تجربة تستحق المعرفة مع مسدسات الرش (الغاز)

[H_SRM]

السلام عليكم

معايا جامو 90 الحقيقة النهاردة كانت اول تجربة حقيقية للنشان واختبار دقة التصويب لان كل التجارب اللي فاتت كانت مركزة علىة قوته واخر ما وصتله ان لو خشب من 10 متر بيخرم حوالي 3 مليمتر وطبعا باختلاف نوع الرش لاني ركبت عليه رش برومسيوس بعد السنفرة شوية ولقيت قوته ضعف الرش العادي.

الحقيقة التجربة النهاردة كانت من 10 متر للاسف معاييش صورة بس بفضل الله انا قسمت ورقة دوائر 6 دوائر الرش ما تعداش الدائرة الثالثة وجبت اكثر من رشاية في اصغر دائرة.

كل ده ما كنش مفاجيء ليا الا حاجة غريبة لكن الاول خلوني اشرحلكم ازاي بنشن بجيب الورقة واحطها بين درفتين الشباك والص الورقة بحيث اللي وراء الورقة يكون الهواء والشارع والي ماسك الورقة الدرفتين.

ضربت حوالي 35 رشاية بالانبوبة لكن الغريب لقيت جرس الباب بيضرب قولت افتح ولا لا المهم فتحت لقيت واحد بيقولي معلش الرشاية دي انا جايبها من بيتنا مديت ايدي خدتها لقيتها ماستر بوينت ومضروبة الششخنات باينة على جسم الرشاية قولتله انا اسف والله واعتذرلتله الغريب في الموضوع ان بيتهم او شقتهم قدام شقتنا وبين العمارتين من الشباك للشباك حوالي 35 متر وانا اصلا برجع لباب البيت وبضرب من عنده وبيكون بيني وبين الشباك 10 متر فيعني 10 م تر + 35 متر+ 5 متر المكان اللي لقى فيه الصالة يساوي 50 متر انا مستغرب خاصة وان والشقة في نفس الدور اللي قدامنا فغريبة ان الرشاية تمشي بدون انحراف لمسافة لا تقل عن 50 متر!! اضافة ان الشباك بتاعهم فيه سلك شباك يعني مشيت وخرمته ..

يا جماعة دي تجربة حبيت انقلها للناس اللي بتستهون بمسدسات الرش او الغاز.

[dokdok_fox]

ياباشا المسدسات دي مش قليله بس خلي بالك لحسن تصطاد حد من الجيران

[Qoldus]

قدر ولطف أخي العزيز...ربنا يستر وخللي بالك أرجوك...أحد مسدساتي الجامو af-10 مكتوب في الكتالوج أن مسافة الأمان 200 متر...أي أنه لا يجب أن يتواجد أشخاص في مرمي المسدس حتى مسافة 200 متر...إحرص دائما على عدم الصيد أو الرماية في المناطق السكنية أو المتواجد بها أشخاص أو مارة حتى لا يصيبهم الرش في أعينهم أو أجسامهم...يستحسن أن تثبت كارت النيشان على لوح أو ملة خشب بسمك 3 سم للأمان...يا ريت تجرب تاني وتدعم موضوعك بالصور...مشكور لمجهودك ولموضوعك الجميل...تحياتي...

[zicooo]

قدر ولطف .........................

[eng.amg]

مشكور للمعلومة ... وربنا يستر

[H_SRM]

باشا dokdok_fox ربنا يستررررررررر والحمد لله جت سليمة

[animator]

هههههههههههههههههه
والله ما كنت اتصور فعلا ان القوه توصل للدرجه دى
وزى ما قالك اخونا dokdok_fox خلى بالك لا تصطاد حد من الجيران
ربنا يباركلك فيه

[H_SRM]

Qoldus حبيبي ماكنتش اخد بالي والله افتكرت انه مش هيوصل للدرجة دي بس ربنا يستر يارب

وجزاك الله كل خير على الافادة والتوضيح وربنا يبعد عننا اي شر

شكرا ليك

[H_SRM]

الحمد لله اخي zicooo

[NSAA]

المشاركة الأصلية كتبت بواسطة Qoldus

قدر ولطف أخي العزيز...ربنا يستر وخللي بالك أرجوك...أحد مسدساتي الجامو af-10 مكتوب في الكتالوج أن مسافة الأمان 200 متر...أي أنه لا يجب أن يتواجد أشخاص في مرمي المسدس حتى مسافة 200 متر...إحرص دائما على عدم الصيد أو الرماية في المناطق السكنية أو المتواجد بها أشخاص أو مارة حتى لا يصيبهم الرش في أعينهم أو أجسامهم...يستحسن أن تثبت كارت النيشان على لوح أو ملة خشب بسمك 3 سم للأمان...يا ريت تجرب تاني وتدعم موضوعك بالصور...مشكور لمجهودك ولموضوعك الجميل...تحياتي...

بس جرب بالليل بقى علشان محدش يبقى صاحي و يجيبلك الرش لحد عندك تاني ...
أو على لوح الخشب زي ما قال العزيز Qoldus

[H_SRM]

eng.amg شكرا اخي الفاضل وربنا ييسر ويستر

[H_SRM]

animator هههه ربنا يستر أخي وان شاء الله مش هجرب تاني الا في مكان مفتوح

شكرا وربنا يبارك فيك ويكرمك