مقابلة مع الرائع جناب القنصل

[hokaboka]

كان جناب القنصل قد سبق له طلب شراء البندقية الجامو هنتر اللي كنت عارضها للبيع وطبعاً كان ذوق اوي وطلب استمرار العرض عشان محدش ضامن عمره..

المهم..في الميعاد المحدد قابلته في منزله...وذهلت من حفاوة هذا الرجل في الاستقبال الذي اقل ما يقال عنه انه قمة في الذوق والاحترام والله ...والواقع انه كمان كان فيه مفاجاءة اخري في انتظاري...كولكشن بنادق نادرة وبحالة ممتازة خطير...رائع..ايه الجمال ده...الديانا ماجنوم والب اس ايه والبام..حاجة فعلاً متصدقش غير لما تشوف وكله بحاله الزيرو وبيبرق وكانه لسه طالع من المصنع...غاوي حقيقي وعاشق من الدرجة الاولي لهواية الرماية والصيد والاقتناء..

والحقيقة الشيئ الاخر الذي عجبني اوي هو مستوي الخبرة التميز لجناب القنصل..عين خبيرة فاهمة...مسك البندقية وقلب فيها ومفيش 10 دقائق وفعلاً كان عرف هيا حالتها ايه ووضعها ايه..انا مش خبير ..بس الواحد كان منبهر الصراحة...

عاوز اقول شكراً يا جناب القنصل علي الحفاوة واتمني ان يدرك الاعضاء كم هم محظوظين لوجود شخص محترم وذو خبرة رائعة مثلك بهذا المنتدي.

[monismod]

سيبك من البنادق والكلام ده وكلمنا على الغدا .. المحمر والمشمر .. ياااااه .. تصدق إن أنا جعت

تحياتى للقنصل ولحوكا حبيبنا

[sameer]

والله العظيم يا بختك يا حوكا

[سيدخالد]

تحياتى الغاليه العطرة لسيادة القنصل وكم اننى لم اتشرف بلقائه ولكن هو رجل الاخلاق والمبادىء الجليلة وتحياتى للاخ حوكا ومغامراته العجيبة

[Mohamed Mahmoud]

والله العظيم نفسى اشوفوة واتكلم معة علشان استفيد من خبرتة بس فعلا هو راجل مميز جدا وتحبة بس من طريقة كلامة

[drmaged40]

الراجل بيبان من تعاملاتة و هو فى غاية الزوق و الاحترام و الادب .....حقيقي مثال يحتذى بة فى كل شئ ......انا كلمتة اكثر من مرة على الخاص قبل شراء بندقيتى و كان فى قمة الزوق و العطاء و لم يبخل باى معلومة ...... و ايضا استشرتة فى كيفية تنظيف بندقية والدى الخرطوش و رد عليا بكل صدر رحب و دة دليل على نبل اخلاقة و علمة الشديد بمجالات الصيد ... و احب اقدم له كل الشكر منى و من والدى على زوقة و مساعداتة

[رجب]

هو حضرتك مش واخد بالك من الاسم .... دة سيادة القنصل يعنى برتكول.. يعنى كل حاجة صح .. من الاخر كل النقط غلى الحروف ... كل سنة وانت طيب

[osama2011]

الراجل ده ماشاء الله علي احترامه بصراحة هو احد اركان هذا المنتدي

[amr saber]

محدش عنده بندقيه نادره؟؟؟؟؟؟؟

هاشتريها باي تمن واعرضها علي القنصل يشتريها علشان اشوفه واقعد معاه

يا بختك يا حوكا يا بختك

[welly210]

الرجال المحترمين لا يختلف عليهم اثنين تحياتي الي القنصل ربنا يبارك فيه وتحياتي للاخوة الاعضاء

[رجب]

يا سيادة القنصل عمال نلاغى فى حضرتك عشان تجبر بخاطرنا

[randy ortn]

بصراحه سياده القنصل راجل محترم وميختلفش عليه اتنين

[sameer]

هو الاستاذ جمال مش فاتح دلوقتي و اكيد لما يفتح حيرد احسن رد طبعا

[hokaboka]

او ممكن يكون زعلان من الكلام الفاضي اللي حصل امبارح...

[amr saber]

المشاركة الأصلية كتبت بواسطة hokaboka

او ممكن يكون زعلان من الكلام الفاضي اللي حصل امبارح...

ايه بس اللي حصل ياباشا؟؟؟؟؟؟؟؟؟؟ ربنا مايجبش زعل ان شاء الله

[braveheart]

المشاركة الأصلية كتبت بواسطة hokaboka

كان جناب القنصل قد سبق له طلب شراء البندقية الجامو هنتر اللي كنت عارضها للبيع وطبعاً كان ذوق اوي وطلب استمرار العرض عشان محدش ضامن عمره..

المهم..في الميعاد المحدد قابلته في منزله...وذهلت من حفاوة هذا الرجل في الاستقبال الذي اقل ما يقال عنه انه قمة في الذوق والاحترام والله ...والواقع انه كمان كان فيه مفاجاءة اخري في انتظاري...كولكشن بنادق نادرة وبحالة ممتازة خطير...رائع..ايه الجمال ده...الديانا ماجنوم والب اس ايه والبام..حاجة فعلاً متصدقش غير لما تشوف وكله بحاله الزيرو وبيبرق وكانه لسه طالع من المصنع...غاوي حقيقي وعاشق من الدرجة الاولي لهواية الرماية والصيد والاقتناء..

والحقيقة الشيئ الاخر الذي عجبني اوي هو مستوي الخبرة التميز لجناب القنصل..عين خبيرة فاهمة...مسك البندقية وقلب فيها ومفيش 10 دقائق وفعلاً كان عرف هيا حالتها ايه ووضعها ايه..انا مش خبير ..بس الواحد كان منبهر الصراحة...

عاوز اقول شكراً يا جناب القنصل علي الحفاوة واتمني ان يدرك الاعضاء كم هم محظوظين لوجود شخص محترم وذو خبرة رائعة مثلك بهذا المنتدي.

و الله أنا شهادتي مجروحة بالنسبة لسيادة القنصل ... و لكنه بحق ... رجل محترم و أب و أخ أكبر لنا كلنا.

[omarmagic]

القنصل ده الاب والاخ واستاذا كلنا وربنا يخليهولنا وتقبل مرورى

[Consul]

الله يبارك فيكم حبايب قلبي...أخجلتموني...أنتم الأحسن...والله كلكم أدب وذوق وأخلاق عالية وهذه السمات ليست بغريبة عليكم أو مجاملة مني...فنحن جميعا نمارس واحدة من أجمل الهوايات ألا وهي الصيد وقد جمعتنا في أسرة وبوتقة واحدة...ولذلك عكست عليكم صفاتها وصبغتكم بصبغتها ولونها وجعلتكم تتحلون بأخلاق ونبل الفرسان...وما تروه في من صفات حميدة ما هو إلا مرآة وإنعكاس لتعاملكم معي وبالتالي تأثري بكم في كل شيئ...وأدعو الله وأرجوه مخلصا أن أكون أهلا لثقتكم الغالية ودائما عند حسن ظنكم...أدام الله بيننا الحب والود والإحترام المتبادل وزاد قربنا وتماسكنا وترابطنا في أسرتنا الحبيبة الغالية وتحت مظلة منتدانا الحبيب الغالي...خالص تحياتي وتقديري وإحترامي للجميع...

[omarmagic]

المشاركة الأصلية كتبت بواسطة consul

الله يبارك فيكم حبايب قلبي...أخجلتموني...أنتم الأحسن...والله كلكم أدب وذوق وأخلاق عالية وهذه السمات ليست بغريبة عليكم أو مجاملة مني...فنحن جميعا نمارس واحدة من أجمل الهوايات ألا وهي الصيد وقد جمعتنا في أسرة وبوتقة واحدة...ولذلك عكست عليكم صفاتها وصبغتكم بصبغتها ولونها وجعلتكم تتحلون بأخلاق ونبل الفرسان...وما تروه في من صفات حميدة ما هو إلا مرآة وإنعكاس لتعاملكم معي وبالتالي تأثري بكم في كل شيئ...وأدعو الله وأرجوه مخلصا أن أكون أهلا لثقتكم الغالية ودائما عند حسن ظنكم...أدام الله بيننا الحب والود والإحترام المتبادل وزاد قربنا وتماسكنا وترابطنا في أسرتنا الحبيبة الغالية وتحت مظلة منتدانا الحبيب الغالي...خالص تحياتي وتقديري وإحترامي للجميع...

الله يبارك فيك ياسيادة القنصل بجد الواحد بيحب يخش علشان حضرتك والاخوة الاعضاء وبجد حضرتك حببتنى فى هواية الصيد ولك من وافر الاحترام والتقدير ولباقى الاخوة الاعضاء فبجد الله يبارك فيك ياسيادة القنصل وزادك الله من علمه ياسيادة القنصل