|
تحذير هام من العضو fir_fox
بسم الله العظيم بدايه القول احب ان اعتزر لكل من الاستاذ هشام سمير لعدم وضعى الموضوع فى الميعاده
واعتزر ايضا للاستاذ ~__e__~ و العضو okapi knife لعدم الاتزامى بمواعيدهم وفقدى تلفونى ولم ارد عليهم احب ان احزر من العضو المدعو FIR_FOX هذا الشخص قام بالسؤال عنى فى احد موضيعه http://www.egypthunt.net/showthread.php?t=15534 وقام احد الاعضاء باعطائه رقمى على اساس انى من هواه الاسلحه البيضاء فقام بمكالمتى واخبرنى بانه بيجيب الخناجر و السيوف من الصين وقالى انه هيكون بمصر ومعاه عينات الشغل المهم قبلته فى مصر الجديده وتعرفت عليه وقلى انه اسمه عمرو من اسكندريه وشوفت الخناجر وقلتله مفيش غير الاتنين دول عجبنى وعايز منه كميه قالى ماشى بس العينات دى تمنها الواحد 180 جنيه والكميات السعر يختلف واديتو الايمال بتاعى بخصوص انه هيبعتلى صور الحاجه ونتفق كلمنى على الايمال وبعتلى صور السونكى الكبير و بعض الخناجر الكلومبيا والسيوف فقلتله انا شارى كل الكميه قالى بس هتخدها من اسكندريه وهتاخد الخناجر بس لان السيوف والحجات التانية لسه معرفتش ادخلها قلت ماشى ادانى ميعاد وخلف فيه وسبنى ملطوع على الكافيه 5 ساعات وبعدين لقيته جايلى بثلاث خاجر وبيقولى اصل صاحب الحاجه فى مشكله واتمسك وياريت يومين وهتصل بك واقول اه الاخبار قلتلو انا جاى بفلوسى وانتا مبهدلنى علشان تقولى معلش المهم قالى والله لخدمك خدمه عمرك انا الى فى المنتدى قالولى عنك كلام كتير انك جدع وكلام التثبيت ده الى انتو عارفينه المهم كلمنى بعد اسبوع وقالى انه جاهز وكمان فيه حجات كتير لما تيجى هتشوفها بنفسك والخناجر الموموهه موجود على 85 جنيه للكميات والسونكى والكولومبيا وتعالى على شان تشيل قلتلو ماشى المهم كلمت اصدقائى من المهتمين بالسلاح وكلمت منهم واحد ظابط زميلى بيعشق وهاوى السلاح وجمعنا فلوسنا وكان الشخص ده بيكلمنى من ارقام مختلفه بس اليوم ده كلمنى من تلفون واحد طول اليوم المهم انا كلمته وقلتلو انا فى فندق اسمه المحروسه كان صديقى بالحمام جانى الشخص ده ولى يلابينا قلتلو على فين قلى علشان تعاين البضاعة قلتلو لحظه انا معى صديقى بالحمام لقيتو استغرب فبيقولى انتا مقولتليش انك معاك حد قلتلو لا دة صديق واحتمال يشل كمان الى انا مشلوش رحت معاه قلى بينا على ابو قيير كان راكب 128 وصلنا ابو قير دخلنا فى مكن غريب لقيته قالى ثوانى هجيب الحاجه غاب ربع ساعه جيت ارن لقيت تليفونه مغلق قلت ده لازم خلع تانى جيت امشى لقيتو وصل ومعاه اتنين قلتلو فين الحاجه حسيسنى انى فى فلم عربى قالى معاك فلوسك قلتلو اة فين الحاجه راح مطلعلى 3 حتت بس تعبنين وطاله ام التيت عليهم قلتلو دول تعبنين فين السيوف فلقيت الهجه اتغيرت وراح واحد من المعاه طلع فرد خرطوش وضرب علينا والشخص ده مكانش يعرف انى الى معاي ده ظابط شرطه فوجئ انه معاه سلاح نار الحمد لله محصلناش حاجه وصديقى ثبت العيال دول وتم تسلمهم لقسم شرطه ابو قير الموضوع ده ياجماعه علشان الكل ياخد بالو يحسن البلد والبلطجيه بقو زفت نسيت اقول انه تليفونى ضاع واسف لعدم الرد على اى رقم لانى كل الارقام راحت منى فياريت االى عايزنى يبعتلى على الخاص شكر |
رد: تحذير هام من العضو fir_fox
الحمد لله ربنا سترها معاك يا باشا و مفيش داعي للأعتذار
|
رد: تحذير هام من العضو fir_fox
حمدالله على سلامنك يا باشا
|
رد: تحذير هام من العضو fir_fox
شكرا لك على تنبيه الاعضاء
والحمدد لله ان محصلكومش حاجة وجت سليمة واحسن حاجة انك اخدت معاك صاحبك وحسبى الله ونعم الوكيل فيه وحمد الله على سلامتك مرة تانية يااستاذ هوجن |
رد: تحذير هام من العضو fir_fox
الحمد لله جت سليمة
|
رد: تحذير هام من العضو fir_fox
ينفع دلوقتى اقول ان موضوع الكرنيهات ده لازم يتعمل ومحدش يدخل المنتدى من غير كارنيه بس واللى هيبقى معاه الكارنيهات هو اللى يدخل المنتدى ويبقى معترف بيه يعنى من الاخر محدش يسجل جديد الا لما يعمل كارنيه بس السن ينفع اقل من 16 سنة:p
|
رد: تحذير هام من العضو fir_fox
حمد الله علي السلامة يا باشا المهم ماجرلكمش حاجة و انا اقترح الصراحة بعد كدة ان المنتدي لازم يعمل مراقبة لكل الاعضاء الي بتسجل جديد في المنتدي
|
رد: تحذير هام من العضو fir_fox
الحمد لله اناه جت سليمه وحمد الله على سلامتك يا باشا
|
Re: تحذير هام من العضو fir_fox
لازم على كل عضو تسجيل بياناتة كاملة علشان حاجة زى دى و انا مع فكرة الكارنيهات دى و الف حمداللة عالسلامة يا باشا
|
رد: تحذير هام من العضو fir_fox
من اكتر من شهرين وواضح ان فى ناس كتير سمعت عن المنتدى وواضح انهم مش فوق مستوى الشبهات وكتبت اكتر من مره عن رسايل بتجيلى على الخاص بتسأل كلها عن اسلحه شمال(بدون ترخيص) وبعد شويه يختفوا لما مايلاقوش فرص للشراء بدون رخصه وطبعا كمان انضم ليهم فئة النصابين والبلطجيه زى ما الاخ هوجان حكى.... لابد من سرعة تفعيل الكارنيهات منعا لتكرار المواضيع دى... حمدالله على السلامه يا اخ هوجان وربنا يسترها علينا جميعا
|
رد: تحذير هام من العضو fir_fox
الحمد لله رب العالمين قدر ولطف
وسلامتك أهم حاجه |
رد: تحذير هام من العضو fir_fox
الحرص واجب و المعاملات المظبوطة تتم فى النور
|
رد: تحذير هام من العضو fir_fox
الحمدلله انك كان معاك صديقك ربك بيسبب الاسباب
|
رد: تحذير هام من العضو fir_fox
الحمد لله ربنا سترها معاك
|
رد: تحذير هام من العضو fir_fox
الف حمد لله علي السلامة والحمد لله انك كنت واخد واحد صاحبك معااااااك
|
رد: تحذير هام من العضو fir_fox
حمدا لله علي سلامتك
|
رد: تحذير هام من العضو fir_fox
اهم حاجة رجوعك لينا بالسلامة وبعدين خلي بالك من نفسك عشان خاطر شمس وعشان خاطرنا احنا كمان يا عم !!!
|
رد: تحذير هام من العضو fir_fox
الحمد لله قدر و ستر
و انته بعد كده لازم يكون لك نظره خاصه فى الناس بحيث تفرق بين الى تتعامل معاه او لا احمد ربنا على سلامتك |
رد: تحذير هام من العضو fir_fox
الف حمد لله على السلامة يا استاذ هوجان .. وكويس انك كنت واخد صاحبك معاك ..
ويا ريت ان كل الاعضاء ميتعاملوش مع اى عضو اخر من اعضاء المنتدى الجدد الا لو كان واثق منه مليار فى المية .. وحمد لله على السلامة مرة تانية وخلى بالك من نفسك يا باشا |
رد: تحذير هام من العضو fir_fox
الحمد لله انها جت على اد كدة يا باشا
الف حمد لله على السلامة |
رد: تحذير هام من العضو fir_fox
الحمد لله,,,,,,,,,,,,,,,,,,,,,
|
رد: تحذير هام من العضو fir_fox
الحمد لله على سلامتك ياباشا والحمد لله انها عديت على خير
|
رد: تحذير هام من العضو fir_fox
يا نهار ازرق
الحمد لله على سلامتك اولا الحمد لله ان كان معاك زميلك بس على فكره ياباشا ولو كنت لوحدك كانو برضو هيتسبتو مين يقدر على هوجن |
رد: تحذير هام من العضو fir_fox
الموضوع ده زاد عن حده اليومين دول الحمد لل ان ربنا سترها معاك بز لازم فعلا يبقي فيه تصرف مع الناس الي زي ديه لازم تعمل فعلا موضوع الكرنهات ده هايريح ناس كتير
|
رد: تحذير هام من العضو fir_fox
شكرا للأخ هوجان لهذا التنبيه الهام.. كما يرجى من الأخوه الأعضاء عدم التعامل مع أشخاص مجهولين الهويه والتعامل فقط مع التجار المسجلين بالمنتدى أو الأعضاء المعروفين وذلك لزيادة عمليات السرقه بالأكراه هذه الأيام من أشخاص مجهولى الهويه على الكثير من مواقع البيع والشراء.. شكرا
|
رد: تحذير هام من العضو fir_fox
يا جماعة انا لما بقول للناس انى مشترك فى منتدى الصيد بلاقى استهجان كبير جدا لاننا اشتهرنا ببيع السلاح الابيض وتعديل المسدسات الصوت ولو مش مصدئنى شوفوا كمية الاعلانات الى بتبيع الاسلحة البيضاء فى السوق ارجوا ان الى هيشترى حاجة يكون عمل تحريات عن الى هيشترى منه الحاجة .
كلامى ده من دافع خوفى على المنتدى الى نما فيا حب هواية الصيد وليس التنكر منه وزى ما فيه ناس وحشة زى مافيه ناس محترمة كتيييييييييير بس للاسف الحسنة تخص والسيئة تعم تقبلوا مرورى وحمدلله على السلامة |
Re: تحذير هام من العضو fir_fox
الف حمد الله علي سلامتك يا هوجن وبعد كده لما تيجي اسكندريه اخواتك الاسكندرنيه كتير قول واحنا نيجي معاك
|
رد: تحذير هام من العضو fir_fox
القاعدة الاساسية فى استلام بضاعة من شخص لأول مرة هى استلام الصفقة فى "منطقتك" مهما كانت الاسباب و ضرورة وجود أكثر من شخصين ... اللهم سلم على كل الاعضاء المحترمين.
|
رد: تحذير هام من العضو fir_fox
شكرا لكل من اطمئن على سواء بالهاتف او الرسائل او الدخول على موضوعى
واتمنى من الجميع الحرص شكرا لكم الف مليوووووووووووووووووون شكر http://www.muslmah.net/imgpost/11/d3...761e715692.gif |
رد: تحذير هام من العضو fir_fox
الحمد لله ربنا سترها و حمداللة على السلامة
|
رد: تحذير هام من العضو fir_fox
الف حمدلله علي سلامة حضرتك..يجب توخي الحذر فعلا
|
رد: تحذير هام من العضو fir_fox
لا حولا لا يارب
انت علاطول كدا يا هوجن ربنا يستر وربنا معاك والحمد الله انها عديت علي خير |
رد: تحذير هام من العضو fir_fox
اللهم اكفنى شر نفسى لنفسى وشر نفسى لغيرى
|
رد: تحذير هام من العضو fir_fox
اقتباس:
|
رد: تحذير هام من العضو fir_fox
فيلم ده ولا علم ههههههههههه
أهم حاجة إنك بخير, وكويس إنهم إتظبطوا. |
رد: تحذير هام من العضو fir_fox
المهم انت ياحبى الف حمد للة على سلامتك
والحمد للة ان السوابق دى اتسلمت وبعدين عيزين يارجالة لما نيجى نتفق او نشترى نكون قريبين من المنطقة بتعتنا عشان ميتعملش معانا زى اللى اتعمل مع هوجن ونحمد ربنا على كل للى ادهولنا |
رد: تحذير هام من العضو fir_fox
يا باشا اهم حاجة فى استلام البضاعة من شخص غريب انو يكون فى مكان عاااااااااام و فى ناس مش تركب معاه و تروح الحتة الهو عايزها قدر ولطف انهم كانوا تلالتة و كان صحبك معاه طبنجة لو حتى كان معاك صحبك و نسى الطبنجة كان زمنكم دلوئتى لقدر الله مقتولين ولا حاجة و حمدالله على سلامتك يا باشا
|
رد: تحذير هام من العضو fir_fox
اقتباس:
|
رد: تحذير هام من العضو fir_fox
اقتباس:
الحياه من غير شقاوه متنفعش هههههههههههههههههه |
رد: تحذير هام من العضو fir_fox
حمد الله على سلامتك يااخ هوجن
واخرة الشقاوة عيش وحلاوة ههههههههههههههههه |
رد: تحذير هام من العضو fir_fox
ايه يا باشا انت عمرك مسمعت عن ابوقير الصياعه و البلطجه و كل اللي نفسك فيه هناك انا من ابوقير و بقولك حظر منهم صيع بطريقه رهيبه اوعي تصدقهم لو حلفولك علي المصحف تصدقهم بس في حالة واحده لو هم اللي قالولك ماشي علي اي حاجه يعني لو انت اللي مشيتهم مش هم اللي ممشيينك و اوعي تروح ابوقير عشان تشتري سلاح هيتعمل عليك نحله انت تقولهم تعاله مش اجلكم متدخلش ابوقير للاي سبب غير لو ليك حد هناك ههههههههههههه انا من ابوقير و عرفهم واحد واحد هههههههههههه بس انا مش زيهم صايع انا الحمدلله جنب الحيط بس اعرف كتير صيع هههههههههههه
|
رد: تحذير هام من العضو fir_fox
