الصيد فى مصر - تجربة تستحق المعرفة مع مسدسات الرش (الغاز)

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - تجربة تستحق المعرفة مع مسدسات الرش (الغاز) (http://www.egyhunt.net/showthread.php?t=18945)

تجربة تستحق المعرفة مع مسدسات الرش (الغاز)

السلام عليكم

معايا جامو 90 الحقيقة النهاردة كانت اول تجربة حقيقية للنشان واختبار دقة التصويب لان كل التجارب اللي فاتت كانت مركزة علىة قوته واخر ما وصتله ان لو خشب من 10 متر بيخرم حوالي 3 مليمتر وطبعا باختلاف نوع الرش لاني ركبت عليه رش برومسيوس بعد السنفرة شوية ولقيت قوته ضعف الرش العادي.

الحقيقة التجربة النهاردة كانت من 10 متر للاسف معاييش صورة بس بفضل الله انا قسمت ورقة دوائر 6 دوائر الرش ما تعداش الدائرة الثالثة وجبت اكثر من رشاية في اصغر دائرة.

كل ده ما كنش مفاجيء ليا الا حاجة غريبة لكن الاول خلوني اشرحلكم ازاي بنشن بجيب الورقة واحطها بين درفتين الشباك والص الورقة بحيث اللي وراء الورقة يكون الهواء والشارع والي ماسك الورقة الدرفتين.

ضربت حوالي 35 رشاية بالانبوبة لكن الغريب لقيت جرس الباب بيضرب قولت افتح ولا لا المهم فتحت لقيت واحد بيقولي معلش الرشاية دي انا جايبها من بيتنا مديت ايدي خدتها لقيتها ماستر بوينت ومضروبة الششخنات باينة على جسم الرشاية قولتله انا اسف والله واعتذرلتله الغريب في الموضوع ان بيتهم او شقتهم قدام شقتنا وبين العمارتين من الشباك للشباك حوالي 35 متر وانا اصلا برجع لباب البيت وبضرب من عنده وبيكون بيني وبين الشباك 10 متر فيعني 10 م تر + 35 متر+ 5 متر المكان اللي لقى فيه الصالة يساوي 50 متر انا مستغرب خاصة وان والشقة في نفس الدور اللي قدامنا فغريبة ان الرشاية تمشي بدون انحراف لمسافة لا تقل عن 50 متر!! اضافة ان الشباك بتاعهم فيه سلك شباك يعني مشيت وخرمته ..

يا جماعة دي تجربة حبيت انقلها للناس اللي بتستهون بمسدسات الرش او الغاز.