بعض مهارات الصيد التى لا تمس الصبد بصله

[hoka]

المشاركة الأصلية كتبت بواسطة talha

لأ ده في حجة احسن لما يقولي عايز اضرب اصل انا كنت بصطاد مرة ولقيت شوية ولاد قاعدين يلعبوا كورة اول لما شافوني قالولي عايزين نجرب قعدت اقول لأ ومش هينفع وانا اصل ظابطها على حاجة معينة وكده قعدوا يتحايلوا عليه حسيت ان هم كمان شوية هيعيطوا هما كان عندهم بتاع 14 سنة ولو خدوها هيفضلوا يهوشوا بعض وكدة فقلتلهم ثوني اضرب اليمامه دي قالولي فين قلتلهم اهي على الشجرة مش شايفنها وقمت منشن وضارب وبعدين عمرة البندقيه بس منغير رش ومهدش فيهم عارف حاجة ولا اخد باله المهم قلتلهم انا موافق تضربوا بس مره واحده قالولي ماشي وبعدين اديتها لواد قعد يهوش في صحابه و كده وفي الأخر قالي هضرب على العمود كل ده والبندقيه مفيهاش رش قلتله ماشي قعد ينشن نص سااعة وببعدين ضرب قولتله ياااااه جت جنبها بالظبط المهم اللعبة عجبتهم فبقوا كلهم عايزين يضربوا فضلت اخدهم على قد عقلهم واعمرلهم البندقيه من غير رش واشتغلهم وجت جنبيها وانت بتعرف تنشن والكلام ده لحد لما جه راجل عجوز قعد يقول هتعوروا بع ومش عارف إيه قمت قايلهم شفتوا مش قولتلكوا و العيال بصولي كده وبعدين الراجل العجوز قعد يديهم محاضرة طبعا قمت واخد بعضي والبندقيه وخلعت\\\\\\\\\\\\\\\\\المشكله بقى في الراجل اللي يجي يقولك حرام ومش لما النبي دخل غار حراء كان في حمامة فوق الغار وهي الي خلت المشركين يمشوا ومش عارف ايه وتيجي ست عجوزة تبص لليمامة وتكون هتعيط وتقول مش دي ليها عيلة وحاجات كده دول ارد عليهم اقولهم إيه

السلام عليكم استاذ طالحه
هو حضرتك تصرفك صح بس ما فكرتش فى الضرر ع البندقيه؟؟
وتخيل لو انت ماشى ببندقيه عليها اسكوب ايه التصرف؟؟
بص يا افندم لو انا فى موقفك كنت شديتهم لحته تانيه خالص
مثلا بتشجعو اهلى ولا زمالك ...... طب تيجو تتمشو معايا وهكذا وحاول تبعدهم عن البندقيه طالما هاتضرهم او تضر البندقيه
نيجى لحكايه الراجل اللى يقولك اليمام حرام......... امسك الفيديو ده حطه فى موبايلك ولو شيخ اللى قالك حرام وريهوله

http://www.youtube.com/watch?v=gH69uwo4cUE

http://www.youtube.com/watch?v=gH69uwo4cUE

بالنسبه للى بتصعب عليهم كلمهم وقولهم طب ما الفراخ بناكلها وليها كتاكيت وهكذا وحاول تاخدهم على قد عقلهم وانت ما تعصبش نفسك او تضايق وخليك ريلاكس خالص علشان تعرف تكمل رحلتك
بس
لو فيه اى استفسار تانى ياريت تقولى وانا تحت امرك لانى حتى مريت بحالات بلطجه وغيره وكل حاله وليها تعامل بس زى ما قلت بلاش العصبيه لانها هاتؤدى لمشاكل او انك تستخدم البندقيه ضد شخص

المشاركة الأصلية كتبت بواسطة صياد الفجر

طبعاً هو موضوع جميل لخبرات التعامل مع أنى ليا تحفظ على الصيد و سط المدن السكنيه لأنه مهما لو كنت صياد فيه إحتمال تيجلى منك و تيجى فى عين حد ، و لكن من مبدأ ربك يسترها بنمشى و ده أنا مش معاه
شكراً للأخ حوكا على كتابة مقال طويل بإسلوب شيق لنقل خبرته و لكن أحبذ ان يخرج الجميع للصيد خارج المناطق السكنيه

صح يا افندم يفضل الصيد خارج المدن فعلا بس انا شخصيا اول ما عرفت صيد كان فى المدن علشان كده مكنتش اعرف يعنى ايه رحلات بريه بس كان نفسى اصطاد احجام طيور كبيره وخلاص
بس فيه حاجه مهمه جداااااااا انى اكتشفت ان اللى يصطاد فى المدينه هايقدر يتجنب اى حادثه ويخلى نسبه حدوثها صفر لانه اتعود على اقصى درجه من الحذر ده غير ان صيد المدينه بيبقى من مسافات وما تفتكرش انى بقف تحت المنشر او البيت واضرب بالعكس اليمام فى المدينه بيقلق بسرعه بسبب الحركه الدائمه وده بيخلينى اقدر اقرب منه واتعلم طباعه عن قرب وكذلك بيعلمنى اماكن الضرب واضرب اليمامه من اماكن معينه واكون مجبر عليها علشان الخلفيه وكده وبالتالى هاكتشف تاثير الرشايه فى المنطقه ديه بالذات وهكذا
بس انا مع حضرتك وبنصح اصحاب البنادق العاليه والمبتدئين بعدم نزول المدن فعلا لان لازم التدرب الاول
شكرا جزيلا يا افندم على نصيحتك الغاليه وشكرا لكلام حضرتك

المشاركة الأصلية كتبت بواسطة koktal

ما شاء الله عليك يا د/ حوكا .. الكلام ده مهم جدا جدا .. ربنا يباركلك على النصح والإرشاد ..

العفو يا افندم ده واجب عليا ومعلومات ما اقدرش ابخل بيها علي حضراتكم بس والله اللى اخرنى اقولها انى مفيش حاجه لفتت نظرى الى ان فيه البعض ميعرفهاش بس

سلام عليكم