طلعة جميلة بس تحسر

[mohamed fareg]

اليوم اتفقت مع صديقي الغالي احمد ( ابو شمس ) اننا نتقابل بدري ونطلع نصطاد في مكان جديد وابتدا اليوم علي الساعة 6:20 وطول ما احنا ماشيين نقابل يمام x يمام علي طول الطريق بس لو جدع اعرف اصطاد كل ما تقف علشان تنشن وتصطاد يجي واحد راكب عربية من وراك بيديك كلاكس بيقصد بية انة يحينا واحنا ماسكين البنادق تيجي اليمامة سامعة الكلاكس تروح وبس اتعمل فينا الموقف دة اكتر من مرة قولنا ما بدهاش ويالا بينا نمشي من هنا احنا مالناش نصيب فيهم المهم مشيت وانا قلبي بيتحصر علي كمية اليمام والحمام اللي سيبناة واللة اكتر من 30 يمامة و15 فرد حمام شفناة جمبنا علي الرصيف طول ما احنا ماشيين ومن غلبنا قابلنا في السكة سرب غربان قولنا نجرب حظنا وفعلا ابتدا احمد وضرب وبسم اللة ما شاء اللة وقع من اول ضربة هيد شوت وضربت انا التاني ووقع وراة وقولنا نمش ونكمل وبعد شوية لقينا سرب تاني بس كان بعيد شوية حوالي 50 متر قولنا نجرب ارش اللي معانا هايعمل اية في المسافات وبسم اللة علية رشة من النوع الممتاز وحلو جدا في المسافات بس كان اغرب موقف قابلنا انا واحمد ان غراب ضربة احمد خد الرشة ووقع علي جمبة قولنا انة مات وبنبص علي غيرة لاقيناه قام وبيحاول يهرب علي رجلية قمت انا اديتة الرشة التانية خرجت منة من الناحية التانية بريش كتير من جمبة ووقع ولاقيناة قام تاني المهم خد 5 رشات علشان يموت شكلة كا ناشف قوي المهم كملنا طريقنا والحمد للة وصلنا واتفرج بقي علي كميىة الحمام اللي عمال يطير حوالينا من كل ناحية وانت مش عارف تروح فين والا فين فعلا حاجة كانت تحير كان الواحد نفسة يعمل وو مع كل الحمام الي كان طاير بس الحمد للة صحيح ان الحمام كان بيستخبي مننا ورا الاسوار بس الحمد للة قضينا وقت ظريف وكانت الحصيلة 2 فرد حمام و4 يمام وكروان وهو صحيح الحصيلة كانت قليلة بس لان المكان كان جديد علينا وروحنا متاخرين شوية بس النهاية انة كان يوم عجيب عجيب من كل النواحي