الصيد فى مصر  

العودة   الصيد فى مصر > الصيد البحري والنهري > صيد السمك

صيد السمك معلومات عن انواع الاسماك وكيفيه واماكن الصيد.

إضافة رد
أدوات الموضوع إبحث في الموضوع انواع عرض الموضوع
غير مقروء 11-03-22, 01:33 AM   #1
elesessyatef
صياد جديد
 
الصورة الرمزية elesessyatef
 
تاريخ التسجيل: Feb 2011
المشاركات: 13
معدل تقييم المستوى: 5
elesessyatef مستواه غير معروف
افتراضي بمناسبه دخول الموسم ادوار الصيد

بسم الله الرحمن الرحيم
مجمع للافادة

احلي ادوار للصيد
1- منطقة محاجر ابو زعبل سمك بلطى كفافى سريع وقرموط بحجم كبير و السمك هناك كبير و المياة عميقة جدا جدا جدا من 7 متر و فى حتت تيج 12 متر دة كدة و بتصقط امامك وليس بالداخل . 2- منطقة دير الميمون قبل بنى سويف وبعد الكريمات جميع الاسماك وخاصة الرعاد
3- الترعة التى امام البلاجات فى فايد قرموط سريع جدا
4- ترعة الصحافة تروح لها من ابو زعبل تركب عربة باتجاه بلبيس وتنزل الصحافة وتمشى شوية فى الزراعة بلطى سريع
5- ترعة معرفش اسمها تروح لها من شبين تركب عربية بتقول الشرابية وممكن تنزل الشرابية او كفر عبد النبى بلطى حلو
6- ترعة القلج خلف السجن بلطى كفافى
7- أبو الخاو على الهدار طريق الخطاطبة كفر الزيات جميع أنواع السمك بلطي في النهار (ريم) وف الليل قرموط و بياض وأفضل موسم لها يبدأ من شهر مايو و حتى شهر يناير وأفضلهم شهر أغسطس و سبتمبر
8- المنصورية و النجيلة ( كفر الزيات ) جميع أنواع السمك بلطي في النهار (ريم) وف يالليل قرموط و بياض وأفضل موسم لها يبدأ من شهر مايو و حتى شهر يناير وأفضلهم شهر أغسطس و سبتمبر
9- كوم شريك ( كفر الزيات ) جميع أنواع السمك بلطي في النهار (ريم) وف يالليل قرموط و بياض وأفضل موسم لها يبدأ من شهر مايو و حتى شهر يناير وأفضلهم شهر أغسطس و سبتمبر
10- قناطر بولين (كفر الزيات ) لطش من على البغلة طوال أيام العام
11- فى منطقة فى حلوان اسمها ركن فروق (و هى مرسى للسنادل الخربانا) اخر طريق الكرنيش فى اتجاة حلوان لحد متلاقى مصنع لمواسير البترول (طعم و عجين ) حداف و غماز ( فلاش باشا )
12- القناطر هتروح القناطر و تسئل عن سجن القناطر و انزل بعدها عند المطافى و اول يمين قبل الكبرى الى علية الكامين تدخل يمين لحد اللسان و انزل هتلاقى جزر على فكرة الدوار حجارة (طعم ) غماز
13- غمازة الصغرى بعد حلوان على الكورنيش هناك ثلاثة ترع موازيين... آخر ترعة أدخل يمين حتى تجد هيش... بلطي جميل أحمر كفافي حجاري بالطعم الموسم من شهر 5 لكن ممكن يشتغل من4
أولا - البحري :
14- ابتداءا من المناشي - منشأة القناطر - ساعات بيقع فيها غلطات محترمة تشتغل صباحا ( بالريم ) و مساءا بالطعم و لو الجو هادي باليل و مافيش زحمة ممكن ترموا حداف بسن 6 أو 5 و طعم محترم ( معنكب ) و تلعبوا على البياض.
15- اتجاه الباجور : بالترتيب كدة : صروة - أو السبع روس و ده دور حداف و غماز
16- بير شمس - و ده دور غماز بالأساس و ساعات الحداف بيشتغل فيه لكن عيبه إنه بعيد شويه
17- الباجور نفسها - و فيها عدة أدوار على الحجر على كيف كيفك بلطي و رعدات
18 - اتجاه نكلا : نكلا نفسها - ولكن أنا ما بفضلش الصيد فيها أولا علشان المية هناك حامية جدا و ما ينفعش فيها غير الحداف و من على البغال مش من البر.. و ثانيا .. علشان الريحة..!!!!
19- أبو غالب : و فيها دورين حلوين جدا عند المجزر و تقدر تشتغل فيهم غماس و حداف و البلطي بتاعها يفرح
20- الحاجر : و هي بعد أبو غالب على طول و فيها كذا دور و أنا بفضل دور المدرسة و سمكها زي أبو غالب تمام
21- الخطاطبة : وهو دور مسلي سواء عند الجامع اللي على الطريق أو قدام على الحجر... و لكن عيبه إن سمكه صغير و الراي فيه كتير ( بالمناسبة الدور ده في يناير تشيل منه تعابين زي ما إنت عايز(
22- كفر داود - دور ريم و طعم و سمكته أكبر شوية من الخطاطبة بس المية فيه حامية و علشان كدة هو دور بالأساس غماس.
23- الدلنجات و دمشق - زي كفر داود بس سمكتهم أكبر و لكن مشوارهم أبعد بكتير.

24 - اتجاه قبلي : الصنادل - دار السلام - و ده مكان قدام شرطة المسطحات و بنروحله بالمعدية و ما تستهونوش بالمكان ده لأن سمكته لو اشتغلت بتطلع منه سمك محترم خصوصا على الحداف .
25- كوتسكا - دور تسلية ( لتعليم الصيد ) بصراحة ما شفتش منه خير.
26- الإخصاص : دور حلو جدا بس لو المية واطية في النيل و بناخد بلطي حلو منه.
27- ميت القايد : دور رائع لصيد الريم صباحا و الطعم في الليل ( الحداف ما ينفعش علشان الحجارة هناك كبيرة و المية سريعة(
28- نزلة عليان (غمازة) - و من هنا نخش على الجد - يعنى عدة نضيفة و خيط جديد و سنون محترمة و ده دور بلطي و رعدات و شيلان و بياض و أنوم.
29- جرزا - زي نزلة عليان بالظبط و هي في الجهة المقابلة منها.
30- من جرزا إلى بني سويف ممكن تعد أكثر من 100 دور على الناحيتين و معظمهم أدوار تقيلة و زي الفل
ودا شرح من صياد محترم جدا للقناطر و الادوار التمام جزاة الله كل خير:
ان القناطر صعب تلم بكل ادوارها كلها لان القناطر فيها فرع رشيد ودمياط والتفرع بيبقى في القناطر وفيها حوالي 4 رياحات(المنوفى ، التوفيقى ، البحيري , الناصري) من اجمل الرياحات قي القناطر المنوفي ميته شديدة جدا فالحداف افضل الطرق وارضه حجارة
الطعم / دود الارض عادي وعنكبوت للبلطي والراي و البياض و الانومة و الدقماق وغلطات شيلان , العجينة للراي و للبني والبلطي و غلطات مبروكة وممكن تطعم للمبروكة من البوص النامي على الجوانب بس تكون حاضرة في المية
الرياح البحيري من الرياحات القوية وهي الممتدة على طريق الخطاطبة وفكرته نفس فكرة المنوفي
والرياحات في القناطر كلها او اغلبها ميتها شديدة لان القناطر هي منطقة الهاويس لهذة الرياحات فبتبقى المية في بداية إندفاعها اما التوفيقي والناصري فمعرفش عنهم اي معلومات بصراحة
فرع رشيد في القناطر فحدث ولا حرج فية عندك ياسيدي الكوبري القديم ودا في الصيف شغال طعم وعجين ... وطول السنة تقريبا التشميط كويس
الجرف بين الكبريين ودا دور ممتد بطول المناشي ويقع ما بين الكوبري القديم والكوبري الجديد ودا طعم وريم حلو جدا في الصيف وتشميط طول السنة تقريبا والسمك بلطي وبياض وانوم وقليل جدا من البني وشيلان نادرة جدا
نطلع بعد كدة على الكوبري الجديد والرمي من فوق الكوبري ناحية قبلي غير بحري الكوبري قبلي هيبقى زي الجرف والكوبري القديم
اما الرمي من من نفس الكبري بس على بحري بكون على المشاية الملحقة بالكبري
من فوق العيون مباشرة ودي بتكون ميتها شديدة جدا جدا فية مواسم المبروكة بتاكل من عليها في المية الحامية بالطعم (عنكبوت) او ريم او البوص (قصب الفار) وهو البوص النامي على حواف النيل
المواسم دي عادة بتكون في شهر 6 , 7 ,8
الطعم التاني المميز العجينة بس دي عايزة حرفنة شوية في تجهيز العجينة وحرفنة في الصيد بيها
علشان العجينة ما تسيبش من السنارة من شدة المية
والعجينة دي من الطعوم السحرية إللي كتير من الناس بيتجاهلها بسبب صعوبة الصيد بيها
انواع السمك الراي - البني - القراميط - البياض - الشيلان إن وجدت و البلطي والمبروكة تأكلها لكن بالصدفة ويفضل في حالة توجية الطعم لصيد البياض تزفير العجينة بوضع زفارة سمك عليها لانها جاذبة للبياض
الطعم الدولي (مصارين الدجاج) ودي للقرموط رقم واحد وصدف ثعبان في الشتاء وصدف مبروكة
العنب البناتي للقراميط والبني في شهر 7,8
والصيد بالسمك زي انك تطعم راية صغيرة جدا او جلمانة ودي ممتازة للبياض والشيلان والرعاش
القرموط والبني الكبير جدا بيدخل عليها بس دي عايزة يكون معاك سنارة تطعمها وتنساها بس الغلطة فيها بإذن الله بحاجة محترمة زمان كنا بنجيب بيها قشر بياض بس دا إنقرض
ننزل من فوق المشاية على الجرف البحري ودي ادوار مبروكة ممتازة بس لما المية تكون عالية وبلطي في موسم الريم , وبالطعم في الشتاء التعبان بياكل كويس وادوار القراميط كتير نظرا لوجود البوص ودي صيدها بالطع الدولي
نطلع بعد كدة على منطقة السد او الشلالات ودي منطقة ممتازة لهواة الصيد بالفلة (الغماز) بالريم وبيقع فيها بلطي محترم بس لازم مركب وتنزل على الهدار او الشلال او كما نسميها في القناطر الدشم والراي والبني بياكل كويس في الصيف على العجينة والطعم .....والمبروكة والدقماق والبياض والتعبان و الشلباية كل الاسماك دي هناك بس انت ورزقك ..لانهم مبيكلوش بالساهل وعايزين صبر وحرفنة
واحب اضيف بعض الاماكن
1-بنها ,برشوم,الطريقة حداف الطعم دود ارض الاسماك انوم وبياض وممكن غماز ادوار حجر بلطي ورعاش كتير
2-ترعة الاسماعيلية ,سرياقوس علي الهويس الجديد حداف جميع انواع السمك والطعوم ,البني كتير جدا
3-التحرير ,عزبة الباشا غماز بلطي ورعاش وبياض على الوش الطويل
4-القنطرة غرب ,الرياح ,ترعة ابو خليفة الطريقه حداف و غماز بياض رهيب بالعلق,وبلطي
5-الشرقية ,السعديين ,ترعة ابو الاخضر حداف بياض وكرور ولبيس وانوم وبني
6- شبين القناطر ترعةالشرقاوية و الحسنية بلطي علي الغماز وقرموط , نهارا ريم وليلا طعم ولهواة السبلة والسمم (مالهاش حل)
ووادي الريان يقع غرب مدينه الفيوم ويبعد عنها حوالي 20ك واحلي مكان للصيد هو
البحيره الاولي وبالتحديد عند مدخل المياه اي المجره والطعم هناك بيكون سمك صاحي
واحلي طعم هو سمك البوري وده هتجيبه تشميط من المجره ويليه ابو رياله
والبني وابو رياله واضعف طعم هو الِشر
وأحب أضيف من عندى مكان خلف مطار النزهه بالأسكندريه إسمها العفاريتى وفيها سمك جامد
__________________
elesessyatef غير متواجد حالياً   رد مع اقتباس
sponsor links
غير مقروء 11-03-22, 02:22 AM   #2
osama2011
Banned
 
تاريخ التسجيل: Nov 2010
المدينه: الشرقية
المشاركات: 352
معدل تقييم المستوى: 0
osama2011 نتمنى ان يقوم بتطوير نفسه (غير مرحب به )
إرسال رسالة عبر MSN إلى osama2011
افتراضي رد: بمناسبه دخول الموسم ادوار الصيد

تسلم ياباشا وجزاك الله كل خير
osama2011 غير متواجد حالياً   رد مع اقتباس
غير مقروء 11-03-22, 03:36 PM   #3
Mina
صياد متفاعل
 
تاريخ التسجيل: Nov 2010
المدينه: شبرا
المشاركات: 92
معدل تقييم المستوى: 5
Mina مستواه غير معروف
افتراضي رد: بمناسبه دخول الموسم ادوار الصيد

مجهود رائع تسلم ايدك وربنا يباركلك فى صيدك وخيرك ووقتك
__________________
رأس الحكمة مخافة الله و من احبة الله اعطاة الحكمة
Mina غير متواجد حالياً   رد مع اقتباس
غير مقروء 11-03-23, 04:20 AM   #4
elesessyatef
صياد جديد
 
الصورة الرمزية elesessyatef
 
تاريخ التسجيل: Feb 2011
المشاركات: 13
معدل تقييم المستوى: 5
elesessyatef مستواه غير معروف
افتراضي رد: بمناسبه دخول الموسم ادوار الصيد

مشكور ياباشا علي المرور لك كل التقدير
elesessyatef غير متواجد حالياً   رد مع اقتباس
غير مقروء 11-03-23, 04:23 AM   #5
elesessyatef
صياد جديد
 
الصورة الرمزية elesessyatef
 
تاريخ التسجيل: Feb 2011
المشاركات: 13
معدل تقييم المستوى: 5
elesessyatef مستواه غير معروف
افتراضي رد: بمناسبه دخول الموسم ادوار الصيد

استاذ مينا
بارك الله فيك ورزقك يالصيد الوفير
elesessyatef غير متواجد حالياً   رد مع اقتباس
غير مقروء 11-03-23, 10:22 PM   #6
monismod
صياد متفاعل
 
تاريخ التسجيل: Mar 2011
المدينه: 6 أكتوبر - بعد البراميل
المشاركات: 139
معدل تقييم المستوى: 0
monismod مستواه غير معروف
افتراضي رد: بمناسبه دخول الموسم ادوار الصيد

ربنا يوسع رزقك ويسهل عليك صيده ويكفيك شر طريقك

مشكور على المعلومات القيمة دى .. ومنتظرين موضوع لأنواع الطعوم بالصور وكيفية تركيبها وعملها .. بردوا بالصور .. لو دا مافيهوش تعب عليك .. علشان الفايدة تعم على الجميع
monismod غير متواجد حالياً   رد مع اقتباس
غير مقروء 11-03-23, 10:55 PM   #7
Aboyassin
صياد نشيط
 
الصورة الرمزية Aboyassin
 
تاريخ التسجيل: Mar 2011
المدينه: القاهرة
المشاركات: 281
معدل تقييم المستوى: 7
Aboyassin في بداية الطريقAboyassin في بداية الطريقAboyassin في بداية الطريقAboyassin في بداية الطريقAboyassin في بداية الطريقAboyassin في بداية الطريق
إرسال رسالة عبر MSN إلى Aboyassin
افتراضي رد: بمناسبه دخول الموسم ادوار الصيد

السلام عليكم أ/ عاطف
جزاكم الله خيرا على وقتك و خلاصة الخبرة التى أفدتنا بها.
أرجو منك أن تفسر لنا بعض المصطلحات الواردة بها و التى هى مجهولة لبعض الهواة و أنا منهم مثل: البغال،والراي و البياض و الانومة و الدقماق وغلطات شيلان ،....
و لك جزيل الشكر.
__________________
" من كان يريد العزة فلله العزة جميعا"
Aboyassin غير متواجد حالياً   رد مع اقتباس
غير مقروء 11-03-24, 03:49 AM   #8
sakr2010
صياد نشيط
 
الصورة الرمزية sakr2010
 
تاريخ التسجيل: Jul 2010
المدينه: شبرا
المشاركات: 350
معدل تقييم المستوى: 7
sakr2010 مستواه غير معروفsakr2010 مستواه غير معروف
افتراضي رد: بمناسبه دخول الموسم ادوار الصيد

مشكور جدا انا والدى صياد كبير فى النيل والمالح وبالذات الكونيسة والسويس
__________________
http://www.egypthunt.net/picture.php...pictureid=1590



أعلمه الرماية كل يومٍ فلمّا أشتد ساعده رماني

وكم علمته نظم القوافي فلمّا قال قافيةٍ هجاني


SAKR2010
sakr2010 غير متواجد حالياً   رد مع اقتباس
غير مقروء 11-03-24, 03:12 PM   #9
محمد سيد أحمد هيكل
صياد جديد
 
تاريخ التسجيل: Mar 2011
المدينه: القناطر الخيرية/ القليوبية
المشاركات: 25
معدل تقييم المستوى: 5
محمد سيد أحمد هيكل مستواه غير معروف
افتراضي رد: بمناسبه دخول الموسم ادوار الصيد

بسم الله الرحمن الرحيم
مجهود ومعلومات عظيمة وقيمة شكرآ للإفادة الأكيدة وبالمناسبة أنا من القناطر الخيرية ويسعدنى تشريفكم ومرافقتكم فى رحلة صيد لنتعلم أصول هذة الهواية الطيبة رقم الموبيل0123564459
محمد سيد أحمد هيكل غير متواجد حالياً   رد مع اقتباس
غير مقروء 11-03-25, 10:12 PM   #10
kemohabib
صياد متفاعل
 
تاريخ التسجيل: Jan 2011
المدينه: القاهره
المشاركات: 216
معدل تقييم المستوى: 6
kemohabib مستواه غير معروف
افتراضي رد: بمناسبه دخول الموسم ادوار الصيد

مجهود رائع تسلم ايدك فعلا موسوعه
kemohabib غير متواجد حالياً   رد مع اقتباس
غير مقروء 11-04-07, 01:51 AM   #11
elesessyatef
صياد جديد
 
الصورة الرمزية elesessyatef
 
تاريخ التسجيل: Feb 2011
المشاركات: 13
معدل تقييم المستوى: 5
elesessyatef مستواه غير معروف
افتراضي رد: بمناسبه دخول الموسم ادوار الصيد

[IMG]fishing E 64040836[/IMG]اخي العزيز ابو ياسين
السلام عليكم ورحمه الله وبركاته
شوف ياباشا * الراي ده نوع من اسماك النيل وهو شبيه بالبوري بس زيله احمر والزعانف ايضأ ودي الصوره
بس يارب اعرف ابعتها
__________________

اللهم اعني علي زكرك وشكرك وحسن عبادتك
elesessyatef غير متواجد حالياً   رد مع اقتباس
غير مقروء 11-04-07, 02:09 AM   #12
elesessyatef
صياد جديد
 
الصورة الرمزية elesessyatef
 
تاريخ التسجيل: Feb 2011
المشاركات: 13
معدل تقييم المستوى: 5
elesessyatef مستواه غير معروف
افتراضي رد: بمناسبه دخول الموسم ادوار الصيد

