تحذير هام من العضو fir_fox

[hogan]

بسم الله العظيم بدايه القول احب ان اعتزر لكل من الاستاذ هشام سمير لعدم وضعى الموضوع فى الميعاده

واعتزر ايضا للاستاذ ~__e__~ و العضو okapi knife لعدم الاتزامى بمواعيدهم وفقدى تلفونى ولم ارد عليهم

احب ان احزر من العضو المدعو FIR_FOX
هذا الشخص قام بالسؤال عنى فى احد موضيعه
http://www.egypthunt.net/showthread.php?t=15534
وقام احد الاعضاء باعطائه رقمى على اساس انى من هواه الاسلحه البيضاء فقام بمكالمتى واخبرنى بانه بيجيب الخناجر و السيوف من الصين وقالى انه هيكون بمصر ومعاه عينات الشغل
المهم قبلته فى مصر الجديده وتعرفت عليه وقلى انه اسمه عمرو من اسكندريه
وشوفت الخناجر وقلتله مفيش غير الاتنين دول عجبنى وعايز منه كميه
قالى ماشى بس العينات دى تمنها الواحد 180 جنيه والكميات السعر يختلف واديتو الايمال بتاعى بخصوص انه هيبعتلى صور الحاجه ونتفق
كلمنى على الايمال وبعتلى صور السونكى الكبير و بعض الخناجر الكلومبيا والسيوف فقلتله انا شارى كل الكميه قالى بس هتخدها من اسكندريه وهتاخد الخناجر بس لان السيوف والحجات التانية لسه معرفتش ادخلها قلت ماشى
ادانى ميعاد وخلف فيه وسبنى ملطوع على الكافيه 5 ساعات وبعدين لقيته جايلى بثلاث خاجر وبيقولى اصل صاحب الحاجه فى مشكله واتمسك وياريت يومين وهتصل بك واقول اه الاخبار قلتلو انا جاى بفلوسى وانتا مبهدلنى علشان تقولى معلش المهم قالى والله لخدمك خدمه عمرك انا الى فى المنتدى قالولى عنك كلام كتير انك جدع وكلام التثبيت ده الى انتو عارفينه
المهم كلمنى بعد اسبوع وقالى انه جاهز وكمان فيه حجات كتير لما تيجى هتشوفها بنفسك
والخناجر الموموهه موجود على 85 جنيه للكميات والسونكى والكولومبيا وتعالى على شان تشيل قلتلو ماشى
المهم كلمت اصدقائى من المهتمين بالسلاح وكلمت منهم واحد ظابط زميلى بيعشق وهاوى السلاح وجمعنا فلوسنا وكان الشخص ده بيكلمنى من ارقام مختلفه بس اليوم ده كلمنى من تلفون واحد طول اليوم المهم انا كلمته وقلتلو انا فى فندق اسمه المحروسه كان صديقى بالحمام جانى الشخص ده ولى يلابينا قلتلو على فين قلى علشان تعاين البضاعة قلتلو لحظه انا معى صديقى بالحمام
لقيتو استغرب فبيقولى انتا مقولتليش انك معاك حد قلتلو لا دة صديق واحتمال يشل كمان الى انا مشلوش رحت معاه قلى بينا على ابو قيير كان راكب 128 وصلنا ابو قير دخلنا فى مكن غريب لقيته قالى ثوانى هجيب الحاجه غاب ربع ساعه جيت ارن لقيت تليفونه مغلق قلت ده لازم خلع تانى جيت امشى لقيتو وصل ومعاه اتنين قلتلو فين الحاجه حسيسنى انى فى فلم عربى قالى معاك فلوسك قلتلو اة فين الحاجه راح مطلعلى 3 حتت بس تعبنين وطاله ام التيت عليهم قلتلو دول تعبنين فين السيوف فلقيت الهجه اتغيرت وراح واحد من المعاه طلع فرد خرطوش وضرب علينا والشخص ده مكانش يعرف انى الى معاي ده ظابط شرطه فوجئ انه معاه سلاح نار الحمد لله محصلناش حاجه وصديقى ثبت العيال دول وتم تسلمهم لقسم شرطه ابو قير
الموضوع ده ياجماعه علشان الكل ياخد بالو يحسن البلد والبلطجيه بقو زفت نسيت اقول
انه تليفونى ضاع واسف لعدم الرد على اى رقم لانى كل الارقام راحت منى فياريت االى عايزنى يبعتلى على الخاص

شكر

[okapi knife]

الحمد لله ربنا سترها معاك يا باشا و مفيش داعي للأعتذار

[pooforever_2010]

حمدالله على سلامنك يا باشا

[omarmagic]

شكرا لك على تنبيه الاعضاء
والحمدد لله ان محصلكومش حاجة وجت سليمة
واحسن حاجة انك اخدت معاك صاحبك
وحسبى الله ونعم الوكيل فيه
وحمد الله على سلامتك مرة تانية يااستاذ هوجن

[omarmagic]

الحمد لله جت سليمة

[medo pasha]

ينفع دلوقتى اقول ان موضوع الكرنيهات ده لازم يتعمل ومحدش يدخل المنتدى من غير كارنيه بس واللى هيبقى معاه الكارنيهات هو اللى يدخل المنتدى ويبقى معترف بيه يعنى من الاخر محدش يسجل جديد الا لما يعمل كارنيه بس السن ينفع اقل من 16 سنة:p

[Mr_mody]

حمد الله علي السلامة يا باشا المهم ماجرلكمش حاجة و انا اقترح الصراحة بعد كدة ان المنتدي لازم يعمل مراقبة لكل الاعضاء الي بتسجل جديد في المنتدي

[medozs]

الحمد لله اناه جت سليمه وحمد الله على سلامتك يا باشا

[القبطان S]

لازم على كل عضو تسجيل بياناتة كاملة علشان حاجة زى دى و انا مع فكرة الكارنيهات دى و الف حمداللة عالسلامة يا باشا

[bodygard 34]

من اكتر من شهرين وواضح ان فى ناس كتير سمعت عن المنتدى وواضح انهم مش فوق مستوى الشبهات وكتبت اكتر من مره عن رسايل بتجيلى على الخاص بتسأل كلها عن اسلحه شمال(بدون ترخيص) وبعد شويه يختفوا لما مايلاقوش فرص للشراء بدون رخصه وطبعا كمان انضم ليهم فئة النصابين والبلطجيه زى ما الاخ هوجان حكى.... لابد من سرعة تفعيل الكارنيهات منعا لتكرار المواضيع دى... حمدالله على السلامه يا اخ هوجان وربنا يسترها علينا جميعا

[amin hegazy]

الحمد لله رب العالمين قدر ولطف
وسلامتك أهم حاجه

[محمد المهدى]

الحرص واجب و المعاملات المظبوطة تتم فى النور

[Android man]

الحمدلله انك كان معاك صديقك ربك بيسبب الاسباب

[zicooo]

الحمد لله ربنا سترها معاك

[hema777h]

الف حمد لله علي السلامة والحمد لله انك كنت واخد واحد صاحبك معااااااك

[Ahmed El Sarky]

حمدا لله علي سلامتك

[ِAhmedAlaa2007]

اهم حاجة رجوعك لينا بالسلامة وبعدين خلي بالك من نفسك عشان خاطر شمس وعشان خاطرنا احنا كمان يا عم !!!

[احمد صابر حسن]

الحمد لله قدر و ستر
و انته بعد كده لازم يكون لك نظره خاصه فى الناس بحيث تفرق بين الى تتعامل معاه او لا
احمد ربنا على سلامتك

[أحمد عطاالله إبراهيم]

الف حمد لله على السلامة يا استاذ هوجان .. وكويس انك كنت واخد صاحبك معاك ..

ويا ريت ان كل الاعضاء ميتعاملوش مع اى عضو اخر من اعضاء المنتدى الجدد الا لو كان واثق منه مليار فى المية ..

