مين شارك فى اللجان الشعبية...من فضلك إحكى تجربتك

[BERETTA M92FS]

هل شاركت فى اللجان الشعبية ؟ ممكن تحكى تجربتك ؟
استفدت منها ايه ؟
هل عاد الامان فى منطقتك ؟ هل مازلتم تسهرون على الحماية ؟
هل صادفت مواقف صعبة ؟ هل كنت تتمنى وجود سلاح نارى مع احد منكم ؟
موضوع مؤلم....معلش....لكنه لم ينتهى بعد

[KASWARA635]

أخوكم سسسسس شاركت في اللجان الشعبية وقبضنا على 13 سيارة ملاكي وفان مليئة بالرجال ومعهم أسلحة آلية وقنابل وأغذية مسمومة وعندي 3 أفلام فيديو لأثنين منها في منطقة واحدة وقص عليناأحد الأصدقاء في منطقة حلوان ايضاً عشرين سيارة وفي منطقة التحرير .المهم لنافصح عن شيء حتى الآن لأنني منتظر المجلس العسكري يقول تفسير لهذه الأحداث لأن الذي يجري في مصر يثبت بأن المجلس العسكري أعادهم مرة أخرى للشارع المصري وهم وراء كل تخريب مصر بدليل
1- التكتم الشديد على هذا الموضوع ودون إثارته حتى الآن .
2- في قوة تحاول تخريب مصر مرة تحرق مصالح وأخرها بالأمس شيء لا يمكن يفعله مصري ولو كان من الحزب الوطني مزرعة على مساحة 600 فدان لتصدير الفاكهة يتم إحراقها عن عمد ليه
3- حرق مساجد وأضرحة لأهل البيت بين المنوفية واالقليوبية وتهديد الناس بعدم الجلوس على المقاهي وضرب سيارة رئيس الوزراء في مظاهرة السلفية أمام مجلس الشعب وتكسير سيارته ن أجل كاميليا شحاته اللي كلنا واثقين وبلا شك أنها قتلت يعني في مؤشرات تدل على أن المجلس العسكري هايودي مصر في داهيه وهو يعلم . عرفناهم ازاي إنهم إسرائيليين

كانت حادثة طعام يوزع على اللجان الشعبية بمنطقة عين شمس لنا فيها اقرباء وفي الفجر جاءنا تليفون إن في ناس بيوزعوا أكل مسموم على اللجان فانتبهوا خلاص
وعلى الظهر ظهرت سياراتان فيهما رجال ومعهم بنت معهم طعام فأوقفشم الشباب ووجدوا معهم أطعمة فقالوا لهم من فضلكم أيه ده قالوا أكل هانوزعه على شباب التحرير فقالوا لهم كلوا منه فرفضوا هنا تم القبض عليهم وبتفتيش السياراتان وجدنا فيهما قنابل وبنادق آليه المهم وبتفتيشهم ذاتياً وجناهم مكمرين باسبورتات مصرية أمام كمر البنطلون الأمامي وبتفتيشهم عثرنا على باسبورتات أخرى في الخلف على مقعدتهم داخل البنطلون وبسؤالهم قالوا إحنا من عرب 1948 والإجابات جاهزة ماطولش عليكم نادينا الجيش فأمسكهم وحبسهم في مكان ما حتى جاء أوتوبيس بعد عدة ايام لأنهم كانوا كثيرين ومعهم أوتوبيس و13 سواق وساقوا السيارات وذهبت إلى جهة مجهولة لدينا ولا نعلم أي شيء بعد ذلك إلا تخريب مصر في كل مكان دون حراك من المجلس المحسوب على الجيش المصري البطل الطاهر الذي ضحى من أجل مصر مرات كثيرة والله الواحد قلبة يعتصر دماً لما نتذكر هذه الوقائع التي لا تريح القلب وتجعلنا نرى مصر ذاهبة إلى المجهول ونحن نشاهد الخيانة والعبث دون حراك لا وأيه دخل على الخخط السلفية عرفتم مين همه الآن شكراً وىسف على عدم التوضيح أكثر من ذلكلأنه موضوع حساس جداً حتى الآن والأيام هاتبين في أيه وهاتكشف كل حاجة

[BERETTA M92FS]

اتشرف بمشاركتك الاولى فى المنتدى.......يا كوماندوز

[zmbugany]

انا شفت الجيش قبض على عصابة كانت ايام الازمة بتستغل ان مفيش مواصلات ولا قطارات بين اسكندرية والصعيد وعشان كدة الى كان بيركب الاتوبي بيدفع اتاوة عشرين جنية جة الجيش ومسك العصابة وعبط رئيس العصابة امامى وبعد كدة اختفى الراجل دة لاراة امامى اول امس بينظم المرور يعنى بيمنع التكاتك انها تمش عكس
بس المفروض ان المحاكم العسكرية كانت تقبض علية وتحبسة مش تتطلعة للناس تانى لان الى عملة دة بلطجة
ولا اية

[jamayka]

المشاركة الأصلية كتبت بواسطة BERETTA M92FS

هل شاركت فى اللجان الشعبية ؟ ممكن تحكى تجربتك ؟
استفدت منها ايه ؟
هل عاد الامان فى منطقتك ؟ هل مازلتم تسهرون على الحماية ؟
هل صادفت مواقف صعبة ؟ هل كنت تتمنى وجود سلاح نارى مع احد منكم ؟
موضوع مؤلم....معلش....لكنه لم ينتهى بعد

احييك عالموضوع الجميل ده و فكرة اكتر من رائعة ..
نعم شاركت فى اللجان الشعبية (امال الاجازة راحت ف ايه)
من تانى يوم فى موضوع اللجان الشعبية قسمنا اللجنة مناوبات خلينا الناس الكبار اللى مش بينزلو شغل او مش عندهم مشاوير ينزلو نبتشية الصبح (من 8 الصبح الى 2 الظهر) و اللى يتعب يكلم حد من الفاضيين ينزل مكانه (بعد ما كل شباب و رجالة المنطقة خدو ارقام بعض) و النبتشية التانية تستلم منهم من 2 الى 8 او 9 بليل (دى كانت اهدى فترة و اقل الفترات تعب) نيجى للنبتشية التالتة و دى كانت للشباب اللى لسه بصحتهم من 9 بليل لحد 7 او 8 الصبح و دى كانت اكتر فترة ملائمة ليا بحكم مواعيدى و الشغل و كده (اضافة لأنى كائن ليلى كنا نتجمع كل يوم فى معادنا و نتمم على الحضور (كان فى كشف بالاسامى و ارقام الموبايلات للحضور) و البرد الله ينور بوظ عضم الواحد و النار بوظت صدرنا برضو
منطقتنا الى حد ما كانت شبه مستقرة اللهم الا تلات مرات حصل قلق اول مرتين كانو من عربيات الاولى ميكروباص فيه حوالى 5 بلطجية او 6 بس الحمدلله ملحقوش ينزلو من العربية و هربو
المرة التانية كانت عربية ملاكى الكمين اللى قبلنا شك فيها و لما حاولو يفتشوهم جريو بالعربية و خبطو شاب من اللجنة بس البركة فشباب المنطقة و كل من كان معاه سلاح قفلنا لهم السكك و سيبنالهم طريق واحد (يطلعك على وحدة عسكرية جمبنا )
بالنسبة للمواقف الصعبة اظن محدش من اللى نزلو اللجان الشعبية فكر ان فى حاجة هتكون صعبة و السبب بسيط 95% من شباب اللجان الشعبية كانو متسلحين بشوم او اسلحة بيضاء و حاجات بسيطة عارفين انهم هيواجهو بيها اسلحة نارية يعنى يا قاتل يا مقتول و نية الشهادة خالصة لربنا
و اسمحلى مهما كان الواحد اتعرض لموقف صعب كفاية اوى انك تلاقى اهلك فى البيت نايمين و نفسيتهم الى حد ما هديت دى بالدنيا
نوصل لاخر سؤال
انا اتصدمت صدمة عمرى لما شوفت كمية السلاح اللى فمنطقتنا والله حاجة تفرح مسدسات 9 مم ميرى و مرخص و بندقية الى (بتاعت ظابط كبير والد صاحبى و بندقيتين خرطوش منهم واحدة اتجننت بسببها pump action و خبراء المنتدى يعرفو قيمتها و فعاليتها
و اخيرا اسف انى طولت عليكو انتو اللى سألتو مليش دعوة

[fidodido]

الصراحه انا شاركت و كل الى حصل ان احنامسكنا حوالى 8 كان هاربنين من السجون و عربيه كان فيها الى

[المهندس]

و الله نية الشهادة كانت متوفرة لشباب متسلحين بالايمان و قوة العزيمة مقابل الاسلحة النارية و جاء المدد من الله بعربة مدرعة لحفظ الامن والله صدقق الحبيب المصطفي حقا نحن خير اجناد الارض كما قال النبي صلي الله عليه و سلم

[unknown]

اعتقد ان مفيش حد فى مصر مشاركش فى اللجان الشعبية
فى بورسعيد الدنيا مكنتش سودة اوى والحمدلله الشباب فيهم البركة كانوا رجالة فعلا
الحقيقة انا مكنتش متوقع كدة وكنت متخيل ان مع اول خزنة هتنضرب علينا كله هيجرى
وفعلا كله جرى ولكن فى اتجاه ضرب النار وليس العكس
الحقيقة كانت حاجة تفرح واكيد بتثبت ان شباب مصر كلهم خير وبركة
فلم يبالى احد منا بأنه قد سيتعرض لرصاصة ولكن كل ما كان فى رأسى وقتها هى ان اقتل هذا السافل
الذى ارعب اهل بيتى واطفالى وجعلنى اراهم يبكون وانا انزل الى الشارع يوم جمعة الغضب
الحقيقة الفترة دى الواحد كان دموى جدا والى كنا بنمسكه كنا بنسلمه للجيش جثة وغالبا كان الجيش
بيرفض استلامه وكنا بنصلى عليهم ثانى يوم الظهر وندفنهم
ربنا ما يرجعها ايام

[kimokono]

طبعا شاركت وهل فيه حد فى مصر ما شاركش ؟ انا من مدينة العبور فى الحى السادس - قفلت الشوارع اللى فى المنطقة بمتاريس علشان العربيات ما تدخلش زى ما انا فاكر من ايام الجيش وعرفنا النظام اللى كان ماشى مع البلطجية كان لازم يبعتوا موتوسيكل كشاف قبلهم طبعا علشان يقول لهم ايه الاخبار وخاصة فين اماكن السلاح علشان ما يدخلوهاش والمرة اللى كانت خطر بجد كان ميكروباص فية 3 الى دخل على اول لجنة فى الشارع وحاول يدوس شاب فيهم - اتعاملوا معاه ببندقية خرطوش تشيكى سرها باتع اول طلقة نزلت كل الزجاج بتاع الميكروباص تانى واحدة كنا كلنا وصلنا عند الحاجز وضربن كلنا نار علية - الردياتير اتخرم واللى جوه جابوا زيت وهربوا مع دخول سيارة قوات مسلحة قبضوا عليهم .

[osha966]

طبعا أنا شاركت فى الجان وكنا بننام الساعة 7 صباحا يوميا وتمكننا من ضبط 4 مسجلين خطر هاربين مسلحين وعدد من سيارات الميكروباص والنص نقل بها مساجين هاربين وبلطجية كانو متجهين الى ميدان التحرير يوم الأربعاء 2-2 -وأعتقد ان الشباب المصرى قام بملحمة عظيمة لا تقل عن ملحمة أكتوبر وأعطى درس لا ينسى للبلطجية و الى كل متهاون ومتراخى من رجال الشرطة-فما فعلوه الشباب فى الجان الشعبية ماكان ليقوم به اى قوات شرطة ولا حتى الصاعقة..ولكن للأسف المواطنون الشرفاء كانو يفتقرون للسلاح الحقيقى وكانو يجابهون السلاح الآلى بشوم وسكاكين مطبخ..ودا طبعا من مهازل النظام المصرى فقد عمد الأستعمار منذ عهد الأنجليز على منع تسليح الشعب وتشديد اجراءات ترخيص السلاح ..وتبنت النظم المتعاقبة هذه الفكرة تدريجيا حتى يتم تدجين الشعوب خاصة الطبقة الوسطى المثقفة وضمان عدم انقلابها على المستعمر او النظام الحاكم..ومن ثم أنتشر السلاح الغير شرعى والمهرب فى ايدى الخارجين على القانون وشكلو ميلشيات مسلحة تعيث فى الأرض فسادا..منذ سنين عديدة ..ولا عزاء للشرفاء

[oeno]

ثمانى ايام كانها الايام الحسوم الهم عافينا اجمعين و لا تاخذنا بذنبنا
من السبت الى السبت
تم اغلاق المريوطية هرم من اول شارع ترسا هذا كما اعلم الى الحرانية
اما بالنسبة للمنطقة اللتى اسكن فيها فتم غلقها كلها و اصبحت سكنة عسكرية
اكثر ما اعجبت بة العمارات اللى خلف موقف الاتوبيس فى المريوطية
نزل جميع الرجال الموجودين من اول يوم و عقدو اجتماع موسع لكل الساكنيين و تشاورو فى امرهم و اتخزو قرار جماعى و صوتو علية و فرزو الاصوات و اقرو القرار و التزم بة كبيرهم و صغيرهم على السواء
الا وهو بانهم فى الشارع لمدة اربعة و عشرين ساعة و الى امد غير مسمى حتى اشعار اخر
كيف؟
تم عدد الرجال و الشباب المتجاوزين سن الخامسة عشر و تم معرفة عددهم بدقة و معرفة تجهيز كل فرد فيهم و عدتة التى بحوزتة بشكل دقيق
ثم تم جمع السلاح كلة فى مكان واحد و ما ينفع من المطابخ المصرية فى الاستعمال
ثم تم توكيل اثنين منهم بها على ان يستلم كل مجموعة السلاح فى نوبة الحراسة و يسلمة فى اخرها و الزيادة يبقى عند الوكيلين لحين حدوث طارىء
و بعد ذلك تم تقسيم الرجال و الشباب الى ثلاث فرق على الاربعة و العشرين ساعة حراسة كاملة
من الشارع حتى فوق اسطح المنازل
على ان يبيت الفرقة اللتى عليها الدور فى المسجد فى فترة الليل او ان يتواجدو فى اقرب مكان للشارع فى فترة النهار .
ولا يذهب احد من السكان بمفردة لشراء اى شىء دون حراسة او من بنات هذة العمارات لشراء شىء دون الحراسة الفعلية.
من اجمل المظاهر التى رايتها
اصبحو اخوة ليس الرجال انهم اخوة بالفعل بل شباب المنطقة و بناتها
لا تجد فتاة تمشى بمفردها الا و قمت فزعا تمشى امامها لحماية طريقها
اما عندنا فلقد حققنا الرقم القياسى فى عدد الاكمنة فى شارع واحد لا يتجاوز ال150 متر
ففية 25 كمين و كل كمين فية قرابة 8 الى 15 فرد
ناهيك عن السلاح المستعمل كل انواع السلاح المعروفة و المجهولة كانت موجودة و شاهدة على الموقف
لذا كان لا يستلزم التنظيم انهم متاهبون بالفعل

[kemohabib]

طبعا شاركت وفي منطقتين كمان كل واحده ليها طابع مختلف دار السلام وحلوان بحكم شغلي كنت بحب ورديه حراسه الليل في دار السلام الشباب في الشارع بالسنج بعدد رهيب وتم ضبط عدد كبير من الخارجين علي القانون
بس ماسلمناش غير جثث مبهدله ومكانش في تنظيم لكثره العدد في حلوان الوضع مختلف العدد اقل بس اكثر تسليحا وتنظيما لجان متتاليه بينها اشاره دائمه التغيير كرفع مساحه زجاج السياره التي تم تفتيشها ومسكنا 3 ميكروباصات فيها هاربين من السجون وتم تسليمهم للدبابه احياء للاسف اجمل يوم اللي فتشنا فيه معاون مباحث حلوان وتم معاملته بمنتهي الحزم والادب لانه كان حيتجنن ان احنا بنفتشه هو وعربيته غير عابئين بانه معاون مباحث (كنت شمتان فيه وبعسفه) واليوم اليي ضربنا فيه نار علي الميكرو باص لحد ما وقف وسلمنا كل اليي فيه للدبابه انا اتمني نرجع اللجان الشعبيه تاني قال رسول الله عليه الصلاه والسلام (عينان لا تمسهما النار يوم القيامه عين باتت تحرس في سبيل الله وعين بكت من خشيه الله) عذرا للاطاله

