|
| الإعلانات |
|
|||||||
| مقتنيات الاعضاء مقتنيات الاعضاء الاخرى الغير متعلقه بالصيد. |
|
|
أدوات الموضوع | إبحث في الموضوع | انواع عرض الموضوع |
12-05-04, 08:41 AM
|
#1 |
|
صياد نشيط
تاريخ التسجيل: Apr 2011
المدينه: Cairo
المشاركات: 364
معدل تقييم المستوى: 7  |
الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
بسم الله الرحمن الرحيم كل الي بيشتري ساعه او نظاره او عطور وماشابه بيخش في دوامه صنعها تجار السوق المصري من المسميات الوليده على المجتمع البسيط .. وحتى مؤخرا الطبقات الراقيه لما تيجي تشتري حاجه بيصدعوك .. اول كلمه ( بص يا باشا دي اصلى .. اصليييييييييى ) الاجابه النموذجيه :- ( خليهالك يا باشا ) ليه بقه .. لان ببساطه شديده جدا مفيش حاجه اصلى هتتباع بره توكيلها .. لان الشركه المنتجه ليها مش هتضيع مجهودها وتديه لحد يستغل علامتها التجاريه للتجاره باسمها بدون عوده نفع ليها دا غير انو في استغلال وانتهاك للربح بتاعها .. امال هوه جابها منييييين دي زيها بالظبط ؟؟؟؟ الاجابه المنوذجيه :- من سابق تعاملي مع مستوردين خلال الفتره انه كان لهم الشعب الصيني العظيم هو كلمه السر لكل المنتجات .. ايطالى .. سوسري .. لمانى .. فرنساوى . احب اطمن الشعب انه لمن ولن توجد اي سلعه اوروبيه داخل السوق المصري من حوالى سنتتين تقريبا ..  لان الجمارك بقت اصعب ما يمكن في الفتره الاخيره من الدول الاوروبيه بمعنى ان حضرك لو تاجر بتدفع حوالى 31 % من قيمه المنتج جماراك يعني قيمه المستورد + 31 % من تمنه ... غير كده الاستيراد بتدفع من اوروبا بتدفع تمنه بالعملات الصعبه ( الدولار - اليورو ) ( يعني سعر الدولار الي معاك زاد اهو راح عليك واشتريت بيه والمكسب ليهم هما طبعا ) اما اذا الشعب الصيني العظيم ... اولا : مبتتعاملش مع محلات بعينها .. في مصانع وورش شبيه بما يسمى عندنا بمصانع تحت السلم .. الي تطلبه تجده مكتوب عليها بقه .. محفور عليها ... دا كله كلام قونطه .. لو عايز تحفر على الميه made in Tanta هيعملهالك ... وبالجوده الي انت تحددها خلق النوع ده من الصناعات عندهم مسميات اتنقلت لينا بحكم الاستيراد شبه الدائم هذا المنتج .. كوبي :- المنتج متقلد بأبسط الامكانيات الممكنه مثال : لو ساعه مثلا ماركه هتلاقيها في حدود 10 - 70 .. وعدادات مش شغاله وكده ( شعب العتبه العظيم ) وغالبا مايكون اسم الماركه غلط يعني RayBan تبقى RayDan ..... تدي نفس الشكل اهو بس مش هيا خالص ولا ليها اي علاقه هاى كوبي :- المنتج متقلد بامكانيات تطابق المنتج شكلا وامكانيات .. وليس مضمونا مثال : الساعه عداداتها شغاله واسم ماركتها مكتوب بس الخامات اقل من وجوده الاصلى قليلا .. وهتلاقيها من غير علبه الاصليه او فيها اختلاف بسيط ..من الاخر يصل لك المنتج من غير شكله النهائي بتاع الاصلي او مثال : في نظارات بتبقى نازله السوق معاها جراب ومنديل والكتلوج لكن ممعهاش علبه فرسـت كوبي او كوبي اوريجنال :- هو نسخه طبق الاصل متفرقهاش الهوى عن الاصليه .. ومصنوعه من نفس الخامات الاصليه .. وبنفس مواصفات ومعايير الجوده .. والكماليات حتى انه للاسف الكثيرون من ضعفاء النفوس يبيعونها على انها الاصل وغالبا ما تدخل مصر عن طريق التهريب على هيئه مواد غذائيه .. ادويه اي حاجه جماركها بسيطه اوى .. او تكاد تكون معدمه مثال : الساعه ,, جايه .. بالعلبه والمنديل والكتلوج والجراب الكيس زي بتاعت التوكيل بالظيط الفرق الوحيد هو عدم وجود ضمان بقي الشيء الاخير والنادر وهو ستوك اوريجنال دا برده زى الاصلى تماما بس متقلد في بلده وليس في الصين وده بيجي ايضا تهريب من الخارج لو تعرف حد عايش بره مثلا .. نقطه اخره في غايه الاهميه :- ليس كل محلات الكبييره والمولات لديها الاصلى مثال :- من اشهر محلات النظارات في مصر ولا داعي لذكر اسم من المفترض ان لديه توكيل ماركات معينه المحل ده كل سنه بينزل كولكشن نظارات في التخفيض بيكون سعر النظاره قبل 1300 ج وبعد 400ج علما بان سعرها على النت من شركتها نفسها بدون جمارك 200$ فهوى بيجيب في الاول شويه ويلتزم وبعد كده بيلجا للطرق السابق ذكرها الموضوع خاص بمنتدى الصيد في مصر ولايسمح بالنقل
وارجو التثبيت لتعم الفائده والتقييم امانه 
__________________
يارب خير
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| نظاره فرست كوبي ايطالى | AGM | مقتنيات الاعضاء | 12 | 12-03-30 03:29 AM |
| نظاره ريبان رجالي .. فرست كوبي | AGM | مقتنيات الاعضاء | 31 | 12-03-01 03:26 AM |
| بالاسكندريه Ice Watchللبيع ساعات فرست كوبى | ALEX2012 | مقتنيات الاعضاء | 0 | 11-12-09 03:41 AM |
| للبيع Power Balnce اصلى و فرست كوبى | ranier | مقتنيات الاعضاء | 9 | 11-10-23 11:09 PM |
العرض الشجري