حسبى الله ونعم الوكيل فى ( القناص العالمي)

[Top]

السلام عليكم ورحمة الله وبركاته

الأخوه الأفاضل الكرام اعضاء منتدنا الغالى ... تحيه طيبه وبعد ....
انا عضو جديد هنا عرفت المنتدى عن طريق بعض الأخوه الكرام ..... والحمد لله اشتركت هنا من فتره قريبه واتعرفت على ناس محترمين جدا مثل ( استاذ/ طارق الأداره ومحمد ابو سيف وخالد والمدمر واحمد ما زنجر ) وعرفت انهم اشخاص محترمين للغايه ويوجد اعضاء اخرون فى غايه الاحترام وبكل صدق وربنا شاهد على كلامى ....... انا دخلت بحسن نيه وعملت موضوع وفعلا كنت معايا عينات من البضاعه ... وعملت الأعلان وابتديت اتلقى بعض الأتصالات .....

حصل بعد كده ان ( القناص العالمى ) العضو اللى داخل بالأسم ده اتصل وطلب منى مطواه وفعلا قولته تمام واديتوا مكانى والعنوان وقالى انا جاى واسمى عبد الرحيم ...... اتأخر هوا فى المجى شويه وخلصت بعض الشغل اللى كان فى ايدى .... وقولتله كلمنى قبل ما توصل بنص ساعه اجهزلك الحاجه واجى لحد عندك واقابلك ... وكل الموضوع كانت مطوه سوسته ب150 جنيه .... تمام لحد كدا .....
اتصل بيا متأخر .. وقالى انا فى المكان الفلانى .... قولته تمام استنانى فى المكان وانا قريب منك على اساس انى هروح اجيب البضاعه من شقه المورد ( حصل اللى حصل وروحت اجيبها والحمد لله انها جت فى البضاعه بس وطلعت انها مش شقته ولا حاجه ) المهم اتحرجت جدا من نفسى .... اتصل بيا (القناص العالمي) رديت عليه بكل شياكه واحترام واتأسفتله جدا ووعدته بأن ليه منى وحده من غير اى فلوس وهجيبها لحد عنده ( تعبيرا منى عن اسفى وانى خليته يجى المشوار على الفاضى ) ودا كان غصب عنى طبعا وربنا شاهد على كلامى ده اقسم بالله العظيم ........ تمام لحد كدا .......
قالى خلاص مفيش مشكله وزعل شويه وخليت صديقى اللى معايا يتأسلفه كمان لنى صديقى ده من العمرانيه فى الجيزه ..... ولقيتها فرصه ان صديقى يروح يديهالوا لحد عنده ... وتمام وزيى الفل وقفلت معاه ... دخلت على المنتتدى طلبت غلق الموضوع وكتبت انى اتنصب عليا ( انام واصحى افتح النت وادخل على المنتدى ) الاقى العضو المحترم (القناص العالمي) داخل وعمال يحلف ويقسم انه اتنصب عليه وسء سمعتى هنا وباقى الأعضاء اللى يعرفوه دخلوا كمان وأمنو على كلامه واتهمونى ظلم من غير ما حد يعرف ايه اللى حصل ... وطبعا هوا كاتب قصه طويله عريضه وفيلم هندى رهيييييب 3 ساعات واتهمات ووظلم وافترى .......... وطبعا مكتوب كلام جميل جدا وطلعت انى نصاب كده بالعافيه .... وطبعا انا عمرى ما هسامحه خالص لا هوا ولا باقى المحترمين اللى دخلوا واتهمونى بدون اى وجه حق ..... هل الكلام ده ينفع ...... هل يا جماعه بعد كل اللى قرأتوه ده انا يتقال عليا نصاب .؟؟؟؟ اقسم بالله ماكانش فى دماغى ان ده هيحصل خالص ولا ان ( المورد ده هينصب عليا ) ..... حسبى الله ونعم الوكيل

وعايز رأيكم يا جماعه فى اللى حصل ده وكمية الاتهامات الباطله دى وكمية الشتايم اللى وصلتنى على الموبايل بتاعى لأنه خلاص (صنفنى بلطجى ونصاب وحرامى ) وكمان وزع رقمى ........ ياريت حد يرد عليا ويقولى انا غلطت فى ايه فى كل ده .......... وفين النصب اللى حصل ؟؟؟؟ واسف على الاطاله وفعلا هوا سوء سمعتنى بالباطل ..... لأنه هوا اللى شخص مغيب ومعندهوش ضمير لأن محدش وجهله اى كلام نهائى .. مستنى الردور منكم

[tata_basha]

و الله حضرتك الي غلاطان من البدايه عشان تبيع سمك في ميه و مدام الحاجه مش معاك يبقي تبعها ليه و تتكلم عليها ؟؟؟
و اظن ان ديه واحده بس فا مش محتاجه. مورد مش ٢٠ واحده
المهم عفا الله عما سلف بس الراجل ده ليه حق عندك و انته لسه معاك فرصه تثبت حسن نيتك
و محدش بيتعلم ببلاش

[Compact]

هو مين ده اللى مغيب و معندوش ضمير !!!!

الراجل ده (القناص العالمى) له عندك حق عرب زى ما بيقولوا .

و لو كنت روحتله و قابلته من غير اى مطاوى و شرحتله اللى حصل ده اعتقد انه عمره ماكان حيزعل منك ابدا.

و انا لا اعرفك ولا اعرفه , بس فعلا الراجل ليه حق عندك.

[Top]

طيب فى اكتر من انى قولتله ...... اول ما هجيب فعلا ليك عندى واحده من غير اى فلوس وهوصلهالك لحد عندك .... ولا انت مقرأتش الموضوع كويس ؟؟؟؟؟

[Compact]

المشاركة الأصلية كتبت بواسطة top

طيب فى اكتر من انى قولتله ...... اول ما هجيب فعلا ليك عندى واحده من غير اى فلوس وهوصلهالك لحد عندك .... ولا انت مقرأتش الموضوع كويس ؟؟؟؟؟

كده عداك العيب و أزح

[sayedlabib]

يعنى حضرتك مش واخد اى فلوس من القناص العالمى

[Top]

اقسم بالله ولا شوفته ولا اعرف حتى شكله ايه ... فلوس ايه بس دا كل الفيلم ده عشان المعاد اللى ادتهولو مجتش ليه ولا قابلته واتصلت اتأسفتله بس نعمل ايه فى انسان معقد وبيحب يعمل افلام وقصص وروايات ... وفعلا حسبى الله ونعم الوكيل فيه

[medozs]

يا جماعه قدروا الموقف الراجل برضو اتنصب عليه والمورد ضحك عليه بس برضه الراجل ليه حق ولازم تراضيه

وبعد كدا حضرتك دا درس ليك واعررف ان الراجل بيتربط من لسانه

وتبعش سمك فى ميه وع العموم حصل خير ومفيش داعى لموضوع الاتهامات وتسوئ السمعه دا

[القناص العالمي]

اولاً انا احب اوجه حاجه للعضو توب انت حضرتك بتقول العضو او الانسان المحترم القناص العالمي انا اللهم لك الحمد انا محترم جدا و الناس اللي شافتني و اتعاملت معايا قالو كده مش انا اللي بقول
ماشي دي حاجه الحاجه التانيه حضرتك بتقول الناس المحترمه اللي ردت عليه بيؤدوا كلامه هما معايا في كلامي علشان خاطر هما عارفين مين هو عبدالرحيم و نصهم اتعامل معايا
ماشي و علي فكره هما فعلا برده و لله الحمد محترمين جدا سواء اللي رد عليا او اللي مردش عليا لان المنتدي ده مبيضمش غير الناس اللي علي خلق و الناس المحترمه
بس انت باين عليك دخلت غلط او كتبت اسم المنتدي اللي انت كنت داخل فيه غلط فدخلت علي المنتدي ده و خلاص
ماشي و بعدين انت بتقول اني انا عملت فيلم هندي و 3 ساعات و مش عارف ايه

