb 2009
المشاركات: 2
معدل تقييم المستوى: 0 |
رد: هل في مشكلة في حمل مسدس صوت في مصر ؟
و الله أنا كل يوم بتزيد كراهيتى للشرطة
|
09-02-24, 05:49 AM | #11 |
صياد متقدم
تاريخ التسجيل: Oct 2007
المشاركات: 773
معدل تقييم المستوى: 10 |
رد: هل في مشكلة في حمل مسدس صوت في مصر ؟
ليه بس كده تكره الشرطه يا راجل طيب انت واحد شايل سلاح ابيض للصيد غيرك شايله للبطجه هوه مش هيفضل يدقق بقه وغير وغيره البلد زي مفيها ناس محترمه فيها ناس .......... وبعدين عايز تعرف الي شرطه بتعمله ده صح ولا غلط شوف اشاره المرور لما يمشي العسكري تلاقي الدنيا كلها بتركب فوق بعض وغيره بس ده مثال بسيط مش اكتر
__________________
hamdallah_81@hotmail.com
|
09-02-26, 09:34 AM | #12 |
صياد قديم
تاريخ التسجيل: Jan 2009
المشاركات: 2,653
معدل تقييم المستوى: 21 |
رد: هل في مشكلة في حمل مسدس صوت في مصر ؟
اة يا عصام انت شرطة ولا اةةةةةةةةةة
__________________
لا تعليق
|
09-04-23, 08:47 PM | #13 |
صياد نشيط
تاريخ التسجيل: Apr 2009
المشاركات: 273
معدل تقييم المستوى: 7 |
رد: هل في مشكلة في حمل مسدس صوت في مصر ؟
ههههههههههههههههههههه عاصم شكله شرطة
على فكرة عاصم عنده حق لولا الشرطة مشددة قوى كده كانت شوارعنا بقت زى شيكاغو ومن المغرب تخاف تطلع من البيت بجد الشرطة حايشه عنا بلاوى فى امريكا نفسها فى اماكن وشوارع كثيرة جدا لو مشيت فيها بالنهار والا باليل هتتقلب وممكن تتقل ولا حد يعرفلك طريق جرة بجد يا جماعه مصر بخير الحمد لله
__________________
لا اله الا أنت سبحانك انى كنت من الظالمين عامل سلاحك على انه عدوك يتحين الفرصه للفتك بك فلا تعطيه الامان |
09-04-26, 01:18 PM | #14 |
صياد متفاعل
تاريخ التسجيل: Apr 2009
المشاركات: 57
معدل تقييم المستوى: 6 |
رد: هل في مشكلة في حمل مسدس صوت في مصر ؟
ماشاء الله الجميع أصبح يغرد فجأة في حب الشرطة .
يا جماعة الخير مش عايزين ننسى هما بيعملوا ايه في أقسام الشرطة وبيعملوا ايه في لجان المرور وبيعملوا ايه في الشوارع وبيعملوا ايه في كل موقف ممكن يتحط فيه ضابط شرطة . نعم فيه منهم ناس كويسين وولاد ناس ومحترمين بس دول ما بيظهروش لأن الوحش منهم كثير وبيغطي على الحلو. ومثال بسيط كان لي واحد صديقي جدا وساكنين في نفس الشارع ومع بعض في كل حاجة في لعب الكورة وجمع الطوابع ( اصلي كنت بحب جمع الطوابع ) وفي كل حاجة حلوة وبعدين في الثانوية هو دخل شرطة ، وسبحان الله يتغير الحال 180 درجة ويصبح شخص ثاني خالص لدرجة انه مابقاش يسلم على أي حد من الشلة القديمة ووالله شفته ماشي في الشارع رافع راسه ومناخيره بشكل لا يصدقه بشر وأصبح ينظر لينا ( احنا أصحابه القدامى ) كأننا من الرعاع ، يتبع
__________________
(ولا تمش في الأرض مرحاً انك لن تخرق الأرض ولن تبلغ الجبال طولاً) صدق الله العظيم ذكر بن بطوطة أنه شاهد مقبرة في الشمال مدفون بها 1000 ملك مكتوب عليها ( وسلاطينهم سلْ الطينَ عنْهُمُ ===== والرؤوسُ العظامُ صارت عظاما ) |
09-04-26, 01:24 PM | #15 |
صياد متفاعل
تاريخ التسجيل: Apr 2009
المشاركات: 57
معدل تقييم المستوى: 6 |
رد: هل في مشكلة في حمل مسدس صوت في مصر ؟
وبعد ما اتخرج من كلية الشرطة سمعنا أنه أصبح أمن دولة ( نظرا لاجتهاده في القبض على( الأبرياء ) .
