اقتراح لاجتماع الرابطه

[msa_79]

السلام عليكم ورحمة الله
اخواني الصيادين عندي اقتراح بالنسبه لإجتماع الرابطه
حيث ان المكان اللي بتجتمعو فيه هو بعيد اوي بالنسبه ليا ولمعظم سكان اكتوبر والهرم
ياريت نختار مكان متوسط زي وسط البلد مثلا بحيث يكون قريب من الجميع ويقدر الجميع حضور الاجتماع
وده مجرد اقتراح ارجو لكل الاعضاء ابداء رأيهم فيه ولو تمت الموافقه عليه مش شرط يكون تغيير المكان من الاجتماع القادم عشان ميحصلش لخبطه في الترتيب بتاع الاجتماع.
وتقبلو جميعا فائق احترامي وتقديري
اخوكم محمد سيد

[dr_mohasan]

إقتراحك جدير بالمناقشة يا أستاذ محمد , (من الإجتماع بعد القادم ان شاء الله)
ولكن رجاء تحديد مكان معين فى وسط البلد , لأن كل من يقترح وسط البلد لا يذكر مكان معين
مع مراعاة وجود سهولة فى ركن السيارات فى المكان المقترح فى وسط البلد
وذلك حتى يكون قابلاً للمناقشة وأخذ آراء الأعضاء
خالص تحياتى

[الأفوكاتو]

انا عن نفسي للأسف مش هاروح لأني ناوي انزل التحرير يوم الجمعة ، (جمعة الغضب الثانية) أما الاجتماع فإن شاء الله الاجتماع اللي بعده ابقي موجود .
خالص تحياتي للجميـــــــــــــــــــــــع

[braveheart]

المشاركة الأصلية كتبت بواسطة msa_79

السلام عليكم ورحمة الله
اخواني الصيادين عندي اقتراح بالنسبه لإجتماع الرابطه
حيث ان المكان اللي بتجتمعو فيه هو بعيد اوي بالنسبه ليا ولمعظم سكان اكتوبر والهرم
ياريت نختار مكان متوسط زي وسط البلد مثلا بحيث يكون قريب من الجميع ويقدر الجميع حضور الاجتماع
وده مجرد اقتراح ارجو لكل الاعضاء ابداء رأيهم فيه ولو تمت الموافقه عليه مش شرط يكون تغيير المكان من الاجتماع القادم عشان ميحصلش لخبطه في الترتيب بتاع الاجتماع.
وتقبلو جميعا فائق احترامي وتقديري
اخوكم محمد سيد

المشاركة الأصلية كتبت بواسطة dr_mohasan

إقتراحك جدير بالمناقشة يا أستاذ محمد , (من الإجتماع بعد القادم ان شاء الله)
ولكن رجاء تحديد مكان معين فى وسط البلد , لأن كل من يقترح وسط البلد لا يذكر مكان معين
مع مراعاة وجود سهولة فى ركن السيارات فى المكان المقترح فى وسط البلد
وذلك حتى يكون قابلاً للمناقشة وأخذ آراء الأعضاء
خالص تحياتى

شكرا أخي محمد سيد علي الأقتراح ، و لكن كما ذكر الدكتور محمد حسن ، لابد من تحديد مكان يناسب باقي الأعضاء ... و يكون هناك سهولة لركن السيارات للأعضاء الذين يملكون سيارت ... كما يجب أن نأخذ بالأعتبار حساسية وسط البلد أمنيا و إلتهاب الأحداث هناك.

المشاركة الأصلية كتبت بواسطة الأفوكاتو

انا عن نفسي للأسف مش هاروح لأني ناوي انزل التحرير يوم الجمعة ، (جمعة الغضب الثانية) أما الاجتماع فإن شاء الله الاجتماع اللي بعده ابقي موجود .
خالص تحياتي للجميـــــــــــــــــــــــع

ربنــــــــا معك أفوكاتو ، و نلقاك علي خير .

