|
الصيد العام موضوعات الصيد العامه وتعارف الصيادين. |
أدوات الموضوع | إبحث في الموضوع | انواع عرض الموضوع |
11-03-10, 01:32 PM | #1 |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
عملت جراب للبندقية بنفسي+الصور
السلام عليكم ورحمة الله وبركاته
الحمد لله إشتريت بندقية نمره 2 ، بس قابلتني مشكلة وهيه إنها من غير جراب بالكرتونه ، وكان صعب التنقل بيها لوحدها علشان ماتتبهدلش ، رحت عند أبو ضيف وسألت علي الجراب ، قالولي المحل إتعرض للسرقة وكل حاجة إتسرقت فيه ، وجابت ليه جراب قماش ووتر بروف أكنه طالع من تحت بلدوزر ومقطع ومبهدل ، وقالت ليه 100 جنيه وهوه مايستاهلش 30 جنيه علي بعض ، المهم إستخرت ربنا وقولت أعمل جراب جلد للبندقية ، وخصوصا إني الحمد لله بعرف أعمل الحاجات ديه ومدرب عليه نتيجة دراستي في الكلية وحبيت أنقل ليكم خطوات تصنيعة والخامات إللي إتصنع منها وأماكنها وأسعارها . ملحوظة : آسف لعدم إدراج صور مراحل التصنيع لعدم توافر الكاميرا معي في هذا الوقت ، وقمت بإدراج صور الجراب بعد الإنتهاء منه فقط . أولا : الأدوات : 1 - نصف متر جلد سكاي " اللون المفضل لديك " - السعر 11 جنيه - من عند بتوع الجلود في العتبه أو من عند أي حد بيبع جلد لكسوة العربيات وفرشها . 2- نصف متر جلد سكاي " لون آخر " - السعر 11 جنيه . 3 - فرخ سفنج للتبطين تخانة 0.5 سم " نصف سم " - السعر 6 جنيه - من عند بتاع الجلد . 4 - 5 متر حبل لعمل كردون أو حرف حول الجراب من الخارج - السعر 2 جنيه _ من عند بتاع الجلد . 5 - 2 علبه غراء سريع " كله " ربع كيلو - السعر 3 جنيه للواحدة - 6 جنيه لعدد 2 - من عند بتاع الجلد . 6 -2 متر سوسته عظم من عند العقاد + الجرارات بتاعتها - 8 جنيه . 7 - 5 متر شريط يد " حزام " أسود أو اللون المتوافر من عند العقاد - السعر 10 جنيه . 8 - بطانه قماش أو قطيفة - وديه ممكن تكون فضلة موجوده في أي بيت وفي حالة عدم وجودها نشتريها نصف متر من عند بتاع القماش وهيه مش غالية . 9 - أبلاكاش 4 مم لتقويه ظهر الجراب - من 8:10 جنيه - من عند أي نجار . ثانيا : الخطوات : 1- تجيب البندقية وتحطها في الجلد الأساسي بتاعك وترسم شكلها وتزود عليه مسافة 10 سم داير مايدور " لزوم التني والخياطة " وتقصها . 2- تحيب الحبل وتحطه في الجلد اللون التاني وتقص شريط عرضة 5 سم وتلصق حروفه بالغراء وتنتظر 10 دقائق وتلصقهم مع بعض يديلك شكل الحزام . 3 - تلصق الحزام الجلد علي حرف الجراب الأساسي بالغراء السريع ثم تقوم بتبطين الجراب من الداخل بالأسفنج . 4 - ترسم وتقطع أشكال الجيوب إللي حضرتك محتاجها في الجراب من الخارج وتزود عليها 5 سم داير مايدور وبتطنها بالأسفنج وتغطيها بالقماش أو الكسوة الموجودة . 5 - تقطع الأبلاكاج علي أد نصف الجراب " الظهر " وده ممكن يبقي عند النجار علي طول وإنت بتشتري الأبلاكاج يقطعهولك ، وممكن ترسم الشكل إللي إنت عايز تقطعة علي قطعة ورقة جرنال وتديها له يقطع عليها . ملحوظة : ممكن تعمل من نوع الجلد التاني إللي إتعمل منه الحزام تقويات في الجراب الأساسي من الداخل عند أماكن تثبت الأحزمة واليدات وما تراه مناسبا في الجراب الخاص بك . **** كده وصلنا إلي إكتمال مراحل التجهيز وبكده نوصل إلي مرحلة التجميع . ثالثا : التقفيل : وده بيكون عند إي واحد بتاع تصليح شنط ومش جرمجي لازم بتاع شنط ، وبتسايسة وتمشي معاه واحدة واحده وتفهمة المطلوب بالضبط وتاخد معاك البندقية علشان كل شوية تقيس ويقيس عليها أثناء الخياطة ، وبعد الإنتهاء من الخياطة يقفلهولك ببرشام زياده في المتانة وتدي شكل جميل وأخد مني مقابل التقفيل والخطافات للحزام الخلفي 40 جنية . ***** تقريبا التكلفة الإجمالية بتكون في حوالي 100 جنيه ، يعني هيه غالية شوية بس بنعمل جراب علي أد البندقية بالظبط ، وبكون جلد وحاجة محترمة ولا جشع التجار وغلاستهم . وبالتوفيق إن شاء الله د / خالد ودلوقتي مع الصور
__________________
د / خالد |
sponsor links |
11-03-10, 01:43 PM | #2 |
Banned
تاريخ التسجيل: Jan 2011
المشاركات: 62
معدل تقييم المستوى: 0 |
رد: عملت جراب للبندقية بنفسي+الصور
اخيرا لاقيت موضوع يستاهل الرد
تسلم يا جميل الجراب ممتاز بس انتا نسيت تحط جيوب للرش والسكينة |
11-03-10, 01:45 PM | #3 |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
الجيوب موجود وباينة في الصور وأنا كاتب عليها ومعلم عليها بالأسهم ، وشاكر لحضرتك لمرورك الكريم .
