بشري للمصريين العظماء - نسخة البريتا الحديثة الحي تم تصنيعها في مصر

[Eng Badran]

السلام عليكم ورحمة الله وبركاته
طبعا يا جماعة كلنا عارفين المسدس الشعبي حلوان - ابو 12 الف جنيه واللي شكله زمان مكانش عاطفي خالص وتحس انك عسكري وانت شايله
بالاضافة لوزنه التقيل وشكل الدبشك (Grips ) مش ظريف نهائي ومسامير كبيرة ومفيش اي نقش عليه وشكل بصراحة لا يدل علي اي حرفة
انا كان عندي مسدس صوت Colt امريكي وكان الدبشك الاصلي شكله مش حلو وقدم . بصراحة رحت لنجار وعملي دبشك في منتهي الروعة وكلف 20 جنيه بس و5 جنيه جلد من عند الجزماتي يعني كله 25 جنيه وكان حتت تحفة بصراحة
المهم وانا بسال النهارده ضابط في القوات المسلحة الباسلة قالي في مسدس حلوان شبه البريتا بالزبط ونفس الفنيش بتاعة ومصري كمان - انا بصراحة مش صدقت كلامه , وقلت يمكن قصده علي الحلوان 2 اللي انا عارف شكله - لقيته بيأكدلي بصراحة شكيت في نفسي
رحت رايح علي النت ومدور وكانت المفاجئة اني فعلا لقيت مسدس الفنيش بتاعة سوبر لوكس والدبشك بتاعة زي البريتا بالميلي وشكله حلو جدا والطباعة علي الاجزاء باسم المصنع زي الفل وادي الصور اهي شوفوها واحكموا عليها
ده المسدس الحلوان القديم كلنا عارفين شكله



طبعا شكل مش عاطفي خالص خالص وشكله كده معمول بالمخرطة والمتقاب ومتفنش بورق سنفرة ومبرد حدادي ناعم

ده الشكل من الجهه التانية



وده شكل الدبشك بتاعة الغريب



دلوقتي بقا نيجي للنسخة المصرية من البريتا اللي هيا الحلوان اللي ينفع يبقا شكلها عدل بصوا معايا علي الصورة دي -- دي صورة للبريتا الاصلي وجنبها المسدس الحلوان المصري



طبعا محدش مصدقني ؟؟؟ طيب نجرب نشوفة من الناحية التانية يمكن الناس تصدق


طيب محدش برضو شكله مصدقني .. يا جدعان والمصحف حلوااااان ومصري كمان
طيب برضو مش مصدقين ؟؟ طيب شوفوا دي بقا

برضو مش واضحة ؟؟ طيب نقرب كمان شوية لحد ما نوصل للماركة اللي علي الدبشك



لا لا يا عم --- ده مجرد دبشك ايه يعني دبشك ب50 دولار هتروح لاجدع شركة هيحطوا اسمك عليه عادي بالحفر والبروز عادي جدا لا برضو ده مش مصري
طيب يا جدعان نقرب من الاجزاء شوية



واخيرا ياجماعة مصر بقت بتعمل حاجة نضيفة .. بس في مشكله صغيرة ؟؟ يا تري ده بقا سعرة كااااااااااااام في مصر مع العلم ان الاصلي سعرة 650 دولار فقط لا غير فما هو سعر التقليد ؟؟؟

[سيدخالد]

والله جميل اوى وده فعلا يطلق عليه فخر الصناعه المصرية مهوا احنا اهوه جامدين اوى وبنعمل حاجات حلوه اهوه وعقبال المزيد مشكورا يا اخى وربنا يبارك لك على المشاركة الجميلة ديت

[الأفوكاتو]

بيتهيألي البريتا التاني في الصورة اللي هو النسخة الأمريكية وليس الايطالي

[jamayka]

منهم لله اللى كانو السبب الحاجات دى بتبان فى المناسبات بس ولا ايه؟؟!!

[Eng Badran]

فعلا يا اخ افوكاتو هوا فعلا الامريكي وليس الايطالي انا راجعت الصور تاني وادي صورة للاجزاء بتاعت الامريكي هوا فعلا امريكي معلوماتك صح فعلا

[الأفوكاتو]

اصل انا عندي الصور اللي حضرتك حاططها دي من زمان بس بصراحة مكنتش مركز فيها أوي بالنسبة للحلوان وكان كل تركيزي علي البريتا الأمريكي ، ولكن بيتهيألي ان الحلوان زي ما هو مافيش تعديل عليه والصورة التانية بتاعت بريتا ايطالي رغم كلمة حلوان اللي علي الدبشك ، ممكن يكون صاحب الصور عالنت عمل فوتوشوب ولا ايه ؟ وحتي لو في تعديل ! انا نفسي يا باشا يعملوا اليد بتاعت الأمريكي شكلها أفضل بكتييييييييييييير من الايطالي ولا ايه رأيك ؟
شوفو جمال وروعة وفخامة البريتا الأمريكي كدة وقولو رأيكم !

[Eng Badran]

المشاركة الأصلية كتبت بواسطة الأفوكاتو

اصل انا عندي الصور اللي حضرتك حاططها دي من زمان بس بصراحة مكنتش مركز فيها أوي بالنسبة للحلوان وكان كل تركيزي علي البريتا الأمريكي ، ولكن بيتهيألي ان الحلوان زي ما هو مافيش تعديل عليه والصورة التانية بتاعت بريتا ايطالي رغم كلمة حلوان اللي علي الدبشك ، ممكن يكون صاحب الصور عالنت عمل فوتوشوب ولا ايه ؟ وحتي لو في تعديل ! انا نفسي يا باشا يعملوا اليد بتاعت الأمريكي شكلها أفضل بكتييييييييييييير من الايطالي ولا ايه رأيك ؟

الدبشك ده تمنة 17 دولار علي النت نفس الشكل بس طبعا مش بنفس الجوده اللي حضرتك شايفها في الصورة دي

بس الصورة صح فعلا هوا حلوان لان الضابط اكدلي الكلام ده قبل ما اشوف الصور دي ولقيتها فعلا لانه هوا نفسه قالي انا شايفة بعيني وضربت بيه قبل كده
بس للاسف معرفش ليه لحد دلوقتي مش شايفنها في السوق .. ممكن يكون اللي موجود عندهم اصدارات قديمة بيصفوها
ياريت يا جماعة اللي بيشتري سلاح يتأكد انه اصدار سنه فاتت بالكتييييير جدااااا

[الأفوكاتو]

والله علي رأيك ممكن يكونوا عايزين يصفوا الانتاج القديم الأول وبعدين ينزلو النسخة الجديدة اللي هي دلوقتي (زي ما انا وانت اتفقنا في الرأي حتبقي حلوان مصري بنفس دبشك البريتا الايطالي الجديدة ) تمام ، وهما في الحالة دي هيكونو بيفكرو صح لأن بصراحة لو نزلوها دلوقتي وكان عندهم اصدارات قديمة متخزنة يبقي طبعا قول عليها يا رحمن يا رحيم وهتتكهن لأن محدش هيشتريها !
وخالص تحياتي للجميــــــــــــــــــــــــــع

[رجب]

وانا شايف ان الحلوان القديم ثابت وجودة بقوة وكفاية ان نادر الاعطال ومش عاوز اقول ان مبيعطلش و اعرف ناس كتيييير تحبة عشان شكلة متوحش ويملى العين واعرف البعض قارب على اكثر من 700طلقة مفيش وحدة علقت
انا قلت كدة حاسس ان المديل دة صوت

[Heavy equipment]

السلام عليكم ورحمه الله وبركاته
يا اخواني بالنسبه للسلاح المصري هوه منتشر في السوق الامريكي بطريقه رهيبه والحمد لله وكمان مصر بتصدر ال ak47 الكلاشنكوف والبريتا
ادخل علي اليوتيوب واكتب made in egypt preta or ak47
وهتلاقي الفيديوهات بتاعت السلاح بتاعنا في الغرب

[ayman_navy]

ده اسمه حلوان موديل 920 ويبدأ سعره من 16350 جنيها مصريا وده موجود بقاله فتره
سعره فى اكتوبر 2010 ب 5000 وبعد الثوره مباشرة رفعو سعره بقى ب 7500 جنيه والسعر ده مالحقش يبيعو بيه كتير وجم اواخر فبراير رفعو سعره ل 10000 جنيه وجم اخر مارس وقفو بيعه عشان يغلوه من اول ابريل 2011 ليكون 16350 جنيه وده طبعا لما وجدو التجار بيبيعو المسدس الصوت اللى شبهه ب 2000 جنيه فقالو ماينفعش بغذ النظر عن التكلفه الفعليه له وكمان لقو البريتا 84 ال 9 ملم القصير الجديده زيرو وايطالى ب 16000 قالك اشمعنى دول يعنى وبغض النظر عن اى اعتبارات فى نسب رفع السعر وعن تكلفة التصنيع العالميه وعن مقارنته الصوت ومقارنته بالبريتا الايطالى وشكل الفينيشينج بقو يزودوه بالزياده البسيطه جدا دى اللى طبعا زى ما انتو عارفين يعتبر 16000 جنيه كلام فاضى بالنسبه لاى مواطن مصرى مع العلم ان فى ايطاليا بيبيعو منتجهم لشعبهم وكمان للغريب ب 4000 جنيه وايطالى
تخيل انت مسدس كان ب 5000 جنيه وشويه زودو 2500 وشويه كمان 2500 وشويه 6000 ودى طبعا زياده بسيطه ومناسبه جدا لمستوى الدخل وحتى تقدر تغطى تكلفة استيراده من مدينة حلوان لحد القاهره والشحن
والمفاجأه - البريتا اللى كانت ب 16000 بقة ب 30000 جنيه ليه لان التاجر قالك ده ايطالى وزى ما المصانع الحربيه بتزود ب 100% انا كمان ازود بنفس النسبه
شوفتو الحلاوه - التاجر معزور ليه لانه بيشتغل لحسابه خاص يعنى لازم التانيين يكونو قدوه
صحيح المسدس مش سلعه اساسيه
لكن المعقول حلو
ربنا يهدى

[Eng Badran]

المشاركة الأصلية كتبت بواسطة ayman_navy

ده اسمه حلوان موديل 920 ويبدأ سعره من 16350 جنيها مصريا وده موجود بقاله فتره
سعره فى اكتوبر 2010 ب 5000 وبعد الثوره مباشرة رفعو سعره بقى ب 7500 جنيه والسعر ده مالحقش يبيعو بيه كتير وجم اواخر فبراير رفعو سعره ل 10000 جنيه وجم اخر مارس وقفو بيعه عشان يغلوه من اول ابريل 2011 ليكون 16350 جنيه وده طبعا لما وجدو التجار بيبيعو المسدس الصوت اللى شبهه ب 2000 جنيه فقالو ماينفعش بغذ النظر عن التكلفه الفعليه له وكمان لقو البريتا 84 ال 9 ملم القصير الجديده زيرو وايطالى ب 16000 قالك اشمعنى دول يعنى وبغض النظر عن اى اعتبارات فى نسب رفع السعر وعن تكلفة التصنيع العالميه وعن مقارنته الصوت ومقارنته بالبريتا الايطالى وشكل الفينيشينج بقو يزودوه بالزياده البسيطه جدا دى اللى طبعا زى ما انتو عارفين يعتبر 16000 جنيه كلام فاضى بالنسبه لاى مواطن مصرى مع العلم ان فى ايطاليا بيبيعو منتجهم لشعبهم وكمان للغريب ب 4000 جنيه وايطالى
تخيل انت مسدس كان ب 5000 جنيه وشويه زودو 2500 وشويه كمان 2500 وشويه 6000 ودى طبعا زياده بسيطه ومناسبه جدا لمستوى الدخل وحتى تقدر تغطى تكلفة استيراده من مدينة حلوان لحد القاهره والشحن
والمفاجأه - البريتا اللى كانت ب 16000 بقة ب 30000 جنيه ليه لان التاجر قالك ده ايطالى وزى ما المصانع الحربيه بتزود ب 100% انا كمان ازود بنفس النسبه
شوفتو الحلاوه - التاجر معزور ليه لانه بيشتغل لحسابه خاص يعنى لازم التانيين يكونو قدوه
صحيح المسدس مش سلعه اساسيه
لكن المعقول حلو
ربنا يهدى

والله الحكومة دي بتحبنا جدا وفعلا حياة المواطن المصري اهم من اي شئ ايه يعني لما تشتري طبنجة ب 30000 جنيه تدافع بيها عن حياتك مانت عارف انك اول الشهر بتكون مروح بمرتبك اللي هوا متوسط دخل الفرد في مصر اللي هوا اتنين تلاتة مليون يعني هتفرق معاك قوي لما تجيب طبنجة بتلاتين الف جنيه ؟ يا جماعة ده فعلا التجار بيتعبوا جدا في القعدة في المحل ولازم قعدتهم دي تيجي بفايدة
بقولكوا ايه ما تيجوا نلم من بعض بقا ونجيب طلق لان الطلقة دلوقتي ب 30 جنيه الواحدة :p

[mo_lashine]

والله يا جماعة حسب معلوماتى من بعض الأصدقاء القوات المسلحة إن مصانعنا الحربية بتنتج سلاح جيد جدا وأنهم مؤخرا بيصنعوا مسدس أردنى لحساب المملكة الأردنية وهو تصميم أردنى أمريكى وأسمه Jaws وده بيتصنع من الأف إلى الياء بمصانعنا الحربية بمصر الغالية... ثانيا أنا دخلت على منتديات أوربية وأمريكية لقيت ناس كتير بره شايلين المسدس الحلوان بتاعنا ده وبيشكروا جدا جدا فيه واللى مش مصدق يدخل على اليوتيوب ويكتب Helwan pistol ويشوف بنفسه

[kimokono]

- بالفعل يتم تصنيع المسدس فليبر جوس لصالح المملكة الاردنية - وهو من افضل المسدسات 9 مللى عالميا - بجودة عالية . اما بالنسبة للحلوان 920 اس فهو بنفس مواصفات ونسخة طبق الاصل من الباريتا 92 ام اف اس وهو تم تصنيعة للقوات المسلحة وقوات الامن المصرية ليحل محل الباريتا 56 القديم

- تحياتى

[اسلام_وى]

موضوع جميلللللللللللل جدااااااااااااااااااا

[احمد العوضى]

والله الذى لا الله غيره بلدنا فيها خير كتير بس ذمان مكنش لينه والمصانع الحربيه بتصنع منتجات ومعدات افضل او تضاهى المنتجات الاؤربيه وعلى فكره ال 920 مصنع من فتره والحلوان القديم الرجو من اى شخص استعمله ووجد به عيب جوهرى يذكره وباذن الله لن تجد وعمرنا مسمعنا عن حلوان مثلا انفجر او حدث به مكروه بالرغم من الاهمال الذى يعامل به واللهى بلدنا فيها خير بس يسيبوها تشتغل وتجار ميحربوش التصنيع المحلى عشان المكسب السريع تقبل مرورى

[الأفوكاتو]

واله يا استاذ رجب انا معاك انه شكله متوحش فعلا عن الموديل الجديد من البريتا اللي شكله رقيق وهادي ، ولــــــــــــــــــــــــــــــكن انا (عمري) ما حطيت شكل السلاح ضمن اولويات اختياري له بسبب ان الشكل مش مهم خاصة في الأسلحة الحية ، بمعني لو هضرب بيه بلطجي يبقي لو شديت اجزائة لازم هضرب هضرب مافيش كلام (زي اللي بيقولك لو المطوة اتفتحت مش هتتقفل الا لما تتظفر) فأكيد مش هيفرق معايا شكله لأني طبعا مش هحاول افرجه لعدوي قبل ان استعمله (ده ناقص كمان اقوله حاسب المسدس شكله غبي اهو انت حر) لا طبعا ، اهم حاجة تاخد بالك منها وتكون رقم واحد في الأسلحة الحية هي الامكانيات (المسدس ده ايه امكانياته ؟) يعني عندك مثلا الجلوك النمساوي الحي شكله مش عاطفي ومش مرعب ومش وحش بردو (هو شكله غريب بصراحة مالهوش وصف) ولكن امكانياته جبارة وصوته جبار ، اما الشكل فتحطه في الاعتبار في الأسلحة البيضاء مثلا لأنه ليه عامل مهم جدا في ادخال الرهبة في نفس العدو يعني مثلا لو سيف عادي غير سيف بقورة طبعا القورة بتدي هيبة وتخلي العدو يخاف ويتراجع .
خالص تحياتي للجميــــــــــــع

[Eng Badran]

المشاركة الأصلية كتبت بواسطة احمد العوضى

والله الذى لا الله غيره بلدنا فيها خير كتير بس ذمان مكنش لينه والمصانع الحربيه بتصنع منتجات ومعدات افضل او تضاهى المنتجات الاؤربيه وعلى فكره ال 920 مصنع من فتره والحلوان القديم الرجو من اى شخص استعمله ووجد به عيب جوهرى يذكره وباذن الله لن تجد وعمرنا مسمعنا عن حلوان مثلا انفجر او حدث به مكروه بالرغم من الاهمال الذى يعامل به واللهى بلدنا فيها خير بس يسيبوها تشتغل وتجار ميحربوش التصنيع المحلى عشان المكسب السريع تقبل مرورى

اخي الفاضل
سعر مصنع المعادي للحلوان كالتالي
7500 للحلوان 1 القديم
9000 للحلوان 2
حلوان 920 بصراحة انا كنت اول مرة في حياتي اشوفة ومكنتش مصدق انه صناعة مصرية ومكنتش اعرف سعرة
الاخ اللي شافة قال ان سعرة 16 الف جنية
ده سعر المصنع
طيب التاجر هيعمل ايه ؟ مع العلم ان التاجر ميقدرش ياخد في تمنه اكتر من 100 جنيه او 200 جنيه وهيبيعة بنفس سعر المصنع لانه بيشتري من المصنع كمية واكيد التجار ليهم سعر اقل من الزباين الفرداني ب 100 او 200 جنيه في الحته الواحدة
السؤال دلوقتي كالتالي
حسني باشا كان هوا الوكيل الوحيد لكل الاسلحة الموجوده حاليا مع التجار في مصر
سبب رفع سعر السلاح حاجتين
اولا لما حسني ساب منصبه مبقاش في استيراد اسلحة لان مفيش وكيل معتمد عالميا يستورد
تانيا كثرة الطلب علي السلاح مما ادي ان محلات السلاح ترفع السعر لان العدد اللي عندها محدود ولو باعت كله في يوم واحد هتقفل ومحل السلاح ده طالما قفل يبقا بالسلامة كده مش هترجعلة تاني لانهم قليلين جدا يتعدوا علي الصوابع فببساطة مش هتضرب مشوار لاخر الدنيا وفي الاخر تلاقية قافل لانه مش عنده بضاعة يبيعها
ثالثا كثرة الاتجاه للحلوان ودي بصراحة معرفش ازاي المجلس الاعلي للقوات المسلحة يسمح ان اسعار الحلوان تكون بالطريقة دي وهوا مصري يعني المفروض ال 920 ده ميزيدش باي حال من الاحوال للمواطن المصري عن 2000 جنيه لانه صناعة بلده
بجد لازم حد يكون فاهم اكتر مننا في القانون يدلنا علي حل او اجراء او حتي اجابة علي التساؤلات ليه المصري برة مصر ب 200 دولار وجوا مصر ب 5 تلاف دولار ؟

[ibraheem]

هيفى ايكويبمينت يا رب يكون كلامك صحيح وايمن انت جيت عالجرح من كام يوم ذهبت مع صديق لشراء قطعة مرخصة .. كان باين على التاجر انة موش تمام .. فضل يشتم على السلاح المصرى المقرف الى بحشر الطلقات بعد الطلقة الخمسين ويتكلم عن جودة النسخة الايطالى المقواة ماسورتها الداخلية بطبقة تيتانيوم وكمان بيهاجم رداءة الرصاص المصرى الى - على حد قولة بيسبب رايش بياكل فى الماسورة وبيسبب الحشر على المدى الطويل وانا لا أثق فى كلام هذا الرجل وأظنة غير وطنى ويتكلم لغرض تجارى محض وثانيا أول تجاربى كانت مع الأمور المتوحش حلوان 51 الذى احببتة واحترمتة كثيرا رغم شكوى والدى من ضعف ابرة ضرب النار وثالثا هل نشكك فى شهادة الاجانب الذين أحترموا كثيرا هذا السلاح؟
أرجو رد سناير المنتدى أصحاب الخبرات فى السلاح الحى خصوصا الاستاذ شريف ابو ضيف والاستاذ جمال القنصل عن مواضيع حشر الطلقات وإبرة ضرب النار فى حلوان القديم والجديد ومدى جودة السبائك وطبقة التيتانيوم داخل الماسورة ومدى جودة الرصاص المصرى وتأثيرة على ماسورة المسدس على المدى الطويل وهل يفضل أراحة المسدس للتبريد بعد ضرب عدد معين من الطلقات المتتالية؟وتقبلوا تحياتى.

[reco2001kok]

ارجو من خبراء المنتدى وضع صفحة مثبتة للحلوان المصرى
خلينا نشجع بلدنا ومنتج بلدنا خاصة اذا كان هذا المنتج مميز براى الغير مصريين والمصريين
وكمان نتناقش حول عيوبة ومميزاتة ليستفيد منها المبتدئين خاصة وانه يعتبر ارخص سلاح رسمى حى حتى الأن

[shoor80]

صور تحفه طبعا الاميركاني ولا كلمه

[رجب]

الحلوان القديم او الجديد شغااااااااااااااااااااااااااااال زى الفل طالما المسدس يخضع للصيانة والتنظيف وتزييت كل الاجزاء وعدم تكرار الضرب المتوالى والمسدس ساخن لان كدة الطلقة تحشر ببيت النار ...يعنى بالبلدى زى متور العربية لما يسخن جامد يقفش ..والمسدس منتشر بالجوار ومحش اشتكى او فكريغير لان معاهم من زمن طويل ومفيش مرة كسفهم

[شهريار]

ده كلام مظبوط فعلا الحلوان 920 نسخة طبق الاصل من البريتا الامريكى فى الشكل والاداء انا معايا السلاح ده وفى ناس كتير لما بتشوفه مبتعرفش انه حلوان والبعض بيفتكروا بريتا امريكى او سى ذد تشيكى

[koko polo]

السلام عليكم و رحمة الله
على فكرة الحلوان البريتا ده قديم وانا اشتريته من 12 سنة و لسه عندى و اريد استبداله بجلوك 19 لانه اخف منه بكتير واشيك منه و البريتا الحلوان وزنه 1كيلو بدون زخيرة.

[AMR EBID]

عقبال ميصنعو الويبلي باتريوت

[SHAWKYGHAZY]

تحيا مصر ....

[رجب]

الى جاى انشاءالله هيكون احلا واجمل..وعاشت مصرلينا ولابنائيها المخلصين

[اسكندرانى 1]

جميل جدا و الله

بس انا حسال على حاجه تانى خااااااااااااااااااالص

ممكن حضرتك تورينا صورة الدبشك اللى النجار عملها لحضرتك d: ؟؟؟

[essam assem]

واللة تشكر يا باشا على المعلومات الجامدة دية وانا راى حتى لو فى رخصة سلاح محدش يشترى دلوقتى خالص او يستورد او يشترى من معرض الدخلية الاسلحة المحرزة

[mexcano]

المشاركة الأصلية كتبت بواسطة essam assem

واللة تشكر يا باشا على المعلومات الجامدة دية وانا راى حتى لو فى رخصة سلاح محدش يشترى دلوقتى خالص او يستورد او يشترى من معرض الدخلية الاسلحة المحرزة

تقصد يعني بسبب غلاء الاسعار الرهيب دلوقتي و لا في سبب تاني

[mexcano]

بصراحه اول ماقريت العنوان جه في دماغي البيرتا Px4 Storm
اللي شكلوا كده
بصراحه كان هيحصلي حاجه من الفرحه بس لقيتو 92FS
عموماً مشكووووور علي الموضوع

[سرسور]

شجع بلدك ومنتج بلدك خاصة اذا كان هذا المنتج مميز براى الاجانب والمصريين
وغير الحلوان في كمان المعادي مش معادي نمرة 2 لا معادي رشاش آلي
و في اشياء اخرى كثيرة تتميز بها الصناعة المصرية بس هي عقدة الخواجة
جزاك الله خبرًا

[فرج محمد]

نرجو معرفة ثمن الحلوان 51 المستعمل

[ebrahem]

على عينى وعلى راسى زى الفل بس اخرة 2500 الى 3000 جنية مش اكتر

[Seiko]

اين الصناعة الحقيقية .... حنفضل لحد امتى بنقلد البريتا و كمان فرحانين !!!
يا سادة هل يعقل ان طبنجة محترمة تسخن فى الضرب المتتالى بعد 3 خزن مثلا ... و كمان فرحانين !!!
اين تعدد الانتاج و الموديلات بمواصفات مختلفة كليا زى بقيت العالم !!!

