لا مؤاخذه....

[hoka]

السلام عليكم
هذا الموضوع لكل من كان يريد التهدأه والسكوت
اولا جلال بيه كتب موضوع انهارده فى منتداه وقال فيما معناه انه ندمان انه حاول يكلمنا ورجع يقول علينا سويقه متولى
ثانيا كتبتله موضوع فى منتداه باكاونت جديد لانه تم حظر الاكاونت القديم بدون سبب وكانت فحوى الموضوع
(((((السلام عليكم
اولا انا محمود حوكا (hoka سابقا) بس معرفش ليه ولا امتى اتعملى حظر ومكتوب سبب الحظر(لايوجد) ومده انتهاءه (لاتوجد) بالرغم انى ما كتبتش كلمه فى المنتدى بعد اخر حظر ليا اللى اتفك بعديها باسبوعين وكان مكتوبلى ان تاريخ رفع الحظر بعد 24 ساعه
المهم مش ازمتنا دلوقتى
انا حابب اولا انى اطلب من الاداره او بمعنى اخر من لا يطيقوننى فى الاداره ان يسمحو لى بهذا الموضوع لمده يومين فقط لا غير
اريد ان اسال بعض الاسئله اللى تبدا جميعها بلماذا؟؟ والتى هى موجهه للاستاذ جلال شخصيا وفقط............
اولا
لماذا يا سيدى الفاضل تشك فى من اول ما سجلت فى المنتدى الاخر (لاداعى لاستفزاز الاداره بذكر الاسماء) وتقول انى مدفوع من حد بالرغم ان حضرتك قابلتنى اكتر من 5 مرات من ضمنهم رحله صيد كمان؟؟؟
لماذا يا سيدى العزيز عندما ابدى برايى الشخصى فى موضوع ما وليكن مثلا مواضيع حضرتك ع المنتدى هنا (ابو كرتونه ومسلسلات الرجل النصاب والخ...) وانى بقول لحضرتك ان ده منتدى وليد ولازم نبداه بمواضيع هادفه بدل المواضيع اللى ممكن تجلب العداوات تحسبنى من اعدائك؟؟
لماذا عندما واجهت حضرتك فى موضوع هنا خاص بخصومات وقلت لسيادتك ما قلته اينعم تعثرت فى بعض الكلمات ولكن جل من لا يخطئ تحسب انى (استهيف) موضوعك وانى اريد ان (اهمش) دورك فى المنتدى هنا؟؟؟
لماذا يا سيدى الفاضل لا يوجد فى المنتدى مشرفين غير من اقسمو لك بالولاء ونحن من وقفنا بجانبك منذ بدايه المنتدى وكنت اول من سجل فيه تعاملنى على انى (جاسوس) او بكلماتك(الحاقدين)؟؟؟
لماذا تقول انك لا تريد المداح وانك تفعل ما يمليه عليك ضميرك وفقط( وانا احب هذا الكلام من شخصك) وتاتى بعده بكلام فى مدح شخصك وتقول انا العمده وانا مشهور فى ارجاء مصر كلها بالرغم ان لو حضرتك كنت متاكد من كلامك كان المنتدى ده بقى فيه ع الاقل 1000 عضو فى اول يوم ليه ولكن الذين اتو اليك بالاعضاء ومن ضمنهم اعضاء المنتدى (الاخر) هم نحن من وقفو بجانبك فى البدايه؟؟؟
لماذا تحسب ان المنتديات يوجد فيها سن او هويه او حتى درجه تعليميه ؟؟ يا سيدى عالم الانترنت مختلف عن عالمك الحقيقى ولازم حضرتك تفهم ده وتتعامل معاه علشان تنجح فى الانترنت زى ما انت عاوز تنجح فى الواقع
لماذا تاتى بذكر ناس قدييييييييييييمه اوى وليها مشاكل (خاصه) مع حضرتك وتعرضهم علينا فى اسوأ الكلمات والتوصيفات وتقول انه بحجه( الخوف على الاعضاء)؟؟؟ يا سيدى نحن اصلا لم ولن ولا نريد ان نعرف اعدائك ولا احبابك نحن نريد الهوايه ونريد شخصك كصياد ومدير للمنتدى وفقط والا بقى حضرتك تحكيلنا عن اصدقائك والبواب والخ.... وكل من هم فى حياتك.......... صح ولا انا غلطان؟؟
لماذا عندما وجدت المنتدى هنا هادئا ويسير بسلالسه وفى طريقه الى النجاح بدات تثير ثانيه مواضيعك القديمه فى تفنيط الناس واكل لحم اخيك ميتا( الغيبه والنميمه) وانت المثل والقدوه لكثير من الاعضاء هنا؟؟
بل ولماذا كانت هذه الموضوعات كانت اولى كلماتك فى المنتدى بالرغم من انك قلت(لندع الخلاافات السابقه ونتوجه لمنتدانا وفقط)؟؟؟
لالالا
اترك كل الذى فوق واجبنى
لماذا انت الان تفكر كثيرا فى الانتقام منى لانى واجهتك بالصراحه او ع الاقل بفهمى لشخصكم الكريم؟؟
لماذا انت دائما تنظر الى انا شخصيا على انى لا احبك او على انى ابغضك وانا اصلا اول من كلمته فى المنتدى كان حضرتك وشكرت فى مجهود حضرتك (ولم) ولن انكره ابدا طالما هناك من يحمل لك الجميل فى الكثير من المواقف؟؟
انا نفسى اعرف ليه حضرتك ما تركزش ع المنتدى هنا وتبنيه صح وتحافظ عليه وتدعك من المنتديات الاخرى اى كانت مسمياتها طالما ان عندك ثقه بانك (مدير ناجح)؟؟
بالمناسبه
انا ثانى من وضع رحلات صيد ع المنتدى بعد رحله استاذ محمد انور
انا تقريبا من اول 50 عضو ع المنتدى هنا
وتقريبا انا اول من دافع عن سيادتك (بالحق) امام من هاجموك
((ياريت الاسئله ديه يجاوبها استاذ جلال وفقط وان لا يتدخل فى الموضوع غيره هو وفقط مش زى الرد بتاع الخصومات ....))
انا بصراحه مش عاوز اكمل اسأله لانها كتير بس احب اقول لحضرتك كلمه اخيره
((( المسلم من سلم الناس من لسانه ويده )))
سلام عليكم))))