لو الشرطة تشغل نفسها بالقضايا الحقيقية بدلا من اتهام الأبرياء والبحث في الأمور التافهة ، والقبض على اللصوص الحقيقيون في البلد ستصبح بلدنا أحسن بلد في الدنيا . وشكرا
__________________
(ولا تمش في الأرض مرحاً انك لن تخرق الأرض ولن تبلغ الجبال طولاً) صدق الله العظيم ذكر بن بطوطة أنه شاهد مقبرة في الشمال مدفون بها 1000 ملك مكتوب عليها ( وسلاطينهم سلْ الطينَ عنْهُمُ ===== والرؤوسُ العظامُ صارت عظاما ) |
09-05-04, 06:37 PM | #16 | |
خبير اسلحه .& عضو ذهبى
تاريخ التسجيل: Apr 2009
المدينه: أسكندرية
المشاركات: 3,065
معدل تقييم المستوى: 281 |
رد: هل في مشكلة في حمل مسدس صوت في مصر ؟
اقتباس:
السلام عليكم ورحمة الله أريد أن أشكر جميع الأعضاء والمشرفين فى هذا المنتدى الجميل. هوايتى حتى الأن محصورة فى مسدسات الصوت. لدى مسدس صوت تركى Blow C06 موجود فى سيارتى. ذهبت الى القسم التابع لسكنى (بالأسكندرية) لتحرير مذكرة كما ذكر الأستاذ أسامة ولكنهم رفضوا تحرير مذكرة وأكدوا لى بأنه لايوجد أى شيئ من هذا القبيل. أرجوا من السادة الأعضاء اذا تمكن أى منكم الحصول على هذه المذكرة أن يرسل صورة من المذكرة حتى أستطيع الحصول على مذكرة مثيلة من القسم هنا فى الأسكندرية. وشكرا |
|
09-05-08, 04:07 AM | #17 | |
خبير اسلحه .& عضو ذهبى
تاريخ التسجيل: Apr 2009
المدينه: أسكندرية
المشاركات: 3,065
معدل تقييم المستوى: 281 |
رد: هل في مشكلة في حمل مسدس صوت في مصر ؟
اقتباس:
ايه ياجماعة مافيش حد حرر هذه المذكرة لمسدس صوت قبل كده؟ |
|
09-11-07, 11:16 PM | #18 |
صياد متفاعل
|
رد: هل في مشكلة في حمل مسدس صوت في مصر ؟
السلام عليكم اخوانى الكرام بالنسبة لموضوع حيازة مسدس الصوت انا حصلى موقف هوا انى كنت فى فرح اخت واحد صاحبى وانا معايا مسدس والتر p88 صوت ضربت بيه كذا خازنة وكام خرطوشة المهم انه بعد الفرح طلعنا اعدنا على السطوح فى البيت عند صاحبى طبعا عارفين ليه وبعد حوالى ربع ساعة لقينا قوة من القسم اللى كان تابع ليه بيت صاحبى اخو العروسة الغريب فى الموضوع انهم سابوا الممنوعات اللى كانت موجودة و جايين يسألوا على اللى كان بيضرب بالمسدس طبعا عشان الليلة متبوظش قمت معاهم وروحنا القسم وطبعا المسدس اتحرز وانا اتحجزت وتانى يوم اتعرضت على النيابة ورست فى الاخر على غرامة 2000 جنيه و طلعت من النيابة تانى يوم والا كان زمانى محبوس ومن ساعتها المسدس اتاخد جبت بعده مسدسات تانية بس نفسى اروح بيها فرح بتاع ومكنتش عارف اعمل ايه لكن بعد كلام الاستاذ اسامة اطمنت
وشكرا ليكوا جميعا وتقبلوا مرورى واسف على الاطالة ولكن وجب التنويه |
09-11-07, 11:30 PM | #19 |
صياد متفاعل
|
رد: هل في مشكلة في حمل مسدس صوت في مصر ؟
