مطلوب شبكة لصيد الحمام

[madkour]

ياترى شبكة الحمام بتتباع فين لان صديق ليه طلبها منى وانا مش عارف بتتباع فين وهل يوجد شبكة حمام بالريموت عن بعد

[أسامه خطاب]

انا شفت الشبك اللى بيصيد الحمام في سوق السيدة عائشة ( سوق القلعة سابقا ) بيكون يوم الجمعة
لكن هذا الشبك مركب على طوق من الخيرزان ويتم تثبيته بطريقة معينه على حافة الغية مع تثبيت حبل به يجعلها تنطبق عند جذب هذا الحبل
فهذه الشباك تستعمل في الامساك بالحمام الغريب الذي يقف على الغية
هذا والله اعلم

[salahfareed]

الاخ مدكور والاخ اسامه شبك صيد الحمام نوعين حسب نوع الحمام
اولا اذا كان حمام غيه اى تريد صيدة من على الغيه هواة الحمام يسمونها( ضرب الحمام) فهذة الشبكه التى ذكرها اسامه وتباع فى سوق القلعه الموجود حاليا بعد نقله تخت كوبرى التونسى على الاوتوستراد وهى خاصه بخمام الغيه وتسمى العب وتثبت على زوايا الغيه الاربعه لان الفرد الغريب عن الغيه لما يحط عليها مع خمام الغيه الاصلى بيقف على الزاويه بعيدا عن باقى الحمام لانه غريب ويتم سحب العب بواسطه خيط قوى مربوط فى العب من داخل مزغل اى نظارة فوق الغيه ترى منها الحمام دون ان يراك فتسحب العب فينقلب على الفرد الخمام ويحبسه فى الشبكه
ثانيا اذا كان حمام برى(زغاليل) فهذا له نوع اخر من الشبك لانه بيتم صيدة بشكل طرود(جماعى) وتكون الشبكه طويله تصل الى 20 او 25 متر وعرضها حوالى 4متر وتثبت على الارض بطريقه يصعب شرحها بالكتابه ولكن هى تثبت من طرف فى الارض والطرف الاخر مربوط بحبل فى يد الصياد المختبىء على بعد عدة امتار وعندما يضرب(يشد الحبل) تنقلب الشبكه بكامل طولها من اليمين الى الشمالفتنكفىء على الخمام وهى لايستخدمها الا المحترفين اى(اى الذين يصيدون للتعييش حيث انهم يبيعون مايصطادوة) وهو مصدر دخلهم الوحيد والصيد هو عملهم وطبعا هذة الطريقه بتحقق حصيله كبيرة جداااا بسبب حجم الشبكه واحيانا الصياد لايضرب اكتر من مرة او بالكتير مرتين وهى تستخد فى اماكن التجمعات(الشونه ومضارب الارز ومخازن الغلال
اما عن اماكن بيعها فهى غير موجودة فى القاهرة والمدن الكبرى ولكن ممكن تلاقيها عند بائعى ادوات صيد السمك فى مركز منوف بالمنوفيه وهى تباع بالوزن (الكيلو فى حدود بين 50 و60جم) وتقدر تسال البائع على الطريقه بالتفصيل بس فى راى المتواضع هى غير عمليه للهواة لانها تتطلب وقت كبير جدا فى اعدادها ونصبها وطريقه اختيار المكان
هذا كل ما عندى والله اعلم:confused::confused::confused:

[madkour]

اشكرك جدا اخى اسامة على المشاركة واشكر الاخ العزيز صلاح بس فعلا ال بتكلم عليها هى ال الاستاذ صلاح تكلم عنها ( ثانيا اذا كان حمام برى(زغاليل) فهذا له نوع اخر من الشبك لانه بيتم صيدة بشكل طرود(جماعى) وتكون الشبكه طويله تصل الى 20 او 25 متر وعرضها حوالى 4متر وتثبت على الارض بطريقه يصعب شرحها بالكتابه ولكن هى تثبت من طرف فى الارض والطرف الاخر مربوط بحبل فى يد الصياد المختبىء على بعد عدة امتار وعندما يضرب(يشد الحبل) تنقلب الشبكه بكامل طولها من اليمين الى الشمالفتنكفىء على الخمام وهى لايستخدمها الا المحترفين اى(اى الذين يصيدون للتعييش حيث انهم يبيعون مايصطادوة) وهو مصدر دخلهم الوحيد والصيد هو عملهم وطبعا هذة الطريقه بتحقق حصيله كبيرة جداااا بسبب حجم الشبكه واحيانا الصياد لايضرب اكتر من مرة او بالكتير مرتين وهى تستخد فى اماكن التجمعات(الشونه ومضارب الارز ومخازن الغلال) لانى انا رحت سوق الجمعة ولقيت فعلا الصغيرة اشكركم جدا على مشاركتى الموضوع