أزاى دة حصل .....!!!!؟؟ ahmedmh_ali

[AFROTTO]

السلام عليكم ورحمة الله


بصراحة أنا بقالى اسبوع مابدخلش المنتدى علشان كنت مسافر ولسة جااى
وبالصدفة بتفرج على المواضيع الجديدة ومشاركات الآعضاء
أشوف أكبر مفاجئة فى حياتى ...!!!!؟
المشرف أحمد على أتفاجىء بكونة موقوف عن المنتدى Banned

ahmedmh_ali

بصراحة أنا ماعرفش أية اللى حصل ...!!؟

بس أتمنى كونى عضو أو تاجر أو صديق أو أيا كان صفتى على المنتدى أعرف السبب
كونة كان مشرف فى المنتدى وكان صديق للمنتدى بأكملة وصديق عزيز وغالى لى
وأفوجىء بكونة عضو موقوف ...؟

وشكرا

[kiko_2015]

غريبه فعلا احمد صديق المنتدي كله..ياريت تفسير

[smsmn8888]

لا تعليق ..................

[medo magdy]

ممكن نفهم في ايه؟!!!!!!

[H_SRM]

ياريت توضيح

احنا بنكره المجلس العسكري بسبب تصرفاته التعسفية وعدم الشفافية فياريت احنا ناخد بالنا ونبعد عن الخطى دي

[loot-ait]

مهو مواضيع الاستاذ محمد كانت بتدافع عن المجلس العسكرى و تقريبا هو ده الى خلى بعض المشؤلين عن النتدى يعملوا معاه الموقف ده و الى انا شايف انه للأسف قرار تبع سياسة " معانا او ضدنا" سياسه امريكا للأسف يعنى كل الى بيدافع عن الأستقرار يبقى تبع المجلس العسكرى و تبع العباسيه و فلول و ابناء مبارك ووووو و ده للأسف منتهى الديكتاتوريه هو عشان انا مش عاجبنى الى بيعملوا المعتصمون و الثوار يبقى بحب حسنى مبارك,و الله حاجه تجنن و ياريت يبقى عندنا تقبل لرأى الاخرين و الا حتقوم حرب اهليه ملهاش حل اخر

[kefafy]

والله يجماعة احمد شخص اسكندرانى فى منتهى الرجولة والجدعنة وخفه الدم الى فى الدنيا كلها
وحصل سوؤ تفاهم مش اكتر مبيه ومبين شخص اخر محترم جدا والناس كلها عرفاه بردو بدون ذكر اسماء
يعنى الاتنين فى منتهى الادب والاخلاق ولكن الشيطان يجماعة الشيطان
كان زمنا قاعدين فى الجنه بس بسببو اهو ادينا فى الارض
فتفتكرو يعنى احمد بيه واخى الفاضل الثانى اذكى ولا افطن من سيدنا ادم ابو الانبياء والى اتنفخ فيه من المولى عز وجل
لا طبعا
ولكن الادارة اتخذت مع احمد فقط الاجراء ده وبمنتى الصراحة الاجراء ده غير مناسب تماما للى حصل
الادارة مكلفتش خطرها حتى وحاولت تصلح مبينهم لو كانت بقيا على العشرة والمشاركات بتاعتو
الادارة حتى مكتفتش بمسح الموضوع لأ وكمان منعوه انه يدخل
بصراحة ده مش مظبوط مينفعش اضرب قطه بقنبلة يدوية
لأ فى فعل يبقا رد الفعل مساوى له فى القوة
وده راى الشخصى وانا حر فيه ومن وجهة نظرى من الى شوفتو بعينى والله اعلم ايه الى حصل بعد كدة
واناشد الادارة المحترمة ارجوكم احمد يرجع معانا تانى لانه شخص وجوده مهم
واكن كل احترام وتقدير لكل الاخوه المحترمين وادارة المنتدى المحترمه

[kefafy]