السلام عليكم اخوانى الكرام بالنسبة لموضوع حيازة مسدس الصوت انا حصلى موقف هوا انى كنت فى فرح اخت واحد صاحبى وانا معايا مسدس والتر p88 صوت ضربت بيه كذا خازنة وكام خرطوشة المهم انه بعد الفرح طلعنا اعدنا على السطوح فى البيت عند صاحبى طبعا عارفين ليه وبعد حوالى ربع ساعة لقينا قوة من القسم اللى كان تابع ليه بيت صاحبى اخو العروسة الغريب فى الموضوع انهم سابوا الممنوعات اللى كانت موجودة و جايين يسألوا على اللى كان بيضرب بالمسدس طبعا عشان الليلة متبوظش قمت معاهم وروحنا القسم وطبعا المسدس اتحرز وانا اتحجزت وتانى يوم اتعرضت على النيابة ورست فى الاخر على غرامة 2000 جنيه و طلعت من النيابة تانى يوم والا كان زمانى محبوس ومن ساعتها المسدس اتاخد جبت بعده مسدسات تانية بس نفسى اروح بيها فرح بتاع ومكنتش عارف اعمل ايه لكن بعد كلام الاستاذ اسامة اطمنت
وشكرا ليكوا جميعا وتقبلوا مرورى واسف على الاطالة ولكن وجب التنويه |
09-12-01, 08:23 PM | #20 | |
خبير اسلحه .& عضو ذهبى
تاريخ التسجيل: Apr 2009
المدينه: أسكندرية
المشاركات: 3,065
معدل تقييم المستوى: 281 |
رد: هل في مشكلة في حمل مسدس صوت في مصر ؟
اقتباس:
هل قمت بتحرير مذكرة بحمل مسدس صوت من القسم؟ |
|
10-02-13, 01:37 PM | #21 |
صياد متقدم
تاريخ التسجيل: Apr 2008
المشاركات: 663
معدل تقييم المستوى: 10 |
رد: هل في مشكلة في حمل مسدس صوت في مصر ؟
السادة الاعضاء المحترمين
خلاصة الكلام عن مسدسات الصوت اولاً لايستدعى حيازتها ترخيص لأنها غير مدرجة بجدول الاسلحلة النارية والبيضاء دة من حيث الحيازة طب لو حد استخدمها فى فرح ؟؟! اولاً : توجة الية تهمتين 1- حيازة سلاح بدون ترخيص 2- اطلاق اعيرة نارية فى منطقة سكنية فى غير الظروف المصرح بيها طيب نتكلم عن الاجراءات القانونية 1- مصادرة السلاح المضبوط 2- تحرير محضر بة رقم السلاح (المحفور علية) وتدوين عدد الطلقات الموجودة بالخزنة او الماسورة ان وجد 3- تحويل المحضر والسلاح للنيابة وطبعاً لو الكلام دة بليل يبقى ممكن تستنى للصبح للعرض على النيابة 4- طبعاً وكيل ولا رئيس النيابة هيسألك عن السلاح وضرب النار قولة انة صوت ودة كان فرح متخفش المهم لو لقاء ابن ناس وبتكلمة بأحترام هيعمل الاتى 1- توجية التهمتين السالف ذكرهم 2- قرار بتحويل السلاح الى المعمل الجنائى لبيان ما اذا كان حى من عدمة ودة طبعاً بعد ميلف السلاح والطلقات بالشاش الابيض ويشمعة باشمع الاحمر ويختم علية بختمة الخاص 3- يقوم بأخلاء سبيلك بضمان محل الاقامة . الى هيتم بعد كدة ان قصة المعمل الجنائى هتاخد من شهر ل 3 شهور والنتيجة انو هيطلع صوت فالى هيتم ان الجريمتين الموجهين ليك هيسقطوا وهتأمر النيابة بأعدام السلاح المضبوب فهيرجع للقسم اللى انت تابع لية وهيكسروة بشواكيش محترمة بس لو انت وصلت لوكيل النيابة ممكن يكون قرارة رد السلاح لصاحبة. كام سؤال سريع وردهم س- هل ضباط الشرطة مشعرفين انة صوت مش حى ج- لا طبعاً عارفين بس ميقدروش يقولة كدا لان دى وظيفة المعمل الجنائى ولو عمل غير كدة يروح ف سين وجيم س- لية بتوع الداخلية كبروا الموضوع اوى كدة ؟؟ ج - لصدور تعليمات من مباحث امن الدولة مفادها انة فى حالة سماع طلقات نارية يتم تبليغها ومدرية الامن لأنهم بالبلدى مش بيشموا على دهر اديهم مش ممكن تكون الرصاصة الى اتضربت موتت واحد او اكتر او تكون عمل ارهابى ؟؟ واخيراً وانا اسف انى طولت عليكم الكلام اللى فات دة كلة ينطبق على اى سلاح يعنى بنادة رش وغيرة وانت طبعاً مش هتكون ضربت بيها فهيتوجهلك تهمة واحدة حيازة سلاح بدون ترخيص سؤال مهم جداً وركزوا فية !! لو مسدس الصوت اتحرز منك بعد لما ضربت بية فى فرح واثناء عمل المحضر ربنا رزقك بضابط مباحث صايع كتب ارقام مسدس حى اتعمل بيه جريمة قتل هيكون الوضع اية ( اعدام ) اخوكم المخلص امير ( المحامى الكبير) 0127687466 |
10-02-13, 03:12 PM | #22 |
صياد نشيط
|
رد: هل في مشكلة في حمل مسدس صوت في مصر ؟
تسلم يا استاذ امير بس في شىء انا مش فاهمه
طالما السلاح طلع صوت ليه يتم اعدامه؟ اذا كان هناك اعدام للمسدسات الصوت ما يمنعوا بيعها اسهل؟ واذا كان سلاح الصوت فيه مشكلة ليه سامحين ببيعه بدون ترخيص؟ كمان يعني ايه انه لو رجع لوكيل النيابة ممكن يرده لصاحبه؟
__________________
وما من كاتب إلا سيفنى ................... ويبقي الدهر ما كتبت يداه اسامة فتحي 0105111840 |
10-02-13, 11:09 PM | #23 | |
صياد متفاعل
تاريخ التسجيل: Dec 2009
المشاركات: 87
معدل تقييم المستوى: 6 |
رد: هل في مشكلة في حمل مسدس صوت في مصر ؟
اقتباس:
وانا هقول لحضرتك كلمه كنت سمعتها من الاستاذ جلال (( من اللا منطق ان تثبت بالمنطق مالا منطق له)) |
|
10-02-23, 02:03 PM | #24 |
صياد متقدم
تاريخ التسجيل: Apr 2008
المشاركات: 663
معدل تقييم المستوى: 10 |
رد: هل في مشكلة في حمل مسدس صوت في مصر ؟
الاخ العزيز town Sniper
سؤالك جميل لية سامحين ببيع مسدسات الصوت على الرغم من مشاكل حاملها ومدام هيا مش محتاجة ترخيص لية بيتعمل عليها قلق الاجابة ان مسدسات الصوت واقعة من قانون السلاح لأنها غير مدرجة فى جدول الاسلحة التى تستوجب على حاملها حمل ترخيص (دى اصلاً مش مذكور حاجة اسمها سلاح صوت !!) بس مشكلتها ان اسمها سلاح صوت اما فى القوانين الاجنبية فيطلق عليها محدثات صوت طبعاً فهمت لية عاملين عليها مشاكل وطبعاً ميقدروش يمنعوا بيعها الا بناء على نص قانون زيها بالضبط زى سارينة الشرطة اللى بتتركب فى العربيات الملاكى ممنوعة وبتتباع فى التوفيقية |
10-04-01, 02:37 AM | #25 |
صياد جديد
تاريخ التسجيل: Mar 2010
المشاركات: 8
معدل تقييم المستوى: 0 |
رد: هل في مشكلة في حمل مسدس صوت في مصر ؟
انا ناوى اشترى مسدس صوت وبعد الكلام حبيت اتأكد من سلامة الموقف قانونيا من حيث حيازة الموضوع وليا استفسار تانى انا اشتريت بندقية جامو سبكترا رقم 2 ودى اول بندفية اقتنيها وبعد الاطلاع على المواصفات والخبرة الجيدة اللى اكتسبتها من الموقع اظن انها ضعيفة حيث ان سرعتها 126 م/ث فهل الامر دا صحيح ولو كانت فعلا ضعيفة طيب فيما تستخدم ؟؟؟؟
|
12-05-20, 01:34 PM | #26 |
صياد قديم
تاريخ التسجيل: Nov 2011
المدينه: ف
المشاركات: 2,550
معدل تقييم المستوى: 24 |
رد: هل في مشكلة في حمل مسدس صوت في مصر ؟
والله موضوع اكثر من رائع ثانيا الشرطه هاتعدم المسدس الصوت عشان الناس كلها بقيت واصله وليها نفوز فا مش بيقدروا يعدموهم فا يعدموا المسدس بتاع الراجل اللي علي كده ومش قادر يجيب واحد حي
__________________
تقبل مروري وفائق احترامي |
12-05-20, 03:09 PM | #27 |
صياد نشيط
تاريخ التسجيل: Jun 2011
المدينه: القاهرة الجديدة
المشاركات: 299
معدل تقييم المستوى: 6 |
رد: هل في مشكلة في حمل مسدس صوت في مصر ؟
رأيى الشخصى المتواضع: لا داعى للبحث عن صورة قانونية لحمل سلاح صوت فى هذه الايام المتوترة .. الافضل التعامل معه بنفس الحرص المطلوب مع سلاح حى غير مرخص .. يعنى لازم الموقف يكون يستاهل المخاطرة.
|
12-05-20, 07:51 PM | #28 |
صياد قديم
تاريخ التسجيل: Nov 2011
المدينه: ف
المشاركات: 2,550
معدل تقييم المستوى: 24 |
رد: هل في مشكلة في حمل مسدس صوت في مصر ؟
فعلا وده اصوب رائي لاني كمان سمعت انه المسدس الصوت المعدل لضرب البلي بيعامل جنائيا مثل المسدس الحي بدون ترخيص وكمان تعديل سلاح
__________________
تقبل مروري وفائق احترامي |
12-05-20, 08:05 PM | #29 |
صياد نشيط
|
رد: هل في مشكلة في حمل مسدس صوت في مصر ؟
معلومات الاعضاء مفيدة ..والواحد مش لاقى جديد يضيفة .....
|
12-05-20, 08:07 PM | #30 |
صياد قديم
تاريخ التسجيل: Nov 2011
المدينه: ف
المشاركات: 2,550
معدل تقييم المستوى: 24 |
رد: هل في مشكلة في حمل مسدس صوت في مصر ؟
كفايه مشاركتك واهتمامك بالموضوع وتايدك للموضوع واهميته ده شرف لينا ياباشا
__________________
تقبل مروري وفائق احترامي |
12-05-21, 12:34 AM | #31 |
صياد جديد
تاريخ التسجيل: May 2012
المشاركات: 34
معدل تقييم المستوى: 5 |
Re: هل في مشكلة في حمل مسدس صوت في مصر ؟
والله ياجدعان انا من رأيي المتواضع ان اللي عايز يجيب سلاح يجيب براحته من محل بفاتوره او من اي تاجر كده كده الفاتوره مالهاش لازمه بس يخليه في البيت ومايمشيش بيه غير في الضروره القصوى رايح تتخانق مثلاً في فرح اخوك اختك يعني تكون حاجه تستاهل المخاطره غير كده خليه في البيت وكده كده الامور في مصر كلها بتمشي بالحب يعني حتى لو اتمسكت بطبنجه اغمذ امين الشرطه ب 50 ولا 100 جنيه هايديك سلاحك ويضربلك تعظيم سلام ويقولك مع الف سلامه ياباشا توصل بالسلامه ولو عايز تشيل سلاح يبقى معاك عالطول تدافع بيه عن نفسك هاتلك مطواه اليكتريك حاجه صغيره كده بحيث لو لقيت نفسك داخل على لجنه ولا حاجه ارميها وريح دماغك مش هاتزعل عليها كلها ب100 او 200 جنيه بالكتيير عشان طبعاً كلكو عارفين ان السلاح زي المخدرات بالحيازه يعني طالما ماطلعش من جيبك ماحدش يقدر يكلمك في حاجه بس لو طبنجه طبعاً مستحييييييلهاترميها انا عندي اتمسك ولا ارمي طبنجه من طبنجاتي بس لو مطواه عادي
