رابطة مالكي .......................

[YOSSEF EL MASRY]

الاحظ من منذ فترة موضوع تكوين روابط مالكي.................... سلاح معين
هل نحن سنقوم بتصنيف اعضاء المنتدي الي روابط حسب امتلاكم لنوع السلاح
ولو في واحد عندة اكثر من سلاح هيكون عضوا في كل روابط الاسلاحة التي يمتلكها
يعني ممكن نلاقي احد الاعضاء يدعو لتكوين رابطة لمالكي المطواي مثلا
يعني مجرد راي

[سيدخالد]

فعلا يا استاذ يوسف الموضوع ذاد على حده اوى واتكرر بشكل فج وبعدين الناس هتوه فى اكتر من رابطة وفى الاخر مش هنلاقى ولا رابطة ولابد من تقنين الموضوع حتى لايكون بشكل غير طبيعى

[jamayka]

و الله يا اساتذة فى اقتراح لحل وسط و هو ان المشرف المسئول يقوم بتقسيم الروابط بطريقة شاملة اكتر من كده يعنى صفحة لرابطة مالكى الاسلحة النارية المرخصة و صفحة لمالكى بنادق الهواء متوسطة القوة (160:200متر/ث) و صفحة للبنادق الهاى باور و هكذا بحيث ان التقسيمة تكون شاملة كل ما هو فى نفس المستوى او كل ما يتبع تصنيف واحد اعتقد ده هيبقى حل مرضى لجميع الاطراف
تحياتى

[m777md62]

المشاركة الأصلية كتبت بواسطة jamayka

و الله يا اساتذة فى اقتراح لحل وسط و هو ان المشرف المسئول يقوم بتقسيم الروابط بطريقة شاملة اكتر من كده يعنى صفحة لرابطة مالكى الاسلحة النارية المرخصة و صفحة لمالكى بنادق الهواء متوسطة القوة (160:200متر/ث) و صفحة للبنادق الهاى باور و هكذا بحيث ان التقسيمة تكون شاملة كل ما هو فى نفس المستوى او كل ما يتبع تصنيف واحد اعتقد ده هيبقى حل مرضى لجميع الاطراف
تحياتى

الله ينور عليك يا باشا ,, أنا أؤيدك فى هذا الرأى ,,,,تحياتى .........

[hoka]

والله يا استاذ يوسف الحكايه ابسط من انها تبقى رابطه هو القصد اننا لما بنيجى نتكلم عن بندقيه ما بنقول ده انا مره جبت بيها عدد يمام كذا وتانى يقول لالا ديه بندقيه ضعيفه مش بتجيب حاجه زى الكلام اللى بيتقال عن الرمسيس فبكده احنا بنورى الناس كل نوع من البنادق واللى بيقدر يجيبه على ايد كل الصيادين وبنورى الناس ان فيه صيادين معاهم اقوى البنادق مثل الويبلى والديانا وغيرهم ومش بيجيبو حاجات كتير وفيه صيادين معاهم اضعف البنادق وبيعرفو يوصلو للهدف ويضربوه
يعنى هى كده وفقط ولكن مش منافسه او روابط ولا حاجه ده انا فاهمها كده شخصيا
بس
حضرتك بقى هاتنزلنا صور الصيد امتى؟؟ وفين؟؟

[koktal]

أولا يا أساتذه مافيش حاجه إسمها رابطة لشئ معين .. إسمها فرق لكل نوع من البنادق الهوائية .. كما تفضل بالفكره الدكتور محمد كمال .. وأنا أؤيده فى هذه الفكره الغاية فى الروعة .. أما موضوع الرابطة .. فقد أنشأ هذه الفكره الأخ أفوكاتو وأنا ضد فكرة عمل رابطة لمجرد مالكى سلاح صوت أو حى أو بنادق .. وايضا لأن المنتدى أصلا عباره عن رابطة متكاملة .. ولا نحتاج لرابطات إضافية .. ولكن يوجد مسمى الفريق ..