هذا كان الموضوع وبالرغم من كل ما كتب فيه الا انه لم يلبث 5 دقائق وتم حذف (الكلام) فقط وكان هذا رده
((((انا مش ها ارد عليك الا بكلمات بسيطة جدا تم شطبك من المنتدي اية الي دخلك تاني مع السلامة والفلب يدعو لك وهذا ردي عليك)))
فرديت عليه بهذا الرد
((((طيب وحضرتك تم شطبك فى المنتدى الاخر ايه اللى دخلك تانى؟؟ لا وكمان اللى خلاك تتابع المواضيع بتاعته تانى؟؟ لا والاحرى من ده كله انك سجلت فيه تانى و انى رحبت بيك فيه وقلتلك اهلا وسهلا وانت هنا قلت ايه؟؟
ياريت لو حضرتك عندك الجرأه تسيب الموضوع ده (لاصحاب العقول) اللى على حق سواء فى منتداك او المنتدى التانى وهم يحكمو
وع العموم انا دخلت هنا زى ما حضرتك دخلت هناك ارد واقول بدون اى شتيمه او تهزيق ولكن حضرتك دخلت هناك شتمت وهزقت وده الفرق اللى كان بيقول عليه الاستاذ العربى
ادعى لنفسك الاول يا استاذ جلال ربنا يهديك
واديك اللى بتشطب الحقيقه واديك اللى بتحجر ع الراى بالرغم من كده انا مش زعلان
واديك اللى عملت نفسك بنفسك دكتاتور وبتشطب باهوائك الشخصيه وانا مش زعلان
عارف ليه؟؟
هاسيب الاعضاء يجاوبوك ويحكمو عليك
سلام عليكم)))
ثم فوجئت اذ فجاه ان سيف ابنه يجلس بجواره ويترك لابنه الصغير الجهاز علشان يرد يقولى الكلام ده
(((واضح ان انت واحد بتحب تهزر و قد تم شطبك من المنتدى قبل كدة ايه اللى يخليك ترجع تانى اكيد انت واحد ماعندكش شخصية و عايز انك تلفت الانظار و ده مش هايحصل احنا منتدى للصيد مش للهزار و انت مالكش مكان معانا فى المنتدى)))
فرديت على ابنه بكلام لم الحق ان اسجله وتم حظرى
ولكن اتعلمون كل هذا لا يهم ولكن المهم هو الاتى
سعاده البيه جلال خليفه خلى شكل الموضوع كالاتى
الموضوع الاساسى مكتوب فيه: لماذا ............. سلام عليكم)
رده :: كما هو
رد ابنه:: كما هو
بصو بقى ردى انا::طيب وحضرتك تم شطبك فى المنتدى الاخر ايه اللى دخلك تانى؟؟ لا وكمان اللى خلاك تتابع المواضيع بتاعته تانى؟؟ لا والاحرى من ده كله انك سجلت فيه تانى و انى رحبت بيك فيه وقلتلك اهلا وسهلا وانت هنا قلت ايه؟؟


سلام عليكم



والرد بتاعى على ابنه اصبح وبقدره قادر هكذا:: ????????????????????
ثم اتبع هذا برد نهايه الموضوع ::اذا كان عندك كرامة لا تدخل هنا ثانية

نسيت اقول انه رد عليا وقالى(( يا كتكتوت انا اشيل اللى انا عاوزه والمنتدى مش منتدى اهلك ولا ثروه ملكهم))
والان يا جماعه الموضوع حذف تماما بالرغم انى قلت لو عنده الجرأه يسيبه
الموضوع حقق نسبه مشاهدات 6 فقط
لم يلبث اكثر من ثلث ساعه
عارفين ليه؟؟ لانه لو كان جاوب اسئلتى او حتى كان عنده جرأه وساب ردوده عليا كان اتكشف
وانا حبيت اكشفهولكم هنا امام اعينكم
واطلب من اداره هذا المنتدى المحترم اللى بقولها فعلا من كل قلبى انهم يسيبو الموضوع ده هنا زى ما الموضوع التانى كان هايتساب يومين فقط لندع الاعضاء الافاضل يشاهدو من هو جلال خليفه وكيفيه تفكيره وتصرفاته


اى حد هايقولى جلال خليفه او صلح هاقوله عالجوووووووووووه الاول لان بجد هذا شخص غير طبيعى
واللى هايقولى انى بغلط هاقوله لالا انا مش بغلط انا دكتور وشايف انه مريض ولازم يتعالج
ومش معنى كده ان اى حد عاوز لسه يكلمه ويتعامل معاه هابقى مضايق منه لالالالالا كل واحد حر فى حكمه ع الاشخاص وانا حكمت عليه بالمرض بالرغم وانا اقسم بالله انى لم اعتبره هكذا قبل هذا الموضوع وكنت اعتبره صياد حوله ضغوط وفقط ولكن عندما وجدت هذا الافك والافتراء وتزوير الكلام والخوف والكذب اقول انه مريض لان مفيش اى سبب يجعلك تعمل ده كله بسبب كلام وانا فى موضوعى لم اغلط فيه ولا حتى قلت حاجه تفهم بالغلط وانما هى اسأله موجهه له فقط
فى النهايه معلش تعبتكو معايا فى القرايه ولكن لكى نستوضح الامور وفقط
سلام عليكم

