للاسف الشديد

[taimour]

انا بجد مش فاهم هو لية كل حد بيبيع حاجة يطلع لة واحد يا يفطس يا يطفش0000سبحان اللة دة سيدنا النبى حظر من كدة و اللهى0000 يعنى حرام000 انا كان عندى سكوب و واحد قعد يفطس و يكتب انة تمنة 15 جنية و مرمى فى العتبة و عند البقال و قعد يتكلم و يحظر الناس منة كانى ببيع حنش او عقرب سام او ببيع حاجة لسمح اللة كدة او كدة000 و طلع استاذ تانى يحلف انة شاف فى شارع شريف نفس السكوب مرمى فى الشارع على الرصيف بيتباع برضة و التالت قال انة نوع ردىء و الرابع افتى انة مدرك اية و الخامس اضاف انة ابصر اية و فوجئت ان و احد منهم سايب رسالة عشان يشترية و اللة ضحكت من قلبى و قهقهت و كان نفسى بجد اشوفة ساعتها المهم اديتة الرقم فرنلى رنة ضحكت تانى و كلمتة و قعد بيتحايل ينزل 20 جنية 0000 مش غريبة انة يفطس و بعدين يتحايل انا مزعلتش لانى حسيت من صوتة بعد مطلب رقم التليفون ان سنة صغير و انا ضعف عمرة000 بس والللهى مكنتش بعمل كدة و انا فى سنة0000المهم اللى عايز يفاصل او يطفش يكلم اللى بيبيع فى التليفون000 يعنى يمسك موبايلة و ميرنش و يكلف نفسة و يفاصل مع البائع000000
كمان حاجة تانية يعنى الواحد من الطفيشة دول ميقدرش يدخل محل سلاح و لو دخل يشترى من غير كلام و هو بيرتعش صدقونى انا شوفت كدة واللهى بيكلم الراجل كانة ناظر المدرسة0000 و على المنتدى هات يا تطفيش و هات ياكلام كانة مقطع سوق السلاح و عامل فيها حسين سالم00000 بجد مينفعش يا ريت كل واحد يراجع نفسة و شكرااااااااااااااااااااااااااااااااا

[pooforever_2010]

الله ينور ياباشا
والله كلام سليم بجد

[هشام عزب]

عندك حق
قال الله عز وجل { ولا تَبْخَسُوا النَّاسَ أَشْيَاءهُمْ }

[anaboora]

بس برده لما تعرف ان حاجه تمنها جنيه و بتتباع جديده بجنيه وواحد بيستغل ان الناس مش عارفه سعرها و بتبيعها بعشره جنيه المفروض تقول و ده مش البيع على بيع اخيك الى الرسول عليه الصلاة و السلام نهى عنه

[taimour]

طبعا لازم تحظرة 00000 اكتبلة مثلا رسالة على الخاص و توضحلة و دة لو انت متاكد مليون فى المية لانك لو اجتهدت كدة من نفسك شكل و منظر البائع حيكون وحش000 و طبعا انت مترضاش لنفسك لو مكان البائع يبقى شكلك كدة اكيد0000 و ربنا الموفق

[anaboora]

لا طبعا لازم تكون متاكد و متاخدش بالشكل بس على الخاص انت هتحزر واحد و واحد غيره هيتنصب عليه و يلبس.. لو انت متاكد تقول بس لو شاكك بس تسكت بس اغلب الحاجات بالماركه فصعب تكون مش متاكد

[taimour]

لك حرية الاختيار

[zeromero]

بارك الله فيك كلام تمام

[صقر ابوحسانين]

كلامك تمام وعشره على العشره بس فى ملحوظه المفروض العضو المحترم يكون محترم فى بيعه وشرائه يعنى ميمصش دم اخواته فى المنتدى حته خرطوم ب 750 او اله حاده ب 250 احنا فى شيكاغو يعم هيحسبوا الناس بالدولار وافتكر فى موقف فى المنتدى حاب يبيع سلعته باضعاف تمنها وحصل موقف محرج والكل شافه والله المستعان

[المحارب]

السلام عليكم ورحمة الله وبركاته فعلا يا جماعة الموضوع ده انا لاحظته كتير قوي وفي نقطتين
الاولى : حد يعرض حاجة ويبقى عارف ان سعرها نص السعر اللي هو طالبه فمش بيكتب السعر ويستنى لما يجي له زبون مش فاهم حاجة على الخاص ويصطاده وربنا يجازيه بسوء نيته

الثاني : يبقى في حاجة نفسه يشتريها فيعمل اكثر من طريقة منهم انه يدخل باكثر من عضوية ويقول اسعار خيالية في اكثر من رد كما ذكر تيمور ، وفي ناس تعمل موضوع تعرض فيها الحاجة اللي عايزه تشتريها بسعر خيالي عشان يخليك تنزل من سعرها

عشان كدة احنا محتاجين مدير عام لسوق المنتدى يكون فاهم والحمد لله المنتدى مليان بالناس الفاهمة والمحترمة كتير يدخل كل موضوع ويقول رايه في الموضوع والنصاب يتوقف

اسف اني طولت عليكم يا جماعة وربنا يصلح الحال للجميع

[taimour]

اقولك انا كنت شارى سكوب ب300جنية و مستعملتهوش حبيت ابيعة بسعرة لانة جديد و مركبتهوش على البندقية اصلا000 مجبش 300 جاب 240 جنية بالرغم ان كتير قالوا انة ب 75 و 100 جنية الناس عارفة سعر اللى فى السوق بس انا بتكلم على السادة اللى بيموتولك اللى بتبيعة و بعدين يكلموك علشان يشتروها 0000
دة قصدى00000 جرب كدة و اكتب انك عايز تبيع بندقية ب 100 جنية بس و شوف حيحصلك اية0 حتلاقى اللى شافها بتتباع ب 25 او اللى يقولك دية اكيد بايظة و الى يقول دية فيها عفريت و الى و اللى و اللى 0000 جرب كدة و حتعرف مدى المعناة اللى بيلاقيها اى واحد لو فكر يبيع حاجة هنا000 اما انك تخللى اعصابك بااردة او تحلف انك مش حتعمل كدة تانى0000 دة كان فية واحد كان عارض بندقية رمسيس و سعرها كويسسس جدااااااااااا شوف فية ناس من الاخوة الافاضل من مطفشى البيع بالمنتدى عملوة فية اية0000 قطعوة الراجل قرر ميبعهاش يرميها احسن0000 من فضلك0000 جرب و قوللى00000

[المحارب]

جربت والله كتير يا تيمور

[anaboora]

اقتراح ممتاز ان يكون فى مدير و يقول رايه و التمن العادل لكل حاجه و لو فى فرق 10% مش قضيه و حق كل واحد انه يعزز حاجته بس ميبقاش فرق 100 ولا 200% و يكون فاهم فى حاجه اسمها فرز اول و تانى و كلام من ده ولا مفيش اصلا الكلام ده زى مالتجار الكبار كلهم بيقولو

[المحارب]

فعلا لازم يبقى في فروق بتكون على حسب الحالة لكن بتكون بسيطة
اما عن موضوع فرز اول وتاني ده اللي بيعمله التجار ساعات لما بتيجي البضاعة بيبقى فيها عيوب فبيقولوا دي فرز تاني وبينزلوا السعر شوية

[رجب]

الاستاذ تيمور متزعلش نفسك السوق عرض وطلب ولازم تعمل حسابك هتقابل الحلو وهتقابل ال............. وشكرا

[osama2011]

يا استاذ تيمور ولا يهمك ياباشا بس ياريت ناخدبالنا منلفظ الجلاله
يكتب والله وليس واللهي او والهي
رجاء خاص باعتباري اخ الا لفظ الجلاله لا يحتمل الخطأ في كتابته وكلنا لنا اخطاء املائية كثيرة ولكن في غير لفظ الجلاله

[alaa@virus]

كلام مظبوط

[taimour]

شكرااا للاخ الفاضل من الملحوظة و احاطة علمى بها و يجزيك اللة عليها خير باذن اللة