اخي ابو ياسين
شوف ياباشا البغال دي جمع بغله ودي الحوائط الخرسانيه اللي بتكون في الكباري وتستخدم للنزول
عليها اما البياض فده شبيه للقرموط بس بيكون لونه فاتح او مائل للاصفرار والدقماق شبيه البياض
مع فرق ضعيف والشيلان اشبه بأبو رياله بس بيكون لونها مسوود اما الأنومه بيسموها العرسه
ودي سمكه مستطيله وبقها رفيع وطويل زي أكل النمل
وعذرا لأني مش عارف انزل الصور
__________________

اللهم اعني علي زكرك وشكرك وحسن عبادتك
elesessyatef غير متواجد حالياً   رد مع اقتباس
غير مقروء 11-04-07, 02:57 AM   #13
eng_ahmed
صياد متفاعل
 
تاريخ التسجيل: Feb 2010
المدينه: مصر القاهره
المشاركات: 192
معدل تقييم المستوى: 6
eng_ahmed مستواه غير معروف
إرسال رسالة عبر Yahoo إلى eng_ahmed
افتراضي رد: بمناسبه دخول الموسم ادوار الصيد

ايتاذنا الجمل تسلم ايدك علي الموضوع الاكثر من رائع دة
وانا كنت بتمني اني استفيد من خبراتك وبعت لحضرتك رسالة علي الخاص
ويا ريت اتشرف بانك تضفني عندك
ودة ايميلي ahmed_tger_442@yahoo.com
__________________
لا الة الا اللة
eng_ahmed غير متواجد حالياً   رد مع اقتباس
غير مقروء 11-04-08, 02:51 PM   #14
hosam ibrahem
صياد متقدم
 
تاريخ التسجيل: Feb 2011
المدينه: الاسكندرية
المشاركات: 568
معدل تقييم المستوى: 7
hosam ibrahem مستواه غير معروف
افتراضي رد: بمناسبه دخول الموسم ادوار الصيد

الله ينور وربنا يزيدك علم ومشكور علي المجهود العظيم
hosam ibrahem غير متواجد حالياً   رد مع اقتباس
غير مقروء 11-04-12, 11:03 PM   #15
elnawawy
صياد متفاعل
 
تاريخ التسجيل: Apr 2010
المشاركات: 123
معدل تقييم المستوى: 6
elnawawy مستواه غير معروف
إرسال رسالة عبر MSN إلى elnawawy
افتراضي رد: بمناسبه دخول الموسم ادوار الصيد

رائع رائع جدا يا استاذ elesessyatef موضوع يدرس
elnawawy غير متواجد حالياً   رد مع اقتباس
غير مقروء 12-07-14, 07:54 PM   #16
osra26
صياد متفاعل
 
تاريخ التسجيل: Feb 2011
المدينه: الهرم
المشاركات: 101
معدل تقييم المستوى: 5
osra26 مستواه غير معروف
افتراضي رد: بمناسبه دخول الموسم ادوار الصيد

مجهود جميل والى الامام
osra26 غير متواجد حالياً   رد مع اقتباس
غير مقروء 12-07-14, 08:21 PM   #17
tamer farag
صياد متفاعل
 
الصورة الرمزية tamer farag
 
تاريخ التسجيل: Mar 2012
المدينه: الهرم
المشاركات: 81
معدل تقييم المستوى: 5
tamer farag مستواه غير معروف
Thumbs up رد: بمناسبه دخول الموسم ادوار الصيد

تسلم ياباشا وجزاك الله كل خير
__________________
سبحان الله وبحمده ----- سبحان الله العظيم
tamer farag غير متواجد حالياً   رد مع اقتباس
إضافة رد

sponsor links

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
ادوار لصيد اسماك جمدة عماد النجار صيد السمك 239 22-09-15 03:19 AM
صيد الموسم الماضي mohamed anwar صور وفيديو الصيد ورحلاته 20 15-07-11 05:59 AM
خير جنود الارض( بمناسبه عيد النصر ) المستشار الصيد العام 17 10-10-08 11:08 PM
يا جماعة الموسم بدأ وعايز اغير momo44 انواع الطرائد ومواسمها 37 10-09-27 09:26 AM
طلعات تجريبيه قبل الموسم mohamed anwar صور وفيديو الصيد ورحلاته 11 09-12-28 12:55 PM


الساعة الآن 10:33 AM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir