سؤال لاصحاب BSA Airsporter

[samraghost]

بسم الله الرحمن الرحيم

سؤال لاصحاب BSA Airsporter كنت هانزل بيها القاهره عشان اصلحها او اشوف فيها ايه لكن الاخوه فى المنتدى نصحونى مش دلوقتى لان فيه مشاكل فى القاهره دلوقتى ففكيتها وصوره السوسته والجلده عشان لو حد من الاعضاء يعرف اجيبهم اصلين من عند مين وبكام يا ريت يفيدنى



زى ماحضرتاكم شايفين جلده اول مره اشوفها بصراحه السهم الى تخت باين منه الجلده وفى المكان الى عليه سهم فوق كان فيه جلده تانيه زى دى بس شيلتها لانها كانت مهريه بس بصراحه الجزء الابيض ده مش عارف بيتشال ازاى والجلده بتتركب ازاى





ودى السوسته لما فكيتها لاقيتها 30 حلقه بس يا ريت الى عنده بندقيه زى دى او يعرف منين اجيب السوسته والجلده دول اصلين يقولى ولكم جزيل الشكر

[samraghost]

يا ريت يا جماعه حد يفيدنى

[عبده ناني]

أخي العزيز
ربنا يكرمك وتلاقي اللي إنتا عايزه ، وأنا هدلك في حدود علمي
أولا :
بالنسبه للجلود بتاعت البستم فمفيش أرخص منها علشان محدش من محلات السلاح يضحك عليك
خد الجلود القديمه وروح عند أي واحد بتاع كاوتش أو مسامير ، وقول له عايز أورننج زي ده هيطلعلك واحد في نفس مقاسه أو هيطلعلك شنطه بلاستيك وانتا تاخد المقاس اللي انتا عايزه.

ثانيا :
بالنسبه للسوسته لوعايز أصليه هاتها من على النت أو دور على حد من اللي بيجيبو سوست من الخارج وتكون واثق منه وتاخد واحده منه بتاعت ديانا 35 علشان بتركب عليها.
أو لوفي ليك حد في الدول العربيه ممكن يجيبهالك من هناك وهتدخل عادي .
أو أمرك لله وتشتري سوسته بلدي من هنا.
أو تعملها عموله عند أي حد بيعمل سوست الباكم بتاع السيارات وهتلاقيه في أي منطقه صناعيه إسأل عليه هناك بس متقولش لحد إنها لبندقيه علشان ميقلقش منك وممكن يرفع عليك السعر لأنها بتكلف 25 - 35 جنيه بس تنبه عليه إنه يعملها صلب عالي الكربون وإنشاء الله هتبقى تمام( وأنا بصراحه ده هو رأيي لحد ما تشوف طريقه تجبها من الخارج).
وربنا معاك ومعلش على كثرة الكلام.

[samraghost]

الف شكر على الرد والاهتمام

[samraghost]

طيب ممكن حد يدلنى على موقع بيبيع السوست والجلد دى

[samraghost]

يا ريت لو حد يعرف يقولى

[Mohamed Mahmoud]

كلمنى 0145047060

[dr mohamed kamal]

المشاركة الأصلية كتبت بواسطة samraghost

يا ريت يا جماعه حد يفيدنى

أخى العزيز السوستة موجودة عند ميشيل عازر ب 150 ج و الجلدة الامامية دى سيل أستك و غالبا بيكون سليم و من الصور هو سليم ومتغيروش ,أما بخصوص فك الجزىء الالمونيوم الامامى ففكه كالاتى ,حتلاقى بنز صغير فى خرم {واضح جدا فى الصورة بجوار السهم الخلفى الموجود بلاعلى الخرم أمامه مباشرة للامام وخلف السيل الامامى للخلف} حتجيب مسمار رفيع وتدخله فى الخرم ده وتدق عليه بالراحة حتلاقى البنز خرج من الناحية الاخرة للخرم ,تشدة بكماشة ,حتلاقى القطعة الالمونيوم خرجة معاك ,أما الجلدة دى مش موجودة نهائيا , تعمل واحدة أحسن,تروح عند بتاع كوتش سيارات وتقوله أنا عايز حتة كوتش من التى توضع على الجنت الداخلى للسيارات النقل الخفيف ,ودى سمكها حوالى 6مم وتفصل واحدة بنفس السٌمك,خلى بالك الحتة الكوتش دى ببلاش ,و لو بتاع كوتش نتن حيدهالك بجنيه ,الحته دى ممكن تعمل منها 20 إلى 30 جلده ,تحت أمرك حبيبى أسئلك الدعاء لى بالشفاء

[samraghost]

ربنا يبارك فيكم يا احلى منتدى

[samraghost]

انا عملت زى ماحضرتك قلت لى ودخلت مسمار فى الفتحه الصغيره ودقيت عليه لكن ماحصلش اى حاجه والبنز ماطلعش انا متهيا لى الفتحه دى مقفوله من جوه مش موصله للبنز من الناحيه التانيه ومش عارف اعمل ايه

[dr mohamed kamal]

المشاركة الأصلية كتبت بواسطة samraghost

انا عملت زى ماحضرتك قلت لى ودخلت مسمار فى الفتحه الصغيره ودقيت عليه لكن ماحصلش اى حاجه والبنز ماطلعش انا متهيا لى الفتحه دى مقفوله من جوه مش موصله للبنز من الناحيه التانيه ومش عارف اعمل ايه

حبيبى دق متخافش حيطلع البنز بس دق من الناحية الاخرة مش من ناحية راس البنز يعنى من الناحية إلى البنز مش باين منها و حيطلع إن شاء الله و راعى أن يكون المسمار رفيع يعنى ميتحشرش فى الخرم ,وأنا معاك لغاية ميتفك