هما 3 موديلات : 1 عافى عليه الزمن قبل قدوم الالفية , التانى كان التطور الطبيعى للحاجة السقعة اللى هوه ال 920 اللى باكتر من 16000 جنيه و هو بوزن و حجم الدبابة , تالت موديل 980 الشقى ابو فسفورى (920 + كام نقطة فسفورى = 980 ) باكتر من 23000 جنيه (مع مراعاة ندرة اللون الفسفورى فى الكواكب كلها و عشان كده بيزيد 7 الاف جنيه بس .... يا بلاش) , ايه التطوير ده كله

على فكرة انا معايا حلوان51 و جلوك كمان بس متمسك بالحلوان لان سعره كان فيه خصم كبير جدا ادامى وانا بره مصر و ايامها كمان كان الدولار كان ب 3.80 جنيه و الاهم انه انتاج للتصدير مستوى قياسى عسكرى للسوق الامريكى و عشان كده مبيسخنش ولا بعد 100 طلقة .... وكان معايا قبله كسلاح شخصى 2 حلوان51 شاريهم من مصر واحد كان مستعمل تبتدى ماسورته تولع بعد3 خزن مثلا قلت ده اكيد عشان مستعمل قمت مسلمه على ذمة البيع وشارى واحد جديد و طلع برضه زيه بالضبط فى السخونة , ولو طلقات مستوردة يبقى زودلك خزنة كمان وسيبه ياخد نفسه ويبرد بمزاجه و لو فكرت تعمل اى حاجة تأخر وصول السخونة لايدك حتلاقى الطلق ابتدى يحشر معاك من السخونة اللى فى الماسورة.

الحلوان ميزته الوحيدة فى التدريب بيه فقط لوزنه العالى و قوة ارتداده الجامدة على الفاضى لان مداه المؤثر الحقيقى لن يتعدى ال 40 متر بالكتير اوى علما بان متوسط المدى المؤثر لمعظم المسدسات هو 50 متر

انا فعلا مش متخيل ان الحلوان51 بقى ب 12000 جنيه دلوقتى و برضه بيسخن و دمه حامى زى ما هوه .... وكمان فرحانين بيه !!!

و مع كامل احترامى لجميع الاراء , هذا مجرد رايى الشخصى فى ال 3 حلوان51 اللى عدوا عليا كسلاح شخصى


امتى نشوف حلوان او اى اسم تانى المهم انه يبقى انتاج مصرى و وطنى جديد تماما فى كل شىء
فمصر لديها من الخبرات ما يكفى القارة الافريقية كلها

اتمنى ان ارى تطوير حقيقى فى صناعة السلاح الخفيف فى مصر كبداية لما هو اكبر و اشمل انشاء الله

[ahmadkader]

المشاركة الأصلية كتبت بواسطة ayman_navy

ده اسمه حلوان موديل 920 ويبدأ سعره من 16350 جنيها مصريا وده موجود بقاله فتره

كلام حقيقى 100 فى المية و شكرا على متابعة الأسعار بدقة

[ahmadkader]

المشاركة الأصلية كتبت بواسطة seiko

هما 3 موديلات : 1 عافى عليه الزمن قبل قدوم الالفية , التانى كان التطور الطبيعى للحاجة السقعة اللى هوه ال 920 اللى باكتر من 16000 جنيه و هو بوزن و حجم الدبابة , تالت موديل 980 الشقى ابو فسفورى (920 + كام نقطة فسفورى = 980 ) باكتر من 23000 جنيه (مع مراعاة ندرة اللون الفسفورى فى الكواكب كلها و عشان كده بيزيد 7 الاف جنيه بس .... يا بلاش)


وسيبه ياخد نفسه ويبرد بمزاجه و لو فكرت تعمل اى حاجة تأخر وصول السخونة لايدك حتلاقى الطلق ابتدى يحشر معاك من السخونة اللى فى الماسورة.

انا فعلا مش متخيل ان الحلوان51 بقى ب 12000 جنيه دلوقتى و برضه بيسخن و دمه حامى زى ما هوه .... وكمان فرحانين بيه !!!

بصراحة تعليقات حضرتك كوميدية جدا ، و على رأى المثل شر البلية ما يضحك

[Seiko]

المشاركة الأصلية كتبت بواسطة ahmadkader

بصراحة تعليقات حضرتك كوميدية جدا ، و على رأى المثل شر البلية ما يضحك

...............