__________________
د / خالد |
11-03-10, 01:45 PM | #4 |
صياد جديد
تاريخ التسجيل: Mar 2011
المشاركات: 31
معدل تقييم المستوى: 5 |
رد: عملت جراب للبندقية بنفسي+الصور
الجراب ممتاز جدا وكل واحد يطور حسب الاحتياج
|
11-03-10, 01:48 PM | #5 |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
شارك لحضرتك تشجيعك الكريم ، وعلي رأي المثل " الحاجة أم الإختراع " وإحنا الحمد لله شعب ذكي ولماح ، ومفيش حاجة بتقف إدامنا ، لما بنعوز نعمل حاجة نحطها في دماغنا ونعملها .
__________________
د / خالد |
11-03-10, 02:18 PM | #6 |
صياد قديم
|
رد: عملت جراب للبندقية بنفسي+الصور
فوق الممتاز ... و فكرة جميلة و موفرة و عملية ... فعلا برافو عليك .. بالتوفيق.
__________________
Don't say you are alone when I still alive Kemomail@ymail.com |
11-03-10, 02:21 PM | #7 |
صياد جديد
تاريخ التسجيل: Feb 2011
المشاركات: 29
معدل تقييم المستوى: 5 |
رد: عملت جراب للبندقية بنفسي+الصور
الله ينور ...
احب اللى يشتغل بأيده 10/10 |
11-03-10, 02:30 PM | #8 |
صياد متقدم
تاريخ التسجيل: Nov 2008
المشاركات: 913
معدل تقييم المستوى: 13 |
رد: عملت جراب للبندقية بنفسي+الصور
فعلا امتع حاجه انك تعمل حاجه بإيدك
|
11-03-10, 02:45 PM | #9 |
صياد قديم
تاريخ التسجيل: Sep 2010
المدينه: بنى سويف
المشاركات: 1,093
معدل تقييم المستوى: 53 |
رد: عملت جراب للبندقية بنفسي+الصور
فكره رائعه تسلم ايدك يا ريت تعمل واحد كمان للمسدسات و تصور لنا خطوات العمل
__________________
لا تحاول أن تعيد حساب الأمس وما خسرت فيه فالعمر حين تسقط أوراقه لن تعود مرة أخرى ولكن مع كل ربيع جديد سوف تنبت أوراق أخرى فانظر الى تلك الأوراق التي تغطي وجه السماء ودعك مما سقط على الأرض فقد صارت جزءاً منها عندمآ يوِزِع آلله آلأقدآرِ وِلآ يمنحني شيئاً أرِيدهُ .. أدرِك تمآماً أن آلله سيمنحني شيئاً أجمل ممآ أُرِيد .. آللهم لآ تعلق قلبي لمآ ليس لي وِإجعل لي فيمآ أُحب نصيب |
11-03-10, 03:17 PM | #10 | |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
اقتباس:
وعلي العموم أنا تحت أمر أي حد في أي سؤال يحتاجة .
__________________
د / خالد |
|
11-03-10, 03:21 PM | #11 | |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
اقتباس:
__________________
د / خالد |
|
11-03-10, 04:47 PM | #12 |
صياد متقدم
تاريخ التسجيل: Feb 2011
المدينه: في المسكن
المشاركات: 830
معدل تقييم المستوى: 24 |
رد: عملت جراب للبندقية بنفسي+الصور
صدقت فأوفيت يا د/خالد..........فكرة جميلة وتنفيذ اجمل وموضوع مرتب ومنسق ومسلسل ومصور.......الصراحة رائع وبراف______________و ....... فن_________ان دكت___________ور صحيح
|
11-03-10, 04:50 PM | #13 |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
شكرا ياباشمهندس ، وشاكر ليك تشجيعك ليه ، وده شرف إنه عجب حضرتك ، وأنا تحت أمر حضرتك في أي مشورة تحتاجها بإذن الله .