[pooforever_2010]

كويس انه وضح اخلاقه
وان المنتدى التانى عزبه اهاليهم
متزعلش نفسك يا حوده باشا
احنا ليه مكبرين الموضوع
الناس اكترها مشتركه هنا للمحبه والحترام بين الاعضاء
رغم الخلافات بس هى قليله
تحياتى

[Consul]

بارك الله فيك أخي الحبيب وإبني الغالي...لا أملك ولا أستطيع ولا أحب ولا يطاوعني لساني وقلمي إلا أن أقول ربنا يهدي النفوس ويهدي الجميع وأنا أولكم ويبعد عنا جميعا شياطين الإنس والجن...ويزيل الغشاوة من على أعيننا ليطهر قلوبنا وينقي نفوسنا ليجمع شملنا جميعا لأسرتنا الحبيبة وهوايتنا النبيلة...وكل عام وأنتم جميعا بألف خير وصحة وسعادة وسلام...خالص تحياتي وتقديري واحترامي لحبايب قلبي وللجميع...

[A.Seif]

Best Of The Best

[sameer elbana]

المشاركة الأصلية كتبت بواسطة consul

بارك الله فيك أخي الحبيب وإبني الغالي...لا أملك ولا أستطيع ولا أحب ولا يطاوعني لساني وقلمي إلا أن أقول ربنا يهدي النفوس ويهدي الجميع وأنا أولكم ويبعد عنا جميعا شياطين الإنس والجن...ويزيل الغشاوة من على أعيننا ليطهر قلوبنا وينقي نفوسنا ليجمع شملنا جميعا لأسرتنا الحبيبة وهوايتنا النبيلة...وكل عام وأنتم جميعا بألف خير وصحة وسعادة وسلام...خالص تحياتي وتقديري واحترامي لحبايب قلبي وللجميع...

مع انى جديد ولكن هذه المشاركه من الاب الروحى للمنتدى تثبت للكل ان هذا المنتدى اكبر واسما من انه يدخل فى مهاترات ليس لها اساس الا الحقد حسبنا الله ونعم الوكيل

[pooforever_2010]

نداء الى سياده القنصل
اولا كل سنه وحضرتك طيب والعائله الكريمه
ثانيا الموضوع ده رخم جدا
ارجو من سيادتك الفصل فيه والرد على اتهمات الاستاذ جلال خليفه
هو فيه حد غلط فيه وفى اهل بيته ولا لأ
واظن بعد كلمتك وشهده الحق من مفيش اى كلام تانى
وكلام سيادتك اكيد مصدق مننا جميعا
تحياتى

[hoka]

المشاركة الأصلية كتبت بواسطة pooforever_2010

كويس انه وضح اخلاقه
وان المنتدى التانى عزبه اهاليهم
متزعلش نفسك يا حوده باشا
احنا ليه مكبرين الموضوع
الناس اكترها مشتركه هنا للمحبه والحترام بين الاعضاء
رغم الخلافات بس هى قليله
تحياتى

ربنا ما يجيبش اى خلافات بيننا ان شاء الله وكل شئ هايتحل وهايبقى احسن ان شاء الله ورمضان كريم ع الجميع

المشاركة الأصلية كتبت بواسطة consul

بارك الله فيك أخي الحبيب وإبني الغالي...لا أملك ولا أستطيع ولا أحب ولا يطاوعني لساني وقلمي إلا أن أقول ربنا يهدي النفوس ويهدي الجميع وأنا أولكم ويبعد عنا جميعا شياطين الإنس والجن...ويزيل الغشاوة من على أعيننا ليطهر قلوبنا وينقي نفوسنا ليجمع شملنا جميعا لأسرتنا الحبيبة وهوايتنا النبيلة...وكل عام وأنتم جميعا بألف خير وصحة وسعادة وسلام...خالص تحياتي وتقديري واحترامي لحبايب قلبي وللجميع...

يا استاذ جمال ربنا يخليك والله شرفنى ردك ع الموضوع وانا اعتذر انى كتبت الموضوع فى المنتدى بس انا بطلب من الاداره تحذفه بعد يومين عقبال بس ما الاعضاء كلهم يشوفوه ويفهمو السيد جلال خليفه وياريت يعنى احبابه ومن يثق فيه يرى هذا الموضوع ويشوف مين اللى بيحب الصيد ومين اللى بيحب السلطه او السلطه بفتح السين ههههههههههههههههه
ربنا يهدى الجميع
رمضان كريم علي حضرتك وكل سنه وحضرتك طيب
شكرا يا سياده القنصل

المشاركة الأصلية كتبت بواسطة a.seif

best of the best

ربنا يخليك يا باشا وانا مش افضل منكم والله وانا بتعلم من حضراتكم كلكم

المشاركة الأصلية كتبت بواسطة sameer elbana

مع انى جديد ولكن هذه المشاركه من الاب الروحى للمنتدى تثبت للكل ان هذا المنتدى اكبر واسما من انه يدخل فى مهاترات ليس لها اساس الا الحقد حسبنا الله ونعم الوكيل

اكيييييييييد طبعا وان شاء الله يفضل كبير باهله وناسه
شكرا يا افندم


سلام عليكم

[هشام سمير]

المشاركة الأصلية كتبت بواسطة consul

بارك الله فيك أخي الحبيب وإبني الغالي...لا أملك ولا أستطيع ولا أحب ولا يطاوعني لساني وقلمي إلا أن أقول ربنا يهدي النفوس ويهدي الجميع وأنا أولكم ويبعد عنا جميعا شياطين الإنس والجن...ويزيل الغشاوة من على أعيننا ليطهر قلوبنا وينقي نفوسنا ليجمع شملنا جميعا لأسرتنا الحبيبة وهوايتنا النبيلة...وكل عام وأنتم جميعا بألف خير وصحة وسعادة وسلام...خالص تحياتي وتقديري واحترامي لحبايب قلبي وللجميع...

عوداً احمداً يا سيادة القنصل
منور بيتك ومكانك يا عمنا وحبيبنا

[هشام سمير]

الاخ الغالى الدكتور محمود ما تزعلش نفسك اديعيله ربنا يهديه ويصلح حاله وخلاص وما تقلقش عى موضوعك مالم يتم فيه اى نوع من انواع التجاوز او التدنى فى لغة الحوار
وسيتم حذفه حينما تطلب انتا ذالك

[hoka]

المشاركة الأصلية كتبت بواسطة pooforever_2010

نداء الى سياده القنصل
اولا كل سنه وحضرتك طيب والعائله الكريمه
ثانيا الموضوع ده رخم جدا
ارجو من سيادتك الفصل فيه والرد على اتهمات الاستاذ جلال خليفه
هو فيه حد غلط فيه وفى اهل بيته ولا لأ
واظن بعد كلمتك وشهده الحق من مفيش اى كلام تانى
وكلام سيادتك اكيد مصدق مننا جميعا
تحياتى

ياريت تسيبك من حكايه الغلط واهل البيت لان اديك شوفت ازاى هو بيورط ابنه سيف فى حاجه الشاب الصغير ملوش اى ذنب فيها وصدقنى هو اللى بيعمل كده فى نفسه بس ياريت محدش يفتح سيرته تانى او مواضيع قديمه لانه خلاص اتكشف قدام حضراتكو واى كلام فى مواضيع قديمه يبقى بعد ما يروح للدكتور ويتمم علاجه
وسياده القنصل والله راجل محترم ومحدش شاف منه اى حاجه وحشه وللاسف انا شخصيا طالنى من كذب المدعى (العمده) عن القنصل ولكنى قلت لا اصدق احد ولا اتدخل حتى رايت بعينى واقول شهاده حق سياده القنصل هو رجل محترم جداا وملوش اى علاقه بهؤلاء الاشخاص امثال جلال خليفه

المشاركة الأصلية كتبت بواسطة اسلام

يا دكتور محمود ما تزعلش نفسك انت شخصت ونجحت فى التشخيص اوعى تزعل نفسك دا انسان من طبعه انه شكاك جداً وبيشك فى اقرب الناس ليه يا راجل دابيغلط فى كل الناس انتا لو قعد معاه هتعرف كدا كويس
وهو كل يوم بيكشف نفسه قدام الناس وبيهد الصوره المزيفه الل عملها لنفسه
وللاسف الاعضاء المحترمين بفطرتهم الطيبه واخلاقهم الرفيعه بيدخلوا يقولوا بلاش غط فى الراجل
مش عارين مين هو الراجل دا حيه بتتلوى على كل لون
وفعلاً مش طبيعى ابداً دا كان عامل موضوع بيقول فيه انه مش هيتكلم عن حد مره تانيه وبعدها بسعتين لقيناه بيتكلم عن المنتدى هنا مره تانيه
اتمنى من الاداره الكريمه انها تسيب الموضوع دا ومتذفوش لشان الناس تعرف مين هو جلال خليفه

يا اسلام ده بيشك فى صوابع ايديه ووالله لطالما اتهمنى انا شخصيا بانى مخرب وعاوز اضايقه ويعلم الله انى بصطاد من 5 سنين واتعرفت على احمد روك وعرفنى ع المنتدى ولا حد دافعلى ولا حد محرضنى وكل خلافاتى معاه كانت اراء شخصيه ليا وفقط لا يتدخل فيها احد ولكن للاسف ............ ع العموم ربنا يهدى الجميع ويغفرله ذنوبه فى رمضان ويتقبل مننا ومنه رمضان
والله انا اسف جدا على صياد قديم زيه يبقى كده بس الخبره والسن بيختفو اول ما الانسان يقع فى الاخطاء والذلات زيه كده
ربنا يحفظه من كل سوء ويبعد عنه الشيطان (والله لسه بحترم فيه سنه ع الاقل)

سلام عليكم

[A.Seif]

يا دكتور محمود..انا لا اعرفك شخصيا و لكن اقولها بكل صراحه: أنت رجل مؤدب
اللى قبلينا علمونا و قالوا لنا : زينه الرجال...الرجال فقط.. الأدب
كل عام و انت والاسره و جميع اعضاء منتدانا الحبيب الذى اتشرف بالانتماء له بكل خير و صحه وسلامه

[pooforever_2010]

حوده باشا
اولا ربنا اعلم انى مش بشك ف ا / هشام سمير
وعارف انه مش بيغلط فحد( وعن تجربه )
ثانيا شهاده وكلمه القنصل حتقطع كل المتعلق بالموضوع ده من جزورة
ومش حيبقى فيه مجال لاى كلام تانى
دى وجهه نظرى
تحياتى

[mman2005]

