اقتباس:
المشاركة الأصلية كتبت بواسطة consul
ربنا يلطف بينا...يا حبايب قلبي إحنا بقينا بلد مستهلك فقط وبقينا متلقين للمعونات وليس لنا تصنيع أي منتجات وبالتالي لا نصدر والميزان التجاري بالطبع ليس في صالحنا وعملتنا ليس لها أي وزن أو ثقل وغير مطلوبة وإحنا بنأكل بالدين وبنصرف من الإحتياطي الإستراتيجي...بكره ها نستورد الطماطم والليمون ومياه الشرب...يعني لاحصلنا بلد صناعية ولا حتى زراعية...عيدان الكبريت بنستوردها من باكستان والأردن تخيلوا..؟؟؟!...إبرة الخياطة وزراير القمصان والبيجامات بنستوردهم...إبرة وابور الجاز ورتينة الكلوب بنستوردهم...سجادة الصلاة والمسبحة والمصحف الإلكتروني بنستوردهم للأسف ومن فين من الصين...المصانع والصناعات الثفيلة ( المصانع الحربية والحديد والصلب في حلوان والغزل والنسيج في المحلة الكبرى والألومنيوم ) إللي إتعملت أيام عبد الناصر بعد الثورة وكنا بنصدر لجميع الدول العربية والأفريقية ماكانش في حاجة إسمها جنوب أفريقيا أو أي منافس لنا في المنطقة...كل هذه المصانع والصناعات إتقفلت وإتصفت وإتباعت بأبخس الأثمان بقدرة قادر على إيدين الراجل المبروك إللي كله بركه هو وحاشيته...وللأسف لسه في ناس زعلانة عليه وبتطلع مظاهرات تطالب بعودته وتسبح بأمجاده وتبكي على الخير إللي شفناه على إيديه وإتقطع بعد الثورة المجيدة...ألطف بينا يا رب...آسف حبايب قلبي للإطالة والإسترسال في الكلام...بس الواحد قلبه موجوع ومحروق من إللي حصل معانا ده وكنا مستحملين...وبناخد على دماغنا وساكتين...وبنؤثر السلامة في كل شيئ ويا ريت كنا عاجبين...حسبنا الله ونعم الوكيل...يمهل ولا يهمل...سبحان الله المنتقم العزيز الجبار المتكبر...ولا حول ولا قوة إلا بالله العلي العظيم...خالص تحياتي...
|
والله فعلا حاجة تحزن ربنا يرزقنا بالقادة الصالحين اللي يعدلوا المايلة