[صقر ابوحسانين]

السلام عليكم ورحمه الله اخوانى الاعضاء دى اول مشاركه ليا وعجبنى الموضوع ده وحبيت احكى عن الموقف اللى اتعرضت فيها مصر كلها لوضع لايحسد عليه اى شخص اولا انا من المنيا (الصعيد) طبعا الف باء عندنا قبل المدرسه بتعلم ابنك اذاى يفك وينظف البندقيه الالى (كلاشنكوف) ويضرب بيها وهنزل فيديو دليل على كلامى فى اليوم المشئوم اللى حصل فراغ امنى فيه على حين غره الساعه حدود 1:30 مساءا فوجئت باخويا وصديقى رضا بيتصل بيا وبيقولى الحق الدنيا خربانه والشرطه هربت والحراميه جايين على البلد المهم فى ثوانى غسلت وشى وكن جنب السرير شبح وحزنتين و100 طلقه اخدتهم ونزلت على طريق مصر اسوان الزراعى لان بلدنا عليه تماما
فوجئت الناس كلها بره بالسلاح الالى ذى الرز ههههههههه وبندقيه امريكانى m16 وجليل اسرائيلى جرار شمال وقفنا على الطريق واتصلوا بينا الشرطه قالوا دافعوا عن بلدكم بشتا الطرق والوسائل والسلاح خليكم رجاله بعد كده ظهروا بلطجيه بعربيات تاكسى ونصف نقل جامبو قاصدين السطو على محلات الذهب فى المدينه قبل مننا ب سبعه كيلو اصحاب المحلات ضربوا نار والسلاح الالى كان اكتر من الشرطه بكتير المهم العربيات هربت وتوجهت للبلد عندنا ذخيره كتيره بالزنكات كله سحب الاجزاء وضرب كانت عباره عن معركه حربيه فى الهواء الحراميه شافوا المنظر فى الخلعون بدانا نقسم نفسنا على مداخل البلد ومخارجه سلاح كتير وكله عاوز يحمى اهله وعرضه المهم ربنا سترها والفجر لقينا عربيه ملاكى فيها ضباط امن الدوله والمباحث جاءت وحيوا الموقف تماما وقالوا شدوا حيلكم اوعوا البلد ومشيوا ولكن الحقيقه لم يهرب ضابط واحد من البلد ولا الصعيد عندنا رغم الاسوه بتاعه الشرطه الا ان الاهالى طيبين ووقفوا مع الشرطه وقفه جامده جدا فى تامين المصانع والمحال والبنوك وربنا سترها بدانا تانى يوم فى تامين الطرق نفسها عاملين اكمنه على طريق مصر اسوان الزراعى تفتيش اشخاص بس بالادب والاحترام توقيف التاكسيات وتفتيش حمولات السيارات لقينا فى الليله دى جميع طبقات المجتمع كله خايف ومخضوض واللى راجع من شرم من شغله واللى جاى من بره مصر واللى هارب من الاحداث فى القاهره والبلطجه وقله الادب شفنا ناس عاوزه تروح باى تمن شفنا بتوع ميكروباص القاهره جيبين الراكب ب 120 جنيه وكانا عايزين نقف ضدهم ولكن خفنا على ناسنا واهلنا فى مصر استغلال لا حدود له مع اننا كانا قادرين على فعال اى شى سلحنا فى ايدينا ولكن اخلاق ونخوه وشهامه الصعيدى منعتنا شفنا سلاح ليس له عدد وكل انواع السلاح عرفنا رغم مساؤ الشرطه الا انه كانت حافظه الامن والامان كنا بنعرف ننام على الاقل واحنا مطمنين ربنا يعديه ويسترها على مصر ام الدنيا واسف على الاطاله

[BERETTA M92FS]

أ . صقر
انا إتشرفت بمشاركتك الاولى
حضرتك تانى واحد يكون الموضوع ده اول مشاركة ليه فى المنتدى
تحياتى

[BERETTA M92FS]

شباب رجالة.......
بس ليه اللجان الشعبية توقفت ؟ صحيح الانفلات مش زى الاول ....بس المساجين ليسه هاربين و البلطجية بيهجموا من وقت لاخر

[boka]

لو سمحتو يا جماعة بدون فشر هههههههههههههههه

[BERETTA M92FS]

اشكر جميع الذين شاركوا فى الموضوع
KASWARA635
zmbugany
jamayka
fidodido
المهندس
unknown
kimokono
osha966
oeno
kemohabib
صقر ابوحسانين
كما اشكر جميع الذين شاركوا فى اللجان....... كلكم اعضاء محترمين و افدتونا بتجاربكم الصادقة
مع الشكر

[سامح عاشور]

نزلت أسبوع لكن للأسف مامسكتش غير تلات حالات.
عشان المنطقة شعبية وكانت متأمنة كويس.

[sultan]

انا برضه نزلت بس معملتش حاجه غير انى اعت اشرب شاى وسجاير ونولع نار وندفى ومشوفتش ولا حراميه ولابلطجيه بس شوفت ناس اصحابى كانو وحشنى وبعدين حرامى وبلطجى يجى ازاى حلوان كانت مقفوله كويس وانا كنت فى بلد اسمها كفر العلو بحلوان

[sayed2077]

انا بقى كونت فى دار السلام فى شارع جانبى والله البلطجى اللى كان بيفكر يدخل دار السلام كان بيطلع عينوا ومن بعض الحجات اللى بتضحك كان ساعتها شارعنا الارضى اللى فيه ضرب و الكهرباء كانت 360 فولت المهم اتصلنا ببتوع الكهربا وقلولنا لا مش هينفع نيجى المهم بتوع الكهرباء كانوا موجودين فى الشارع الساعه 2 بليل الكلام ده على ما اعتقد يوم السبت 29/1/2011 المهم كان اليوم ده يوم اسود لان فعلا ماكنش فيه بيت فيك يا شارع مشغل لمبه واحده المهم بتوع الكهربا كانوا موجودين الساعه 2 بليل وكان قبليها كل الجوامع فى المنطقه عامله تقول خالى بالكوا من عربيات الاسعاف والشرطة والكهربه خلى بلكوا وفعلا بتوع الكهربا بعد ما جاءو كانوا بيسبوا ويلعنوا ههههههههههههههههه اتفتشوا 90000000 مره و الناس اللى تشتمهم وبعد ما يطلع ... اللى جابوهو ويوريلهمو الكرنيه وكده يروحو سايبنهوم ههههههههه هى ديه اكتر حاجه فعلا كان الناس كلها بتضحك عليها وحط نفسك مكان بتوع الكهربا كده فى الوضع ده هههههههههههههههههه
وحاجه تانية انا كنت شارى اليكتريك شوك على شكل كشاف قبل الثوره وكل اهلى قعدوا يقولوا ليا ليه يابنى كده ضيعت فلوس حرام عليييك ايه لزمته واول ما حصل اللى حصل بقى ناقص مثلا يبروزا الالكترك ههههههههههههه بس فعلا صوته عالى بغباء اللى بيتكهرب مش بيتكهر من الكهربا بيتكهرب من الصوت وجالى عروض فى الاكترك ده باضعاف اضعاف سعره لكن اهلى بقوا يقولو ليا اييااك تبيعوا عارف لو بعتوا ......
وانا فعلا عاشق للاسلحه خصوصا الكلاشنكوف مش عارف فعلا بحبة اوى وكان نفسى اخش الجيش بس علشان اضرب بيه بس للاسف ماليش اخوات صبيان ههههههههه
وحاجه تانى من الاشياء اللى تضحك فى المعادى وقفوا رئيس مباحث المعادى وده انا سمعتوا من كذا واحد بس محضرتوش
المهم رئيس مباحث المعادى ده ماكنش لابس الحزام فقالولو لازم تدفع الغرامه بتاعت الحزام الراجل طبعا مقدرش يتكل راح مطلع 50 جنية وادهلهم قالوا بس كده انت لييك باقى واحنا مش معانا فكه راح قلهوم مش مهم هههههههههههههههه وفعلا على حسب ما سمعت ساب ال 50 جيه ليهوم
وارجوا فى الاخر انى اكون مصدعتكمش وهى ديه كل حكايتى مع اللى حصل اثناء الثورة واحب اقول فى نهاية كلامى ربنا ما يرجعها ايام ...