موافقات استيراد السلاح في عهد الوزير السيسي

[sayed_seso]

انا سمعت اخبار ان الوزير السيسي سيقوم بالموافقة علي 3000 موافقه استيراد للسلاح و هيحارب الواسطة ال كانت موجوده في فتره المشير من بعد قيام الثوره
هل الكلام دا مظبوط ولا لاه
والخبر الثاني ان سمعت برضو ان في اخبار ان في انتاج للمسدس الحلوان ب 9000 جنيه و10000 جنيه بس والخبر دا خارج من المصنع
برضو مش متأكد من الخبر دا وعايز اعرف صحتو من عدمو لو حد عندو اي اخبار
والخبر الأكيد بقي ان وحدو الجمارك علي السلاح يعني استيراد الطبنجه بقي جمركها 5000 جنيه بدون اي نسبه علي قيمه الفاتورة يعني الجمرك لو الفاتورة ب 100 دولار او 5000 دولار واحد 5000 جنيه
وتعديل الجمارك دا ممكن يكون دليل علي فتح الاستيراد تاني وترخيص سعر الحلوان
لان لو قلنا الاستيراد هيتفتح هيبقي اقل طبنجه ممكن تستوردها مش هتبقي اقل من 15000 جنيه او ممكن نقول 13000 جنيه مثلا دا سعر الطبنجه والشحن وتخليص الورق في الخارج
وحط عليهم 5000 جنيه جمرك و1000 جنيه مستخلص يبقي تكلفه الاجماليه للطبنجه المستوردة في حدود ال 19000 جنيه في ما فوق
يبقي الحلوان سعرو اقل من نص المستورد وكدا الحلوان هيتباع عادي في حاله فتح الاستيراد
وياريت لو حد عندو اي معلومات عن الموضوع دا يعرفنا لانها هتبقي انتقاله مهمه جداً في السلاح في مصر وناس كتير أوي كانت منتظراها