مشاكل بالفالترو 92

[عمرو-ج]

هذه أول مشاركة لي وأحب أن أبدأ بتحية الأعضاء لما ألاحظه من روح التعاون والكرم في تقديم النصيحة من كل الأعضاء
أشتريت مسدس فالترو 92 من 3 أسابيع، ومن اللحظة الأولي لاحظت أن شيئ ما غير طبيعي، فالبائع بعد أن وضع أنابيب الغاز وقام بربط المسمار السفلي، قام بالربط عليها بظرادية وعندما سألته عن السبب، قال بأنه يحتاج لقوة لخرم الأنبوبتين، طبعا الكلام دا ما دخلش دماغي ولكن يبدو أن هذه هي الطريقة الوحيدة إلا لو نصحني أحد الأعضاء بطريقة عملية أكثر.
المهم أنني بعد أن نفذت المجموعة الأولي من الأنابيب حاولت تغيرها ولكن كان الضغط دائما ضعيف حتي بعد تغيير 3 مجموعات أي 6 أنابيب وعند فكها لتغييرها يحدث تسريب كبير للغاز وهو ما يعني أن الأنابيب أو واحدة منهم علي الأقل تم ثقبها وأنها كانت ممتلئة، فعدت للبائع والذي غير المسدس بآخر جديد.
بعد ذلك واجهتني مشكلة النعليق (Jamming) واتضح لي أنها تحدث عند أستعمال الرش الجامو أبو بوز (pointed) ولا تحدث عند أستعمال الرش المسطح.
ثم بعد أن نفذت أول مجموعة أنابيب والتي قام البائع بتركيبها بنفسه، قمت بتغيير الأنابيب لتعود نفس المشكلة، ضعف الضغط وشكل الأنابيب بعد فكها يبدو غير مثقوب أو ربما يكون الثقب صغير جدا ومش باين.
إذا كانت هذه شكوي عامة فأرجو النصيحة حتي أقوم بإرجاعه وشراء مسدس آخر، وأعتقد أنه وعموما فالمسدس ضعيف جدا ولا يقارن بالوالتر CP99 (العادي مش ال كومباكت)

لو أي حد عنده خبرة أو نصيحة يحب أن يقدمها أكون شاكر جدا

[H_SRM]

السلام عليكم

بص ياباشا انا كان معايا الفالترو ورجعته كان فيه عيوب شوية بس غالبا هشتري واحد تاني لانه مبدئيا ناس برضوا بتشكر فيه جداً لقوته وصوته.

موضوع الربط بزردية ده بياع مع احترامي أي كان مش بيفهم حاجة اصلاً وياريت تقولنا هو مين لو سمحت علشان تحذر الناس منه لان الربط بالبنسة يعني انك هتخرم الجلب وتبوظها اصلا ده تخلف والله

الربط بيكون اربع او 5 لفات بالكتير بعد ما بتربط والربط بيبدأ يتقل بتسمع صوت فيسسس بتربط ربع لفة بالكتير المفروض الصوت يمنع والمسدس يبقى تمام معاك, وارد يكون القاعدة فيها جنب اعلى من التاني فبيخرم انبوبة وبتبات في المحبس والتانية لا .

ضعف قوته بيتهيألي فيه مشكلة عندك في المسدس او الانابيب لان المسدس معايا كان عيبه التنفيس وفي عز ما كان بينفس وقبل ما ارجعه بيوم كان بينفس والصوت عالي كنت بضرب الرشاية كانت بتخر الخشب 1.5 مليمتر على الاقل وترد ورايا وانا كنت واقف على بعد 7 متر فواضح ان الانابيب فيها مشكلة او المسدسات فيها مشكلة فالحل شوف انابيب من مكان تاني بياع يعني ماكنش والمشكلة ماتحلتش رجعه خالص وشوف عند بياع تاني

وعلى فكرة هو اقوى من الوالتر c99 وجلبه مش بتتغير زي الوالتر وكمان صوته اعلى وكمان الانبوبتين المفروض بيضاعفوا القوة وعدد الرشات, فانتقي فالترو كويس وباذن الله خير..
وربنا ييسرلك امورك

[xman]