__________________
د / خالد |
11-03-10, 04:55 PM | #14 |
صياد متقدم
تاريخ التسجيل: Feb 2011
المدينه: في المسكن
المشاركات: 830
معدل تقييم المستوى: 24 |
رد: عملت جراب للبندقية بنفسي+الصور
ما تحرمش منك يا دكتور ولا شكر علي واجب حضرتك ابدعت فعلا
|
11-03-10, 05:19 PM | #15 |
صياد نشيط
تاريخ التسجيل: Feb 2011
المدينه: Fesal Street -Giza
المشاركات: 265
معدل تقييم المستوى: 6 |
رد: عملت جراب للبندقية بنفسي+الصور
فكره جميله و عاليه قوى
ربنا يخليك عالافكار اللى مالهاش حل دى |
11-03-10, 05:42 PM | #16 |
صياد متفاعل
تاريخ التسجيل: Mar 2011
المشاركات: 65
معدل تقييم المستوى: 5 |
رد: عملت جراب للبندقية بنفسي+الصور
بجد رائع تسلم ايدك
|
11-03-10, 05:48 PM | #17 |
صياد متقدم
تاريخ التسجيل: Feb 2011
المدينه: المحلة الكبرى
المشاركات: 963
معدل تقييم المستوى: 0 |
رد: عملت جراب للبندقية بنفسي+الصور
ايه الجمال والحلاوه ده اللللللللللللللللللللللللللللللله عليك
__________________
اللهم صل على سيدنا محمد وعلى آله وصحبه وسلم صلاة تليق بمكانته عندك اللهم صل على سيدنا محمد وعلى آله وصحبه وسلم عدد ما ذكره الذاكرون وغفل عن ذكره الغافلون اللهم صل على سيدنا محمد وعلى آله وصحبه وسلم صلاة ترضيك وترضيه وترضى بها عنا يارب العالمين اللهم صل على سيدنا محمد وعلى آله وصحبه وسلم عدد خلقك ورضاء نفسك وزنة عرشك ومداد كلماتك بعددما ذكره الذاكرون وغفلَ عن ذكره الغافلون اللهم صل على سيدنا محمد وعلى آله وصحبه وسلم صلاه تفتح‘ بيننا وبينه فتحاً مبيناً لاالله الا الله محمد رسول الله |
11-03-10, 07:21 PM | #18 |
صياد متفاعل
تاريخ التسجيل: Feb 2011
المشاركات: 99
معدل تقييم المستوى: 5 |
رد: عملت جراب للبندقية بنفسي+الصور
فكرة رائعة ياباشا
|
11-03-10, 07:55 PM | #19 |
صياد متفاعل
تاريخ التسجيل: Jan 2011
المدينه: التجمع الخامس
المشاركات: 161
معدل تقييم المستوى: 5 |
رد: عملت جراب للبندقية بنفسي+الصور
الله ينور يا دكتور
الى مزيد من الاختراعات بالتوفيق دائما
__________________
قد تخلو الزجاجة من العطر ..
ولكن تبقى الرائحة العطرة عالقة بالزجاجة .. كما تبقى الذكرى الطيبة عالقة بالقلب .. |
11-03-10, 08:45 PM | #20 |
صياد نشيط
تاريخ التسجيل: Dec 2008
المشاركات: 267
معدل تقييم المستوى: 8 |
رد: عملت جراب للبندقية بنفسي+الصور
المتعه انك عملته بنفسك وكان ممكن تشترى اسهل ولكن علمنى الصيد ولا تعطينى سمكه روح الصياد
|
11-03-10, 11:24 PM | #21 | |||
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
اقتباس:
اقتباس:
اقتباس:
__________________
د / خالد |
|||
11-03-11, 09:38 AM | #22 |
صياد نشيط
تاريخ التسجيل: Jul 2010
المدينه: القاهرة
المشاركات: 452
معدل تقييم المستوى: 8 |
رد: عملت جراب للبندقية بنفسي+الصور
تسلم ايدك الله ينور
__________________
بسم الله الرحمن الرحيم ( انما اَمُرهُ اِذَا ارادَ شيئاً اَن يقولَ لهُ كُنْ فيكون ^ فسُبْحان الذي بيده ملكوتُ كلِّ شيءٍ واليهِ تُرجعون ) صدق الله العظيم |
11-03-11, 09:44 AM | #23 |
صياد متفاعل
|
رد: عملت جراب للبندقية بنفسي+الصور
السلام عليكم
ما شاء الله عليك ده الشغل ولا بلاش مش تقلى فتح الله وجرابات بتوع السلاح , فعلا الانسان لما بيوصل لهدفه بيحس بمتعه كبيره جدا .
