طلعة اليوم برده سمك

[أبو صفية]

بالرغم من إنى كنت قلتلكوا إنى مش منزل صور سمك بس بصراحة إمبيرح طلعت أصطاد يمام لفيت لما دخت و ما جبتش غير حبتين فإتكسفت أتكلم عن الموضوع و قلت أكفى على الخبر مجور

عشان كدا قلت أرجع للسمك تانى و ما كدبتش خبر واحد صحبى قالى عاوزين ندوق سمكك دا قلتله يلا و طلعنا النهاردة و ربنا و لله الحمد رزقنا كويس فقلت أصورهم و أنزلهم و سمك سمك بقا أحسن من ما فيش

[وليد سعد زغلول]

بألف هنا وشفا والسمك جميل طبعًا والتغيير حلو وتقبل تحياتي ودمت في أمان الله

[dr_mohasan]

بسم الله ما شاء الله

[Amiroz]

شكلك بتصطاد من مزرعة سمك

ربنا يزيد ويبارك

بألف هنا

[adel_7768]

تسلم ايدك يا قناص بالف هنا

[محمود القاضى]

مبروك الصيد بالف هنا

[mohd_wafik]

بسم الله ما شاء الله انا جوعت اساسا بالهنا و الشفا

[قناص المنوفيه]

مشاء الله وماله السمك يعم ده حته صيده اصعب
من اليمام بالبندقيه

[samraghost]

ماشاء الله عليك يا سمكاوى ده اللقب بتاعك الجديد الى سمتهولك سمكاوى هههههه الف هنا وشفا يا باشا

[أبو صفية]

الله يهنيكم جميعا
و إن شاء الله فى أقرب فرصة راح تشوفوا صيد فراخ المية و اليمام ليلا
و مكنش سمكاوى بس

[أحمد عطاالله إبراهيم]

الله ينور يا باشا بجد انا مش مصدق ان حضرتك جبت كل الكمية دى بالبندقية .. ده صيد السمك بالبندقية صعب جدا و اصعب من اليمام بكتير ..

عموما الله ينور يا باشا شكل حضرتك محترف صيد سمك هههههههه ..

تحياتى ..

[راغب]

ما شاء الله تبارك الله , على فكره صيد السمك اليومين دول بالبندقيه افضل من صيد الطيور وخاصه ان موسم تكاثر الطيور بدأ والمفروض الواحد يهدى اللعب شويه , ربنا يبارك لك فى صيدك وان شاء الله يكون لنا طلعه سمك مع بعض

[NewSomeBody]

تسلم الايادي يا غالي ,, بس كل مرة بلطي كده
زهقنا من البلطي ههههه ولا انت بتصطاد من مزرعة ^^

[محمد حافظ بك]

الله ينور يا ريس بالتوفيق ..

[ابو مروان]

الله ينور يا باشا صيد ممتاز بس فية استفسار لما السمكة بتاخد الرشاية بتقب فوق المية على طول والا بيغرق؟. واقتراح بقة من اخوك يا سلام لو تعمل دور زى دور الغلة _تحط غلة فى مكان على جسر الترعة حتى لو كانت المية عالية السمك هايطلع يلقط الغلة وتشتغل معاه بقى والغلة بتجيب السمك التقايل

[hema777h]

بسم الله ماشاء الله ولا حول ولا قوة الا بالله

[القناص فليفل]

تسلم الايادى يا برنس