الانابيب الغاز في مصر كلها صيني مضروبة و لا يوجد الاصلي الجامو 12 و 18 جرام او دايزي او كورسمان و سعات تلاقيها فاضية من الاساس فاحزر هزا العيب و لا تكره المسدس بسببه لو ليك حد بره حاول يجبلك الاصلي و هتنبهر من قوته

[hema777h]

روح بينو في الزمالك هتلاقي عندو كل حاجة

[elshemerly]

المشاركة الأصلية كتبت بواسطة hema777h

روح بينو في الزمالك هتلاقي عندو كل حاجة

ya basha ma3 e7teramy lekalamak Bino dah 7aramyyyy we ana asdy el kelma dy

[xman]

لايوجد لدي بينو الانابيب الاصلية و فعلا اسعاره غالية لكن الانابيب المضروبة سعرها 5 جنيه لديه

[hema777h]

اشتري من علي النت وامرك الي الله

[fidodido]

السلام عليكم
الاخوه الاحباء انا قريبى اشترى الفالترو 92 من الاستاز شريف ابو ضيف و الصراحه المسدس لحد دلوقتى بعد استعما 6 انابيب غاز لم نواجه مشاكل سوافىء فى التسريب او فى القوه و الحمد لله و الفالترو من احسن مسدسات الرش و لكن نعمل ايه فى ذمم بياعين الاسلحه النصابين
حسبى الله و نعم الوكيل فى كل ظالم

[عمرو-ج]

شكرا جزيلا لكل ردودكم القيمة، للأسف تسيت أن أختار أت أخطر في حالة الرد علي الموضوع ولذلك لم أر ردودكم سوي الآن.
موضوع الربط بالزرادية علي الرغم من أنه فعلا خطير ولكن للأسف إن لم أفعله فإن أنبوبة من الإثنين لا تخرم غير إن الضربة بالتالي تكون ضعيفة. ما أفعله هو أني بعد أن اربط يدوي لأقصي قوة فإني ألف بالزرادية ربع لفة ثم أفتح تاني قليلا ثم أربط تاني ووجدت أن دي هي الطريقة الوحيدة للحصول علي أقصي قوة.
سأحاول شراء أنابيب من النت ولنر الفارق بينها وبين الموجودة في مصر
المرة القادمة عند فك الانابيب لتغيرها سأري إن كانت أحداها لم تثقب وفي الحالة دي سأحاول وضع تخانة تحت الجديدة وأخبركم بالنتيجة

[عمرو-ج]

بالتجربة، توصلت للطريقة الصحيحة لتعبئة الغاز وبالفعل فالمسدس الان يعمل بكفائة. وايضا هذه الطريقة تضمن ثقب انبوبتي الغاز.
الطريقة بسيطة وهي بعد فتح مكان الانبوبتين، ضع الانبوبتان الجديدتان واقلب المسدس بحيث تصبح الماسورة موازية للارض واطرق بيدك علي اسفل مكان الانبوبتين (والذي الان سيصبح مواجه لاعلي) اطرق بقوة بكف اليد وسيبات بيت الغاز في مكانه ويصل القلاووظ الحاص بالربط في مكانه، ثم ارط القلاووظ باليد حتي احكام الربط
عندئذ سيعمل المسدس بكفائة ولكن المدي طبعا لا يقارن بال cp99 ولا ببنادق الرش، اي انه ملائم للدفاع عن النفس من مسافات قريبة لا تتجاوز حوالي خمسة امتار

[1stlotengargidrees]

علي فكرة هوا قوتة تقريبا زي الوالتر سي بي99 بالضبط
الاتنين شكلهم حلو
الوالتر بيدي القوة من انبوبة واحدو ولكن الفالترو من انبوبتيت اي ان الوالتر تكنولوجيا اعلي
الفالترو 14 رشة اما الوالتر 8 بس
هذة مقارنة سؤيعة
الفالترو ارخص حوالي 350 جنية
انا مازلت محتار بين الاتنين و خصوصا اني عندي والتر بي بي كيه و عاوز اغيرة بواحد من التنين لفرق القوة و الشكل و خصوصا الصامولة السفلية

[mohamad]

ياجماعه الوالثر احسن طبعاااااااا ماشاء الله المسدس صلب مش بلاستيك وكل حاجه فيه حديد ومبيسربش غاز خلص ولا بعد شهر او اكثر