نصيحة لوجه الله التحرى قبل الشراء

[Youssef]

google.com, pub-6304982442212873, DIRECT, f08c47fec0942fa0 يا جماعة نصيحة لوجة الله اللى معروض عليه تليسكوب لازم يدخل على الموقع الرسمى للشركة المصنعة Bushnell أو Leaper أو Gamo أو BSA الخ الخ ويشوف الموديل اللى معروض عليه ده له أصل فى منتجات الشركة المصنعة أو لا لأن السوق مليان تليسكوبات بتلاقيها نفس الشكل ومرة مكتوب عليها Bushnell ومرة BSA ومرة ومرة ............
على فكرة أقل تليسكوب Bushnell أصلى لا يقل عن 200 دولار وياريت محدش يتغر بالأسعار القليلة ........ شكراً

[momo44]

جزاك الله خيرا على النصيحة
وربنا يجعلها فى ميزان حسناتك

[هشام سمير]

جزاك الله خيراً
وانا والله جبت اسكوب اعتبر ما استخدمته ومرمى عندى فى الدرج من يوم ما جبته

[محمد حافظ]

ألله ينور عليك و أحب أضيف أن يوجد ألآن ألآت للحفر على ألحديد و ألخشب و معظم ألخامات تعمل بألليزر و منتشرة و سعرها معقول بالنسبة لآمكانياتها ألجبارة فى ألغش ألتجارى و تستخدم ألآن على مدى واسع يعنى ممكن تحضر منتج مجهول ألمنشأ و تكتب عليه صنع فى ألمانيا أو أليابان لذا أفحص ألسلعة جيدا و دقق لكى تتحقق من منشأها و ألله ألموفق

[هشام سمير]

المشاركة الأصلية كتبت بواسطة محمد حافظ

ألله ينور عليك و أحب أضيف أن يوجد ألآن ألآت للحفر على ألحديد و ألخشب و معظم ألخامات تعمل بألليزر و منتشرة و سعرها معقول بالنسبة لآمكانياتها ألجبارة فى ألغش ألتجارى و تستخدم ألآن على مدى واسع يعنى ممكن تحضر منتج مجهول ألمنشأ و تكتب عليه صنع فى ألمانيا أو أليابان لذا أفحص ألسلعة جيدا و دقق لكى تتحقق من منشأها و ألله ألموفق

مهما كانت مشركاتك بسيطه فهى مفيده جداً
لك منى عظيم التحيه

[eng_ahmed]

ربنا يباركلك علي المعلومات القيمة

[المستشار]

انا اعتقد اصلا ان مافيش طرائد فى مصر محتاجه منظار وذلك يرجع الى بيئه الصيد المصريه غالبا بنصطاد فى مناطق ضيقه ومغلقه يعنى مش هتضرب ابعد من 80 متر وده مش محتاج منظار كما ان المنظار يؤدى الى صعوبه التنقل السريع بالسلاح فى الفضاء او بين الاشجار وانا من المدرسه القديمه اللى بتحب ظبط النيشان والضرب من غير منظار وعند استخدامى المنظار قل عدد طرائدى بسبب البطئ فى البحث بالنسبه الى العين المجرده اللى بتلمح وبتستوعب مساحه قطريه اوسع ودى وجهه نظر متواضعه يجوز انها تختلف مع وجهه نظر الاخرين وبسال المهندس بتاعنا جبت الاير كينج ولا او تفرط فى هذا الاختيار بصراحه هتتمتع حاجه تانيه خالص قوه الالمانى ودقه بنادق الرمايه
ولاخوانى اطيب امنياتى وارق تحياتى

[القناص2010]

والله الواحد مش عارف يلاقيها منين ولا منين لنا الله

[momo44]

المشاركة الأصلية كتبت بواسطة المستشار

انا اعتقد اصلا ان مافيش طرائد فى مصر محتاجه منظار وذلك يرجع الى بيئه الصيد المصريه غالبا بنصطاد فى مناطق ضيقه ومغلقه يعنى مش هتضرب ابعد من 80 متر وده مش محتاج منظار كما ان المنظار يؤدى الى صعوبه التنقل السريع بالسلاح فى الفضاء او بين الاشجار وانا من المدرسه القديمه اللى بتحب ظبط النيشان والضرب من غير منظار وعند استخدامى المنظار قل عدد طرائدى بسبب البطئ فى البحث بالنسبه الى العين المجرده اللى بتلمح وبتستوعب مساحه قطريه اوسع ودى وجهه نظر متواضعه يجوز انها تختلف مع وجهه نظر الاخرين وبسال المهندس بتاعنا جبت الاير كينج ولا او تفرط فى هذا الاختيار بصراحه هتتمتع حاجه تانيه خالص قوه الالمانى ودقه بنادق الرمايه
ولاخوانى اطيب امنياتى وارق تحياتى

انا كنت نويت عليها خلاص
بس ظهر امامى ال48-52 ايه رأى حضرتك فيها
بس مشكلتها الوحيدة ان الدبشك بتاعها من غير مخدة ومفيش عليه الخشخان(النقوش) يعنى زى دبشك ال 48