[tarekvb]

تحديد المكان هو المهم فعلا

[الأفوكاتو]

طيب ، ياريت كل عضو يقترح مكان معين في وسط البلد ، والأعضاء يتفقوا ويقرروا المكان المناسب من الأماكن المقترحة من حيث :
1- الموقع
2- الركنة
3- مكان هادئ يصلح للجلوس والاجتماع
خالص تحياتي للجميــــــــــــــــــــــع

[محمود شلبي]

وسط البلد مكان مناسب وموضوع المظاهرات عادى والركنه يوم الجمعه مفيش احسن منها فى اماكن كثيرة خلف بنك فيصل فى شارع 26 يوليو والجمعه غير باقى ايام الاسبوع مش شرط الجمعه القادمه والله الموفق

[بدر]

المشاركة الأصلية كتبت بواسطة الأفوكاتو

طيب ، ياريت كل عضو يقترح مكان معين في وسط البلد ، والأعضاء يتفقوا ويقرروا المكان المناسب من الأماكن المقترحة من حيث :
1- الموقع
2- الركنة
3- مكان هادئ يصلح للجلوس والاجتماع
خالص تحياتي للجميــــــــــــــــــــــع

السلام عليكم يا استاذ محمد
اعتقد ان موضوع المكان منتهى يعنى هنتقابل فى الربوة مش انت قولت انى مشارك فيها او بتاعتى
يبقى مالوش لازمة للنقاش ههههههههههههه
وبعدين بلاش تبقى ثورجى ابوس ايدكم احنا ما صدقنا الامور تهدى
تحياتى

[الأفوكاتو]

المشاركة الأصلية كتبت بواسطة بدر

السلام عليكم يا استاذ محمد
اعتقد ان موضوع المكان منتهى يعنى هنتقابل فى الربوة مش انت قولت انى مشارك فيها او بتاعتى
يبقى مالوش لازمة للنقاش ههههههههههههه
وبعدين بلاش تبقى ثورجى ابوس ايدكم احنا ما صدقنا الامور تهدى
تحياتى

أه أه نسيت معلش ، لا ياجماعة بلاش وسط البلد زحمة ، خلكيم في الربوة (بتاعت الأستاذ بدر) ههههههههههه ، اي خدمة بعملك دعاية واعلان اهو ، عايز عمولة والمشاريب مجانا بقي
انا بهزر يا جماعة الكافتريا مش بتاعته ولا حاجة بس ده مايمنعش انه يكون شريك فيها
خالص تحياتي يا أستاذي العظيم

[أميجو]

ممكن نفس مكان إجتماع الرابطة الاول

[dr_mohasan]

يجب تحديد مكان معين ثم نعمل استفتاء عليه هو والربوة ونشوف أغلبية الأعضاء هاتختار إيه.

ولكن ماذا سنفعل اذا كان هذا المكان غير مناسب لأغلبية الأعضاء المؤسسين والذين اتخذوا خطوات جادة وفعلية فى سبيل تفعيل هذا الموضوع ؟؟؟
هل سيتغيبوا وتنهار الفكرة ؟

هل يجب أن نراعى أن واحد من الأعضاء المؤسسين والذى له دور أساسى فى إنشاء الرابطة وهو الأستاذ عبد الله , يأتى من السويس خصيصاً , وأى مكان فى وسط البلد هايكون صعب عليه , ماذا سنفعل اذا اعتذر عن الحضور الى وسط البلد ؟؟؟

هناك اثنان من الأعضاء لهم دور أساسى ومهم جدا فى تكوين الرابطة ويسكنون فى القاهرة الجديدة (أ/أمير و أ/عصام عاصم) , وبالطبع وسط البلد سيكون بعيد عنهم , ماذا سنفعل اذا لم يكن فى استطاعتهم الحضور الى وسط البلد , وهل نستغنى عنهم ونبحث عن من يقوم بالدور الموكل اليهم ونبدأ تانى وكأننا لم نفعل شىء ؟