|
12-05-21, 12:57 AM | #32 | |
صياد متقدم
تاريخ التسجيل: Jul 2011
المشاركات: 952
معدل تقييم المستوى: 9 |
رد: Re: هل في مشكلة في حمل مسدس صوت في مصر ؟
اقتباس:
__________________
سبحان الله وبحمده سبحان الله العظيم |
|
12-05-21, 02:23 AM | #33 |
صياد متفاعل
تاريخ التسجيل: Mar 2011
المشاركات: 231
معدل تقييم المستوى: 6 |
رد: Re: هل في مشكلة في حمل مسدس صوت في مصر ؟
|
12-05-21, 04:19 AM | #34 |
صياد جديد
تاريخ التسجيل: May 2012
المشاركات: 34
معدل تقييم المستوى: 5 |
Re: هل في مشكلة في حمل مسدس صوت في مصر ؟
يعني طالما مافتشكش وطلعها من جيبك يبقى خلاص بس طبعاً مش تيجي قدام الظابط وتروح مطلعها من جيبك ورميها ده يبقى استعباط هههههههههههههههه عالفكره انا مش قصدي اشتم والله انا بهزر انت انت اخويا طبعاً يعني ماتعملش زي احمد زكي في الفيلم لما كان في الاتوبيس وبيتفتش وراح مطلع الحشيش وقال للظابط ده حشيش مالناش دعوه بيه ورماه يعني من الاخر قبل ماتدخل على اللجنه تروح راميها اهم حاجه مايشوفكش وانت بترميها او لو قاعد في ميكروباص ممكن تتطلعها من جيبك وترميها في الارض والله لو اتفتش هيا مش معاك ومش مطلوب منك انك تفتش الميكروباص قبل ماتتطلعه ولو عديت من اللجنه تجيبه وتحطها في جيبك تاني ويادار مادخلك شر طبعاً لو لقيتها لجنه شديده وكل اللي فيها بيتفتشوا ارجو ان اكون قد افدتك
|
12-05-21, 05:52 AM | #35 |
صياد نشيط
تاريخ التسجيل: May 2012
المشاركات: 457
معدل تقييم المستوى: 7 |
رد: هل في مشكلة في حمل مسدس صوت في مصر ؟
والله عبقري يا استاذ صلاح وفكره حلوة فعلاً
|
12-05-21, 12:01 PM | #36 |
صياد قديم
تاريخ التسجيل: Nov 2011
المدينه: ف
المشاركات: 2,550
معدل تقييم المستوى: 24 |
رد: هل في مشكلة في حمل مسدس صوت في مصر ؟
ربنا يبارك في افكارك يا كبير
__________________
تقبل مروري وفائق احترامي |
12-08-03, 03:58 AM | #37 | |
صياد متفاعل
تاريخ التسجيل: Jun 2012
المشاركات: 57
معدل تقييم المستوى: 5 |
رد: هل في مشكلة في حمل مسدس صوت في مصر ؟
اقتباس:
|
|
12-08-03, 04:09 AM | #38 |
صياد متقدم
تاريخ التسجيل: Jul 2011
المشاركات: 952
معدل تقييم المستوى: 9 |
رد: هل في مشكلة في حمل مسدس صوت في مصر ؟
حد يفهمنا ايه المذكرة دى اللى بدل الرخصة
__________________
سبحان الله وبحمده سبحان الله العظيم |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
مشكلة في اعصاب ايدي | hisham | الصيد العام | 7 | 10-09-25 10:05 AM |
مشكلة بالمنظار | maxlord | سوق المنتدى | 1 | 10-09-22 08:23 AM |
مشكلة كبيرة في تحميل الصور | galal khalifa | الموضوعات العامه | 2 | 10-05-05 04:40 PM |
مشكلة القسم العام | msgm | الموضوعات العامه | 3 | 10-03-04 08:03 PM |
مشكلة كبيرة في الديانا 54 | wegdan12345 | الورشة | 4 | 09-12-05 06:46 AM |