المشاركة الأصلية كتبت بواسطة loot-ait

مهو مواضيع الاستاذ محمد كانت بتدافع عن المجلس العسكرى و تقريبا هو ده الى خلى بعض المشؤلين عن النتدى يعملوا معاه الموقف ده و الى انا شايف انه للأسف قرار تبع سياسة " معانا او ضدنا" سياسه امريكا للأسف يعنى كل الى بيدافع عن الأستقرار يبقى تبع المجلس العسكرى و تبع العباسيه و فلول و ابناء مبارك ووووو و ده للأسف منتهى الديكتاتوريه هو عشان انا مش عاجبنى الى بيعملوا المعتصمون و الثوار يبقى بحب حسنى مبارك,و الله حاجه تجنن و ياريت يبقى عندنا تقبل لرأى الاخرين و الا حتقوم حرب اهليه ملهاش حل اخر

هههههههههههههههههههههههههههههههههههههههههههههههههه ه
ياخى الفاضل اصبر بس
الموضوع مش كدة خالص
مع ان المنتدى يعتبر منتدى صيد فقط ولكن الادارة المحترمه ممنعتش كلام فى السياسة نهائيا
وعلى فكرة اسمه احمد مش محمد
الموضوع غير كدة وجزاك الله خيرا

[قناص الظلم]

المشاركة الأصلية كتبت بواسطة kefafy

والله يجماعة احمد شخص اسكندرانى فى منتهى الرجولة والجدعنة وخفه الدم الى فى الدنيا كلها
وحصل سوؤ تفاهم مش اكتر مبيه ومبين شخص اخر محترم جدا والناس كلها عرفاه بردو بدون ذكر اسماء
يعنى الاتنين فى منتهى الادب والاخلاق ولكن الشيطان يجماعة الشيطان
كان زمنا قاعدين فى الجنه بس بسببو اهو ادينا فى الارض
فتفتكرو يعنى احمد بيه واخى الفاضل الثانى اذكى ولا افطن من سيدنا ادم ابو الانبياء والى اتنفخ فيه من المولى عز وجل
لا طبعا
ولكن الادارة اتخذت مع احمد فقط الاجراء ده وبمنتى الصراحة الاجراء ده غير مناسب تماما للى حصل
الادارة مكلفتش خطرها حتى وحاولت تصلح مبينهم لو كانت بقيا على العشرة والمشاركات بتاعتو
الادارة حتى مكتفتش بمسح الموضوع لأ وكمان منعوه انه يدخل
بصراحة ده مش مظبوط مينفعش اضرب قطه بقنبلة يدوية
لأ فى فعل يبقا رد الفعل مساوى له فى القوة
وده راى الشخصى وانا حر فيه ومن وجهة نظرى من الى شوفتو بعينى والله اعلم ايه الى حصل بعد كدة
واناشد الادارة المحترمة ارجوكم احمد يرجع معانا تانى لانه شخص وجوده مهم
واكن كل احترام وتقدير لكل الاخوه المحترمين وادارة المنتدى المحترمه

اؤيدك يا استاز احمد فى كل كلمه والشاب الرجوله ده اتظلم لانى كنت حاضر الموضوع الاول مع الاستاز المحترم م وانا مش عايز افتح الموضوع تانى تانى يوم اتفاجئت انه اتشال من الاشراف وامس ما اعرفش حصل ايه واليوم سمعت حكايه الباند دا المفروض اى اجراء ييجى على الطرفين مش طرف واحد والافضل الصلح لان دى ساعه شيطان والموضوع ما كان مستاهل انا متفق معك

[loot-ait]

المشاركة الأصلية كتبت بواسطة kefafy

هههههههههههههههههههههههههههههههههههههههههههههههههه ه
ياخى الفاضل اصبر بس
الموضوع مش كدة خالص
مع ان المنتدى يعتبر منتدى صيد فقط ولكن الادارة المحترمه ممنعتش كلام فى السياسة نهائيا
وعلى فكرة اسمه احمد مش محمد
الموضوع غير كدة وجزاك الله خيرا

و الله اتمنى ميكنش ده السبب يا استاذ كفافى و الستاذ محمد يرجع لنا تانى بما انه اسكندرانى زيى كده هاهاها

[medo magdy]

بجددددددد المنتدى ملهوش طعم من غيروو

ارجو من الإدارة انها تراجع موقفها لان احمد يعتبر فرد بارز في عائلة المنتدى
بجد لازم يكون في تفاهم اكتر من كدة
انا بقول كلامي دة بس لان استاذ احمد شخصية محترمة جدا وشخص دمه خفيف على قلوبنا
ارجو ان يكون هناك سعة صدر من الإدارة الموقرة
بجد المنتدى ملهوش طعم من غير احمد علي

[smsm saber]

المشاركة الأصلية كتبت بواسطة medo magdy

بجددددددد المنتدى ملهوش طعم من غيروو

ارجو من الإدارة انها تراجع موقفها لان احمد يعتبر فرد بارز في عائلة المنتدى
بجد لازم يكون في تفاهم اكتر من كدة
انا بقول كلامي دة بس لان استاذ احمد شخصية محترمة جدا وشخص دمه خفيف على قلوبنا
ارجو ان يكون هناك سعة صدر من الإدارة الموقرة
بجد المنتدى ملهوش طعم من غير احمد علي

++++++++++++++1
المنتدى يريد احمد على

[dr_mohasan]

السلام عليكم إخوانى الأعزاء

أنا لا أعرف خلفيّات الموضوع ولا أعرف سبب المشكلة من أساسها , ولكنى فوجئت وأنا أتابع المنتدى بالأمس بعدة مواضيع من زميلنا أحمد تحتوى على هجوم و تهكم شديد على أحد الأعضاء وهو زميلنا هشام سمير و أحد المشرفين أيضاً و تهديدهم بإسقاط المنتدى , و الله إندهشت جداً لما أعلمه من بعض الزملاء عن أخلاق أحمد و احترامه و أدبه الشديد , كما أنه عضو من الإدارة و الطبيعى أن يكون بينهم علاقة طيبة ... وبعد ذلك حُذِفَت هذه المواضيع و لم أتابع ما حدث بعدها لانشغالى فى العمل حتى دخلت اليوم و وجدت هذا الموضوع .

هذه شهادتى على الجزء الوحيد الذى أعلمه من هذه المشكلة فأنا لا أعلم أسباب الخلاف ولا أسباب هذا التصرف من أحمد أو من الإدارة , وأرجو من يعرفهم من الزملاء الإتصال بهم و محاولة التقريب بينهم لحل هذه الأزمة العابرة حفاظاً على روابط الصداقة و المحبة بين جميع الأعضاء

[hogan]

واللهى ياجماعه انا مش عارف بس الى عرفته انه خبط فى الاداره وفى هشام سمير فى اكتر من موضوع وكمان كتب اكتر من موضوع صعب الكلام فيه ونا لا اعرف السبب
ارجو من الاخ احمد على ان يكلمنى على الخاص لو امكن لمعرفه ماحدث وان شاء الله الامور ترجع زى الاول

[kiko_2015]

بس غريبه لو احمد عمل كده...محدش يعرف ايه السبب اللي وصلوا للدرجه دي؟؟ ده شيء مهم جدا..اللي اعرفو ان احمد اتشتم بوالده و هذه شهادة حق اشهد بها

[قناص الظلم]

المشاركة الأصلية كتبت بواسطة hogan

واللهى ياجماعه انا مش عارف بس الى عرفته انه خبط فى الاداره وفى هشام سمير فى اكتر من موضوع وكمان كتب اكتر من موضوع صعب الكلام فيه ونا لا اعرف السبب
ارجو من الاخ احمد على ان يكلمنى على الخاص لو امكن لمعرفه ماحدث وان شاء الله الامور ترجع زى الاول

iهوجان هوجان هوجان

[قناص الظلم]

المشاركة الأصلية كتبت بواسطة kiko_2015

بس غريبه لو احمد عمل كده...محدش يعرف ايه السبب اللي وصلوا للدرجه دي؟؟ ده شيء مهم جدا..اللي اعرفو ان احمد اتشتم بوالده و هذه شهادة حق اشهد بها