حسبي الله و نعم الوكيل

طيب هو انا بيني و بينك حاجه يا برنس علشان اسوء سمعتك ده انت حتي اول ما دخلت المنتدي و عملت موضوع بتقول فيه انك عضو جديد قولت لك يا باشا انت نورت الدنيا كلها مع اني و الله مكنت شوفتك ولا اعرفك و بعدين الاخ اللي كاتب انك تقعد معايا في قعدت عرب طبعاً انا متشكر ليه جدا بس انت متعرفش يعني ايه قعدة عرب انت لو قعدت معايا في قعدة عرب مش هبيعك بيتك بس ده انا هبيعك ؟؟؟؟؟؟؟؟

لاني انا عرباوي من قبيلة هواره من محافظة قنا و بقعد في قعدات عرب و عارف الدنيا ماشيا ازاي

و بعدين انا بقول كفايه بقي قلة ادب لحد كده لأن النتدي ده للصيد و التعارف علي الصيادين المحترمين مش علشان تصفية حسابات و ناس تشتم في بعضيها و الفاظ خارجه زي ما انت بتقول كده في الاقتباس

(ولو فعلا انت زيى ما بتقول انا نصاب يبقا كنت هكمل الموضوع تمام وهتلبس منى احلى خازوق )

ده اللي انت قولتهالي في الاقتباس بتاعك مش ده برده كان ردك

عيب اوي بقي الصيد و الرمايه دي رياضه و الرياضه اخلاق مش شتايم وقله ادب و عدم وجود احترام

انت دلوقتي هتقول لي طب ما انت اللي بدات هقول لك و الله انا عامل الموضوع ده مش قصدي اهينك و لا حاجه بس علشان مينفعش اقع انا في موضوع نصبه او حوار و منبهش اصحابي اللي في المنتدي

و بعدين حضرتك لا تتعرض لنصب و لا حاجه من المورد انت اغلقت الموضوع علشان حاجه من اللي اتنين

1 يا امه كنت هتقول اني انا نصبت عليك و دي طبعا اغلب الناس اللي في المنتدي اللي عارفاني مكنتش هتصدقك خااااااااااااالص لانهم هما عارفين مين عبدالرحيم و اللي عنده و عند ابوه قد ايه الحمدلله علي النعمه اللي اعطاها الله لنا

2 يا امه اانت قولت اعمل كده علشان احسسه اني فعلا كنت صادق معاه لاخر لحظه و بعد كام يوم تعمل موضوع وهمي تاني و توقع فيه حد من الاعضاء تاني و تغلق الموضوع و تعمل الموضوع تاني و هكذا تقعد بقي تتسلي علينا

و انت بتقول اني انا رميت بلايا عليك انا برمي بلايا علي الناس روح يا شيخ الله لا يسامحك انت فعلا و الله ابجح شخص شو فته في حياتي

و في الاخر احب اقول لك او اعرفك معني (حسبي الله و نعم الوكيل)
اولاً دي مش دعوه

دي معناها
يارب هات لي حقي من الظالم المفتري اللي ظلمني و نصب عليا او بمعني اخر بيقولها المظلوم وانا لو كنت ظالمك يبقي فعلا حسبي الله و نعم الوكيل فيا

حسبي الله و نعم الوكيل

[القناص العالمي]

وعلي فكره يا جماعه الراجل مخدش مني اي فلوس

انا مشفتهوش اصلا امال انا بقول لكوا عملي حوار ازاي يا جماعه اقروا اخر سطر من موضوعي و انتوا تعرفوا يعني ايه نصب

[arrowexpress]

حوار فاشل جدا ونرجوا من الادارة غلق الموضوع

[الرحاله]

خلاص بقى............. والا الواحد لازم يشخط فيكو