لماذا يستطيع الأستاذ بدر الحضور من 6 أكتوبر ولا يستطيع الباقون ؟
إللى يخلى أستاذ بدر يأتى من 6 أكتوبر , و أستاذ عبد الله يأتى من السويس , ممكن يخلى أى حد يأتى لأى مكان إذا كان مهتم بالحضور والمشاركة , ولماذا لا نقدر من يأتى من محافظة أخرى للمشاركة ونحن أهل القاهرة نأبى إلا أن نصعب عليه مهمته بالدخول الى وسط القاهرة ؟؟؟

أعتقد (فى رأيى الشخصى) أن موضوع الرابطة وقد بدأ يأخذ شكله الجاد والنهائى , وهذا ما سيكتمل فى الإجتماع القادم بمشيئة الله , يجب أن يستمر فى نفس المكان أو حتى مكان قريب للحفاظ على مجهود الأعضاء المؤسسين وما بذلوه من مجهود فى الفترة السابقة. على الأقل حتى تكتمل الفكرة وتظهر للنور.

هذه كلها والله تساؤلات لا أقصد بها أحد بعينه , ولكنها مخاوف من إنهيار الفكرة نتيجة محاولة تغيير مكان الإجتماع ونحن مازلنا فى المرحلة التأسيسية والتى نحتاج فيها الى كل الأعضاء المؤسسين.
لأن ما لا يعلمه الجميع أننا بدأنا فعلا فى خطوات تفعيلية للرابطة واقترب موعد خروجها الى النور , وكل عضو من الأعضاء المؤسسين له دور و مهمة محددة فى إنشاء الرابطة , و أخشى أن يكون تغيير المكان لن يناسب البعض أو الكثير منهم ومن ثم ينفرط العقد وتتعثر الفكرة.

على العموم هذه بعض أفكارى فى الوقت الحالى , والرأى لباقى الأعضاء

تقبلوا خالص تحياتى

[pooforever_2010]

يرجاء المشاركه من الاعضاء المحترمه
وشكرا
http://www.egypthunt.net/showthread....273#post103273

[hesham[MaFya]a]

+11111111111111

[msa_79]

السلام عليكم جميعا اخواني الاعضاء شكر علي ردودكم جميعا واقتراحاتكم
اولا بالنسبه للاماكن في وسط ا لبلد فالحمد لله وسط البلد مليان كافتريات يعني مثلا الامريكين الكافتيريا اللي فوق عمارة رمسيس(والمنظر من فوق جامد يعني والقعد حلوه)
يوجد مجموعة من الكافتريات عند منطقة البورصه جميلة ايضا
لو عايزين اماكن غالية شوية في اماكن في هيلتون رمسيس مول
وغيرها كتير دي وسط البلد ياجماعه مش معقول يعني محدش يعرف امكان للتقابل في وسط البلد اللي كل الناس بتقابل بعضها فيها (:
وبالنسبة لمكان الركنه فيوم الجمعه وسط البلد بتكون فاضيه لان كل الشركات والمصالح اجازه والركن هناك بيكون سهل جداااا فده موضوع مش محتاج قلق خالص. ده احنا بتعرف نركن في وسط الاسبوع عادي.
وانا شايف ان وسط البلد هو مكان وسط للجميع ويجب اننا نفكر في مصلحة الجميع مش كل واحد يفكر في نفسه وبس وده اساس الرباطه هو مصلحة الجماعه قبل مصلحة الفرد امال اسمها رابطه ازاي ومن اهم اسس نجاح الرابطه ان اعداد المشتركين فيها يزيد ومتبقاش محصورة علي المؤسسين فقط والا مش هاتبقي رابطه بقا ونبص نلاقي كل شويه عملو رابطه مع نفسهم ويعملو اجتماع في مكان قريب منهم ويبقي كل حزب بما لديهم فرحون
وفي الاخر ياجماعه ده اقتراح مجرد اقتراح الهدف منه هو زيادة المشاركين في الرابطه لان بجد فيه ناس كتير وانا منهم المكان بعيد عنهم قوي.
وفي ا لنهاية اذا اعضاءالرابطه لم يوافقوا علي الاقتارح فلهم مطلق الحرية والاختلاف في الراي لا يفسد للود قضية
وتقبلو احترامي جميعا.

[mero1x]

سؤال للأفوكاتو ويا ريت يرد

تخيل
انت فى وسط الظاهرة
وفجأة

لقيت واحد جانبك متعرفهوش قال بصوت على ( يسقط جيش النظام)
وشوية
وحد تانى على بعد 300 متر طلع فرد خرطوش وضرب على العساكر

ممكن تكملى السيناريو بتاع الفيلم دة ؟

طبعاً انت من الناس المحترمة اللى نعرفهم وزييك الاف وملايين ممكن يروحوا لو 50 واحد بس عمل البلبلة دى انت متأكد ان اللى هيتقال ان ثورة مليونية بتطالب ب (..................... ) اكمل ما بين الاقواس من كلمات ونتائج .

وتقبل تحياتى

[tarekvb]

المشاركة الأصلية كتبت بواسطة dr_mohasan

يجب تحديد مكان معين ثم نعمل استفتاء عليه هو والربوة ونشوف أغلبية الأعضاء هاتختار إيه.

ولكن ماذا سنفعل اذا كان هذا المكان غير مناسب لأغلبية الأعضاء المؤسسين والذين اتخذوا خطوات جادة وفعلية فى سبيل تفعيل هذا الموضوع ؟؟؟
هل سيتغيبوا وتنهار الفكرة ؟

هل يجب أن نراعى أن واحد من الأعضاء المؤسسين والذى له دور أساسى فى إنشاء الرابطة وهو الأستاذ عبد الله , يأتى من السويس خصيصاً , وأى مكان فى وسط البلد هايكون صعب عليه , ماذا سنفعل اذا اعتذر عن الحضور الى وسط البلد ؟؟؟

هناك اثنان من الأعضاء لهم دور أساسى ومهم جدا فى تكوين الرابطة ويسكنون فى القاهرة الجديدة (أ/أمير و أ/عصام عاصم) , وبالطبع وسط البلد سيكون بعيد عنهم , ماذا سنفعل اذا لم يكن فى استطاعتهم الحضور الى وسط البلد , وهل نستغنى عنهم ونبحث عن من يقوم بالدور الموكل اليهم ونبدأ تانى وكأننا لم نفعل شىء ؟

لماذا يستطيع الأستاذ بدر الحضور من 6 أكتوبر ولا يستطيع الباقون ؟
إللى يخلى أستاذ بدر يأتى من 6 أكتوبر , و أستاذ عبد الله يأتى من السويس , ممكن يخلى أى حد يأتى لأى مكان إذا كان مهتم بالحضور والمشاركة , ولماذا لا نقدر من يأتى من محافظة أخرى للمشاركة ونحن أهل القاهرة نأبى إلا أن نصعب عليه مهمته بالدخول الى وسط القاهرة ؟؟؟

أعتقد (فى رأيى الشخصى) أن موضوع الرابطة وقد بدأ يأخذ شكله الجاد والنهائى , وهذا ما سيكتمل فى الإجتماع القادم بمشيئة الله , يجب أن يستمر فى نفس المكان أو حتى مكان قريب للحفاظ على مجهود الأعضاء المؤسسين وما بذلوه من مجهود فى الفترة السابقة. على الأقل حتى تكتمل الفكرة وتظهر للنور.

هذه كلها والله تساؤلات لا أقصد بها أحد بعينه , ولكنها مخاوف من إنهيار الفكرة نتيجة محاولة تغيير مكان الإجتماع ونحن مازلنا فى المرحلة التأسيسية والتى نحتاج فيها الى كل الأعضاء المؤسسين.
لأن ما لا يعلمه الجميع أننا بدأنا فعلا فى خطوات تفعيلية للرابطة واقترب موعد خروجها الى النور , وكل عضو من الأعضاء المؤسسين له دور و مهمة محددة فى إنشاء الرابطة , و أخشى أن يكون تغيير المكان لن يناسب البعض أو الكثير منهم ومن ثم ينفرط العقد وتتعثر الفكرة.

على العموم هذه بعض أفكارى فى الوقت الحالى , والرأى لباقى الأعضاء

تقبلوا خالص تحياتى

اسمحلى يا ابوحميد انت ليه جاوبت بالنيابة عنهم الموضوع قيد الاستفتاء والمناقشات ومن الممكن ان الاعضاء الذين افترض عدم مقدرتهم المجئ لوسط البلد من الممكن ان يردو بنعم سوف ناتى واسمحلى ممكن نسمى ا/بدر فدائى زيادة عن اللزوم ههههههه بس مش معنى كيدا اننا نلزم كل بتوع ستة اكتوبر والجيزة انهم يعملو زيه فوسط البلد او المنطقة المحيط من اسمها مكان وسط للكل يعنى تقريبا المسافة متقاربة منه لاى مكان اخر فى القاهرة - ومازال الموضوع قيد المناقشة

[dr_mohasan]

المشاركة الأصلية كتبت بواسطة msa_79

السلام عليكم جميعا اخواني الاعضاء شكر علي ردودكم جميعا واقتراحاتكم
اولا بالنسبه للاماكن في وسط ا لبلد فالحمد لله وسط البلد مليان كافتريات يعني مثلا الامريكين الكافتيريا اللي فوق عمارة رمسيس(والمنظر من فوق جامد يعني والقعد حلوه)
يوجد مجموعة من الكافتريات عند منطقة البورصه جميلة ايضا
لو عايزين اماكن غالية شوية في اماكن في هيلتون رمسيس مول
وغيرها كتير دي وسط البلد ياجماعه مش معقول يعني محدش يعرف امكان للتقابل في وسط البلد اللي كل الناس بتقابل بعضها فيها (:
وبالنسبة لمكان الركنه فيوم الجمعه وسط البلد بتكون فاضيه لان كل الشركات والمصالح اجازه والركن هناك بيكون سهل جداااا فده موضوع مش محتاج قلق خالص. ده احنا بتعرف نركن في وسط الاسبوع عادي.
وانا شايف ان وسط البلد هو مكان وسط للجميع ويجب اننا نفكر في مصلحة الجميع مش كل واحد يفكر في نفسه وبس وده اساس الرباطه هو مصلحة الجماعه قبل مصلحة الفرد امال اسمها رابطه ازاي ومن اهم اسس نجاح الرابطه ان اعداد المشتركين فيها يزيد ومتبقاش محصورة علي المؤسسين فقط والا مش هاتبقي رابطه بقا ونبص نلاقي كل شويه عملو رابطه مع نفسهم ويعملو اجتماع في مكان قريب منهم ويبقي كل حزب بما لديهم فرحون
وفي الاخر ياجماعه ده اقتراح مجرد اقتراح الهدف منه هو زيادة المشاركين في الرابطه لان بجد فيه ناس كتير وانا منهم المكان بعيد عنهم قوي.
وفي ا لنهاية اذا اعضاءالرابطه لم يوافقوا علي الاقتارح فلهم مطلق الحرية والاختلاف في الراي لا يفسد للود قضية
وتقبلو احترامي جميعا.

أنا معاك يا أخ محمد , رأيك صحيح بخصوص زيادة عدد أعضاء الرابطة , ولكن السعى الى زيادة العدد يأتى بعد تكوين الرابطة بالفعل وتكون أمر واقع , أما وأننا مازلنا فى مرحلة التكوين وحتى الآن لا يوجد رابطة بالفعل , فعلينا أن نكمل ما بدأناه وأن يؤدى كل واحد دوره الذى التزم به حتى ترى الرابطة النور , ثم نسعى بعد ذلك لزيادة العدد بطرق كثيرة , واذا كان تغيير المكان سيؤثر على حضور الأعضاء الذين أخذوا على عاتقهم مهام معينة لتكوين الرابطة , ومنهم من دفع من جيبه أموالاً لتنفيذ أشياء (مثل تصميم أول نموذج للكارنيه مثلا, وجانب قانونى إضطلع به حد الأعضاء , وأشياء أخرى لست فى حل من أن أفصح عنها الآن) , فاذا كان تغيير المكان فى هذا التوقيت سيؤثر على الخطوات التنفيذية لتكوين الرابطة , فهل نغير المكان لنزيد الأعضاء ونحن لم ننتهى من تكوين الرابطة بعد ؟ وما فائدة زيادة الأعضاء إذاً ؟
ثم من قال أن عدد الأعضاء لن يزيد فى إجتماع الربوة , لقد أبدى المزيد من الزملاء رغبتهم فى الحضور فى الاجتماع القادم, ومنهم أحد الزملاء سوف يأتى من المنيا خصيصاً , والعدد سيزيد باستمرار ان شاء الله , حتى ترى الرابطة النور , ثم نبدأ فى تغيير المكان حسب الرغبة ولكن بعد أن نكون انتهينا من مهمتنا وظهرت الرابطة للنور بالفعل.

أخى العزيز محمد سيد , علمت من صديقى طارق أنك شخص على قدر كبير من الخلق وعاشق جدا للصيد , وبصراحة توقعت أنك أنت بالذات سوف تذهب الى الإجتماع حتى لو عملناه فى المريخ ههههههه

[msa_79]

نا نفسي فعلا احضر واشارك وده سبب اني عملت الموضوع لان المكان بعيد عليا اوي فعلا وفكرت ان اكيد فيه كتير زيي نفسهم يحضرو ومش بيقدرو لصعوبة وبعد المسافة
علي فكرة بالنسبة للاخوه اللي جايين من المحافظات وسط البلد اقربلهم لان المواصلات هاتنزلهم في رمسيس

[dr_mohasan]

المشاركة الأصلية كتبت بواسطة tarekvb

اسمحلى يا ابوحميد انت ليه جاوبت بالنيابة عنهم الموضوع قيد الاستفتاء والمناقشات ومن الممكن ان الاعضاء الذين افترض عدم مقدرتهم المجئ لوسط البلد من الممكن ان يردو بنعم سوف ناتى واسمحلى ممكن نسمى ا/بدر فدائى زيادة عن اللزوم ههههههه بس مش معنى كيدا اننا نلزم كل بتوع ستة اكتوبر والجيزة انهم يعملو زيه فوسط البلد او المنطقة المحيط من اسمها مكان وسط للكل يعنى تقريبا المسافة متقاربة منه لاى مكان اخر فى القاهرة - ومازال الموضوع قيد المناقشة

حبيبى طارق
لو لاحظت , دى مجرد مخاوف أطرحها لنفكر فيها , والمجال مفتوح طبعا لكل اللى عايز يوافق و انت عارف انا شخصيا الربوة بعيدة عنى , ووسط البلد أقربلى , بس المسألة فيها أولويات , والأولى هو السعى لإكمال خطوات انشاء الرابطة بدون معوقات , لأننا بدأنا فى خطوات تنفيذية مهمة ووزعنا المهام (هاتعرف احنا عملنا ايه لما تيجى الإجتماع) , وانا أخشى ان تغيير المكان سيؤدى الى تعطيل ما اتفقنا عليه.

خالص تحياتى

[msa_79]

وعلي كل حال ان اكده مقدرش اعمل حاجه غير اني انتظر لما تكونو الرابطه وبعد نبدأ نشوف ماكن تاني للتجمع
ونتابع اخباركم من علي المنتدي وربنا يوفقكم ويعينكم

[tarekvb]

المشاركة الأصلية كتبت بواسطة dr_mohasan

حبيبى طارق
لو لاحظت , دى مجرد مخاوف أطرحها لنفكر فيها , والمجال مفتوح طبعا لكل اللى عايز يوافق و انت عارف انا شخصيا الربوة بعيدة عنى , ووسط البلد أقربلى , بس المسألة فيها أولويات , والأولى هو السعى لإكمال خطوات انشاء الرابطة بدون معوقات , لأننا بدأنا فى خطوات تنفيذية مهمة ووزعنا المهام (هاتعرف احنا عملنا ايه لما تيجى الإجتماع) , وانا أخشى ان تغيير المكان سيؤدى الى تعطيل ما اتفقنا عليه.

خالص تحياتى

حبيب قلبى ولا انا اعرفها بدونك مش هرووووووووووووووح ههههههههه وانت عارف كيدا وعلى فكرة انا هقولك كلمة محمد السيد قالها مش لازم من الاجتماع ده ممكن من اللى جاى مش شرط ده واللى جاى كمان شهر يعنى فيه وقت كافى للاستعداد وبعدين تعالى هنا شكلك من امبارح عايز تهرب من يوم الجمعة الفجر بتوه يا ريس ولا اتصلت ولا بعت على الخاص سلامى ليكى يا ياشا هتروح منى فين هههههههههههه

[الأفوكاتو]

المشاركة الأصلية كتبت بواسطة mero1x

سؤال للأفوكاتو ويا ريت يرد

تخيل
انت فى وسط الظاهرة
وفجأة

لقيت واحد جانبك متعرفهوش قال بصوت على ( يسقط جيش النظام)
وشوية
وحد تانى على بعد 300 متر طلع فرد خرطوش وضرب على العساكر

ممكن تكملى السيناريو بتاع الفيلم دة ؟

طبعاً انت من الناس المحترمة اللى نعرفهم وزييك الاف وملايين ممكن يروحوا لو 50 واحد بس عمل البلبلة دى انت متأكد ان اللى هيتقال ان ثورة مليونية بتطالب ب (..................... ) اكمل ما بين الاقواس من كلمات ونتائج .

وتقبل تحياتى

شوف يا استاذ أمير ، أولا انت اكيد عارف ان الجيش المصري عمره ما كان جيش النظام ، وده طبعا اتاكدلنا لما ساند الثورة ووقف معانا في الميدان ، ومعلش يعني اللي هيقول (يسقط جيش النظام) هيلاقي ألف واحد يديله علي دماغه وانا أولهم ومش هنسمح إن يحصل وقيعة بين الشعب والجيش إلا بقي لو لقيت الموضوع كبر أوي طبعا هاضطر انسحب ، وده حصل معايا قبل كدة ساعة الثورة لما كنت متعود أنزل (يوميا) وبعدين في آخر الأيام لاحظت فعلا (وجود عناصر أجنبية دخيلة) وشوفت مواقف هناك والله تشيب ، منها مثلا علي سبيل المثال شاب اسمه يوسف (جاسوس) أقل ما يقال عنه (بيتكلم 7 لغات) قدام عيني ، وكل شوية يقف مع كتلة من الكتل اللي كانت في الصينية اللي في التحرير ويقف مع المجموعة دي يتكلم بلغة ويقف مع المجموعة دي يتكلم بلغة ثانية ، وهكذا ، كل اللي عايز أقوله إن المظاهرة الجاية زيها زي أي مليونية في يوم الجمعة ، فائدتها إنها بتزيل الحرج الموجود عند المجلس العسكري ، بمعني ان المجلس العسكري محرج من محاكمة مبارك ولكن عند وجود مليونية فإن رغبات الشعب فوق الجميع
خالص تحياتي للجميـــــــــــــــــــــــــع

[kemohabib]

انا مع المؤيدين لفكره الاجتماع بوسط البلد فعلا الربوه بعيد عليا لاني من ساكني حلوان واظن معظم ساكني حلوان المكان بعيد عليهم وسط البلد اقرب للجميع