حسن تجميع بندقيتك في عشرة دقائق
 

كتير من الصيادين بيقبلوا على البنادق التركي و الصيني و المصري علشان أسعارها مناسبه
و هي بنادق ممكن ببساطه و شويه تعديل تتحول لبنادق محترمه

أحد أهم العوامل في دقه البندقيه هو التاج الموجود على الفوهه
التاج هو عباره عن الجزء الواطي المؤدي لداخل الماسوره
زي الصوره دي:



http://oi35.tinypic.com/2sb3hbb.jpg




الهدف من الجزء الواطي هو الحفاظ علي طرف الشخشنات من النبعاج و لو ده حصل الدقه هتبوظ

المواسير على البنادق الرخيصه و بعض البنادق الغاليه بتيجي التاج عليها مش سليم
و ده مش بيبان للعين المجرده بس ممكن تتأكد منه بأدخال عصاه قطن من بتاعت تنظيف الأذن
لو الطرف معوج هيشد القطن و يشبك فيه و ده معناه دقه أقل

دي صور للجزء المقطوع من ماسوره بام 21:


http://i1240.photobucket.com/albums/...ps05f5aa92.jpg




التاج الأصلي الخارج من المصنع (جوده قليله) بينتش القطن:



http://i1240.photobucket.com/albums/...psaba033c4.jpg




الماسوره بعد القطع و بدون عمل تاج سيئه جدا:



http://i1240.photobucket.com/albums/...ps06ee7ac0.jpg





الماسوره بعد عمل التاج (ممتازه):





http://i1240.photobucket.com/albums/...ps4cc10912.jpg




طيب لو عندك ماسوره عاوز تعملها تاج تعمل أيه؟


الأول هات بنطة شنيور عريضه و ركبها و خليها تلف بالعكس يعني ماتحفرش
و حطها على الفوهه و لفها بحيث أنها ما تخرمش
و بعدين حط ورقه سنفره 200 بين البنطه و الماسوره و لفها بالعكس برده
و بعدين 400 و 800 و 1200
و لما توصل ل 1200 حط على السنفره بوليش بتاع العربيات

و في النهايه المفروض تكون بتلمع زي الصوره جرب موضوع القطنه تاني و شوف

أتمنى يكون موضوع مفيد و أتمنى الناس تجربه فعلا

رد: حسن تجميع بندقيتك في عشرة دقائق
 

موضوع رائع جدا يا استاذ كرم
ويستحق التقييم

رد: حسن تجميع بندقيتك في عشرة دقائق
 

جزاك الله خيرا اخى الكريم على هذا المجهود وهذه المعلومه بس ليا سؤال , انا شوفت مواضيع تلف التاج على اليوتيوب وكانو بيعملوا زى ما حضرتك عملت انهم بيقطعوا التاج القديم وبعد كده بالآت معينه يرجعوا يبردوه تانى ومحدش فيهم عمل بالصنفره فهل الصنفره مع الشنيور حتكون كفيله باصلاح التاج التالف ؟ وجزاك الله خيرا عن هذا المجهود الرائع .

رد: حسن تجميع بندقيتك في عشرة دقائق
 

السنفره لوحدها مش هتديلك نتيجه حلوه أوي بس هي كفايه
لازم تستعمل معجون تلميع العربيات (البوليش) و هيديلك النتيجه دي:


http://i1240.photobucket.com/albums/...s/0caf0540.jpg


لاحظ اللمعه الموجوده

و كمان فيه طريقه أسهل

أستعمل مسمار نحاس زي ألي في الصوره دي:





http://1.bp.blogspot.com/-vRL8Gtwdff...Screw-Slot.jpg



و ركبه في الشنيور بدل البنطه و تحط عليه معجون التلميع و تستعمله على طول منغير سنفره بس هياخد وقت أطول

و ياريت تتأكد أنه نحاس مش صلب لأن الموجود عند الموان بيكون سبيكه لونها أصفر بس هي مش نحاس

رد: حسن تجميع بندقيتك في عشرة دقائق
 

موضوع جميل تسلم ايدك

رد: حسن تجميع بندقيتك في عشرة دقائق
 

ما شاء الله عبقرى والله يا استاذ كريم انا ازاى مخدتش بالى من الموضوع ده غير دلوقتى طبعاً امتياز مع مرتبة الشرف

رد: حسن تجميع بندقيتك في عشرة دقائق
 

فوق الممتاز يا ديفيد
تسلم ايدك
على فكره فى بينا وعد وانت مكبر دماغك

رد: حسن تجميع بندقيتك في عشرة دقائق
 

مشكور يا كبير أحنا بنتعلم منك

رد: حسن تجميع بندقيتك في عشرة دقائق
 

يا باشا أنا مش مكبر ولا حاجه أنت قولتلي أن الظروف مش مناسبه و على العموم معاك رقمي بس أديني تليفون صغير في أي وقت

رد: حسن تجميع بندقيتك في عشرة دقائق
 

يا باشا انا فاضى ومقيم فى البيت ونمرتك للاسف ضاعت منى
شرفنى فى اى وقت

رد: حسن تجميع بندقيتك في عشرة دقائق
 

شغل عالى جدا