__________________
(رَبَّنَا لا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلا تُحَمِّلْنَا مَا لا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلانَا فَانصُرْنَا عَلَى الْقَوْمِ الْكَافِرِينَ). |
11-03-11, 09:54 AM | #24 | |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
اقتباس:
أشكر لك تعليقك الكريم ، ودايما الحاجة أم الإختراع ، والحقيقة لو كنت رحت ولقيت الجراب بيتباع بسعر كويس وخامة محترمة وجيدة مكنتش تعبت نفسي وعملته من منطلق " شراء العبد ولا تربيته " ، بس الظروف إللي بتمر بيها البلد وحالة السرقة اللي تعرضت ليها محلات السلاح ونهب جميع محتوياتها خلتني أفكر إزاي أوفره ليه بخامة محترمة وبسعر معقول ، وده إللي حصل ، وممكن أي حد من أعضاء المنتدي الكرام يعمله وأحسن إن شاء الله ، لإن ديه ميزه في الإنسان " المقدرة علي إيجاد الحلول للأشياء الغير متاحة " ، بأكرر شكري وتقديري لحضرتك .
__________________
د / خالد |
|
11-03-11, 09:54 AM | #25 |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
شكرا وجزاك الله كل خير ، وأنا تحت أمر حضرتك وأي حد من الأخوه الأعضاء في أي سؤال ومشورة بإذن الله تعالي .
__________________
د / خالد |
11-03-12, 07:38 AM | #26 |
صياد متفاعل
تاريخ التسجيل: Nov 2010
المشاركات: 160
معدل تقييم المستوى: 0 |
رد: عملت جراب للبندقية بنفسي+الصور
والله حاجة حلوة اوى لما الحاجة بتعتك تبقى انت الى صنعها بنفسك عليها بصمتك:d
__________________
الألفاظ هي الثياب التي ترتديها أفكارنا |
11-03-12, 10:57 AM | #27 |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
أكيد وعند حضرتك حق ، وحاجة تانيه إنك بتعمل الحاجة علي قد المطلوب يعني مش بتجيب مثلا جراب يسع أي مقاس ، البندقية حتتحرك فيه ، لكن الواحد بيفصل علي أد البندقية أو أي شئ فبيطلع شكلة جميل ومحترم ومناسب ليها .
__________________
د / خالد |
11-03-12, 12:42 PM | #28 |
صياد متفاعل
تاريخ التسجيل: Oct 2010
المدينه: بورفؤاد-بورسعيد
المشاركات: 142
معدل تقييم المستوى: 5 |
رد: عملت جراب للبندقية بنفسي+الصور
السلام عليكم
بجد بجد الله ينور اجمل حاجه ان حضرتك تعمل كده بأيدك بس مش خساره في الشنغهاي ده يتحط فيها bsa _ gamo _ نوريكا حاجه كده يعني تليق بصنع اديك يارب يباركلك فيه السلام عليكم
__________________
( يا عبادي إني حرمت الظلم على نفسي وجعلته بينكم محرما فلا تظالموا ) (هَـذَا بَلاَغٌ لِّلنَّاسِ وَلِيُنذَرُواْ بِهِ وَلِيَعْلَمُواْ أَنَّمَا هُوَ إِلَـهٌ وَاحِدٌ وَلِيَذَّكَّرَ أُوْلُواْ الأَلْبَابِ)
|
11-03-12, 01:09 PM | #29 | |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
اقتباس:
مع خالص شكري وتقديري
__________________
د / خالد |
|
11-03-12, 02:56 PM | #30 |
صياد متفاعل
تاريخ التسجيل: Oct 2010
المدينه: بورفؤاد-بورسعيد
المشاركات: 142
معدل تقييم المستوى: 5 |
رد: عملت جراب للبندقية بنفسي+الصور
السلام عليكم
متشكر جدا كنت عاوز اقول ان الجراب صنع اديك افضل بكتييييييييير السلام عليكم
__________________
( يا عبادي إني حرمت الظلم على نفسي وجعلته بينكم محرما فلا تظالموا ) (هَـذَا بَلاَغٌ لِّلنَّاسِ وَلِيُنذَرُواْ بِهِ وَلِيَعْلَمُواْ أَنَّمَا هُوَ إِلَـهٌ وَاحِدٌ وَلِيَذَّكَّرَ أُوْلُواْ الأَلْبَابِ)
|
11-03-12, 03:06 PM | #31 |
صياد نشيط
تاريخ التسجيل: Dec 2010
المدينه: العريش
المشاركات: 360
معدل تقييم المستوى: 6 |
رد: عملت جراب للبندقية بنفسي+الصور
ماشاء الله لاقوة إلا بالله
تسلم ايدك يا د/ خالد على المجهود الجميل ده , وإن شاء الله حضرتك تتحفنا بالمزيد من الاختراعات الجميله دى , وجزاك الله عنا كل خير . تقبل مرورى ,,,
__________________
ولدتك امك يابـــن آدم باكيـــــــــا * & * والناس حولك يضحكون سرورا
فاعمل لنفسك ان تكون إذا بكوا * & * فى يوم موتك ضاحكا مسرورا |
11-03-12, 03:24 PM | #32 |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
أشكر ذوقك العالي في التعبير ، بس هوه في الحقيقة مش إختراع ولاحاجة ده مجرد جراب أنا إحتجته وأي حد ممكن يعمله ، الموضوع بسيط جدا ومش معقد ، وبأكرر لو حد من حضراتكم حب يعمل أي حاجة أنا تحت أمره في أي سؤال ومشوره في حدود معرفتي .