وحمد لله على السلامة مرة تانية وخلى بالك من نفسك يا باشا

[ĴΘĶЄЯ]

الحمد لله انها جت على اد كدة يا باشا
الف حمد لله على السلامة

[mohamed2010habib]

الحمد لله,,,,,,,,,,,,,,,,,,,,,

[hunter store]

الحمد لله على سلامتك ياباشا والحمد لله انها عديت على خير

[خواجة]

يا نهار ازرق
الحمد لله على سلامتك اولا
الحمد لله ان كان معاك زميلك
بس على فكره ياباشا ولو كنت لوحدك كانو برضو هيتسبتو
مين يقدر على هوجن

[old hunter]

الموضوع ده زاد عن حده اليومين دول الحمد لل ان ربنا سترها معاك بز لازم فعلا يبقي فيه تصرف مع الناس الي زي ديه لازم تعمل فعلا موضوع الكرنهات ده هايريح ناس كتير

[shadow]

شكرا للأخ هوجان لهذا التنبيه الهام.. كما يرجى من الأخوه الأعضاء عدم التعامل مع أشخاص مجهولين الهويه والتعامل فقط مع التجار المسجلين بالمنتدى أو الأعضاء المعروفين وذلك لزيادة عمليات السرقه بالأكراه هذه الأيام من أشخاص مجهولى الهويه على الكثير من مواقع البيع والشراء.. شكرا

[fadeel79]

يا جماعة انا لما بقول للناس انى مشترك فى منتدى الصيد بلاقى استهجان كبير جدا لاننا اشتهرنا ببيع السلاح الابيض وتعديل المسدسات الصوت ولو مش مصدئنى شوفوا كمية الاعلانات الى بتبيع الاسلحة البيضاء فى السوق ارجوا ان الى هيشترى حاجة يكون عمل تحريات عن الى هيشترى منه الحاجة .
كلامى ده من دافع خوفى على المنتدى الى نما فيا حب هواية الصيد وليس التنكر منه وزى ما فيه ناس وحشة زى مافيه ناس محترمة كتيييييييييير بس للاسف الحسنة تخص والسيئة تعم تقبلوا مرورى وحمدلله على السلامة

[scorpion]

الف حمد الله علي سلامتك يا هوجن وبعد كده لما تيجي اسكندريه اخواتك الاسكندرنيه كتير قول واحنا نيجي معاك

[Biso007]

القاعدة الاساسية فى استلام بضاعة من شخص لأول مرة هى استلام الصفقة فى "منطقتك" مهما كانت الاسباب و ضرورة وجود أكثر من شخصين ... اللهم سلم على كل الاعضاء المحترمين.

[hogan]

شكرا لكل من اطمئن على سواء بالهاتف او الرسائل او الدخول على موضوعى
واتمنى من الجميع الحرص شكرا لكم الف مليوووووووووووووووووون شكر

[HatemAhmed]

الحمد لله ربنا سترها و حمداللة على السلامة

[kiko_2015]

الف حمدلله علي سلامة حضرتك..يجب توخي الحذر فعلا

[smsmn8888]

لا حولا لا يارب
انت علاطول كدا يا هوجن ربنا يستر وربنا معاك والحمد الله انها عديت علي خير

[elmasrey123]

اللهم اكفنى شر نفسى لنفسى وشر نفسى لغيرى

[hogan]

المشاركة الأصلية كتبت بواسطة smsmn8888

لا حولا لا يارب
انت علاطول كدا يا هوجن ربنا يستر وربنا معاك والحمد الله انها عديت علي خير

حمدا لله على سلامتك اخبارك اه

[سامح عاشور]

فيلم ده ولا علم ههههههههههه

أهم حاجة إنك بخير, وكويس إنهم إتظبطوا.

