|
| الإعلانات |
|
|||||||
| الموضوعات العامه الموضوعات الغير متعلقه بالصيد. |
|
|
أدوات الموضوع | إبحث في الموضوع | انواع عرض الموضوع |
11-11-20, 04:23 PM
|
#1 |
|
صياد متقدم
تاريخ التسجيل: Nov 2011
المدينه: القاهرة
المشاركات: 936
معدل تقييم المستوى: 10  |
بدون عنوان
السلام عليكم ورحمة الله وبركاته
النهاردة وانا رايح الكلية..مأخدتش معايا غير شنطتي الكروس الصغيرة اللي عليها علم النادي الأهلي مأخذتش كتب و? اي حاجة تاني.....ولبست جاكيت تقيل تفتكرو ليه عملت كل دة طبعا عشان اطير عالتحرير بعد الكلية اشوف ايه الاوضاع هناك واحد هيتسائل طب ما كنت تشوف في التلفيزيون وتقعد وتشرب الشاي وتريح دماغك وتقعد زي الباشا ردي عليك هيكون في السطور القليلة القادمة انا ركبت ميكروباص ورحت عالتحرير من خلال شارع قصر العيني طبعا اول حاجة ?حظتها الميدان مقفول بالطبع زحمة كتير جدا جوا الميدان نزلت ودخلت لغاية ما رحت عند ناصية شارع محمد محمود بالتحديد لقيت زحمة جدا عند الناصية وناس بتصور بالموبايل،.......مفهمتش في ايه سألت واحد في ايه جوا....قالي ادخل وانتا تشوف....... دخلت لقيت ناس على كذا حال.....اللي واقف على سور الجامعة الأمريكية بيتفرج ويصور.......وشوية موتوسيكلات بتروح وتيجي مفهمتش دي بتاعة ايه و? بيعملو ايه لكن بعدها فهمت وسأشرح ?حقا ولقيت ناس راجعة من جوا وشايلة ناس على كتفها مغمى عليها وناس تانية ماسكة راسها متعورة جامد وناس كتير جدعان واقفين ب ازازات خل وبيبسي وكو? عشان يغسلو للناس وشهم انا دخلت جوا زيادة لقيت فجأة عربية امن مركزي طلعت من شارع جانبي وقاعد فوقيها واحد ماسك حاجة زي رشاش مدفع او بندقية كبيرة.......انا مستوعبتش الموقف لقيتو موجهو عليا والناس كلها جريت من حواليا .......حسيت الزمن وقف قلت خلاص انا ميت ميت راح ضرب لقيت حاجة كبيرة طالعة وجت ف كتفي وانا بلف وبجري عرفت انها قنبلة غاز مسكتها ورميتها عليه بعد ماسديت مناخيري وجريت وببص لقيت ناس من البلكونات بيحدفو ازايز بيبسي عليه وعلى عساكر الأمن المركزي راح ضرب عليهم قنابل وهما في البلكونات!!!!!!!!!!!!!!!!! جريت انا ورجعت مع الناس لقيت واحد ماسك ازازتين مولوتوف وواقف بقولو مستني ايه قال مستني الموتوسيكل ياخدني.........اتاريهم بيركبو الموتوسيكلات ويروحو يحدفو المولوتوف على الأمن المركزي ويرجعو جري طبعا انا راجع من جوا لغاية نص الشارع مش قادر عنيا بتدمع كتير جدا ولغاية دلوقتي بتدمع(لسة خارج من التحرير من 5 دقايق وانا في المترو بكتب المقال دة) ومناخيري بترشح جامد لقيت الناس اللي معاهم خل وبيبسي بيلحقوني وبيغسلولي وشي ولاد وبنات والبنات اكتر لان الولاد بيتقدمو خلاصة القول........في ثورة تانية.......دي مش طريقة ردع انا كنت بموت جوا من الاختناق ما بالكو بالشيوخ والعواجيز......الناس بتموت فعلا جوا انا نزلت ?ن متأكد ان الحقيقة غير التليفزيون عشان كدة نزلت اشوف انا كنت داخل مسالم لكن اللي خلاني ارمي القنبلة عليهم انو استقصدني وضربها فيا!!!!!!!!!!!!!!!!!!!!!!!!!! طب ما كان يضربها في الجو زي ما بيضربها وبعدين تنزل في اي مكان طالما المجلس هيستمر في ردع الناس بالطريقة دي في ثورة تانية هتحصل وخدوها مني كلمة.....الناس دي مش هتروح بيوتها اسف على الأطالة محمد مجدي....... |
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مطلوب عنوان الشيخ مجدى الاسكندرية | Mina | سوق المنتدى | 0 | 11-04-05 07:00 PM |
| يا جماعه انا عايز عنوان محل الأهليه للأسلحه | eng-ahmed | محلات الاسلحه وادوات الصيد | 2 | 11-02-17 10:05 PM |
| عنوان محلات السلاح | غريب عن الدنيا | محلات الاسلحه وادوات الصيد | 1 | 11-02-11 06:50 AM |
| عنوان بندقيتك ايه | المستشار | بنادق ضغط الهواء ومتعلقاتها | 9 | 10-09-02 03:09 AM |
العرض الشجري