__________________
د / خالد |
11-03-12, 07:27 PM | #33 |
صياد نشيط
|
رد: عملت جراب للبندقية بنفسي+الصور
فكرة جميلة جدا يا د/ خالد
أفادكم الله و جزاك الله خيرا.
__________________
" من كان يريد العزة فلله العزة جميعا" |
11-03-12, 10:58 PM | #34 |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
وجزاك أنت أيضا كل خير .
__________________
د / خالد |
11-03-13, 01:03 AM | #35 |
صياد متفاعل
تاريخ التسجيل: Jan 2011
المدينه: الاسكندرية
المشاركات: 209
معدل تقييم المستوى: 6 |
رد: عملت جراب للبندقية بنفسي+الصور
عايزين صور للصيد يا دكتور ومبروك علي البندقية الجديدة
|
11-03-13, 04:18 PM | #36 |
صياد متفاعل
تاريخ التسجيل: Mar 2011
المدينه: الجيزة
المشاركات: 145
معدل تقييم المستوى: 5 |
رد: عملت جراب للبندقية بنفسي+الصور
والله فنان تسلم ايدك يا هندسة
__________________
إنه ليس ثأرك وحدك، لكنه ثأر جيلٍ فجيل وغدًا.. سوف يولد من يلبس الدرع كاملةً، يوقد النار شاملةً، يطلب الثأرَ، يستولد الحقَّ، من أَضْلُع المستحيل لا تصالح... ولو قيل إن التصالح حيلة إنه الثأرُ تبهتُ شعلته في الضلوع.. إذا ما توالت عليها الفصول.. ثم تبقى يد العار مرسومة (بأصابعها الخمس) فوق الجباهِ الذليلة! |
11-03-14, 03:00 PM | #37 |
صياد متفاعل
تاريخ التسجيل: Sep 2010
المشاركات: 226
معدل تقييم المستوى: 7 |
رد: عملت جراب للبندقية بنفسي+الصور
السلام عليكم
الله ينور و طبعا اختراعات سياتك لازم تستمر علشنا صح ياريت تطورلنا اى حاجه جديده منتظرين مشاركاتك بالتطوير دايما تقبل مرورى |
11-03-17, 02:15 PM | #38 |
صياد جديد
تاريخ التسجيل: Mar 2011
المشاركات: 4
معدل تقييم المستوى: 0 |
رد: عملت جراب للبندقية بنفسي+الصور
ما شاء الله لا قوة إلا بالله
على فكرة من أحسن الجربات اللى شفتها فى حياتى روعة روعة روعة دى أول مشاركة ليا فى المنتدى وانا برده وجهتنى نفس مشكلتك بندقية من غير جراب بس انا عمات جراب أهبل من بنطلون جينز قديم بس ايه جراب عايز الحرق إن شاء الله هعمل جراب زى اللى حضرتك مقدمه ده جزاكم الله خيرا |
11-03-17, 07:30 PM | #39 | |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
اقتباس:
وبرضه فيه موضوع تاني إنا عامله عن " تحويل جراب الموبايل لجراب طلقات + الصور " ممكن حضرتك تشوفة وإن شاء الله تستفيد منه وده اللينك بتاعه . http://www.egypthunt.net/showthread.php?t=5657 مع خالص تحياتي
__________________
د / خالد |
|
11-03-17, 07:33 PM | #40 | |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
اقتباس:
مع خالص تحياتي
__________________
د / خالد |
|
11-03-26, 03:02 PM | #41 |
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437 |
رد: عملت جراب للبندقية بنفسي+الصور
الف مبروك يا باشا على البندقيه الجديده ربنا يكفيك شرها
وبجد فكرة اكثر من ممتازة انا برده اوقات بعمل حاجه بايدى واوقات اكلفها اكتر من الجاهز بس فيه فرحه بتحصل للواحد لما يعمل حاجته بايده تسوى كنوز الدنيا جارى عمل جراب للمسدس ان شاء الله ومبروك تانى يا باشا انا كنت حعمل نفس الموضوع لان جرابات المسدس مش عجبانى وبعمل واحد جلد بس حضرتك سبقت واعجبنى ان فيه اخ محترم ليه نفس تفكيرى ومبدع كمان تقبل مرورى اخوك الصغير
__________________
|
11-03-26, 07:28 PM | #42 | |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
اقتباس:
__________________
د / خالد |
|
11-03-27, 12:01 PM | #43 |
صياد جديد
تاريخ التسجيل: Mar 2011
المدينه: السويس
المشاركات: 10
معدل تقييم المستوى: 5 |
رد: عملت جراب للبندقية بنفسي+الصور
حقيى تسلم إيدك الجراب ده بيتباع غالى جدا وانت وفرت فيه كتير ده فوق الممتاز وتحت الرائع ...
__________________
Fox hunter |
11-03-27, 12:57 PM | #44 |
الادارة العليا
تاريخ التسجيل: Feb 2010
المدينه: مصر ام الدنيا
المشاركات: 3,848
معدل تقييم المستوى: 568 |
رد: عملت جراب للبندقية بنفسي+الصور
الله ينور عليك يا زعيم تسلم ايديك
__________________
سبحان الله و بحمدة سبحان الله العظيم
|
11-03-29, 02:06 AM | #45 |
صياد متفاعل
تاريخ التسجيل: Mar 2011
المشاركات: 224
معدل تقييم المستوى: 6 |
رد: عملت جراب للبندقية بنفسي+الصور
انا بحب ده اوي .
بحب ان الواحد يصنع حاجته بايده . |
11-03-30, 11:28 PM | #46 |
صياد متفاعل
تاريخ التسجيل: Mar 2011
المدينه: المنيا
المشاركات: 234
معدل تقييم المستوى: 6 |
رد: عملت جراب للبندقية بنفسي+الصور
فكرة حلوة جداً ليه ما تحاولش البداية فى عمل جرابات لأعضاء المنتدى بأسعار معقولة وبخامات ممتازة زى ما عملت وأهو منها مشروع تجارى وفى نفس الوقت أعضاء المنتدى يستفيدوا من خبراتك ؟
|
11-03-31, 05:11 PM | #47 |
صياد متفاعل
تاريخ التسجيل: Mar 2011
المشاركات: 224
معدل تقييم المستوى: 6 |
رد: عملت جراب للبندقية بنفسي+الصور
الفكره رائعه جدا انا رايي انه ينفذها . ويعمل موضوع ويعرض فيه شغله ويعرض السعر والخامات المصنوع منها الجراب . واللي عاوز يكلمه .
|
11-03-31, 06:24 PM | #48 | |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
اقتباس:
أولا : أشكركم جميعا لهذا التشجيع لي ، ومع خالص إحترامي لجميع رواد المنتدي . ثانيا : موضوع عمل الجرابات مشروع فكره مش وحشة بس هيه عايزه تفرغ لإن الموضوع ده بيتعمل يدوي ، وبياخد وقت وجهد كتير ، والحقيقة أنا معنديش الوقت ده لإن عندي مسؤليات تانيه خاصة بتدريسي في الكلية . ثالثا : الجراب إتكلف معايا تقريبا 100 جنيه وكان فيه حاجات من عندي ، بس هوه الحقيقة حاجة محترمة جدا وكل إللي شافة عجبه ، وشكله فيه رهبة السلاح وده مش كلامي ده كلام الناس لما شافوه معايا ، وأخد مني تقريبا إسبوع علي ماخلص ، طبعا ماكنتش قاعد له كل يوم من أول النهار ، فلو عايز أعمله تاني ويكون مصدر دخل ليه ومشروع طبعا لازم حيكون فيه مكسب يوازي تعبي ، وفي الحاله ديه حيغلي ، وأعتقد إن فيه ناس كتير حتستكتر المبلغ ، وممكن يكون كتير عليها ، لكن مافيش مانع إني أفكر في الموضوع ده لو كان حيكون بشكل مرضي ومناسب ليه ماديا ، ويكفي تعبي ومجهودي . مع خالص شكري وتقديري
__________________
د / خالد |
|
11-03-31, 07:26 PM | #49 |
صياد نشيط
تاريخ التسجيل: Jan 2011
المدينه: البحيره
المشاركات: 360
معدل تقييم المستوى: 6 |
رد: عملت جراب للبندقية بنفسي+الصور
الله ينور والله فكره جميله
__________________
لا اله الا الله * محمد رسول الله |
11-03-31, 07:27 PM | #50 | |
صياد متقدم
تاريخ التسجيل: Feb 2011
المدينه: في المسكن
المشاركات: 830
معدل تقييم المستوى: 24 |
رد: عملت جراب للبندقية بنفسي+الصور
اقتباس:
|
|
11-04-01, 02:43 PM | #51 |
صياد متقدم
تاريخ التسجيل: Feb 2011
المدينه: الاسكندرية
المشاركات: 568
معدل تقييم المستوى: 7 |
رد: عملت جراب للبندقية بنفسي+الصور
الله ينور عليك صناعة ممتازة جدا
|
11-04-02, 02:30 AM | #52 |
صياد متفاعل
|
رد: عملت جراب للبندقية بنفسي+الصور
فكرة رائعة فعلا
وبصراحة انا كمان كنت هطلب من حضرتك نفس الطلب طريقة عمل جراب لمسدس وازاى ناخد المقاسات وكده لان بجد الاسعار مش بتاعت الجرابات مش لذيذة خصوصا اليومين دول ولك جزيل الشكر |
11-04-02, 03:13 AM | #53 |
صياد نشيط
|
رد: عملت جراب للبندقية بنفسي+الصور
بعد اذن حضرتك طبعا يا استاذ telebkبس انا اتشجعت لما شفت فكرة حضرتك وتنفيذها قلت اعرض فكرتي وبدل ما نعمل موضوع تاني ونزحم الدنيا ف انا بعرض فكرتي انا كنت منفذها بس حضرتك شجعتني علي عرضها وهي نسخة اقتصادية من الوتر بروف والاسفنج والقماش وتكلفتها في حدود 25جنية وطلعت فيها مواهبي التفصيلية واتعاملت مع مكنة الخياطة بس اهم حاجة انها بتحمي البندقية من المية والصدمات وشكلها مناسب مش وحش يعني حمارتك العارجة ودي الصور
__________________
و ما رميت اذ رميت ولكن الله رمي |
11-04-02, 04:51 PM | #54 |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
بسم الله ماشاء الله ، والله حاجة محترمة جدا وشيك ، كويس إن حضرتك عملت حاجه من صنع إيديك ، ربنا يبارك لك فيها ، وعقبال باقي الإنجازات إن شاء الله .
__________________
د / خالد |
11-04-02, 04:55 PM | #55 |
صيـــــــاد من الدرجـه الأولـي
تاريخ التسجيل: Feb 2011
المدينه: القاهرة
المشاركات: 2,940
معدل تقييم المستوى: 288 |
رد: عملت جراب للبندقية بنفسي+الصور
بصراحة يا جماعة شىء رائع , ممكن ينفع بداية مشروع صغير تكلفته مش هاتزيد عن 5000 جنيه ومجدى جدا اقتصاديا بأمر الله , وممكن يكون التسويق عن طريق المنتدى
__________________
-------------------------------------------- اللهم صلّ على سيدنا محمد و على آله و صحبه و سلّم -------------------------------------------- |
11-04-02, 05:14 PM | #56 |
صياد نشيط
|
رد: عملت جراب للبندقية بنفسي+الصور
شكرا جدا واللة دة بس من زوق حضرتك
__________________
و ما رميت اذ رميت ولكن الله رمي |
11-04-03, 09:06 PM | #57 | |
تاجر مسجل بالمنتديات
تاريخ التسجيل: Jul 2010
المشاركات: 2,715
معدل تقييم المستوى: 22 |
رد: عملت جراب للبندقية بنفسي+الصور
اقتباس:
ومعلش في معا يا بندقية نوريكا مش بتكسر والزناد مش بيلقط وعايز اصلحها وياريت تشورو عليا اصلحها فين ......... |
|
11-04-03, 11:26 PM | #58 |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
السلام عليكم ورحمة الله وبركاته
فيه واحد في شارع شبرا بيصلح البنادق ، وعنوانه 100 شارع شبرا ، وده تقدر تروح ليه بالمترو في محطه روض الفرج أدام موقف الأتوبيس وبجانب محل الروماني بتاع الساعات ، وده تروح ليه بعد الساعة 12 ظهرا ، وإن شاء الله تتصلح ، وبالتوفيق .
__________________
د / خالد |
11-04-04, 07:12 AM | #59 | |
صياد متقدم
تاريخ التسجيل: Feb 2011
المدينه: في المسكن
المشاركات: 830
معدل تقييم المستوى: 24 |
رد: عملت جراب للبندقية بنفسي+الصور
اقتباس:
|
|
11-04-06, 08:07 PM | #60 |
صياد جديد
تاريخ التسجيل: Apr 2011
المشاركات: 10
معدل تقييم المستوى: 5 |
رد: عملت جراب للبندقية بنفسي+الصور
تسلم ايدك الله ينور
|
11-04-12, 08:18 PM | #61 |
ادمن صفحة المنتدى
|
رد: عملت جراب للبندقية بنفسي+الصور
الهم صلى ع النبى ايه الجمال ده
__________________
الــصيــــــــــــد ادب ... مــــــش مســــــــــــــــــك ســــــــــلاح.!
|
11-04-12, 08:47 PM | #62 |
صياد متفاعل
تاريخ التسجيل: Mar 2011
المشاركات: 81
معدل تقييم المستوى: 5 |
رد: عملت جراب للبندقية بنفسي+الصور
وعليه أفضل الصلاة والسلام ، أشكر لك ذوقك الرفيع ، ومع خالص تحياتي .
__________________
د / خالد |
11-04-18, 06:08 PM | #63 |
صياد قديم
تاريخ التسجيل: Apr 2011
المدينه: جمهورية مصر العربية
المشاركات: 1,138
معدل تقييم المستوى: 13 |
رد: عملت جراب للبندقية بنفسي+الصور
حاجه شيك فعلا
|
11-04-25, 07:00 PM | #64 |
صياد متفاعل
تاريخ التسجيل: Apr 2011
المدينه: القاهرة
المشاركات: 135
معدل تقييم المستوى: 11 |
رد: عملت جراب للبندقية بنفسي+الصور
تسلم إيدك وربنا يبارك لك، المهم حاول تضيف مكان للرش وللسكينة الحامية.
وماتنساش شوال فاضي كبير علشان اللي هتصطاده تحياتي.
__________________
سبحانك اللهم وبحمدك أشهد أن لا إله إلا أنت أستغفرك وأتوب إليك أخوكم / شريف النبراوي
|
11-04-26, 01:01 AM | #65 |
صياد جديد
تاريخ التسجيل: Apr 2011
المشاركات: 23
معدل تقييم المستوى: 5 |
رد: عملت جراب للبندقية بنفسي+الصور
للي مش عارف يجيب الخامات دي دي تقدر تلاقيها كلللللللللللللللللهااااااااااااااا عند اي حد بتاع تنجيد عربيات او ليه اسم تاني ستورجي
|
11-04-28, 04:05 PM | #66 |
صياد جديد
تاريخ التسجيل: Feb 2011
المشاركات: 26
معدل تقييم المستوى: 5 |
رد: عملت جراب للبندقية بنفسي+الصور
رائعة عقبال ما نعمل البندقية نفسها
|
11-05-29, 08:18 AM | #67 |
صياد متفاعل
تاريخ التسجيل: May 2011
المدينه: اسوان
المشاركات: 184
معدل تقييم المستوى: 5 |
رد: عملت جراب للبندقية بنفسي+الصور
موضوع ممتاز فكرة جميلة والى الامام دائما
|
11-05-29, 10:09 PM | #68 |
صياد قديم
تاريخ التسجيل: Apr 2011
المدينه: الإسكندرية
المشاركات: 1,454
معدل تقييم المستوى: 13 |
رد: عملت جراب للبندقية بنفسي+الصور
الف مبروك و عقبال جراب الخرطوش
__________________
أخي ستبيد جيوش الظلام . . . و يشرق في الكون فجر جديد
فـــأطلق لـروحك إشــراقها . . . ترى الفجر يرمقنا مــــــن بعيد |
11-06-09, 09:20 PM | #69 |
صياد متفاعل
|
رد: عملت جراب للبندقية بنفسي+الصور
شكرا على المعلومات
|
11-06-09, 10:13 PM | #70 |
صياد متقدم
تاريخ التسجيل: May 2011
المدينه: الاسكندرية - القاهرة
المشاركات: 635
معدل تقييم المستوى: 8 |
رد: عملت جراب للبندقية بنفسي+الصور
عظيم ياباشا وفكرة جميلة
توضح بعد اذنكم الاستوجي هو الشخص الذي يقوم بدهان الاخشاب السروجي هو الشخص المختص بعمل فرش السيارات |
11-06-13, 02:01 AM | #71 |
صياد جديد
تاريخ التسجيل: May 2011
المشاركات: 33
معدل تقييم المستوى: 5 |
رد: عملت جراب للبندقية بنفسي+الصور
فكرة رائعة بارك الله فيك
|
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
عايز جراب | besso | ادوات الصيد الثقيله | 9 | 11-03-10 10:05 AM |
المدى المؤثر للبندقية الرش | القناص | بنادق ضغط الهواء ومتعلقاتها | 20 | 10-10-27 10:27 AM |
ردا لجميل و فضل المنتدى عليه و تعريفا بنفسى المتواضعه | Godzalla | الصيد العام | 13 | 10-09-25 02:35 PM |
يرات مساعدتكم... ربنا يخليكم | egypt-hunter | سوق المنتدى | 0 | 10-09-21 09:57 PM |
بقع على جراب البندقيه !! ايه الحل | ابن سوهاج | بنادق ضغط الهواء ومتعلقاتها | 5 | 10-09-03 04:44 PM |