الحمد للة إنها جت سليمة وشكرا لتحذيرك
بس هل تم القبض على هذا العضو |
رد: تحذير هام من العضو fir_fox
الحمد لله جت سليمه
|
رد: تحذير هام من العضو fir_fox
الحمد لله ربنا سترها
|
رد: تحذير هام من العضو fir_fox
الف مليووون حمد الله على سلامتك والحمد لله جت سليمه وفعلا الاشكال الزباله كترت في كل حته وفعلا لازم لو حد هايشتري اي سلاح لازم يبقى في مكان عام ويكون معاه ناس تانيه مايروحش مفرد كده وطبعا يكون معاه سلاح وشكرا يا استاذ هوجن على تنبيهك للاعضاء
|
رد: تحذير هام من العضو fir_fox
حلوه حتت الظابط ده،جدع،و الحمد ل الله ان محصلكمش حاجه،و ربنا يسترها معانا،ياريت بجماعه تليفونتنا تبقى مبينا و لا تعطى للغرباؤ او الجدد حتى نتأكد من النوايه.
|
رد: تحذير هام من العضو fir_fox
اقتباس:
انتا جاى من اول مشاركة ليك عالمنتدى تكتب هنا فى الموضوع ابو قير وصياعة وبلطجة وصيع بطريقة رهيبة وتعرف صيع .. على ما اعتقد ان دى مش الفاظ تقال فى منتدى محترم .. وكمان اعتقد ان حضرتك اخطأت لما جيت هنا عندنا فى المنتدى ... معلش انا اسف لو كلامى كان زعلك .. بس اتمنى ان حضرتك تراعى شوية انك فى منتدى محترم .. تحياتى .. |
رد: تحذير هام من العضو fir_fox
اولا الحمدالله على السلامه ثانيا ياريت الاداره تبتدى فى تفعيل موضوع الكارنيه ويكون من ضمن الاوراق المطلوبه صوره البطاقه الشخصيه بعد الاطلاع على الاصل طبعا وبالتالى هيكون كافه البيانات عن العضو مكتوبه والمهنه والعنوان و لا نتعامل إلا مع الاعضاء من التجار الحاملين للكارنيهات حتى لا نقع فى دائرة النصب من البلطجيه والنصبين
|
رد: تحذير هام من العضو fir_fox
الف حمد الله علي السلامه يا هوجان باشا .. الحمد لله جت سليمه
|
رد: تحذير هام من العضو fir_fox
حمد الله علي السلامه يا كبير والحمد لله انها عدت على خيرر
|
رد: تحذير هام من العضو fir_fox
ليه انا بحب المنتدي بس انا 14 سنه ينفع ادخل عادي
|
رد: تحذير هام من العضو fir_fox
الحمد لله جت سليمه وحمد الله على السلامه والمفروض محدش بيبع ولا يشترى الا للاعضاء المعرفيين وحمد الله على سلامتك يا هوجن
|
رد: تحذير هام من العضو fir_fox
المهم حمد الله على سلامتك ولا يهمك اى حاجة
|
رد: تحذير هام من العضو fir_fox
الحمد لله على السلامه
ده بنى ادم قليل الادب |
رد: تحذير هام من العضو fir_fox
حمدالله على سلامتكو والحمد لله انها جت سليمه
|
رد: تحذير هام من العضو fir_fox
اقتباس:
|
رد: تحذير هام من العضو fir_fox
الف حمد لله على سلامتك بس بعد ازنك انا شايف انك غلطان بردوا انك تسمع كلام واحد ماتعرفوش وتسافر له كمان فى ظل الظروف الى البلد فيها والانفلات الامنى وكمان ظهور حاجات تبين عدم جديته زى انه يكلمك من كذا نمره مختلفه بس الحمد لله جت سليمه
انا بقى لسه عند راى وقلت الكلام ده من زمان قسم مقتنيات الاعضاء يا جماعه بيتعرض فيها حاجات لا تمت للصيد بصله اعتقد انه من الافضل يمنع وضع طلبات او عروض للاسلحه البيضاء كلها لان انا شايف ان كل المشاكل الى حصلت للاعضاء كانت من ورا الحاجات دى ومره تانيه حمدله على السلامه |
| الساعة الآن 04:06 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir