أحمد على عامل مشاكل

[ahmedmh_ali]

السلام عليكم

فى البداية بس عايز أعرفكم بنفسى :


الأسم : أحمد على

السن : 21 سنة

محل الأقامة : الأسكندرية

المؤهل : طالب فى السنة الرابعه و الأخيرة للمعهد العالى للخدمة الأجتماعية

مؤهلات أخرى : 365 شهادة معتمدة للغة الأنجليزية من السفارة الأمريكية و وزاة الداخلية و الهيئه العامة للسياحه من كل من : ibi / iwi / معهد كامبريدج / المعهد الثقافى الجماهيرى .
و اللغة الفرنسة و الأيطالية

العمل : صاحب مكتب تأجير سيارات ، جمرك الأسكندرية ، صاحب مكتب مقاولات عامة

الأب : مدير سابق مدرسة سيدى بشر الأعداية ( ربنا يرحمة و يغفر لة )

الأم : مساعد سكرتير وكيل أول وزاة التربية و التعليم



في ناس هنا تعرفنى و فية ناس جديدة لسة ، عموما بس أنا عامل الموضوع دة علشان الخاص عندى أتملى من الناس اللى بتشتكى منى ..

الموضوع بسيط جدا ، أنا عايز أوضح للناس ان أنا صريح و اللى عايز أقولة بقولة و أنا مليش مصلحة مع حد فالبتالى مش ح أخاف على حاجة ....

مثال بسيط :

واحد داخل يعمل أعلان عن حاجة تمنها 50 جنية ، و كتب عليها فى الأعلان 150 جنية فى ناس عارفة السعر الحقيقى و فى ناس متعرفش ، أنا لو شفت كدة و متكلمتش حيبقى ذنب اللى أشترى و أنا محذرتهوش دة فى رقبتى ...


- لا يا أحمد بس أنت بتدخل فى الأعضاء شمال ..
مش فى كل الأعضاء فى ناس كتيرة كلهم حبايبى و عمرى ما أقدر أغلط فيهم و لا أكلمهم وحش

- طيب مش يمكن أنت بتعمل كدة عايز تبوظ الأعلان و العرض بتاع الراجل
لا طبعا لأن فية ناس تانية معرفهاش و بتعمل عروض و بدخل أقولهم بالتوفيق و أجيبلة ناس تشترى كمان ، بس دة علشان بيراعوا ربنا فى شغلهم

- طيب لية فية ناس لما بتبعتلك على الخاص بتقولهم أشتروا من فلان و متشتروش من فلان
لأنى عارف دة بيبع أية و دة بيبيع أية ، و أنا مش ح أرضى لحد الأذى

- طيب الردود دى مش يمكن يا أحمد وراها مصلحه شخصية تتعلق بالمنتدى
لو فية مصلحه شخصية كنت بدل لما أتاجر برة كنت عملت عروض على المنتدى

- طيب مفيش حياد ؟
لا مفيش حياد ، اللى يعمل عرض كويس و يراعى ربنا ح أشيد بية للناس و أجيب ناس تشترى من عندة ، اللى يتجاشع و يستغل الناس ح أقف و أقول الكلام فى وشة و جوة موضوعه ، عمل بالكلام دة كان بها معملش ح أعرفة تانى و تالت ، أكتر من كدة هو حر بس أنا عملت اللى عليا

...... مبدأ أنى أتفرج و بس دة مش موجود ، الحق أحق أن يتبع اللى يستاهل كلمة الحق حنقولها ،و اللى ميستهلش كلمة الحق و بيتجاشع يستحمل ...

- طيب و نعرف منين الكلام دة ؟
دايما حتلاقوا العروض دى جاية من ناس لسة مشاركتها 10 -20 -100 كلهم لسة ناس مسجلة جديد ، أما الناس القديمة بتاعتنا عمرى ما أقدر أعيب فيهم لأنة مينفعش و ناس بتقول الكلمة و عارفة هى بتقول اية ..

- دة يمنع أنة لو عمل حاجة غلط مش حتقف ؟
لا طبعا لو عمل غلط ح أقف و لو عرفت أن فية واحد فكر يستغل الناس ح أقول و أكتب فى موضوعه أنة مش صادق فى السعر اللى كاتبة

- و حضرتك حتعرف منين يا أحمد باشا ياللى صدعتنا
أنا مورد و مستورد و مستخلص جمركى و أشتغلت فى كل دة ، و بالتالى أى تعديل فى السعر ح اعرف ، زى ما بردة أعرف الموزعين اللى بياخد منهم تجار المنتدى الأفاضل ..



.............. ويارجالة اللى عايز يشتكينى للأدارة يشتكى مرة و أتنين و تلاتة و يكمل شكوى لأخر عمرة لأنى بردة مش أسمح بكلمة حق تفوت من غير لما أقولها ..




- الأعضاء اللى أشتكوا من أسلوبى للأدارة مؤخرا :


استاذ ولاء ناصر / اللى كان عامل تحويل علبة الطلق من عادى ل بلى ب 50 جنية .. بقولك أنا أسف و بالتوفيق

أستاذ mr.x / اللى أشتكانى للأدارة علشان برد علية رد وحش ، كانت المشكلة أنة سرق عروض الأعضاء بنفس الكلام و طريقة الكتابة و الصور و حطها فى موضوع خاص بية ، و الناس دخلت قالتلة كدة لا و مينفعش و ميصحش و قال أنة مش حينقل من مواضيع حد دخل بردة عمل كوبى من مواضيع الناس و بأسعار عالية ولما دخلت كلمتة بيقولى ...

( و أنت شاغل بالك لية ) يعنى الأعضاء تشتكى ليا أنة أخد مواضيعهم ولما أكلمة يرد عليا كدة .

... عموما بقولك يا أستاذ mr.x الحرامى .. بطل سرقة علشان الأعضاء بتشتكى .

أستاذ زيكووووو / اللى عمل انقسام فى المنتدى بين رأيين أنة عامل عرض على التيرة البرازيلى ب 500 جنية ر غم أنها ب 50 جنية هو يعتبر مش مزود على السعر كتير هو زود صفر بس مش يامة يعنى الاعضاء زعلت أنى دخلت كتبت أنى عندى مطوة للبيع ب 25 ألف جنية ، رغم أن اللى أعترضوا دول هما هما اللى بيقولو كل واحد يحط السعر اللى هو عايزة و دة اللى أنا عملتة ..

عموما يا أستاذ زيكووووو بيع التيرة ال ب 50 ب 500 أنا أسف لحضرتك .. بس أنا عملت اللى عليا و كنت لازم أقول ..


و اللى الناس مش عارفاة ان فى ناس بتدخل من أكتر من عضوية ، و ناس تانية أحنا عارفين أنهم مش تجار و بيشتروا من تجار المنتدى حتة أو أتنين و يبعوها بردة على المنتدى و هيبقى مضظر يزود السعر علشان يكسب و لما تكلمة ياخدك فى سكة تانية و يقولك بتبوظ الموضوع بتاعى ..




اللى يتقبل الواقع بصدر رحب أديلة عينيا ، اللى حياخد الناس تجارة !! أديلة ... ولا بلاش ...


أتمنى أنى أكون وضحت الصورة للجميع و وضحت وجهة نظرى ، لو كان أنى بسبب اللى فى قلبى على لسانى وش فى ناس حتزعل ، معلش أستحملونى و أستحملوا غلاستى ..




تحياتى للجميع / أخوكم فى الله أحمد على باشا هههههههههههه...

( من لم يراعى حقوق من حولة ، لن يجد من يراعى حقة عندما تغفل عينة )

،،،،،،،،،،،،،،،،،،،،،