|
الموضوعات العامه الموضوعات الغير متعلقه بالصيد. |
أدوات الموضوع | إبحث في الموضوع | انواع عرض الموضوع |
11-07-10, 01:44 PM | #1 |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
حد ساكن فى اسكندريه حاول يشترى سكوب من على النت؟؟
السلام عليكم,
ياجماعه انا ليا استفسار كده و برده يعتبر مشوره قانونيه و زى ماكتبت فى العنوان كده حد ساكن فى اسكندريه حاول يشترى سكوب من على النت؟؟ لان انا جربت اشترى سكوب من على النت و وصل فعلا مصر "القاهره" و عدى تمام من جمارك القاهره لغايه ماوصل اسكندريه و معرفش ايه اللى حصل الطرد وقف فى مكانه محلك سر بقاله 5 ايام....قلت اتصل بالبريد عشان اعرف ايه النظام...ردت على ست كبيره فى السن و بكل احترام قالتلى من فضلك ادينى الرقم الطرد.....ماكدبتش خبر و اديتهم رقم الطرد...الست قالتلى استنى شويه كده....و بعد 10 دقايق مستنى على الخط... لقيتها بتقولى هو الطرد ده فيه ايه يابنى....انا طبعا استغربت السؤال...فقلتلها هديه كده لأخويا الصغير.....قالتلى اصل الطرد ده محجوز فى الأمن....انا طبعا وشى جاب الوان...قلتلها طب ليه...قالتلى انت تيجى بكره المكتب قسم طرود الجمرك العينات المسجله و تعرض الطرد على ضابط او حاجه زى كده. فياترى هى الطرود بتتفتش تانى فى الاسكندريه و لا ايه... و صراحه أنا مش عارف اروح ولا لأ....خايف اروح تحصل مشاكل....و لو مروحتش مصير الطرد ايه؟؟؟ ياريت بردو الخبراء القانونيين يردو على. شكرا جزيلا. |
sponsor links |
11-07-10, 01:58 PM | #2 |
Banned
تاريخ التسجيل: Mar 2011
المشاركات: 48
معدل تقييم المستوى: 0 |
رد: حد ساكن فى اسكندريه حاول يشترى سكوب من على النت؟؟
التليسكوبات ممنوعة والطرد سو ف يتصادر ودون مسئولية قانونية عليك بس قول انا معرفش انها ممنوعة وكنت شاريها لاخي الصغير
|
11-07-10, 02:00 PM | #3 |
صياد قديم
تاريخ التسجيل: Apr 2011
المشاركات: 1,010
معدل تقييم المستوى: 11 |
رد: حد ساكن فى اسكندريه حاول يشترى سكوب من على النت؟؟
انت مش عامل حاجه غلط, هو لو ممنوع مكنش دخل مصر اساسا
وبعدين دا سكوب مش جريمه يعني!! روحلهم واكيد هيسالوك كام سؤال , جايبه ليه وهتعمل بيه ايه والكلام ده, وتاخده وتروح
__________________
|
11-07-10, 02:03 PM | #4 |
صياد نشيط
تاريخ التسجيل: Apr 2011
المدينه: القاهره المعادي
المشاركات: 331
معدل تقييم المستوى: 6 |
رد: حد ساكن فى اسكندريه حاول يشترى سكوب من على النت؟؟
بص يا سيدي انا حصل معايا نفس الشيء و رايح بكره انشاء الله الامن العام علشان اشوف ايه الحكايه
المهم متقلقش كبيره لو غلس عليك حتتنازل عنه |
11-07-10, 02:07 PM | #5 |
صياد قديم
تاريخ التسجيل: Mar 2011
المدينه: القاهره
المشاركات: 1,504
معدل تقييم المستوى: 13 |
رد: حد ساكن فى اسكندريه حاول يشترى سكوب من على النت؟؟
بالتوفيق ان شاء الله تعالي وربنا ما يجيب مشاكل خالص
__________________
وتقبل تحياتي لك |
11-07-10, 02:20 PM | #6 |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
متشكر جدا للردود ياجماعه..... و اتمنى ان الاخ "wknm" يبعتلى نمرته على الخاص عشان اعرف عمل ايه..
|
11-07-10, 04:37 PM | #7 |
صياد نشيط
تاريخ التسجيل: Apr 2011
المدينه: القاهره المعادي
المشاركات: 331
معدل تقييم المستوى: 6 |
رد: حد ساكن فى اسكندريه حاول يشترى سكوب من على النت؟؟
|
11-07-10, 05:27 PM | #8 | |
صياد نشيط
تاريخ التسجيل: May 2011
المدينه: القاهرة
المشاركات: 292
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
اقتباس:
اعتقد ان ده تعسف وخصوصا ان الحاجة دي عدت قبل كده ولا يوجد اي مبرر للمنع.... فمتسبش حقك |
|
11-07-10, 05:40 PM | #9 | |
صياد قديم
|
رد: حد ساكن فى اسكندريه حاول يشترى سكوب من على النت؟؟
اقتباس:
لا يا اخى الكريم ده مش تعسف وللا حاجه ده فعلا ممنوع قانونا من زمان عشان الاغتيالات والكلام ده واذا كان حاجه زى دى عدت مره فا دى ربنا سترها وعدت لكن هو فعلا ممنوع قانونا ومعظمنا عارف كده تحياتى
__________________
. قـبـــل أن تحـكــم علـى إنــسـان .. . إسـمــع منـهُ ... و لا تســمـع عنــهُ .... رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا
|
|
11-07-10, 05:45 PM | #10 |
صياد نشيط
تاريخ التسجيل: May 2011
المدينه: القاهرة
المشاركات: 292
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
أنا سمعت عن موضوع انها ممنوعة قانوناً.... لكن الموضوع ليس له أي مبرر زي ما قلت لان دي حاجة من مستلزمات بنادق الصيد الاساسية وبتستخدم في كل الدنيا، وبعدين هو اللي بيغتال واحد جاب البندقية ومعرفش يجيب السكوب فبعت يجيب واحد صيني من علي النت!!
|
11-07-10, 05:58 PM | #11 | |
صياد قديم
|
رد: حد ساكن فى اسكندريه حاول يشترى سكوب من على النت؟؟
اقتباس:
انما (الأمن) بيحسبها على اسوء الظروف يعنى ممكن تكون البندقيه مسروقه اصلا ،،، ايا كانت الاحوال فا هو ممنوع . وصادف وضابط شاف صياد زميلنا من سنه تقريبا مركب على سلاحه سكوب ورخم عليه وعمل مشكله وكان عايز ياخده هو والسلاح وطبعا هو كان معاه حق بس ربنا كرم وطلع معرفه فا سابو ،، فالموضوع مش زى مانت متخيل
__________________
. قـبـــل أن تحـكــم علـى إنــسـان .. . إسـمــع منـهُ ... و لا تســمـع عنــهُ .... رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا
|
|
11-07-10, 06:18 PM | #12 |
صياد نشيط
تاريخ التسجيل: May 2011
المدينه: القاهرة
المشاركات: 292
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
ما هو موضوع اسوأ الظروف ده مش هينفع لازم يكون فيه المام بحاجات الناس وتعارضها مع اسوأ الظروف دي، يعني يكون فيه دراسة وافية للموضوع وقوانين عادلة واي بلد محترمة أكيد بتعمل كده... وبما اننا الحمد لله بقينا بلد محترمة يبقي مينفعش نرضي بالتصرفات دي!
وبعدين يا حازم بيه انت معانا ولا معاهم :d |
11-07-10, 06:22 PM | #13 | |
صياد قديم
|
رد: حد ساكن فى اسكندريه حاول يشترى سكوب من على النت؟؟
اقتباس:
__________________
. قـبـــل أن تحـكــم علـى إنــسـان .. . إسـمــع منـهُ ... و لا تســمـع عنــهُ .... رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا
|
|
11-07-10, 06:51 PM | #14 | |
صياد نشيط
تاريخ التسجيل: Aug 2010
المشاركات: 281
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
اقتباس:
|
|
11-07-10, 06:56 PM | #15 | |
صياد قديم
|
رد: حد ساكن فى اسكندريه حاول يشترى سكوب من على النت؟؟
اقتباس:
لا يا باشا مش كله فى سكوبات محترمه جدا وانا لسه جايب واحد من بره يركب على الشوت جن عادى جدا فا ده مش مقياس اخى الفاضل
__________________
. قـبـــل أن تحـكــم علـى إنــسـان .. . إسـمــع منـهُ ... و لا تســمـع عنــهُ .... رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا
|
|
11-07-10, 07:06 PM | #16 |
صياد نشيط
تاريخ التسجيل: Aug 2010
المشاركات: 281
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
يا استاذي صدقني هناك فرق شاسع بين الاثنين و علي فكره انا اول مره اسمع ان الشوت جن بيركب عليها سكوب علي فكره الشوت جن ماصوره غير مخشخنه ولا يمكن النيشان الدقيق بها الا في حالة الصلج slug و حتي في الصلج لا تكون دقيقه كما تتخيل لذلك لا يركب عليها سكوب فهي مخصصه للصيد علي الطاير عن طرق تحديد افتراضي لسرهة الطائر و اتجاه طيرانه و هناك الشوت جن قصيرة الماصوره و هي لقوات الدفاع (الامن المركزي) و هي مخصصة لاحداث تاثير واسع المجال و غير مركز ... و علي فكره انا مرخص شوت جن
|
11-07-10, 07:09 PM | #17 | |
صياد قديم
|
رد: حد ساكن فى اسكندريه حاول يشترى سكوب من على النت؟؟
اقتباس:
ولكن اللى اقصدته الرصاص زى الماوزر مثلا
__________________
. قـبـــل أن تحـكــم علـى إنــسـان .. . إسـمــع منـهُ ... و لا تســمـع عنــهُ .... رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا
|
|
11-07-10, 07:09 PM | #18 |
صياد نشيط
تاريخ التسجيل: May 2011
المدينه: القاهرة
المشاركات: 292
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
انا شوفت اسكوبات علي النت بأسعار وهمية جداً واعتقد انها تفرق عن الاسكوبات اللي بتستخدم مع بنادق الصيد اختلاف كبير خصوصا في الخامات.... في حاجات كانت معدية 3 الاف دولار
|
11-07-10, 07:10 PM | #19 | |
صياد قديم
|
رد: حد ساكن فى اسكندريه حاول يشترى سكوب من على النت؟؟
اقتباس:
صح كلام مظبوط
__________________
. قـبـــل أن تحـكــم علـى إنــسـان .. . إسـمــع منـهُ ... و لا تســمـع عنــهُ .... رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا
|
|
11-07-10, 07:14 PM | #20 |
صياد نشيط
تاريخ التسجيل: Aug 2010
المشاركات: 281
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
|
11-07-10, 07:15 PM | #21 |
صياد نشيط
تاريخ التسجيل: Aug 2010
المشاركات: 281
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
و هي دي الي المفروض تكون ممنوعه مش تلسكوبات الاير رايفل الي هي تعتبر لعبه بجانب هذه التلسكوبات ... بس نقول لمين ونفهم مين هي الثوره قامت من شي شويه هههههههه
|
11-07-10, 07:21 PM | #22 |
صياد متفاعل
تاريخ التسجيل: Aug 2010
المشاركات: 71
معدل تقييم المستوى: 6 |
رد: حد ساكن فى اسكندريه حاول يشترى سكوب من على النت؟؟
اولا يا سيدي الفاضل المفروض ان الطرد مادام عدا من الجمارك لا يفتح مرة اخري ابدا و بيوصلك البيت عليه سكوتش كده مكتوب عليه customs و ده اللي الجمارك بتقفل بيه الطرد مره اخري بعد التفتيش
ثانيا انت روحلهم و شوف ايه الحكاية و لا تقلق انت مفيش عليك اي مشكلة و لو غلس قله مش انا اللي شارية ده مبعوتلي هدية و معرفتش اصلا في ايه في الطرد غير دلوقتي ثالثا السكوب نفسه المفروض مايكونش ممنوع لان بتاع البنادق الرش لا يمكن استخدامه علي البنادق الحية لاختلاف في حاجه اسمها (Eye releif distance) و ملوش علاقة بالارتداد ولا حاجة لكن الرماية بيه مستحيلة و حتي سكوبات الحي ال Rim fire السكوب بتاعها مايركبش علي البنادق التي تعمل بالذخيرة اللي ليها primer خارجي |
11-07-10, 07:48 PM | #23 | |
خبير اسلحه .& عضو ذهبى
تاريخ التسجيل: Apr 2009
المدينه: أسكندرية
المشاركات: 3,065
معدل تقييم المستوى: 281 |
رد: حد ساكن فى اسكندريه حاول يشترى سكوب من على النت؟؟
اقتباس:
معنى كده اكيد فى فاتورة مع التليسكوب باسم صاحب الكارت. يبقى ازاى مبعوت هدية وميعرفش ايه اللى فى الطرد؟ الصراحة مافيش احسن منها. اعتقد اسوء الامور سيتم التحفظ على التليسكوب لأن ده حصل قبل كده فى مطار القاهرة. وده رابط الخبر على مصراوى http://www.masrawy.com/News/Cases/Ge...8/airport.aspx وعلى فكرة دى كانت محاولة لتهريب بنادق هوائية وتليسكوب لكن الاخوة العضاء لم يحاولوا تهريبه ولكنه داخل البلد بطريق شرعى (البريد). أن شاء الله ربنا يسترها مع الاخوة الاعضاء والموضوع يعدى على خير. |
|
11-07-10, 07:53 PM | #24 | |
صياد متفاعل
تاريخ التسجيل: Aug 2010
المشاركات: 71
معدل تقييم المستوى: 6 |
رد: حد ساكن فى اسكندريه حاول يشترى سكوب من على النت؟؟
اقتباس:
دي معلومة سرية. انا باشتري من علي النت علي طول و ده اللي بيحصل معايا بس مش حاجات سلاح معدات دراجات سباق |
|
11-07-10, 08:05 PM | #25 |
خبير اسلحه .& عضو ذهبى
تاريخ التسجيل: Apr 2009
المدينه: أسكندرية
المشاركات: 3,065
معدل تقييم المستوى: 281 |
رد: حد ساكن فى اسكندريه حاول يشترى سكوب من على النت؟؟
انا ماقولتش حاجة عن رقم الكارت. لكن اسم صاحب الكارت بيكون موجود على الفاتورة.
|
11-07-10, 08:13 PM | #26 |
صياد متفاعل
تاريخ التسجيل: Aug 2010
المشاركات: 71
معدل تقييم المستوى: 6 |
رد: حد ساكن فى اسكندريه حاول يشترى سكوب من على النت؟؟
بيكون اسم المرسل اليه علشان سهولة التعامل بعد كده و لو في ضمان او مرتجعات و اسم اللي اشتري او صاحب الفيزا بيفضل عند الشركة مش بتفصح عنه
|
11-07-10, 08:20 PM | #27 | |
صياد نشيط
تاريخ التسجيل: May 2011
المدينه: القاهرة
المشاركات: 292
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
اقتباس:
|
|
11-07-10, 08:25 PM | #28 | |
خبير اسلحه .& عضو ذهبى
تاريخ التسجيل: Apr 2009
المدينه: أسكندرية
المشاركات: 3,065
معدل تقييم المستوى: 281 |
رد: حد ساكن فى اسكندريه حاول يشترى سكوب من على النت؟؟
اقتباس:
والفاتورة بتكون فى داخل الطرد وفيها الاسم وأخر اربع ارقام فقط من الكارت المستخدم وتاريخ وساعة الاستخدام من قبل الشركة لتحويل المبلغ لحسابهم + رقم كودى لمعرفة الجهة التى تم تحويل المبلغ لحسابها. |
|
11-07-10, 08:28 PM | #29 | |
صياد قديم
تاريخ التسجيل: Mar 2011
المدينه: cairo
المشاركات: 1,520
معدل تقييم المستوى: 15 |
رد: حد ساكن فى اسكندريه حاول يشترى سكوب من على النت؟؟
اقتباس:
وتحياتى للجميع
__________________
إيهما اهم .. التفاعل والنوعية ام زيادة المشاركات والكمية؟؟
http://hh7.net/Jul4/hh7.net_13110235081.jpg |
|
11-07-10, 08:30 PM | #30 |
خبير اسلحه .& عضو ذهبى
تاريخ التسجيل: Apr 2009
المدينه: أسكندرية
المشاركات: 3,065
معدل تقييم المستوى: 281 |
رد: حد ساكن فى اسكندريه حاول يشترى سكوب من على النت؟؟
|
11-07-10, 08:39 PM | #31 |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
شكرا لكل من شارك فى الموضوع.... و هما على فكره مش محتاجين لرقم الكارد و لا دياولو ...انا خلصت و قلتلهم اسمى الرباعى و العنوان ......وبالنسبه للسكوب هو مكتوب عليه "air rifle" و فيه تحّذير من الاستخدام للأسلحه الناريه يعنى مينفعش استخدمه للسلاح النارى.....وانا بالمناسبه لما كنت بدور على سكوبات كانت فى حجات اسعارها معقوله و دايما كان يبقى مكتوب عليها For Air Rifle" و سعات "Rim Fire" و كانت فى حجات اسعارها رهيبه و دى كانت للسلاح النارى....انا اعتقد ان المفروض يتمنع النوع التانى ده بتاع بنادق القنص....