الاخ التاجر كلمه بطرق غريبههه اوى وانا ما صدقت ان التاجر ده يعمل كدا الصراحه بس انا كنت فى الموضوع وتم حزف الموضوع وفى اليوم التالى اجده مابقاش مشرف دون فتح تحقيق فى الموضوع

[الطيار]

طبعا احمد موقوف ومش هيقدر يرد علينا

ياريت هشام سمير او حد من الادارة يرد يشرحلنا الموضوع

[kiko_2015]

المشكله ف الاساس بين احمد و استاذ محمد العناني و الاتنين ناس محترمه و حصل سوء تفاهم علي ما اعتقد..المهم دلوقتي احنا عايزين احمد معانا تاني

[hesham[MaFya]a]

المشاركة الأصلية كتبت بواسطة قناص الظلم

اؤيدك يا استاز احمد فى كل كلمه والشاب الرجوله ده اتظلم لانى كنت حاضر الموضوع الاول مع الاستاز المحترم م وانا مش عايز افتح الموضوع تانى تانى يوم اتفاجئت انه اتشال من الاشراف وامس ما اعرفش حصل ايه واليوم سمعت حكايه الباند دا المفروض اى اجراء ييجى على الطرفين مش طرف واحد والافضل الصلح لان دى ساعه شيطان والموضوع ما كان مستاهل انا متفق معك

+11111111111 بالظبط يا استاذ قناص الظلم ,, انا برده كنت حاضر الموضوع!!

[hogan]

اولا انا متشكر جدا على وصفك باننا عيال ومتشكر جدا جدا على اسلوبك المهذب فى الحديث
وسواء ان هناك مشكله حدثت فلا داعى للغلط ولكن لابد ان نسمع كل الاطراف واقسم بالله انها اول مشكله اتدخل فيها للحل
انا راجل كبير واتمنى ان نكون اخوه على ان نكون فى مثل هذا الامر
ارجو من العضو توب ان يرسل لى رقمه على الخاص للاستفسار عن اسلوبه
الجميع يعلم بانى ليس لى اى هدف سوى البقاء على الاعضاء اخوه ولو انى فى قسم الاداره مزعل حد انا مستعد للتنازل عنه ولا افقد عضو واحد من المنتدى
شكرا


hogan

[الأداره]

السادة الافاضل
هذة ليست المرة الاولى او الثانية التى يتم فيها التنبية على العضو احمد على بالتحدث باسلوب محترم وجيد مع الاعضاء ولا يقوم باخذ المواقف بمحمل شخصى
لقد تم التنبية علية فى اكثر من موضوع واخرهم موضوع العضو محمد احمد العنانى
وبعد ذلك قام العضو بعمل موضوع للعضو محمد احمد العنانى وقاما العضوين بشتم بعضهم البعض على صفحات المنتدى فقامت الادارة بانذار العضو محمد احمد العنانى لمدة عشرة ايام مع تنحية العضو احمد على من الادارة
لانها ليست المرة الاولى كما ذكرت سابقا
قام بعد ذلك العضو احمد على بموضوع يهدد بة الادارة وان سوف يقوم بهدم المنتدى عن طريق الهكرز وقام ايضا بشتم احد الاعضاء معنا وهو العضو هشام سمير و اتهامة ببيع مسدسات مسروقة وقام ايضا باتهام احد المشرفين وهو المشرف محمد محمود بالنفاق
لذلك فقد قامت الادارة بايقاف العضو احمد على لمدة ثلاثة اسابيع

[hogan]

من فضل الجميع عدم التحدث بالموضوع لحين ان اقول لكم ماحدث
شكرا
ارجو عدم كتابه اى حاجه تانيه
hOGAN

[الادارة]

تم تنحية العضو من طاقم الاشراف وشكره على فتره خدمته للمنتديات كمشرف والترحيب به كعضو مره اخرى .
ثم حدثت بعض التجاوزات كما اوضح لكم مشرف عام 3
على كل حال فقد تم ايقافه لمده ثلاثه اسابيع فقط وسيعود الينا بعد انتهاء فتره العقوبه الاداريه ..