[الجباروت]

المهم انت ياحبى الف حمد للة على سلامتك
والحمد للة ان السوابق دى اتسلمت
وبعدين عيزين يارجالة لما نيجى نتفق او نشترى نكون قريبين من المنطقة بتعتنا عشان ميتعملش معانا زى اللى اتعمل مع هوجن
ونحمد ربنا على كل للى ادهولنا

[الشرقاوى]

يا باشا اهم حاجة فى استلام البضاعة من شخص غريب انو يكون فى مكان عاااااااااام و فى ناس مش تركب معاه و تروح الحتة الهو عايزها قدر ولطف انهم كانوا تلالتة و كان صحبك معاه طبنجة لو حتى كان معاك صحبك و نسى الطبنجة كان زمنكم دلوئتى لقدر الله مقتولين ولا حاجة و حمدالله على سلامتك يا باشا

[smsmn8888]

المشاركة الأصلية كتبت بواسطة hogan

حمدا لله على سلامتك اخبارك اه

نشكر ربنا المهم انت مش تبطل شقاوة بقي وتقلقنا عليك كدا

[hogan]

المشاركة الأصلية كتبت بواسطة smsmn8888

نشكر ربنا المهم انت مش تبطل شقاوة بقي وتقلقنا عليك كدا

الحياه من غير شقاوه متنفعش هههههههههههههههههه

[omarmagic]

حمد الله على سلامتك يااخ هوجن
واخرة الشقاوة عيش وحلاوة ههههههههههههههههه

[محب للصواعق]

ايه يا باشا انت عمرك مسمعت عن ابوقير الصياعه و البلطجه و كل اللي نفسك فيه هناك انا من ابوقير و بقولك حظر منهم صيع بطريقه رهيبه اوعي تصدقهم لو حلفولك علي المصحف تصدقهم بس في حالة واحده لو هم اللي قالولك ماشي علي اي حاجه يعني لو انت اللي مشيتهم مش هم اللي ممشيينك و اوعي تروح ابوقير عشان تشتري سلاح هيتعمل عليك نحله انت تقولهم تعاله مش اجلكم متدخلش ابوقير للاي سبب غير لو ليك حد هناك ههههههههههههه انا من ابوقير و عرفهم واحد واحد هههههههههههه بس انا مش زيهم صايع انا الحمدلله جنب الحيط بس اعرف كتير صيع هههههههههههه

[bekhet]

الحمد للة إنها جت سليمة وشكرا لتحذيرك
بس هل تم القبض على هذا العضو

[احمد م]

الحمد لله جت سليمه

[hai_rak]

الحمد لله ربنا سترها

[mohamed salah hassan]

الف مليووون حمد الله على سلامتك والحمد لله جت سليمه وفعلا الاشكال الزباله كترت في كل حته وفعلا لازم لو حد هايشتري اي سلاح لازم يبقى في مكان عام ويكون معاه ناس تانيه مايروحش مفرد كده وطبعا يكون معاه سلاح وشكرا يا استاذ هوجن على تنبيهك للاعضاء

[darkshaft]

حلوه حتت الظابط ده،جدع،و الحمد ل الله ان محصلكمش حاجه،و ربنا يسترها معانا،ياريت بجماعه تليفونتنا تبقى مبينا و لا تعطى للغرباؤ او الجدد حتى نتأكد من النوايه.

[أحمد عطاالله إبراهيم]

المشاركة الأصلية كتبت بواسطة محب للصواعق

ايه يا باشا انت عمرك مسمعت عن ابوقير الصياعه و البلطجه و كل اللي نفسك فيه هناك انا من ابوقير و بقولك حظر منهم صيع بطريقه رهيبه اوعي تصدقهم لو حلفولك علي المصحف تصدقهم بس في حالة واحده لو هم اللي قالولك ماشي علي اي حاجه يعني لو انت اللي مشيتهم مش هم اللي ممشيينك و اوعي تروح ابوقير عشان تشتري سلاح هيتعمل عليك نحله انت تقولهم تعاله مش اجلكم متدخلش ابوقير للاي سبب غير لو ليك حد هناك ههههههههههههه انا من ابوقير و عرفهم واحد واحد هههههههههههه بس انا مش زيهم صايع انا الحمدلله جنب الحيط بس اعرف كتير صيع هههههههههههه

معلش بس كومنت صغير ..

انتا جاى من اول مشاركة ليك عالمنتدى تكتب هنا فى الموضوع ابو قير وصياعة وبلطجة وصيع بطريقة رهيبة وتعرف صيع ..

على ما اعتقد ان دى مش الفاظ تقال فى منتدى محترم .. وكمان اعتقد ان حضرتك اخطأت لما جيت هنا عندنا فى المنتدى ...

معلش انا اسف لو كلامى كان زعلك .. بس اتمنى ان حضرتك تراعى شوية انك فى منتدى محترم ..

تحياتى ..

[حاتم يحى]

اولا الحمدالله على السلامه ثانيا ياريت الاداره تبتدى فى تفعيل موضوع الكارنيه ويكون من ضمن الاوراق المطلوبه صوره البطاقه الشخصيه بعد الاطلاع على الاصل طبعا وبالتالى هيكون كافه البيانات عن العضو مكتوبه والمهنه والعنوان و لا نتعامل إلا مع الاعضاء من التجار الحاملين للكارنيهات حتى لا نقع فى دائرة النصب من البلطجيه والنصبين

[عبووود]

الف حمد الله علي السلامه يا هوجان باشا .. الحمد لله جت سليمه

[The_Guardian]

حمد الله علي السلامه يا كبير والحمد لله انها عدت على خيرر

[besho]

ليه انا بحب المنتدي بس انا 14 سنه ينفع ادخل عادي

[shadymageed]

الحمد لله جت سليمه وحمد الله على السلامه والمفروض محدش بيبع ولا يشترى الا للاعضاء المعرفيين وحمد الله على سلامتك يا هوجن

[دكتور عابدينوف]

المهم حمد الله على سلامتك ولا يهمك اى حاجة

[ابوجودة]

الحمد لله على السلامه
ده بنى ادم قليل الادب

[Gamo]

حمدالله على سلامتكو والحمد لله انها جت سليمه

[محب للصواعق]

المشاركة الأصلية كتبت بواسطة أحمد عطاالله إبراهيم

معلش بس كومنت صغير ..

انتا جاى من اول مشاركة ليك عالمنتدى تكتب هنا فى الموضوع ابو قير وصياعة وبلطجة وصيع بطريقة رهيبة وتعرف صيع ..

على ما اعتقد ان دى مش الفاظ تقال فى منتدى محترم .. وكمان اعتقد ان حضرتك اخطأت لما جيت هنا عندنا فى المنتدى ...

معلش انا اسف لو كلامى كان زعلك .. بس اتمنى ان حضرتك تراعى شوية انك فى منتدى محترم ..

تحياتى ..

احب اقول لحضرتك حاجه الواحد مش بمشاركاته في المنتدي الواحد بمعملته مع الناس و اخلاقه و يعني ايه اني عضو جديد او قديم مش انا انسان زيي زيكم ولا انا كائن تاني و انا جيت هنا اشتري و ابيع مجيتش عشان انصب علي حد او حد ينصب عليا انا جي هنا عشان سمعة المنتدي اللي مفيش زيها و مش حضرتك تكلم بالسان الكل او انت مش عيزني في المنتدي ده رئيك و من زوقك معرضكش عليه لاكن انا جي هنا اشتري و ابيع مش جي اقرفك و بصراحه كلامك زعلني اوي والله عمتاً انا قولت ايه خارج عشان تكلمني كده و تقولي انت في منتدي محترم منا عارف اني ده منتدي محترم شوفتني شتمت ملها كلمة صايع او بلطجي هم الكلمتين دول بقوا في قاموس الكلمات الخارجه ولا ايه سبحان الله علي الناس اللي بتقف علي الغلطه

[samraghost]

الف حمد لله على سلامتك بس بعد ازنك انا شايف انك غلطان بردوا انك تسمع كلام واحد ماتعرفوش وتسافر له كمان فى ظل الظروف الى البلد فيها والانفلات الامنى وكمان ظهور حاجات تبين عدم جديته زى انه يكلمك من كذا نمره مختلفه بس الحمد لله جت سليمه

انا بقى لسه عند راى وقلت الكلام ده من زمان قسم مقتنيات الاعضاء يا جماعه بيتعرض فيها حاجات لا تمت للصيد بصله اعتقد انه من الافضل يمنع وضع طلبات او عروض للاسلحه البيضاء كلها لان انا شايف ان كل المشاكل الى حصلت للاعضاء كانت من ورا الحاجات دى ومره تانيه حمدله على السلامه