|
11-07-10, 08:42 PM | #32 | |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
اقتباس:
|
|
11-07-10, 08:51 PM | #33 |
خبير اسلحه .& عضو ذهبى
تاريخ التسجيل: Apr 2009
المدينه: أسكندرية
المشاركات: 3,065
معدل تقييم المستوى: 281 |
رد: حد ساكن فى اسكندريه حاول يشترى سكوب من على النت؟؟
|
11-07-10, 08:59 PM | #34 |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
ان شاء الله هاروح اسلم نفسى بكره فى مكتب البريد و الموضوع يخلص على خير بأذن الله......
|
11-07-10, 09:04 PM | #35 | |
صياد قديم
|
رد: حد ساكن فى اسكندريه حاول يشترى سكوب من على النت؟؟
اقتباس:
وابقى طمنا عليك بعد ما ترجع عشان ما نقلقش والله المستعان
__________________
. قـبـــل أن تحـكــم علـى إنــسـان .. . إسـمــع منـهُ ... و لا تســمـع عنــهُ .... رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا
|
|
11-07-10, 09:05 PM | #36 | |
صياد متفاعل
تاريخ التسجيل: Aug 2010
المشاركات: 71
معدل تقييم المستوى: 6 |
رد: حد ساكن فى اسكندريه حاول يشترى سكوب من على النت؟؟
اقتباس:
و ساعتها الفاتورة بتروح علي عنوانه المسجل لدي البنك billing adress و الفاتورة الاخري مع الشحنه علي عنوان الشحن و لو اي حد اشتري من النت ممكن يتاكد لما هيلاقي في checkout بيطلب منه انه يسجل الاتنين و كل مره ممكن اسم مختلف و صاحب الموضوع ممكن ياكد اذا كان ده حصل معاه او لا و اللي عايز يجرب بنفسه يدخل امازون مثلا و يجرب يعمل checkout باي حاجه بس ميكملش للاخر طبعا و بالمناسبه القيد بتاع منع استخدام الفيزا الا من صاحبها فعلا موجود بس عدد قليل اوي من المواقع بيلتزم بيه و ده من تجربتي الشخصيه. كتير بادخل اي عنوان وهمي او عنوان ارامكس نفسه رغم انه اكيد مش عنواني المسجل لدي بنكي و بتقبل |
|
11-07-10, 09:08 PM | #37 |
خبير اسلحه .& عضو ذهبى
تاريخ التسجيل: Apr 2009
المدينه: أسكندرية
المشاركات: 3,065
معدل تقييم المستوى: 281 |
رد: حد ساكن فى اسكندريه حاول يشترى سكوب من على النت؟؟
|
11-07-10, 09:16 PM | #38 |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
هو غالبا فى بكره تغيير جذرى فى حياتى كمحب و ممارس للهوايه ....يأما هارجع بالسكوب و اعيش على ان فعلا فى امل....يأما هاعمل زى ما واحد مش صاحبى قالى ان ابيع البندقيه و اشترى جيتار .
|
11-07-10, 09:21 PM | #39 | |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
اقتباس:
بس معظم المواقع بتفضل ان الاتنين يبقو واحد و لو غير كده "لو باعت هديه مثلا لشخص" بيتم ابلاغ الموقع عشان يعمل تأكيد من البنك ان فعلا صاحب الكارد هو اللى نفذ عمليه الشراء المطلوبه قبل مالموقع يعمل اى "Transaction". |
|
11-07-10, 09:23 PM | #40 | |
صياد متفاعل
تاريخ التسجيل: Aug 2010
المشاركات: 71
معدل تقييم المستوى: 6 |
رد: حد ساكن فى اسكندريه حاول يشترى سكوب من على النت؟؟
اقتباس:
|
|
11-07-10, 09:32 PM | #41 | |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
اقتباس:
دا الكارد بأسمى وعنوانى و الطرد بأسمى ورايح لعنوانى.......و احتمال الاسكوب يكون مش بوشنيل و يكون بأسمى و الموديل عنوانى.....انا حاسس انى سامع موسيقه برنامج خلف الاسوار بتلعب فى ودانى. |
|
11-07-10, 09:40 PM | #42 | |
خبير اسلحه .& عضو ذهبى
تاريخ التسجيل: Apr 2009
المدينه: أسكندرية
المشاركات: 3,065
معدل تقييم المستوى: 281 |
رد: حد ساكن فى اسكندريه حاول يشترى سكوب من على النت؟؟
اقتباس:
ممكن تقولى طريقة الدفع المستخدمة؟ ممكن تبعتلى على الخاص لو حضرتك مش عايز تكتبها على العام. |
|
11-07-10, 09:51 PM | #43 | |
صياد متفاعل
تاريخ التسجيل: Aug 2010
المشاركات: 71
معدل تقييم المستوى: 6 |
رد: حد ساكن فى اسكندريه حاول يشترى سكوب من على النت؟؟
اقتباس:
(بالمناسبة محاضر التلبس في البلد دي لها فرم *ثابتة) أنا رجل قانون بالمناسبة. فلو قال لك كدة كل له إن د هدية وانك لا تعرف شئ عن ما بداخلها و حلاني على ما يدور وراك المزة في مصر إن نظام البنوك عندنا عقيم جداً. و العملية بتتسجل في حسابك فالبنك بإسم الموقع إلي اشتريت منو و في لها رقم مسجل في فيزا انترناشونال. فلزم هو علشان يعرف هي نفس المعاملة ولا لأ يبعت لفيزا انترناشونال يستعلم عن رقم المعاملة ويبعت للموقع ياخذمنو اخطار بإن الرقم مطابق علشان يثبت إن العملية إلي في حسابك هي هي* |
|
11-07-10, 09:57 PM | #44 |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
|
11-07-10, 09:58 PM | #45 | |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
اقتباس:
|
|
11-07-11, 09:16 AM | #46 |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: حد ساكن فى اسكندريه حاول يشترى سكوب من على النت؟؟
باذن الله مفيش حاجة بس طمنا ايه اللى حصل
|
11-07-12, 01:25 AM | #47 |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
انا رحت النهارده مركز الحركه الرئيسى فى محطه مصر وكان معايا واحد صاحبى...دخلت زى ماقالولى وطلعنا الدور التالت قسم طرود الجمرك - العينات المسجله....قلت للمدام اللى على المكتب انا جاى استلم طرد و اديتها رقم الطرد....دخلته على الكمبيوتر وقامت جابته من الدولاب متدبس فيه ورقتين واحده خضراء و اخرى حمراء.....و قالتلى دا ايه ده "شكلو كان سؤال من جانب الفضول" ....قلتلها تليسكوب....قالتلى بيستخدم فى ايه يعنى....قلتلها بيقرب الصور عادى يعنى صراحه مكنتش عارف اقولها ايه ممكن ميتفهمش غلط.....المهم قالتلى دا مكتوب انه لازم يتعرض على الامن تعالى ورايا....روحنا لسيادة الظابط "كان مكتوب مباحث الجمرك"....فتح الطرد و فضل يقلب فى التليسكوب و ساعتها كنت اول مره اشوف التليسكوب كله بره العلبه....صراحه كان حاجه وهم 3-9x40 رانج فايندر و اضائه شعار....المهم,لقيته بيسألنى جايبه ليه...قلتلو انا هاوى للرمايه و البصريات و حبيت استخدم تليسكوب على "البندقيه الرش بتاعتى" و جزيت على سنانى فى الجمله الأخيره دى....لقيته زى مايكون عاوز يعرفنى انه فاهم و بيسئلنى دا كام مللى...قلتله قطر العدسه 40 مللى.....قالى بس ده خطر و ممكن يستخدم على بنادق ناريه....قلتله يافندم ده مصمم للبنادق الهوائيه و مكتوب عليه كده و سعره اكبر دليل 290 ج.م فى حين ان التليسكوبات الاصليه بتعدى الاف....قالى طب اتفضل استنانى بره شويه عقبال ماشوف ده ايه نظامه.....بعد شويه لقيته بيقول للست اللى كانت معايا دا نازل جدول اسلحه......الست خرجت و حسيت انها بتواسينى و هى بتقولى دا يروح الأمن العام و هما يقرروا .....قلتلها طب ادينى محاوله اكلم الظابط صراحه هى كانت فى منتهى التعاون و الظرف و كانت عماله تهزر معايا من الاول زى ماتكون حاسه ان الظابط دا هايقفلنى فقالتلى ماشى روح وابقى تعالالى المكتب تانى....دخلت احاول اشرحله و اقله ده موجود فى البلد عادى...يقوم يقولى عارف الاليكتريك شوك؟؟ .... قلتله ايوه...قالى دا ممنوع و نازل فى جدول السلاح...قلتله تمام...قالى موجود ولا لأ؟؟؟...قلتله بيتباع على الارصفه....قالى ازاى؟؟؟...قلتله مشعارف...حسيت انه استغبانى...فقالى عارف المخدرات؟؟؟...قلتله ايوه....قالى ممنوعه؟؟....قلتله واللى يقول غير كده حلال فيه الحبس...قالى موجوده؟؟؟....قلتله اكيد....قالى ازاى؟؟؟....قلتله اكيد متهربه....قالى الله ينور عليك...فسألنى ينفع حد يجيب مخدرات من بره فى وسائل رسميه بتتفتش زى البريد؟؟؟....قلتله لا....قالى بالظبت دا اللى انت عملته....جبت حاجه ممنوعه و حاولت تعديها من طرق رسميه...قالى ابعته تانى و خلى حد يجيبهولك و هو جاى من السفر... احاول اقنعه.. طب يرديك يهديك عملت الللى و برده مفيش و حجته ان مش فى ايده الموضوع دا فى ايد الآمن العام و قاللى دا لو كان قبل الثوره كان دخل من غير مشاكل بس احوال البلد بقى ....قلتله ماشى....و شكرته و طلعت للست و قلتلها مفيش ادامى غير الامن العام ابعتيه و امرى لله....قالتلى لأ مانت اللى هاتوديه....طبعا انا عملت حمل وديع و قلتلها هاتيه اوديه و امرى لله ياطنط.....و طبعا كان فى نيتى شئ اخر تماما.....فضحكت و قالتلى انت هتاخد مندوب من الجمارك معاك هو اللى هايعمل كل حاجه انت مجرد هاتوصله فى عربيتك...قلتلها معنديش انا جايلكو فى مشروع...قالتلى يبقى تحجزله فى سوبر جيت او قطار و شويه مصاريف داخليه كده....قلتلها الموضوع دا كله يكلف كام قالتلى مش اقل من 300 ج.م ....قلتلها انا جايب البتاع ده ب 300 جنيه يبقى ازاى ادفع زيهم و اكتر عشان روتين انا مش مسئول عنه....قامت قالتلى يبقى مفيش ادامك غير انك ترجعه للى ارسلك الطرد.....و دى كانت حكايتى و مش عارف هل امشى فى الاجراءات و فى امل انه يتوافق عليه ولا ارجعه تانى؟؟؟.....وعلى فكره لو اى حد حصل معاه زى ماحصل معايا و ماستلمش الطرد و رجعه تانى ممكن هياخد فلوسه تانى اول مالشحنه ترجع لو دافع بنظام escrow.... مع العلم ان مش كل الناس اللى حاولو يجيبو تليسكوبات او اشياء متعلقه حصل معاهم كده...و فعلا فى حجات عدت و مازالت بس الفكره بقى بناء على ايه بتعدى؟؟؟...العنوان مثلا؟؟؟...المدينه؟؟؟....ياريت اللى جرب يقلنا و يكسب فينا ثواااااااااب.
|
11-07-12, 01:36 AM | #48 |
صياد متفاعل
تاريخ التسجيل: Aug 2010
المشاركات: 71
معدل تقييم المستوى: 6 |
رد: حد ساكن فى اسكندريه حاول يشترى سكوب من على النت؟؟
معلش يا استاذ. انا قلتلك اللي قلته امبارح علشان عارف ان ده كان هايحصل. احمد ربنا ان الضابط ما دبسكش في السكوب و بعتك معاه الامن العام لان ده من سلطته لانها قضية "تهريب جواهر ممنوعة" . انت لو رحت الامن العام هيقوللك نفس الكلام الا لو طلعلك من السما ضابط ابن ناس و مش متعقد من اللي عملناه فيهم في الثورة. غير كده هتضيع عليك مصاريف الانتقال.
لذا انصحك شوف واحد صاحبك معاه سيارة و خد ام المندوب فيها و وديه. نفع نفع. ما نفعش يبقي فكك منه. علما بان ال escrow هتدفع فيه اكثر من مصاريف الشحن حوالي الضعف. و الله انا مخنوق لانهم قبل كده صادروا مني جراي كاربون فايبر لي beretta PX-4 Storm بحجة انه جراب للمسدس ملحق به ليزر و كان الضابط عايز يبعت اخطار للقسم لاعادة فحص السلاح و صباح قلة الادب |
11-07-12, 01:36 AM | #49 | |
صياد متقدم
تاريخ التسجيل: May 2011
المدينه: الاسكندرية - القاهرة
المشاركات: 635
معدل تقييم المستوى: 8 |
رد: حد ساكن فى اسكندريه حاول يشترى سكوب من على النت؟؟
اقتباس:
شكرا
__________________
اذا دعتك قدرتك علي ظلم الناس فتذكر قدرة الله عليك يا مصر قومي وشدي الحيل كل اللي تطلبية عندي كان تقيمي 27 وانخفض الي 5 دون سبب 27-6-2011 |
|
11-07-12, 02:02 AM | #50 | |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
اقتباس:
|
|
11-07-12, 02:06 AM | #51 |
صياد متفاعل
تاريخ التسجيل: Aug 2010
المشاركات: 71
معدل تقييم المستوى: 6 |
رد: حد ساكن فى اسكندريه حاول يشترى سكوب من على النت؟؟
موضوع ال escrow في البريد المصري ممكن يكون علي حساب المرسل فعلا بس شركات الشحن هتدفعك فلوس علشان تعمل اعادة تصدير
اما موضوع التدبيس فانا لو مكانه و قررت العب بغباوة ففي مليون مخرج قانون يخلوني اعرف اروقك في قضية |
11-07-12, 02:58 AM | #52 |
تاجر مسجل بالمنتديات
تاريخ التسجيل: Jul 2010
المشاركات: 2,715
معدل تقييم المستوى: 22 |
رد: حد ساكن فى اسكندريه حاول يشترى سكوب من على النت؟؟
نصيحئة مني
القانون دااااااااااااااااااااااااا حماااااااااااااااااااااااااار اتعلم ازاااااااااااي انك تركبو مع احترامي للجميع دي مقولة من محامي كاااااااااان اخوية شغاااااااااااال معاااااااااة
__________________
MR.X لاسلحة الصيد البري والبحري ومحدثات الصوت يسعدنا تشريفكم لنا بمعرضنا في مصر الجديدة 48 شارع بغداد امام فندق بيروت محافظة القاهرة يسعدنا توفير خدمة الشحن الي جميع الاعضاء في جميع المحافظات وتكلفة الشحن علي حسب المحافظة 01000131401 01093635793
|
11-07-12, 03:03 AM | #53 | |
صياد متفاعل
تاريخ التسجيل: Aug 2010
المشاركات: 71
معدل تقييم المستوى: 6 |
رد: حد ساكن فى اسكندريه حاول يشترى سكوب من على النت؟؟
اقتباس:
بما فيهم الضباط |
|
11-07-12, 01:12 PM | #54 |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
ياسيدى ربنا مايجيب قضايا....الموضوع مش مستاهل قضيه على فكره.