[الأفوكاتو]

بالنسبة للمسمي مش ختفرق خالص مع اي حد .. وممكن تغيير الإسم إلي فريق .. عادي جدا
أما موضوع أول من أنشأها الأخ أفوكاتو .. غير صحيح .. لأن هذه الفكرة مستوحاه من البنادق وقد ذكرت هذا في كل المواضيع الخاصة بكل رابطة .. وذكرت هذه الجملة في أول الموضوع (علي غرار البنادق) وكنت ناوي أعمل موضوع الرابطة ده بس للسلاح الذي أمتلكه حاليا .. ولكن وجدت الأعضاء يراسلوني لكي يتم انشاء رابطة أو فريق لكل مسدس صوت .. وقد تم .. والفكرة نجحت ووجدت ترحيب كبير من الأعضاء .. وعلي فكرة .. هي مش معمولة لمجرد التفريق وتقسيم أعضاء المنتدي إلي مجموعات ولكنها لها أسباب وقد ذكرت هذه الأسباب أيضا في كل موضوع رابطة معينة
خالص تحياتي للجميـــــــــــــــــــــــــع

[هشام سمير]

كلام حضرتك مظبوط جداً
هو مواضيع بعيده تماماً عن ادارة المنتدى والاداره تعتبرها موضوع عادى ولا تستطيع الحجر على مواضيع الاعضاء مادمت غير مضره
ا

[msa_79]

الموضوع مفيد وجميل بل هو بيجعل اي شخص محتاج يشتري بندقية يقدر يدخل في موضوع كل فريق ويشوف البندقية اللي تعجبه ويسال عنها كمان اعضاء الفريق لانهم هايكونو اكيد عندهم معللومات عنها كتير ويقدرو يفيدوه

[رجب]

اخوانى اعضاء المنتدى والادارة انا من اشد المؤيدين الى فكرة تكوين الرابطة وسعيد انى انضم الى اى رابطة بسلاح امتلكه
لوالاعتراض على الاسم الاستاذ افوكاتو قال مفيش مشكلة يتغير لو على الغرض من هذة الروابط لو كلفنا نفسنا شوية ودققنا فى كلام الافوكاتو هنجد الراجل واضع الاجابة فى اكتر من نقطة طيب مافية رابطة مشجعين الاهلى والزمالك والاسماعيلى وهكذا هل ده يعنى التفريق بين المشجعين بل على العكس تماما ..
هوه كدة فى الدنيا كلها لازم يكون فية مؤيد ومعارض علشان نشوف اللون الابيض واللون الاسود

[الأفوكاتو]

شوف كدو اللينك ده
http://www.egypthunt.net/showthread.php?t=10894
خالص تحياتي للجميــــــــــــــــــــــــــــع

[m_lasheen]

يا جماعة الموضوع أبسط من كده , الفكرة إن عمل رابطة , مش هقول لكل سلاح , ولكن على الأقل للأسلحة المشهورة والمنتشرة بشكل كبير فى مصر هو موضوع مفيد للأعضاء ولزوار المنتدى نظراً لسهولة البحث والرجوع للمعلومات التى يُراد البحث عنها والخاصة بكل سلاح على حدة . لذلك فأنا عن نفسى لا أرى أن الموضوع يسبب أمر مُنتقد أو مشكلة . وتحياتى لكم ........

[sayedlabib]

حضراتكم راجعوا كلام الافوكاتو هاتلاقوه عامل الروابط دى للافادة وليست للتفرقه والهدف الاساسى منها معرفة مميزات وعيوب كل سلاح

الحاجه التانيه هل الدخول على لينك الرابطه محتاج كارنيه يعنى لو حد عنده بلو ودخل على رابطه مالكى الجاب هايلاقى واحد يقوله اطلع بره انتا مش معانا بالعكس ده هايستفيد جدا من كل رابطه وهايعرف ايه اهم مميزات واهم عيوب كل سلاح وبالتالى مش هايندم لما يشترى سلاح ويا ريتنا كنا لاقينا حاجه زى كده قبل ماندبس فى اكتر من سلاح

انا بكرر شكرى للافوكاتو على فكرته الرائعه وبحييى جدا كل من انتقد الفكره لانه اكيد يقصد المصلحه العامه وهى دى سمه المتحضرين التشاور والنقاش وشكرا وتقبلوا مرورى