بصراحة وبدون تحيز، وبما أنى لم أحضر هذه الخلافات السابقة، لما دخلت منتداهم وقرأت المواضيع التى تنتقد منتدى الصيد ومشاركات الأعضاء هناك، وجدتها دون المستوى، وليس هذا هو النقد البناء الذى يصدر من اشخاص عقلاء ومحترمين، إحساسى أنه حقد أعمى، ولا أعلم السبب، يوجد فى منتدانا سلبيات كثيرة فالكمال لله وحده، ولكن ليس كما تصوره مواضيعهم التى لا يكون إنتقادهم إنتقاد موضوعى وبناء، منتداهم الذى لا يتعدى عدد أفراده 500 عضو منهم أعضاء كثيرون سجلوا لكى يردوا على مواضيعهم يتكلمون عنه أنه منتدى عالمى، ولا أعرف منتدى عالمى عدد أفراده 500 عضو، أنا أعرف أن كلمة عالمى أن يتعدى عدد أعضاوءه 10 مليون عضو على الأقل، منتدانا ومنتداهم هى منتديات محلية خاصة بالصيد فى مصر حتى إن وصل عدد الأعضاء إلى 80 مليون، إذن فليغيروا أسم منتداهم بما أنه منتدى عالمى، كنت سأفرح بتعدد منتديات الصيد المصرية وتنوعها إذا ركزوا جهودهم بدلاً من السب والشتم على مواضيع مفيدة، وكنت سأشترك عندهم أيضاً لأن كل منتدى تختلف سياسته، وكنت كعضو سأستفاد من تعدد السياسات وإكتساب الخبرات، أما وأنهم منتدى قد فتح من أجل سب وشتم منتدى آخر فإنه لا يسعدنى ولا يشرفنى الإنتساب إليهم لأنه ليس له فائدة، مع إحترامى لسن الأستاذ جلال، إلا أنه يهدد ويتوعد من يختلف معه فى الرأى بأنه سيفتح مدونة خاصة بكل شخص لا يعجبه للتشهير به، هل هذا الرجل لديه هذا الوقت لتقضيته فى مثل هذه الأمور غير المفيدة والسب والقذف وتجريس الناس.

أنا من رأيى الشخصى بيت الشعر القائل فأترك كيد الحسود فإن كيدك قاتله فالنار تأكل بعضها إن لم تجد ما تأكله، لا أرى داعى لإعطاء الموضوع أكبر من حجمه والاهتمام بما يكتبوه، ولنرتقى بأسلوبنا ولا ننجر إلى ما يريدوه من تبادل السب والقذف بين المنتديات، وبصراحة أنا اشتركت فى مئات المنتديات خلال ال 10 سنوات الماضية لم أجد منتدى بمديره يتخصص فى سب منتدى أخر له نفس التخصص، ربنا يهدى هذه النفوس.

[pooforever_2010]

كلام سليم
وانا كمان كنت متابع هنا وهناك
ومشرفنيش الاشتراك هناك والحمد لله

[hoka]

المشاركة الأصلية كتبت بواسطة هشام سمير

الاخ الغالى الدكتور محمود ما تزعلش نفسك اديعيله ربنا يهديه ويصلح حاله وخلاص وما تقلقش عى موضوعك مالم يتم فيه اى نوع من انواع التجاوز او التدنى فى لغة الحوار
وسيتم حذفه حينما تطلب انتا ذالك

يا هشام انا بقول يتحذف(بعد يومين) علشان نغلق الصفحه ديه خلاص والكل يبقى خلاص فهم وعرف الموضوع ومش محتاجين بقى نعرف المواضيع القديمه او اى حاجه لان الموقف ده لوحده بيكشف معادن الاشخاص وانا فوجئت بيه ولم اكن اتوقع هذا وحسبت انه هايحذفه ويحذفنى وخلاص انما التحريف والتزوير؟؟؟ لالالا يبقى الكل لازم يعرف بقى
ونورت الموضوه ياريس
سلام عليكم

[tamercad]

للآسف انا كنت بدخل عادى على منتدى أ جلال ولما عرف انى من منتدى الصيد فى مصر حذفنى ووقف الأكونت بتاعى ؟؟؟؟

[sayedlabib]

المشاركة الأصلية كتبت بواسطة hoka

يا هشام انا بقول يتحذف(بعد يومين) علشان نغلق الصفحه ديه خلاص والكل يبقى خلاص فهم وعرف الموضوع ومش محتاجين بقى نعرف المواضيع القديمه او اى حاجه لان الموقف ده لوحده بيكشف معادن الاشخاص وانا فوجئت بيه ولم اكن اتوقع هذا وحسبت انه هايحذفه ويحذفنى وخلاص انما التحريف والتزوير؟؟؟ لالالا يبقى الكل لازم يعرف بقى
ونورت الموضوه ياريس
سلام عليكم

انا مكونتش حابب اضيف اى تعليق لكن لثقتى فى حضرتك وفى اغلب اعضاء منتدانا حبيت اشارك مع حضرتك لكونك انسان مرموق ولك مكانتك بيننا يا استاذ hoka

اقول اللهم انصر المظلوم واظهر الحق وان كان لاحد الدوام فان الدوام لله وان كان لاحد العزة فان العزة لله وسيأتى يوم نعرض فيه على الله واخر قولى هذه الكلمات التى نطق بها سيدنا عمر بن عبد العزيز خامس الخلفاء الراشدين وثامن الخلفاء الامويين الذى ملأ الارض عدلا وحبا وكرامة

خطب عمر بن عبد العزيز آخر خطبة خطبها فقال فيها:"

إنكم لم تخلقوا عبثا، ولن تتركوا سدى، وإن لكم معادًا ينزل الله فيه للفصل بين عباده، وقد خاب وخسر من خرج من رحمة الله التي وسعت كل شيء، وحرم جنة عرضها السموات والأرض، ألا ترون أنكم في أسلاب الهالكين، و سيرثها بعدكم الباقون، كذلك حتى ترد إلى خير الوارثين، وفي كل يوم تشيعون غاديا ورائحا إلى الله، قد قضى نحبه وانقضى أجله، فتودعونه وتضعونه في صدع من الأرض غير موسد ولا ممهد، قد خلع الأسباب، وفارق الأحباب، وسكن التراب، و واجه الحساب، غنيا عما خلى، فقيرا إلى ما أسلف، فاتقوا الله عباد الله قبل نزول الموت وإنقضاء مواقيته، وإني لأقول لكم هذه المقالة وماأعلم عند أحد من الذنوب مما أعلم عندي، ولكني أستغفر الله وأتوب إليه، ثم رفع طرف ردائه وبكى حتى شهق، ثم نزل فما عاد إلى المنبر بعدها حتى مات."

