حسن تجميع بندقيتك في عشرة دقائق

[Karam]

كتير من الصيادين بيقبلوا على البنادق التركي و الصيني و المصري علشان أسعارها مناسبه
و هي بنادق ممكن ببساطه و شويه تعديل تتحول لبنادق محترمه

أحد أهم العوامل في دقه البندقيه هو التاج الموجود على الفوهه
التاج هو عباره عن الجزء الواطي المؤدي لداخل الماسوره
زي الصوره دي:








الهدف من الجزء الواطي هو الحفاظ علي طرف الشخشنات من النبعاج و لو ده حصل الدقه هتبوظ

المواسير على البنادق الرخيصه و بعض البنادق الغاليه بتيجي التاج عليها مش سليم
و ده مش بيبان للعين المجرده بس ممكن تتأكد منه بأدخال عصاه قطن من بتاعت تنظيف الأذن
لو الطرف معوج هيشد القطن و يشبك فيه و ده معناه دقه أقل

دي صور للجزء المقطوع من ماسوره بام 21:







التاج الأصلي الخارج من المصنع (جوده قليله) بينتش القطن:








الماسوره بعد القطع و بدون عمل تاج سيئه جدا:









الماسوره بعد عمل التاج (ممتازه):










طيب لو عندك ماسوره عاوز تعملها تاج تعمل أيه؟


الأول هات بنطة شنيور عريضه و ركبها و خليها تلف بالعكس يعني ماتحفرش
و حطها على الفوهه و لفها بحيث أنها ما تخرمش
و بعدين حط ورقه سنفره 200 بين البنطه و الماسوره و لفها بالعكس برده
و بعدين 400 و 800 و 1200
و لما توصل ل 1200 حط على السنفره بوليش بتاع العربيات

و في النهايه المفروض تكون بتلمع زي الصوره جرب موضوع القطنه تاني و شوف

أتمنى يكون موضوع مفيد و أتمنى الناس تجربه فعلا