|
11-07-28, 06:35 PM | #55 |
صياد جديد
تاريخ التسجيل: Mar 2011
المشاركات: 24
معدل تقييم المستوى: 5 |
رد: حد ساكن فى اسكندريه حاول يشترى سكوب من على النت؟؟
الاخوة اعضاء المنتدى الكرام
السلام عليكم يوجد نص فى قانون الاسلحة قد عرض عن طريق قانونى فى المنتدى و نصه يقول انه يمنع السكوب الزى يركب على الاسلحة النارية و لم يتكلم ابدا عن البنادق الرش ازن المشكلة فى التفرقة بين الاثنين و اكيد ملوك الجمارك وجهابزته لا يفقهون شي فى هزا الموضوع و هنا مربط الفرس كيف نجعلهم يتنبهون الى زلك koko polo |
11-07-31, 03:48 PM | #56 |
صياد قديم
تاريخ التسجيل: Aug 2010
المشاركات: 1,591
معدل تقييم المستوى: 188 |
رد: حد ساكن فى اسكندريه حاول يشترى سكوب من على النت؟؟
منتظر الصور و الرسالة الخاصة
|
11-07-31, 03:49 PM | #57 |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
بسم الله الرحمن الرحيم
ده ان شاء الله اخر تحديث للموضوع وفيه اخر محاولاتى لتخليص السكوب من الجمرك رحت النهارده للبريد و بعد ماكانو قالولى روح الامن العام فى القاهره قالولى طب حاول فى مديريه امن الأسكندريه فارحت و بعد مالفيت من مكتب لمكتب قالولى مش اختصاصنا روح تراخيص السلاح فى الامن العام فى العباسيه فى القاهره "ايوه تراخيص السلاح مش عارف هو فين السلاح ده بس هما حافظين كده".....فرجعت و قالتلهم فى البريد مش فاضى قالولى يبقى يرجع على البلد المرسل قلتلهم ماشى.....بس قبل مامشى قلت لازم اصوره صورتين كده للذكرى هو بوشنيل 3-9*40 شعار مدرج رانج فايندر و اضائتين احمر و اخضر كل اضائه ب5 مستويات و كان عامل 250 جنيه و كان مضحوك على فيه .............دا بكام هنا بقىىىىىىىى؟؟؟؟ |
11-07-31, 03:56 PM | #58 |
صياد متقدم
تاريخ التسجيل: May 2011
المدينه: الاسكندرية - القاهرة
المشاركات: 635
معدل تقييم المستوى: 8 |
رد: حد ساكن فى اسكندريه حاول يشترى سكوب من على النت؟؟
طيب لية ياباشا محولتش تشوف راي الامن العام
عايزين نعرف الخطوة دي لان كل الاخوة بيقفوا عندها هيقول ممنع حلو اوي طيب الشفرات واسلحة الكتر ممنوعة طيب هما ممكن يطلعوا تصريح للشراء ياريت نعرف شكرا
__________________
اذا دعتك قدرتك علي ظلم الناس فتذكر قدرة الله عليك يا مصر قومي وشدي الحيل كل اللي تطلبية عندي كان تقيمي 27 وانخفض الي 5 دون سبب 27-6-2011 |
11-07-31, 04:00 PM | #59 |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
|
11-07-31, 04:11 PM | #60 |
صياد قديم
تاريخ التسجيل: Aug 2010
المشاركات: 1,591
معدل تقييم المستوى: 188 |
رد: حد ساكن فى اسكندريه حاول يشترى سكوب من على النت؟؟
تمام وصلت
و الله زعلتني لما شوفت الصور حسبي الله و نعم الوكيل و يا رب الحال يتغير |
11-07-31, 04:15 PM | #61 | |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
اقتباس:
المندوب قبل مانروح قالى بص يابنى من الأول كده انا رحت المشوار ده كذا مره ....كان بيعدى بالواسطه قبل الثوره...بعد الثوره بيخافو يعدو الهوا...قلتله الحمد لله ان الثوره ساوت البشر...خلت اللى عنده واسطه زى الغلبان اللى زى حالاتى معندوش....قلتله اهو نحاول.....قالى انا من فتره مش بعيده كان فى انسه جايلها بتاع كده بترشه على عين اى حد يهاجمها...قلتله ايوه ده سلف دفنس ....قالى ده كان شكله نضيف جدا و البنت كان شكلها بنت ناس جدا....المهم رحت معاها المديريه قالولها احنا ايش عرفنا هاتستخدميه فى ايه....قالتلهم لو حد اعتدى على فى بيتى او فى الشارع او فى المواصلات فى الظروف اللى احنا فيها دى....و احنا ايش عرفنا مش يمكن تبوظى بيه عين حد.....بالزمه دى عقليه الواحد ينفع يتعامل معاها؟؟؟؟.....و على فكره وانا فى البريد شفت كميه اليكتريك شوك اللى هو بيتلبس فى قبضه اليد يمكن 50 واحد كل 10 فى كرتونه و كانو مطلوب عرضهم و كان فيه مطواه smith & wesson شكلها يهبل و كانت اكيد تحفه....بس يظهر ان صاحبها ملوش نصيب.........المهم انا لو كنت فى القاهره كنت جربت حظى بس انا فى اسكندريه فايبقى تعجيز انهم يبعتو معايا مندوب للقاهره رايح جاى.....شكرا |
|
11-07-31, 04:21 PM | #62 |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
مع العلم يا جماعه ان السكوبات بتاعه البنادق الهوائيه مشكوك انها ممنوعه لأن نص القانون كالأتى ماده 1 "ولا يجوز بأى حال الترخيص فى الأ سلحة المبينة فى القسم الثانى من الجدول رقم 3 وكاتمات أو مخفضات الصوت والتلسكوبات التى تركب على الاسلحة النارية"
وتم ذكره كمان فى ماده 35 مكرر والنص كالأتى "مادة 35 مكرر (1) - يعتبر أ سلحة نارية فى حكم هذا القانون أجزاء[color="rgb(0, 100, 0)"] الأ سلحة النارية المنصوص عليها بالجدولين 2 .3[/color] وكاتمات أو مخفضات الصوت و[color="rgb(0, 100, 0)"]التلسكوبات المعدة لتركيبها للأ سلحة النارية[/color]. ويعاقب على ال تجار فيها أو استيرادها أو صنعها أو أصلاحها بالمخالفة لأ حكام هذا القانون بذات العقوبات المنصوص عليها فى هذا الشأن على الأ سلحة النارية الكاملة. ويسرى حكم الفقرة السابقة على حيازة أو احراز الأجزاء الرئيسية للأ سلحة النارية المبينة بالجدول رقم (4) المرافق أو كاتمات أو منخفضات الصوت و[color="rgb(0, 100, 0)"]التلسكوبات التى تركب على الأسلحة المذكورة[/color]. " انا مدرستش قانون و مش هافتى و اقول مش ممنوعه....فاتمنى حد درس قانون يفسر المادتين دول. |
11-07-31, 04:25 PM | #63 |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
|
11-07-31, 04:27 PM | #64 | |
صياد متقدم
تاريخ التسجيل: May 2011
المدينه: الاسكندرية - القاهرة
المشاركات: 635
معدل تقييم المستوى: 8 |
رد: حد ساكن فى اسكندريه حاول يشترى سكوب من على النت؟؟
اقتباس:
اللي هي مواصفتها اية بقي ممكن حد يفهمني النقطة دي شكرا
__________________
اذا دعتك قدرتك علي ظلم الناس فتذكر قدرة الله عليك يا مصر قومي وشدي الحيل كل اللي تطلبية عندي كان تقيمي 27 وانخفض الي 5 دون سبب 27-6-2011 |
|
11-07-31, 04:43 PM | #65 |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
بالظبط هى دى النقطه....لو السكوبات اللى عندنا "الصينى" تنفع تركب على الاسلحه الناريه و ان كان مكتوب انها مخصصه للبنادق الهوائيه...انا اول واحد مع القانون اللى يمنع التليسكوبات حفاظا على امن بلدى....لاكن لو مفيش اى فرصه انها تركب على سلاح نارى يبقى ده حقى انى استخدمها.....بس مين اللى يحدد؟؟؟
|
11-07-31, 04:56 PM | #66 | |
صياد متقدم
تاريخ التسجيل: May 2011
المدينه: الاسكندرية - القاهرة
المشاركات: 635
معدل تقييم المستوى: 8 |
رد: حد ساكن فى اسكندريه حاول يشترى سكوب من على النت؟؟
اقتباس:
ممكن فنيا اي تليسكوب يركب علي اي بندقية مع بعض التعديلات دائما الاخلال بالامن بيكون عن طريق اسلحة الية والتيسكوبات غير مش مجدية معها بدرجة كبيرة اللي يقدر يوفر سلاح قنص يقدر يوفر تليسكوب مش هيكون اصعب من السلاح ولازم نعرف مواصفات التليسكوبات اللي بتركب علي الاسلحة النارية مش الموضوع مطلق دون مواصفات وبس ياريت اكون قدرت اوصل لحضرتك وجهة نظري شكرا
__________________
اذا دعتك قدرتك علي ظلم الناس فتذكر قدرة الله عليك يا مصر قومي وشدي الحيل كل اللي تطلبية عندي كان تقيمي 27 وانخفض الي 5 دون سبب 27-6-2011 |
|
11-07-31, 05:11 PM | #67 | |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
اقتباس:
ووجهة نظرك وصلت يافندم و على فكره احنا مش مختلفين شكرا |
|
11-08-01, 12:55 AM | #68 |
صياد متقدم
|
رد: حد ساكن فى اسكندريه حاول يشترى سكوب من على النت؟؟
انا عندي فكره هبله هههه ممكن نرفع قضيه لتحديد مواصفات التليسكوبات الاسلحه الناريه و المخصصه للبنادق اويشفولنا حل مع القانون الاهبل ده
__________________
احمد فتحي |
11-08-01, 02:39 AM | #69 |
تاجر مسجل بالمنتديات
تاريخ التسجيل: Jul 2010
المشاركات: 2,715
معدل تقييم المستوى: 22 |
رد: حد ساكن فى اسكندريه حاول يشترى سكوب من على النت؟؟
مي الي قااال انها فكرة هبلة انت عارف ان انت لو اترفض طلب الترخيص وانت مستحق لية ممكن ترفع قضيئة وتاخد بيها حكم يجبر الدخلية انها تتديك ترخيص بحكم المحكمة
__________________
MR.X لاسلحة الصيد البري والبحري ومحدثات الصوت يسعدنا تشريفكم لنا بمعرضنا في مصر الجديدة 48 شارع بغداد امام فندق بيروت محافظة القاهرة يسعدنا توفير خدمة الشحن الي جميع الاعضاء في جميع المحافظات وتكلفة الشحن علي حسب المحافظة 01000131401 01093635793
|
11-08-01, 04:37 PM | #70 |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: حد ساكن فى اسكندريه حاول يشترى سكوب من على النت؟؟
على فكره هى فكره كويسه جدا و هو ده اللى المفروض يتعمل بس للأسف مينفعش دالوقتى ...احوال البلد مش ناقصه و غالبا قضيه زى دى هتتفهم غلط.....انا فى البريد كانو بيهزرو معايا و مسمينى "الأرهابى" ...الأرهابى جه الأرهابى راح.
|
11-08-01, 04:56 PM | #71 |
صياد متقدم
|
رد: حد ساكن فى اسكندريه حاول يشترى سكوب من على النت؟؟
ده المفروض يحصل بس يلا انشاء الله البلد تتغير
__________________
احمد فتحي |
11-08-01, 04:59 PM | #72 |
صياد متقدم
|
رد: حد ساكن فى اسكندريه حاول يشترى سكوب من على النت؟؟
يعني هي جت علي دي مش مشكله نستني شويه
__________________
احمد فتحي |
11-08-05, 11:02 PM | #73 |
صياد قديم
تاريخ التسجيل: May 2010
المشاركات: 1,065
معدل تقييم المستوى: 20 |
رد: حد ساكن فى اسكندريه حاول يشترى سكوب من على النت؟؟
طيب بالنسبة للاسلحة البيضاء
انا كنت سمعن ان فى طول معين للشفرة قانونى وهو 5 سم اكتر من كده ممنوع ايه موقف الكلام ده من الصحة يعنى لو اشتريت سكينة من على النت سلاحها 5 سم هل تتصادر ام لا ولو اتصادرت وطلبو عرضها على الامن العام فيها مشكلة ؟؟؟؟؟؟؟؟؟ فى انتظار الرد من الاخوة خبراء القانوووووووووون |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ايه افضل عروض اسعار في اسكندريه | fesal | محدثات الصوت | 2 | 11-07-03 02:21 PM |
حاول تضرب الراجل تا | smsmn8888 | الموضوعات العامه | 14 | 11-07-02 08:04 PM |
اشتريت سكوب من علي النت ووصل | m_mostafa14 | الصيد العام | 33 | 11-05-15 04:12 AM |
منين اجيب سكوب بسعر كويس من اسكندريه ؟؟؟ | amr saber | سوق المنتدى | 3 | 11-04-28 02:48 PM |
لما يا جماعة bsa او webly قفلوا مصانعهم اومال الواحد يشترى ايه انجليزى؟ | mada6680 | بنادق ضغط الهواء ومتعلقاتها | 12 | 10-02-02 08:21 AM |