واختم باخر كلماتى فى هذا الموضوع

اقول يا من غرتكم الدنيا بما فيها من زخرف وجعلتكم تتكبرون على الناس وتظلمون الناس ليس لكم من الدنيا الا شهادة الناس فاتقوا الله واعلموا ان لكل انسان ميعاد وسوف يقف امام الله من دون وسيط
والسلام عليكم ورحمة الله وبركاته

[hoka]

المشاركة الأصلية كتبت بواسطة pooforever_2010

حوده باشا
اولا ربنا اعلم انى مش بشك ف ا / هشام سمير
وعارف انه مش بيغلط فحد( وعن تجربه )
ثانيا شهاده وكلمه القنصل حتقطع كل المتعلق بالموضوع ده من جزورة
ومش حيبقى فيه مجال لاى كلام تانى
دى وجهه نظرى
تحياتى

يا باشا مش قصدى بس انا بقول ان لو سالت القنصل عن الموضوع ده ووحد تانى جيه سال هشام سمير عن موضوع اخير يبقى هانفتح مواضيع قديمه واحنا خلاص حكمنا ع الراجل ده وعرفنا هو بيفكر ازاى
لكن براحتك ولكن لرفع الحرج عن سياده القنصل فى الكلام عن هذه المواضيع

المشاركة الأصلية كتبت بواسطة a.seif

يا دكتور محمود..انا لا اعرفك شخصيا و لكن اقولها بكل صراحه: أنت رجل مؤدب
اللى قبلينا علمونا و قالوا لنا : زينه الرجال...الرجال فقط.. الأدب
كل عام و انت والاسره و جميع اعضاء منتدانا الحبيب الذى اتشرف بالانتماء له بكل خير و صحه وسلامه

ربنا يخليك يا افندم والحمد على هذه النعمه وربنا يديمها عليا ياااااااااااااارب
شكرا على ردك

المشاركة الأصلية كتبت بواسطة mman2005

بصراحة وبدون تحيز، وبما أنى لم أحضر هذه الخلافات السابقة، لما دخلت منتداهم وقرأت المواضيع التى تنتقد منتدى الصيد ومشاركات الأعضاء هناك، وجدتها دون المستوى، وليس هذا هو النقد البناء الذى يصدر من اشخاص عقلاء ومحترمين، إحساسى أنه حقد أعمى، ولا أعلم السبب، يوجد فى منتدانا سلبيات كثيرة فالكمال لله وحده، ولكن ليس كما تصوره مواضيعهم التى لا يكون إنتقادهم إنتقاد موضوعى وبناء، منتداهم الذى لا يتعدى عدد أفراده 500 عضو منهم أعضاء كثيرون سجلوا لكى يردوا على مواضيعهم يتكلمون عنه أنه منتدى عالمى، ولا أعرف منتدى عالمى عدد أفراده 500 عضو، أنا أعرف أن كلمة عالمى أن يتعدى عدد أعضاوءه 10 مليون عضو على الأقل، منتدانا ومنتداهم هى منتديات محلية خاصة بالصيد فى مصر حتى إن وصل عدد الأعضاء إلى 80 مليون، إذن فليغيروا أسم منتداهم بما أنه منتدى عالمى، كنت سأفرح بتعدد منتديات الصيد المصرية وتنوعها إذا ركزوا جهودهم بدلاً من السب والشتم على مواضيع مفيدة، وكنت سأشترك عندهم أيضاً لأن كل منتدى تختلف سياسته، وكنت كعضو سأستفاد من تعدد السياسات وإكتساب الخبرات، أما وأنهم منتدى قد فتح من أجل سب وشتم منتدى آخر فإنه لا يسعدنى ولا يشرفنى الإنتساب إليهم لأنه ليس له فائدة، مع إحترامى لسن الأستاذ جلال، إلا أنه يهدد ويتوعد من يختلف معه فى الرأى بأنه سيفتح مدونة خاصة بكل شخص لا يعجبه للتشهير به، هل هذا الرجل لديه هذا الوقت لتقضيته فى مثل هذه الأمور غير المفيدة والسب والقذف وتجريس الناس.

أنا من رأيى الشخصى بيت الشعر القائل فأترك كيد الحسود فإن كيدك قاتله فالنار تأكل بعضها إن لم تجد ما تأكله، لا أرى داعى لإعطاء الموضوع أكبر من حجمه والاهتمام بما يكتبوه، ولنرتقى بأسلوبنا ولا ننجر إلى ما يريدوه من تبادل السب والقذف بين المنتديات، وبصراحة أنا اشتركت فى مئات المنتديات خلال ال 10 سنوات الماضية لم أجد منتدى بمديره يتخصص فى سب منتدى أخر له نفس التخصص، ربنا يهدى هذه النفوس.

والله انا بقول اننا ما نفتحش سيره المنتدى الاخر بقى وان اى شخص حابب ينضم لاى منتدى براحته ومش هانعتب عليه لانها حريته وطالما ان الاشخاص جيدون ومحترمون فسوف يشرفنا انضمامهم الينا او يشرفهم انضماهم اليهم (المنتدى بتاعهم) وهو فيه ناس محترمه وخبره بس ربنا يوريهم الحق ويظهره قدامهم ويهدينا احنا كمان ليه
وانا زى ما انت قلت نترك المواضيع ديه فانا معاك وانا مش هاكتب حاجه تانى عن المواضيع ديه هنا تانى والموضوع هايحذف مع باقى المواضيع المتعلقه بكده (بعد اذن اصحاب المواضيع طبعا) علشان نفضى بقى لمنتدانا الحبيب ونستقبل رمضان بقلوب هادئه ونفوس صافيه

سلام عليكم

[hoka]

المشاركة الأصلية كتبت بواسطة tamercad

للآسف انا كنت بدخل عادى على منتدى أ جلال ولما عرف انى من منتدى الصيد فى مصر حذفنى ووقف الأكونت بتاعى ؟؟؟؟

مفيش مشكله يا افندم فانت هنا تصطاد وهناك تصطاد والمنتدى ليس له اى فائده بدون اشخاص محترمين يتقبلونك بجميع ارائك وافكارك ويشاركونك افكارهم بكل الادب والاحترام ويكونو اخوه لك لا اوصياء عليك

المشاركة الأصلية كتبت بواسطة sayedlabib

انا مكونتش حابب اضيف اى تعليق لكن لثقتى فى حضرتك وفى اغلب اعضاء منتدانا حبيت اشارك مع حضرتك لكونك انسان مرموق ولك مكانتك بيننا يا استاذ hoka

اقول اللهم انصر المظلوم واظهر الحق وان كان لاحد الدوام فان الدوام لله وان كان لاحد العزة فان العزة لله وسيأتى يوم نعرض فيه على الله واخر قولى هذه الكلمات التى نطق بها سيدنا عمر بن عبد العزيز خامس الخلفاء الراشدين وثامن الخلفاء الامويين الذى ملأ الارض عدلا وحبا وكرامة

خطب عمر بن عبد العزيز آخر خطبة خطبها فقال فيها:"

إنكم لم تخلقوا عبثا، ولن تتركوا سدى، وإن لكم معادًا ينزل الله فيه للفصل بين عباده، وقد خاب وخسر من خرج من رحمة الله التي وسعت كل شيء، وحرم جنة عرضها السموات والأرض، ألا ترون أنكم في أسلاب الهالكين، و سيرثها بعدكم الباقون، كذلك حتى ترد إلى خير الوارثين، وفي كل يوم تشيعون غاديا ورائحا إلى الله، قد قضى نحبه وانقضى أجله، فتودعونه وتضعونه في صدع من الأرض غير موسد ولا ممهد، قد خلع الأسباب، وفارق الأحباب، وسكن التراب، و واجه الحساب، غنيا عما خلى، فقيرا إلى ما أسلف، فاتقوا الله عباد الله قبل نزول الموت وإنقضاء مواقيته، وإني لأقول لكم هذه المقالة وماأعلم عند أحد من الذنوب مما أعلم عندي، ولكني أستغفر الله وأتوب إليه، ثم رفع طرف ردائه وبكى حتى شهق، ثم نزل فما عاد إلى المنبر بعدها حتى مات."

واختم باخر كلماتى فى هذا الموضوع

اقول يا من غرتكم الدنيا بما فيها من زخرف وجعلتكم تتكبرون على الناس وتظلمون الناس ليس لكم من الدنيا الا شهادة الناس فاتقوا الله واعلموا ان لكل انسان ميعاد وسوف يقف امام الله من دون وسيط
والسلام عليكم ورحمة الله وبركاته

ربنا يخليك ويكرمك وانا فخور لثقتك فى ولكن مكانتى هنا لا تقل عن مكانه اى شخص حتى وان كان صياد جديد وصغير فكلنا اخوه واحباب
وانا سعيد بوضعك لخطبه سيدنا عمر ابن الخطاب رضى الله عنه وارضاه وفعلا كلنا لينا يوم ونقف ونحاسب على كل حاجه وحتى الحرف اللى بننطقه
ربنا يغفرلى ذنوبى وذلاتى ويحفظنى من الوقوع فى الاخطاء والمعاصى
شكرا لردك ع الموضوع

سلام عليكم

[pooforever_2010]

تم تفهم الموقف حوده باشا
على فكرة انا مكنش قصدى اسأل على تفاصيل
قصدى القنصل يقول هو استاذ هشام غلط ولا لا وخلاص
تحياتى يا باشا

[silver_5000]

اولا السلام عليكم و رحمة الله و بركاته

ثانيا يا دكتور محمود انا الصبح كنت على المنتدى التانى و كنت بتكلم مع أ. جلال خليفة علشان ابعتله رسالة بهنيه فيها على العودة من العمرة و بشكره على حاجة كويسة اشتريتها منه و لقيت موضوع كدة كان عامله عن منتدانا و اتحاورت معاه كتير و ف الاخر الحمد لله انه شال الموضوع لان الكلام فيه كان مش كويس خالص و الحمد لله ان المشاهدات و المشاركات لم تتعدى انا و هو , المهم انى شوفت موضوعك " لماذا " و شوفت رده و شوفت الموضوع تانى لما اتحذف منه كل الكلام و مبقاش فيه غير السلام عليكم و شوفت سيف لما دخل و قال اللى قاله و كنت داخل ارد ف الموضوع ده باللى ف نفسى بس الموضوع اتحذف و انا و الله بقول كدة و انا متضايق اوى اوى لانى كان نفسى يتم الصلح بس للاسف مبقاش عندى امل انه يتم

ثالثا انا مش عارف اذا كان حد اتضايق منى انى بقول ان محدش يغلط فى جلال خليفة بس و الله مكنت اقصد غير من ناحية احترام السن و الدين و عدم سب احد مش موجود و الايام المفترجة اللى احنا داخلينها دى بس و الله انما مكنش ف دماغى ان ده هيتاخد بمحمل انى بحامى لجلال خليفة لانى قولت انى مختلف معاه و قولت الكلام ده هنا ف منتدانا و هناك ف منتداه , مش عارف ابطل ادعو للخير و لا رايكم ايه ؟؟؟؟ , على فكرة و الله العظيم انا برضه دعيت جلال خليفة لظبط النفس و لما تعدى ف الكلام على عضو معانا هنا ف الموضوع اللى اتحذف قولتله انه ميغلطش فيه و الكلام ده بس الموضوع اتحذف , و افترض ان الموضوع اتحذف علشان كان فيه اساءة للمنتدى بتاعنا و مش بقول كدة مزايدة على حاجة و الله و ربنا اعلم بس عايز اوضح ان استاذ جلال استجاب ليا و حذف الموضوع علشان ميسيئش للمنتدى بتاعنا

متزعلش نفسك يا دكتور محمود انا لما قريت موضوعك ملقيتش فيه اى خروج عن حدود الادب بالعكس انا حسيت انه زى عتاب و العتاب بيبقى للاعزاء , انت قولت انك مش هتزعل لو حد بيكلم جلال خليفة و فضل يكلمه بعد اللى حصل ده و رسالتك و الله وصلت و انا زى ماقولتلك كنت شايف الموضوع الاصلى , ممكن انا اكلم حد و انا شايف ان نسبة الصح ف افعاله او نسبة الخير فيه 40% و انت تستقل النسبة دى بس ف النهاية انا متاكد انك هتحترم وجهة نظرى مادمت بنصفك و بذكر حقك و مقدرش انى اظلمك و عايزك تبقى عارف انى متاكد زى كل الاعضاء ان ليك حق يا عزيزى , مش عارف اقول ايه زيادة عن كدة بس مش صح انى انصح اتنين اعزاء على قلبى بعدم الغلط ف بعض و حد منهم يكبرنى و يحترمنى و الاخر لا , يبقى مش هقدر ادعو حد منهم لعدم فعل الغلط مرة تانية لانى هكون غير منصف

اكيد عمرى مهقدر انى اوصل لحكمة سيادة القنصل والدنا جميعا , هو اكبر منى سنا و مقاما و اكيد يقدر يظبط اعصابه عنى , ده والدنا الروحى , و انا مجرد مهندس شاب و اتضايقت جدا جدا من اللى حصل ف موضوع " لماذا " و كنت عايز اعتب اوى اوى على استاذ جلال خليفة ف كدة بس ملحقتش و خوفت لو عاتبته على كدة هناك ف موضوع مختلف انه يتحذف ف قولت اذكر عتابى ده هنا و هو برضه بيشوف الكلام اللى هنا و اكيد يهيقرا اللى انا قولته ده بالحرف

[pooforever_2010]

يا بشمهندس محدش غلط هنا اصلا
ويا ريت تبص كده على الاخلاق الكريمه
ويا ريت حضرتك تكلمه فالموضوع ده
لان كده بقت بواخه
هو كل حد يدخل ينصح يتهاجم
ولا عشان الناس مؤدبه
http://www.grandhunters.com/vb1/show...ا-الصبي-الاهوج

[silver_5000]

المشاركة الأصلية كتبت بواسطة pooforever_2010

يا بشمهندس محدش غلط هنا اصلا
ويا ريت تبص كده على الاخلاق الكريمه
ويا ريت حضرتك تكلمه فالموضوع ده
لان كده بقت بواخه
هو كل حد يدخل ينصح يتهاجم
ولا عشان الناس مؤدبه
http://www.grandhunters.com/vb1/show...ا-الصبي-الاهوج

سامحنى يا باشا مش هقدر اكلمه و لا اقوله حاجة تانى ف الموضوع ده لانى كدة ابقى ( اسف ف التشبيه ) زى اللى بيحوش ف خناقة و بيحاول يهدى الدنيا و واحد مستجيب و التانى مش راضى يستجيب و يبطل خناق , انا تعبت من المحاولة و خلاص , و انا متاكد ان هنا نسبة الغلط اقل بكتير اوى اوى من هناك , بس ليا تعليق صغير , انا لما قولت ان حد غلط انا كنت اقصد كدة لان فى حد فى منتهى الاحترام قال حاجة مش كويسة على جلال خليفة هنا و انا غلطت و نصحته على العام و هو احرجنى باستجابته ليا و عدم ذكر خطأى فى النصح على العام بس و الله كنت بنصحه لان يعز عليا ان حد من اخواتى يبقى غلطان

[pooforever_2010]

ربنا يباركلك يا باشمهندس
بس اكيد اللى غلط ده فاض بيه وانا واثق انه ميقصدش يزعللك
واسف انى بقولها مع انها غلط لفرق السن
لو واحد هنا غلط
90 فالميه هنا غلط فينا كلنا
تحياتى
كل سنه وانت طيب

[silver_5000]

المشاركة الأصلية كتبت بواسطة pooforever_2010

ربنا يباركلك يا باشمهندس
بس اكيد اللى غلط ده فاض بيه وانا واثق انه ميقصدش يزعللك
واسف انى بقولها مع انها غلط لفرق السن
لو واحد هنا غلط
90 فالميه هنا غلط فينا كلنا
تحياتى
كل سنه وانت طيب

يا محمد باشا انا زعلان على الغلط انه ركب نفسه حق و قولتله و زى مابقولك هو طلع احسن منى و احترم كلامى , كل سنة و انت طيب يا جميل انت و الاسرة الكريمة

[العربى]

الرجاء كفايه كلام ونلتزم الصمت