يمام بالبطاطس من صيد يوم الجمعة 13-8-2010

mimic · 10-08-16, 01:33 AM

يوم الجمعه لما محمود خلا بيا ههههههههههههههه وراحت عليه نومة قلت والله منا ساكت رحت طلعت يوم الجمعه الساعة 2 ونص الضهر بعد الصلاة وكانت الحصيلة 5 يمامات من ضمنهم وحدة ملقتهاش ... المهم رحت نزلت عند ألماظة وعند اقرب فرارجي قلتلو نضفلي اليمام ده .... المهم النهرده طلعتو وقلت للمدام تعملهولي على الفطار ..... بس اوعا وشك والله كنت هاكل صوبعي وراه واليكم المقادير ومن ثم الصور....
1- عدد 4 يمامات
2- عدد اتنين بصلة مبشروين لزوم التتبيلة
3- عدد واحد بطاطساية مقطعة حلقات لا تخينة ولا رفيعة
4- عدد 2 حبات طماطم مضروبين في الخلاط لزوم الدهان على اليمام
5- 3 ملاعق صغيرة فلفل أسود
6- عدد 3 ليمونات لزوم العصر على التتبيلة واليمام
7- ملعقة ونص ملح لزوم التتبيلة
8- ملعقتين خل ابيض

الخطوات : يوضع البصل المشور وعليه الفلفل الأسود وعليه الملح وعليه الخل ويقلبو في الصينية اللي هتحطوا فيها اليمام بشكل جيد .. ومن ثم تقطع البطاطساية الى حلقات وتوضع في الصينية وتقلب مع التتبيلة .. يوضع ايمام وتقلب عيه التتبيلة ويبقا كلو عايم في كلو ويا سلام لو اتحشت اليمامة من دول بالتتبيلة اللي معمولة ...

يدهن اليمام بالطماطم المضروبة في الخلاط وكزا كل الصينية يعني بالعربي ادلقو عصير الطماطم اللي انضرب في الخلاط
يوضع اليمام على النار على اي عين ويفضل العين المتوسطة في البوتاجاز لمدة 20 دقيقة
علشان ينزل ميته ويشربها تاني ملاحظة مهمة : انا لم اضع زيت خالص او سمن اعتمدت على انو هينزل ميتو ويشربها تاني ..

بعد ما تلاحظو ان المية بتاعتو قربت تنشف حطو كوباية ميه يدوبك يبقا الميه قبل حافة الصينية بي 3 سم يعني يكون اليمام مش متغطي كلو ..

المهم نسيب اليمام يغلي تاني في ميتو وبعدين بعد ما ياخد غلوتين في المية نقوم مغطيينو ونوطي عليه وكل شويه نشوف لو ميتو قلت نزود ميه شويه المهم بعد كده اول لما تستوي اليمامات الحلوات ... نروح نحطهم في الفرن علشان يخدو وش تشويحة ويحمرو وبعد كده بالهنا والشفا وجنبيهم شويت رز بالشعرية وكوباية قمر الدين ..........
دي اول صورة قبل دهن عصير الطماطم عليها

ودي الصورة التانية اللي بشاور فيها بصباعي على مكان اختراق الرشة لليمامة هههههه

ودي آخر صورة لصنية البطاطس باليمام بس محطتش الصورة الاخيرة لني بصراحة نسيت اصورها وهيا مستوية لأني انتو عارفين الجوع كافر ومع اول كلمة الله اكبر للمؤذن الواحد كان واكلو يمامتين

10-08-16, 01:33 AM	#1
mimic صياد متفاعل تاريخ التسجيل: Jul 2010 المدينه: مدينة الشروق المشاركات: 230 معدل تقييم المستوى: 7	يمام بالبطاطس من صيد يوم الجمعة 13-8-2010 يوم الجمعه لما محمود خلا بيا ههههههههههههههه وراحت عليه نومة قلت والله منا ساكت رحت طلعت يوم الجمعه الساعة 2 ونص الضهر بعد الصلاة وكانت الحصيلة 5 يمامات من ضمنهم وحدة ملقتهاش ... المهم رحت نزلت عند ألماظة وعند اقرب فرارجي قلتلو نضفلي اليمام ده .... المهم النهرده طلعتو وقلت للمدام تعملهولي على الفطار ..... بس اوعا وشك والله كنت هاكل صوبعي وراه واليكم المقادير ومن ثم الصور.... 1- عدد 4 يمامات 2- عدد اتنين بصلة مبشروين لزوم التتبيلة 3- عدد واحد بطاطساية مقطعة حلقات لا تخينة ولا رفيعة 4- عدد 2 حبات طماطم مضروبين في الخلاط لزوم الدهان على اليمام 5- 3 ملاعق صغيرة فلفل أسود 6- عدد 3 ليمونات لزوم العصر على التتبيلة واليمام 7- ملعقة ونص ملح لزوم التتبيلة 8- ملعقتين خل ابيض الخطوات : يوضع البصل المشور وعليه الفلفل الأسود وعليه الملح وعليه الخل ويقلبو في الصينية اللي هتحطوا فيها اليمام بشكل جيد .. ومن ثم تقطع البطاطساية الى حلقات وتوضع في الصينية وتقلب مع التتبيلة .. يوضع ايمام وتقلب عيه التتبيلة ويبقا كلو عايم في كلو ويا سلام لو اتحشت اليمامة من دول بالتتبيلة اللي معمولة ... يدهن اليمام بالطماطم المضروبة في الخلاط وكزا كل الصينية يعني بالعربي ادلقو عصير الطماطم اللي انضرب في الخلاط يوضع اليمام على النار على اي عين ويفضل العين المتوسطة في البوتاجاز لمدة 20 دقيقة علشان ينزل ميته ويشربها تاني ملاحظة مهمة : انا لم اضع زيت خالص او سمن اعتمدت على انو هينزل ميتو ويشربها تاني .. بعد ما تلاحظو ان المية بتاعتو قربت تنشف حطو كوباية ميه يدوبك يبقا الميه قبل حافة الصينية بي 3 سم يعني يكون اليمام مش متغطي كلو .. المهم نسيب اليمام يغلي تاني في ميتو وبعدين بعد ما ياخد غلوتين في المية نقوم مغطيينو ونوطي عليه وكل شويه نشوف لو ميتو قلت نزود ميه شويه المهم بعد كده اول لما تستوي اليمامات الحلوات ... نروح نحطهم في الفرن علشان يخدو وش تشويحة ويحمرو وبعد كده بالهنا والشفا وجنبيهم شويت رز بالشعرية وكوباية قمر الدين .......... دي اول صورة قبل دهن عصير الطماطم عليها ودي الصورة التانية اللي بشاور فيها بصباعي على مكان اختراق الرشة لليمامة هههههه ودي آخر صورة لصنية البطاطس باليمام بس محطتش الصورة الاخيرة لني بصراحة نسيت اصورها وهيا مستوية لأني انتو عارفين الجوع كافر ومع اول كلمة الله اكبر للمؤذن الواحد كان واكلو يمامتين __________________ إني اخاف من النساء اكثر من الشيطان لأن سبحانه يقول في سورة النساء ( أنَ كَـيْـدَ الشيطانِ كان ضعيفاً )) و في سورة يوسف (( إن كيدَكُـن عظـيم )). و لا تتخيل كل الناس ملائكة فتنهار أحلامك…..ولاتجعل ثقتك فى الناس عمياء لأنك ستبكى يوما على فرط سذاجتك.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بعض الصور من رحلة الجمعة 16-7-2010	momo44	صور وفيديو الصيد ورحلاته	13	11-02-17 08:50 PM
مقناص حمام قمري بتاريخ 21/8/2010	ديانا	الصيد بالصقور	5	10-09-14 02:35 PM
رحلة صيد الجمعة 30/7/2010	Abdelrahman Anwar	صور وفيديو الصيد ورحلاته	12	10-08-09 07:11 PM
رحلة صيد يوم الجمعة 30/7/2010	madkour	صور وفيديو الصيد ورحلاته	10	10-08-03 04:02 PM
صيد البغبغان ( الجمعة 16/4/2010)	noricawy isa	صور وفيديو الصيد ورحلاته	25	10-05-14 12:37 AM