الصيد فى مصر

الصيد فى مصر (http://www.egyhunt.net/index.php)
-   الصيد العام (http://www.egyhunt.net/forumdisplay.php?f=1)
-   -   النهاردة أشتريت رش من ميشيل عازر (http://www.egyhunt.net/showthread.php?t=15473)

mman2005 11-09-12 08:54 PM
النهاردة أشتريت رش من ميشيل عازر
 
وأنا فى الشغل قلت لو خرجت النهاردة بدرى هنزل أشترى رش جامو ماتش على رش مصرى، رحت متصل بمشيل عازر، سألته على الرش الجامو ماتش قالى 25 جنيه للعلبة الى فيها 250 رشاية نمرة 2 وقالى عنده الرش الجامو المدبب، ومعندهوش رش مصرى، بعد كده أتصلت أحمد محمد منسى قالى عنده المارسمان العلبة ب 7 جنيه ومعندهوش جامو، فكرت قلت خلينا فى الجامو يعتبر على كده أرخص من المصرى لما علبة المارسمان الى فيها أقل من 100 رشاية ب 7 جنيه يبقى الجامو أرخص وأنضف، ورحت نازل على العتبة على عمكم ميشيل، دخلت المحل صغير بس كان في زحمة سألت شاب قلتله الرش الجامو بكم قالى الماتش ب 30 جنيه والثانى ب 40 قلتله ازاى أنا لسة متصل من شوية وحد رد عليه وقالى ب 25 جنيه قالى مين قلتله واحد كبير وبصيت لاقيت عم ميشيل قاعد قلتله أكيد الحاج الكبير لأن الى رد عليه صوت راجل كبير قالى روحله، رحت لعم ميشيل وقلتله مش أنا أتصلت بحضرتك من شوية وقلتلى الماتش ب 25 جنيه قالى ماشى وقال للشاب هاتله علبة رش ماتش على 25 جنيه وقلتله والرش الجامو المدبب جابلى علبة وقالى علشان خاطرك ب35 جنيه بدل 40 وفتحلى العلبة وورانى شكل الرشة ومميزاتها، قلتله بس يا استاذ ميشيل أنا كنت عامل حسابى على علبتين ب 50 جنيه المهم قلتله هاتلى علبة ماتش ثانى وأخدت علبتين على 50 جنيه وسألته على البنادق على النوريكا جيت نمرة واحدة مش عارف قالى 3750 قلتله قصدى نمرة واحد مش نمرة 2 قالى علشان خاطرك ب 3500 قلتله ليه السعر عالى كده، قالى انت عايزها بكم، قلتله أنا بسأل علشان لما أجى أشترى أنا أعرف ناس شرينها ب 1800 جنيه قالى الكلام ده من كم سنة قلتله من شهرين ثلاثة، قالى كل حاجة بتغلى والسلاح دلوقتى أغلى من الدهب وأشترى رش أو سلاح دلوقتى لأنك مش هتخسر لما تشترى حاجة لأن أسعارها بتعلى، المهم شاكرته وأدالى كارت فيه ارقام المحل ومشيت روحت، وأول ما روحت فتحت العلبتين وعدتهم رشة رشة، طلع واحدة فيها 257 رشة وواحدة فيها 250 رشة ورشة زيادة بس بايظة راسها مكسورة.

بس تجربتى على شكل الرش الماتش أنها ميفرقش كثير عن الرش المصرى من حيث النضافة، يعنى برده تحس أن الرشة بها بعض الرايش وراسها مش ناعمة مش زى الصورة الى مرسومة على العلبة، بس يعتبر شكلها مش معوج زى الرش المصرى.

هذه تجربتى النهاردة حبيت أنقلها للإستفادة.

essam assem 11-09-12 08:56 PM
رد: النهاردة أشتريت رش من ميشيل عازر
 
شكرااااااااااااااااااااااااااااااااااااااا

Mohamed Mahmoud 11-09-13 08:22 AM
رد: النهاردة أشتريت رش من ميشيل عازر
 
مشكورررررررر يا باشا

bravehro1 11-09-13 08:32 AM
رد: النهاردة أشتريت رش من ميشيل عازر
 
تسلم وربنا يباركلك فيه

د.مهندس 11-09-13 09:19 AM
رد: النهاردة أشتريت رش من ميشيل عازر
 
بارك الله فيك
و بالتوفيق

sameer 11-09-13 09:24 AM
رد: النهاردة أشتريت رش من ميشيل عازر
 
الرش المارسمان المصري مش معووج ولا حاجة وعلى ضمانتي انا لسة جايبه زي الفل ومافيش فيه واحدة بايظة او مختلفة عن غيرها ممكن وبعدين لمارسمان عديتهم علبة 98 وعلبة تانية 100 بالظبط الرماية بيبقا 88 في الحدود دي و التالف فيه اكتر من السليم

mohd_wafik 11-09-13 09:26 AM
رد: النهاردة أشتريت رش من ميشيل عازر
 
بالتوفيق ان شاء الله اللف مبروك

هشام سمير 11-09-13 12:34 PM
رد: النهاردة أشتريت رش من ميشيل عازر
 
شكراً جزيلاً لك اخى الكريم على سرد التجربه
لكن نصيحتى لاخونا فى المنتدى اوعى حد يشترى الجيت بالسعر الجنونى ده

tarekvb 11-09-13 02:13 PM
رد: النهاردة أشتريت رش من ميشيل عازر
 
اكيد فيه غلط فى سعر الجيت

hema777h 11-09-13 02:31 PM
رد: النهاردة أشتريت رش من ميشيل عازر
 
اقتباس:
المشاركة الأصلية كتبت بواسطة هشام سمير (المشاركة 197840)
شكراً جزيلاً لك اخى الكريم على سرد التجربه
لكن نصيحتى لاخونا فى المنتدى اوعى حد يشترى الجيت بالسعر الجنونى ده
عيزين عرررروض علي البنادق واسعارها بدل الاسعار الغريبة الي بنسمعها برة

smsmn8888 11-09-13 02:42 PM
رد: النهاردة أشتريت رش من ميشيل عازر
 
انت عديد الرش واحدة واحة ينهاررررررررررررررررر دا انت صبور اوييييييي

moorg 11-09-14 11:06 AM
رد: النهاردة أشتريت رش من ميشيل عازر
 
يا باشا المارس مان نمرة 2 ب 4 وبخلص ب 3.5 اية 7 دى
تقبل مرورى :)

mman2005 11-09-16 02:05 PM
رد: النهاردة أشتريت رش من ميشيل عازر
 
اقتباس:
المشاركة الأصلية كتبت بواسطة essam assem (المشاركة 197341)
شكرااااااااااااااااااااااااااااااااااااااا
العفو يا أستاذ عصام
اقتباس:
المشاركة الأصلية كتبت بواسطة mmahmoud1800 (المشاركة 197728)
مشكورررررررر يا باشا
العفو يا أستاذ محمود
اقتباس:
المشاركة الأصلية كتبت بواسطة د.مهندس (المشاركة 197736)
بارك الله فيك
و بالتوفيق
جزاك الله كل خير
اقتباس:
المشاركة الأصلية كتبت بواسطة sameer (المشاركة 197737)
الرش المارسمان المصري مش معووج ولا حاجة وعلى ضمانتي انا لسة جايبه زي الفل ومافيش فيه واحدة بايظة او مختلفة عن غيرها ممكن وبعدين لمارسمان عديتهم علبة 98 وعلبة تانية 100 بالظبط الرماية بيبقا 88 في الحدود دي و التالف فيه اكتر من السليم
يا باشا إن شاء الله جايلك الغسكندرية الشهر الجاى وناوى بالسعر الى قلت عليه أشترى 40 علبة رش مارسمان.

اقتباس:
المشاركة الأصلية كتبت بواسطة mohd_wafik (المشاركة 197738)
بالتوفيق ان شاء الله اللف مبروك
جزاك الله كل خير
اقتباس:
المشاركة الأصلية كتبت بواسطة هشام سمير (المشاركة 197840)
شكراً جزيلاً لك اخى الكريم على سرد التجربه
لكن نصيحتى لاخونا فى المنتدى اوعى حد يشترى الجيت بالسعر الجنونى ده
العفو يا استاذ سمير، ومش عارف الأسعار الغريبة دى، أنا حسيت أن الراجل علشان بيبيع مسدسات حية وبيكسب فيها آلافات سايق الهبل فى بنادق الرش وعايز يكسب 2000 جنيه فى البندقية.
اقتباس:
المشاركة الأصلية كتبت بواسطة tarekvb (المشاركة 197940)
اكيد فيه غلط فى سعر الجيت
ممكن وممكن يكون بيستغل جهل الناس بالأسعار.

اقتباس:
المشاركة الأصلية كتبت بواسطة hema777h (المشاركة 197955)
عيزين عرررروض علي البنادق واسعارها بدل الاسعار الغريبة الي بنسمعها برة
بضم صوتى لصوتك عايزين عرضو حلوة على البنادق.

mman2005 11-09-16 02:09 PM
رد: النهاردة أشتريت رش من ميشيل عازر
 
اقتباس:
المشاركة الأصلية كتبت بواسطة smsmn8888 (المشاركة 197966)
انت عديد الرش واحدة واحة ينهاررررررررررررررررر دا انت صبور اوييييييي
أه والله، اصل فيه خصلة مش بحب حد يضحك عليه، أنا حبيت بس أتأكد هل هما بياخدوا من العلبة ولا لا علشان لو فكرت اشترى تانى من نفس المكان، بس فرحت لما لاقيت علبه فيها 257 رشة، ولو كنت لاقيت العلبة ناقصة أكثر من 10 رشات مكنتش هفكر تانى أنى أدخل المحل ده.

اقتباس:
المشاركة الأصلية كتبت بواسطة moorg (المشاركة 198617)
يا باشا المارس مان نمرة 2 ب 4 وبخلص ب 3.5 اية 7 دى
تقبل مرورى :)
يا باشا فين ده فى القاهرة يا ريت تدلنى أرجوك، أصل بصراحة أنا حالياً بتمرن رماية بالبندقية ومستخسر الجامو ماتش الى بضربه فى الهوا.


الساعة الآن 10:45 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir